CHAPITRE CCXXX

La prinse de Montfort.

Pendant le temps de ceste conqueste , plusieurs monopoles , menteries et commotions de peuple se firent en Hollande , au pourchas et faveur du seigneur de Montfort contre le roi des Romains, monseigneur l'archiduc , son fils et ses pays et seigneuries. Quant le duc de Zassen , qui lors prospérait en armes , et à qui riens n'estoit impossible , fut adverti de telles séditions , il fit tirer son armée celle part , et fit assiéger , battre et dilapider la ville et chasteau de Montfort. Aucuns disent que la dame estoitlorsenla ville , et son mari en une sien ne place environ une lieuwe près. Les gens d'armes qui dedens estaient se deffendirent vigoreusement , et monstrèrent bien qu'ils n'estoient oiseux ne de lâches corages en la prinse d'ung boivert qu'ils soustenoient contre les assiégeans^ car l'assault fut horrible et la perte grant d'ung costé et d'aultre; mais

p49°) DE JBÀN MOEINET. 1 35

finablement ii fut conquis par les Allemans, qui excédèrent la force des assiégez ; et pour ce- que ledit bolverd servoit la ville d'eauwe doulce, ceulxde Montfortse trouvèrent en grand déconfort, voyans la perdition tant de leur fort bolwert comme de leur eauwe, qui estoit taverne aux poures gens; et à ceste cause, légièrement se condescendirent à reddition. Et porta l'appoinctement, que les manans et babitans de la ville se rendraient en leurs chemises, gens d'armes leurs corps et biens saulvez. Ceulx qui vouldrent faire serment au duc de Zassen , au nom du roj , furent receusy et le seigneur de ftfontfort fit serment au roy et à monseigneur l'archiduc et leur promit fidélité , et fut tellement astraitict , que si jamais recidivoit en sa querelle que pis auroit , ladite ville et chasteau de Montfort seroient confisquez es mains de mondit seigneur l'archiduc.

Ceste reddition fut faicte environ la mi-^oust , an dessus dict-