CHAPITRE CCXXIX

L'exécution qui fat faicte du bastard de Bellamont , et des piteux cas qui

eu ces temps en advindrent.

Le bastard de Bellamont, le capitaine Suris, ensemble un tas de malvais garnements en temps de guerre , fort troublé et plain de grande tempeste, avoient faict tant de pillades, captures et déprédations es limites, pays voUins et frontières de France, que quand la très désirée et clère lumière de paix fut espandue en ces marches , ils ne sevouloient abstenir de courrir, ravir et pillader comme dessus; et de faict s'eslongèrent de leur place, s'embuschoient en divers boscai^es , se lenoient sur cheminS royaulx et aultres grans passaipou r espier les* bons marchands al lans et venans es foires d'Anvers et Bruges, et quand ils avoient coeilliet proye à volunté retournoient de nuict à travers des bois , hayes et sentiers incongneus , et rentraient comme font loups en leurs tannières, au chasteau de Bellamont, qui lors estoit comme réceptable ou vasseau de furt, murdre, larchin et exécrable tyranuie,et illecqà manière de loups famils despouilloient, tondoient et escorchoient les gras moutons; et les simples aigneaux eslongiez de leur bergerie, pour trouver pasture et herbaige à soustenir le bien publicq.

(*49°) DE JBAH M0LIUET. l?g

La murmure de leurs courses , exactions et insolence s'espandit en plusieurs lieux , tellement que marchandise par terre ne pooit avoir' son train accoustumé , pour les achappements que leur faisoient les mauvais sattrappes , et estaient les boustiques et estaulx des franches festes fort dénuées de marchandises, de vendeurs et d'achepteurs, par ce maldit colombier de Bellamont, ou faulx renards se tenoient. Grosses complainctes et à grans personnaiges , se firent dudit bastard et ses complices ; et sur tous aultres , en estait fort chergié Anthoine Rollin chevalier , seigneur d'Aymeries et grant bailli de Hainault, tant à cause de son office , comme pour ce que la place dudit Bellamont estoit assez près de son chasteau d' Aymeries, pourquoi il y debvoit plutost remédier, et ne debvoit souffrir ne tolérer telles déprédations préjudiciables au pays de Haynault; mais pour anéantir et estaindre la murmure et détraction que le commun populaire a toujours accoustumé de faire sur nobles gens , ledit seigneur d* Aymeries y besongna si rudement, et par train de justice, que les marteleurs et meutins s'en debvoient par raison contenter.

Dont pour provision mectre à sa bonne intention , icelui , accompaignié d'aucuns nobles de Haynault, par le conseil desquels il furnit son emprinse, fit amas de trois à quatre cens compaignons, bien en poincts et fort accoustrez, qui subitement assiégèrent ledit chasteau de Bellamont ,

Ghhowiqubs T. XLVl. — J. Molihbt. IV. 9

l5o CHKONIQUBS ( l 49*>

où ledit bastard et ceulx de sa bende firent leurs grandes larronneries* Et pour ce que aucunement pensoient estre durement resveillez comme ils furent , édifièrent ung taudis devant la porte par laquelle ils cuidoient estre préservez et garantis de mortel inconvénient. Mais les assaillans, qui avoient aucunement advironné la place, eurent advis de cherger ung bacquet de secque buisse, estrain , harpon , pouldre de canon , oille et matière tost combustible , puis ledit bacquet fut lanchié dessoubs le pont, et à force de feu et de flambe t fut le taudis légièrement consumé , ars et bruslé , tellement que nécessité leur fut habandonner et retirer en leur fort. Mais ils furent tant vistemenl servis de serpentines et aultres bastons à pouldre , qu'ils ne sca voient à quel bout entendre, et firent signe de voloir parlementer et requerrir appoinctement.

En ce temps pendant que le traictiése faisoit, environ vingt des assaillans trouvèrent manière de caver une rayère par laquelle ils entrèrent ens , et prindrent ledit bastard et ses satellites et mauvais garnemens, en nombre de huict, si les emmenèrent en la ville de Mons. Ledit bastard , son procès faict pour ses démérites, fut décapité de nuict sur les terrées de Mons, et les aultres sur les bruyères , et par justice publiquement exécutez.

Peu de temps ensuivant, messire Adrien de Rassengbien , qui longtemps a voit mainé les Gant bois à sa volunté , s'estoit allié et confédéré par serment

(i4go) DE JEÀW MOLIHBT. l3l

solempnel et promesse à messîre Philippe de Clèves, tenant parti contre le roy des Romains, se desjoindi de soa alliance et fidélité, au desceu dudît messire Philippe, fit son appoinctement au roy , favorisant pour coeillier aucuns desniers en Flandres. Messire Philippe , adverti de sa deflealte, fort mal content de la rompture de leur compromis , lui fit sçavoir par le bastard Theranie , qu'il fusist sur sa garde , et que bien s'en vengeroit. Messire Adrien ne monstra semblable crainte, et mit le tout en non chaloir ; mais peu de jours après monta à cheval, lui cinquième de ses gens, se partit de Gand par ung samedi, environ six heures au soir , pour tirer vers son hostel ; et quant il fut eslongié environ une demie lieuwe, quinze ou seize compaignons de guerre , bien montez et préadvisez de leur faict , s'escrièrent : « À la » mort ! » chergèrent sur lui , le navrèrent de plusieurs plaies mortelles , et fut par eulx piteusement occis , et sépulture à Rassenghien , et à petit luminaire et à petite solempnité, non guaires plaint ne laïnenté de plusieurs gens.

Environ ce temps , le duc Renier de Lorraine traveilla durement , par manière de siège volant , la cité de Metz, et adommaigea fort le .val d'icelle. Les seigneurs de la ville se tindrent fort munis de gens de guerre pour y donner résislence, car oultre les souldoiers ordinaires, coeillièrent , retindrent et gaignèrent plusieurs compaignons adventuriers, comme ceulx de la garde du i*oy des Romains, au-

i5a CHRONIQUES (*49*)

très, lesquels par force d'armes, virillement s'employèrent à la tuitioo de la ville. Et après que la guerre eust duré puis l'entrée de quaresme jusque à la Sainct-Jehan , au grand dommaige et perte d'ung quartier et d'autre , le différent d'iceulx fut mis sur l'archevesque Je Trêves et autres princes de l'empire.