CHAPITRE CCXL

L'entrée du très victorieux et très resplendissant prince dom Fernande , roy de Castille en la cité de Grenade , par lui conquise sur les infidèles.

Après que le roy dom Fernande de Castille el d'Espaigne , la royne son espouse , ensemble plusieurs nobles princes chresptiens , eurent tenu siège l'espace de sept ans devant la très opulente , grande et renommée cité de Grenade , possessée lors des Mores infidèles , et que icelle cité, par haulx , chevaleureux et divers exploicts d'armes eust esté victorieusement oppressée jusques à l'extrémité d'estre totalement déserte et niise au dernier supplice , le roy maurus qui la deffendoit comme son héritaige , se voyant sans secours , sans vivres et sans espoir de longue durée, tint parle-

049») DE JEAN MOLINET. l85

ment avec les nobles de sa secte, ses faulteurs et adhérens, qui, par meure délibération , conclurent eulx rendre et baillier leur cité es mains du roy d'Espaigne dessus dit, auquel pour ce faire ils envoyèrent leurs ambassades,

Le roy les receut agréablement, et se condescendit facilement , et pour trois raisons , à ce qu'ils proposèrent. Première , que le temps , comme il est en hiver, estoit fort pluvieux, mal convenable à tenir siège ; secondement , il désir oit éviter effusion de sang humain , ce que possible n'estoit de faire s'elle estoit emportée de force ; tierchement, il vouloit préserver les grans et sumptueulx édifices de la cité, où il y a cinquante mille notables maisons entre les autres de commune sorte , et soixante dix mille testes armées , dont grand dommaige seroit si, par feu et par fer, tant les édifices comme les humaines créàteures estoient destruictes , desfaictes et anichillées. Finablement, après plusieurs conflictz, assaulx , reboutemens et rencontres vaillamment achepvez par les chresptiens, la paction , appoinctement et concorde fut concluse le jour madame Sainte-Katelinè , vingtcinquième de novembre, l'an mil quatre censquatre vingts et onze. Se convindrent ensemble Chresptiens et Sarrazins de telle manière que le roy maurus de Grenade bailleroit et deslivreroit au roy Fernande d'Espaigne , tant la cité coqime alpusaraire, toutes les forteresses, chasteaulx, portes, tours et édifices d'icelle place, avecq cinq mille

l86 CHUQNIQUES («49»)

vassaulx en lieu seur, champestre (et non meurez, comme sont barons , subjects et vassaulx , soubs la domination de sa majesté royale ; il renoncheroit au filtre de roy de Grenade à perpétuité, sans jamais prendre ne usurper nom de roy , et promit de expeller tous souldoiers et gens de guerre hors de la cité , et la faire habiter et repeupler de gens paisibles, marchans, méchanicques et laboureurs ; dont , pour admonstrer qu'il vouloit ce que dict est tenir pour chose ferme , solide et fort estable , il envoya pour hostaige , en l'ost du roy d'Espaigne , six cens des plus notables de la cité, ensemble leurs enfans et familiers.

Et adoncques, par le commandement du roy, monseigneur Gustarius de Cardennes , grandmaistre de l'ordre de monseigneur Saint-Jacques en Léon , se partist de l'ost notablement aceompaigné de six cens chevaulx et quatre mille piétons , se tira vers la cité de Grenade , et les nobles et citoyens d'icelle vindrent au devant de lu y jusques au palais de los Auxoras , hors de la ville. Si le menèrent jusques à la tour et maison: royale nommée Mescita , dont il print possession et saisine au nom du roy d'Espaigne , lequel ils avoèrent, recongneurent et attitulèrent et tindrenl, p our leur roy et souverain seigneur, et en grande effusion de larmes , tant pour la soudaine mutation de seigneurie que pour eschangement de nourriture ou perte du pays, baillèrent la clef de ladite tour royalle audit précepteur et maistre délégué par le roy ; de

laquelle tour ils avoient faict extirper , comme maulvaise zizanie , les infidèles Mores sarrasins, pour y mectre nouveaulx chevaliers chresptiens.

Sitostquele maistre de St .-Jacques , commissaire du roy, eut prins la possesse de la maison royale, ensemble de tous les forts; maisons et édifices > il fit eslever le signe de la croix sur la plus haulte maistresse tour de la ville , et en la présence de Tarchevesque de Claraliten, les é vesques de Albinensis, Malaguinensis et Gadixensis , fit chanter Te Deum laudamus y O crux ave y spes unica , etc. ; et lors fut le signe de la croix eslevée tant haulle , qu'elle estoit veue par dedens et de dehors de la ville , au desplaisir et confusion des pervers infidèles, jectant gémissemens, pleurs et lamentations, et à la grande joye des chresptiens menans liesse et exaltation.

Le roy d'Ëspaigne estant au milieu de son ost , hors de la ville y voyant le mystère de cesie très dévote élévation , descendit de son cheval , se rua à genoulx, et entrés grande humilité rendit grâce à Nostre-Seigneur de la bien heurée et proufitable victoire , pour toute chresptienneté , qu'il a voit obtenue en icelle concqueste. Semblabiement ceulx de son exercite se mirent en poinct de regracier nostre créateur. La bannière de monseigneur Saint-Jacques fut semblabiement eslevée par trois fois sur ladite tour, puis les bannières et estendars du roy d'Espaigne. Et lors ung hérault d'armes, monté au plus éminent et apparant de la tour , se print à dire et publier : « Santiago., Santiago,

l88 CHRONIQUES 049 1 )

» Santiago! Castilla , Castilla , Castilla ! Granada, » Granada, Granada! Por los muy altos y muy » poderosos senores don Fernando y dona Isa- » bella , rey et reyna de Spaûa , que han ganado » esta ciudad de Granada y todo su reyno , por » fuerza darmas , de los infidèles Moros , con el » ayudo de Dios et delà Virgen gloriosa su madré, » et del bien aventurado apostel Santiago, y con » el ayudo de nuestromuy SantoPadre Innocentio » octavo, socorro et servitio de los grandes, por » lados, cavalleros y hijosdalgosdesusreynos. »

Ladite publication faicte, toutes les bombardes de l'ost , instrument et bastons à pouldre deschargèrent à une fois; trompettes, gros tamburins et clarons sonnèrent ensemble tant mélodieusement|de joye de la victoire, qu'il sembloit que la terre deusist trembler et le ciel ouvrir, par l'extrême réverbération donnée que l'air estoit percié. Et estoient les batailles des chresptiens notablement accoustrez et en grand triumphe hors de la cité, quand sept cens prisonniers , hommes et femmes, issirent hors de la ville au commandement du roy , lesquels , pour la querelle de nostre foi catholicque , avoient estez pendant la guerre prinset détenus en grande misère et captivité. Ils furent amiablement receuz en l'ost. Le roy les fit penser et revestir de nouveaulx habits , car ils estoient nudz comme vers, et en ce faisant chantoient le canticque de Zacarie : Benedictus dominus Deus Israël.

Le roy avoit fondé une esglise de Saincte-Foy ,

à deux milles de Grenade , où gens d'Esglise , ensemble les prisonniers , allèrent moult révéramment et par grande dévotion faire une notable procession ; et ainsi que lesdits prisonniers passoient par devant l'armée , fort bien mise en ordre , ils recognoissoient l'un g son fils, l'autre son père, l'ung son oncle, Taultre son frère, lesquels cuidoient estre pourris en terre. Les pleurs et lamentations d'entre eulx n'estoient moindres pour la joye qu'ils avoient , que s'ils fussent de mort ressuscitez.

Le quatrième jour de janvier, le maistre de Sainct- Jacques bailla les clefs des forteresses, tours, chasteaux et portes de la ville à monseigneur Everus de Mendoça, comte de Tendiglie, commis de par le roy chastellain de la maison royale , en laquelle il entra avecq mille piétons pour la garde d'icelle. Le samedi ensuivant, le roy d'Espaigne , la roy ne Izabelle son espouse , leur premier fils, nommé Jehan , monseigneur Pierre de Mendoça , archevesque de Tolledo, le patriarche de Alexandrie , le cardinal d'Espaigne , Monseigneur Alfonse de Cardens , le grand - maistre de Sainct- Jacques, l'arche vesque de Hispalensis , monseigneur Pierre Ponce de Léon , duc de Galidaine ; le marquis de Villena et de Moya , le comte de Capra et le comte de Vienna de Gyfuentes , ensemble plusieurs chevaleureux barons , lesquels enflambez de grande proesse , par grande sollicitude et travail de corps, avoient employé la force.de leurs bras

1Ç)0 CHHONIQUBS 049 1 )

en ceste labourieuse et bien heurée concqueste , entrèrent en la cité de Grenade à graut triumphe et fort belle ordonnance , accompaignez de dix mille chevaulx et cinquante mille piétons. Adoncq le roy print plaine possession delà cité nouvellement conquise, et par l'évesquede Albalensis, fit célébrer une messe solempnelle en ung lieu nommé Meschita , où commanda de édiffier une esglise grande et magnificque. La messe finie , le roy , la royne , ensemble tous les princes de son exercite et très noble famille, furent receuz en ung grant palais nommé Àlhamdra , où il fut honnorablement festoyé par le comte Tendiglie, qui leur avoit appresté ung très riche et sumptueux counime.

Voilà l'accord, l'entrée et le recoeil du plus victorieux roy , digne de grande louenge et mémoire, qu'il soit régnant sur le descouvert de la terre chresptienne. Il est miroir, patron, exemple à tous nobles cœurs che valeureux, militans pour la foy catholicque , que se doebvent exempter , patronner et conduire ; car , par force de vaincre infidèles payens, autres princes desfont leurs frères chresptiens. 11 a concquis honneur sur terre d'ennemis, et aultres gastent pays de parents et amys ; il a multiplié les supposts de la foy , et aultres les ont occis par guerre et grand desroy. Dont , ces choses considérées , il a mérité de porter couronne triumphalle , non-seulement en ce val misérable , mais lassus en gloire perdurable.