CHAPITRE CCXLI

La prinse du Chastcau en Cambresis , faite par don Jehan de Cervillon et

ses complices.

La concqueste de Brëtaigne achevée par le ro y de France , plusieurs mauvais garnemens rassemblez de diverses nations , sans ordonnances , gaiges ou bienfaicts , s'estoient fourrez en l'armée , lesquels, pour leurs exécrables maulx par eulx perpétrez , furent bannis du royal me de France; et en widans les limites d'icelui, commirent innumérables insolences, tellement que par leurs maléfices aulcuns d'eux furent exécutez par justice ; si rempeuplèrent les gisbets des champs , et réfectionnèrent les oysaulx du ciel. Les aultres voyans leurs compaignons bocquiez et ballanchiez au vent , sans séjour se tirèrent à toute diligence hors du royalme , et descendirent en Cambresis , imaginans comment se polroient loger en seureté pour pillader les pais voisins à l'environ. Et de faict jeclèrent leur sort sur la ville du Ghasteau en Cambresis , tenant neutralité , appartenant à monseigneur l'évesque de Cambray ; et furent advertis que icelle ville sans garnison , estoit de légière prinse par emblée ou aultrement. Considérant que lesmanans et habitans d'icelle estoient simples gens, non habilitez ne faicts à la guerre comme eulx , qui tous

vielliz estaient, et pour asseurer leur enprinse , et savoirla conduicte de la ville, doii Jehan de Cervil- Ion , Espagnol et disciple du bastard de Cardon , Gilles de Louvain , l'abbé de Soissons et aultres principaux conducteurs de ceste besongne , envoyèrent leurs complices fainctement loger en la ville, comme pèlerins passans, affin que le lendemain huitième de febvrier, ilspeussent, avecq ceulx de dehors , labourer à saisir la porte*

Durant la nuict obscure et fort ténébreuse, ordonnèrent leur embusche , boutèrent vingt-six ou trente de leurs gens en aucunes granges es faulxbourgs auprès de la porte, et deux cents chevaulx et de cinq à six cents piétons , se tindrent en aulcuns canaux assez près d'eulx; et les capitaines approchèrent la porte du Poillequin. Sitost qu'elle fut ou verte renconstrèrent aucuns censiers longs vestus qui tantost furent des poui liez. Iceulx capitaines se mirent en habits de gens d'Esglise , portant soubs leurs bras psaultiers et grands bréviaires. L'un d'iceujx de prime venue se mit audessus de la chaisne du tapecul ; l'aultre eocloit l'ung des portiers, qui souffloil le feu en la babette. Ceulx qui s'estoient boutez en la ville le jour devant, s'estoient logés auprès de ladite porte, pour reconforter lesdits capitaines. Ung homme de la ville , voyant leur manière de faire , voloit crier alarme , mais une dague lui fust plantée au col , afin qu'il ne fesist nul effroy. Sa femme voyant ce , commencha à crier, se fut transperchée d'une

espée travers le corps, et morut tost après. Le signe donné, embusches se descouvrirent, et sans nulle résistance la ville fut prinse malheureusement et par faulte de bonne garde ; et entrèrent tous en crians : « Vive le roy ! »

Le samedi paravant ceste prinse, furent ad-

vertis ceulx du Chasteau, de faire bon guet et estre

sur leur garde, car Ton tendoit les avoir; mais

ils mirent tout en nonchaloir, disant : « L'on a plu-

» sieurs fois ainsi dit ; mais jamais riens n'est ad-

» venu. » Chose fort desplaisante seroit à oyr les

tyrannies horribles faictes illecq par leslaronceaux

qui la ville emblèrent. Vingt ou trente personnes

des manans , voyans ce desroy, selanchèrent en

une tour, laquelle ils tindrent ung espace, puis

se rendirent leurs corps saulvez. Monseigneur de

Cambray avoit illecq son hostel, où estaient che-

vaulx, meubles, ustenciles, amas d'avaines et de

bledz, qui tantost furent reflez et rançonnez pai

ces pillard eaux, disant que tout estoit au roy.

Quant ils furent au-dessus de la ville, ils la tindren close trois jours entiers, que Ton ne povoit sçavoir qu'ils brassoient. Finablement ils se déclarèrent de la querelle de monseigneur Philippe , qui lors estoit à Lescluse , et se nommèrent Philippus, et donnèrent leur saulf conduit par Jehan de Chènvres, gentilshomme , à monseigneur le comte de Vendosme , puis donnèrent aussi saulfconduict par Jehan de Gervillon , soi-disant lieutenant par dechà de monseigneur Philippe de

Chroniques. T.XLV1.—1. Molikf.t. IV l3

194 CHRONIQUES (i49>)

Clèves, et capitaine de Cambresis. Cette prinse bouta en grande desplaisance monseigneur de Cambray ; car elle lui portoit grant préjudice et horrible dommaige , non-seulement à sa comté de Cambresis , mais aux villes et passaiges prochains ; donc pour remesde il envoya à Paris devers le sieur des Querdes, bien voeillant de la cité de Cambray ; et ledit sieur des Querdes en advertit le roy de France , lequel démonstrant qu'il voloit resmédier à ce cas, escripvit en substance à monseigneur de Cambray.

« Beau cousin, etc. , ceulx que vous ont faict » cesle traverse en la prinse du Chasteau ne sont » de nos gens; ains les avons faicls deschasser et » bannir de nostre royalme, et pour leurs dénié- » rites fait faire justice par les prévostsdes bonnes » villes. Nous vous envoyons commissaires pour les » faire desloger briefs et sans vos despens , car » nous voulons entretenir la neutralité comme par » cy-devant a faict monseigneur nostre père , et » vous en baillerons lettres confirmatoires , telles » q\i'il vous plaira ».

Les commissaires du roy se trouvèrent à Sainct- Quentin, pour les sommer sur ce faict, et entre lesquels furent messire Lancelot de Lonsart , ung prévost des mareschalz ; et d'aultre part dom Jehan de Cervillon , députez pour ceulx qui le Chasteau avoient prins, comparut avecq eulx. Ostention lui fut faicte du mandement du roy de France, et fut tellement appoincté, que ledit don Jehan , soy

< '490 DE JEAN MOLINET. jg5

Faisant fort de ses compaignons, promit rendre la place , de wider luy et les siens le vingtiesrne du mois de febvrier , de restituer les biens quelzcoiicques par eulx pillez, et de ce faire faire bailla et fit bailler aux aultres leurs scellez.

Monseigneur de Cambray, fort joyeulx de cest appoinctement , cuidant que jamais n'y auroit rompture , ordonna le seigneur de Mansuille pour garder la ville etChasteau. Plusieurs manans , expulsez de la ville , ensemble bon nombre de ceulx de Cambray, se mirent sus pour cuider entrer audit Chasteau et garder la vitle ; mais sitost que don Jehan fust retourné de Saint-Quentin au Chasteau , pour faire sa relation, quelque promesse ou scellé qu'il eusist faict ou baillé pour lui ou pour les siens , ils n'en tint riens , et en firent ensemble nouveau serment , fortifièrent la place et se déclarèrent et nommèrent Philippus comme dessus. L'abbé de Saint-Andrieu du Chasteau voyant leur fachon , fit dévaller secrètement par dessus la murail Ion ung garson qui rencontra le nouveau chastellain et les manans de Cambray , avec paisans qui s'y estoient fourrez, lesquels iladvertit ce qui estoit faict en la ville, parles lettres dndit abbé. D'aultre part, Loys de Vauldrey, capitaine de Bouchain , tenant le parti du roy des Romains , composoit et taxoit ces mesmes villaiges et les villaiges du parti de France , jusquesà Péronne, et selon leur quantité de leur valeur, faisoit paier par mois certaine quotle d'argent , pour la retenance

1 g6 CHRONIQUES 'l l 49 1 )

des hommes d'armes , et livrèrent bledz, avaines, et litz pour eulx coucher. Semblablement pour les garder, qui oppressoit le pays de Hay nault, brisoit saulves gardes des seigneurs particuliers, sitost qu'il avoit reçeu l'argent d'icelle. Ainsi estoit le poure pais pillié > mengé et spolié à tous lez et à tous costez; et, qui plus est, les poures laboureurs n'osoient remectre sus ne tenir chevaulx sur les champs, par quoi grande cherelé de vivres s'engendra en plusieurs quartiers.

Advint ung jour que, pour contrarier monseigneur de Cambray, ils se partirent du Chasteau vingt-huit ou trente, sur intention debrusler les faulxbourgs de Cambray, vers Cantinpret, et passèrent la nuict en ung bosquet où ils firent leur embusche pour actendre quelque bonne adventure. Nœuf ou dix Bourguignons du Quesnoy , quérant leur adventure , passèrent devant ledit bosquet et trouvèrent trois piétons de la compagnie de ceulx du Chasteau , et dirent les Bourguignons : « Veez- » ci nostre cherge , demeure, demeure. » Et ainsi qu'ils cuidoient prendre lesdicts piétons, ceulx du Chasteau widèrent de leur embusche et chergèrent sur eulx. Si en saisirent deulx seulement , desquelz l'ung se nommoit Cappon , et les aultres se saulvèrent.

Ung capitaine, nommé Bourlens, entendit que les Philippus estoient illecq embuschez, et qu'ils a voient prins aulcuns Bourguignons ; mit sus une quantité de gens, donna dedens sur eulx tant

( l fe x ) DK JEAN MOLINBT. 197

rudement, qu'il les deffit par l'aide des siens , lesquels en oecirent trois sur la place ; aulcuns furent navrez et dix-sept prisonniers. Et lors le Cappon voyant que les renarsqui le tindrent en leurs pattes estoient plus empèse hez à eulx saulver que à le garder , sans férir , sans lancher et sans estre desplumé , eschappa de oe dangier. Et ainsi doneques , ceulx qui cuidoient happer furent happez ; ceulx qui désiroient conequerre furent concquesteîfr.

Ung jour advint une grande discorde entre ceulx du Chasteau qui se disoiept Philippus, tellement que trente-six ou quarante d'iceulx faindans aller courre , entrèrent au Quesnoy et se rendirent Bourguignons, et convindrent tellement ensemble aulcuns de ceulx du Chasteau, avecq le capitaine du Quesnoy , qu'ils se firent fort de leur livrer la ville à certains jours par eulx desnommez, et sur cest appoinctement retournèrent au Chasteau et menèrent avecq eulx ung compaignon adventurier nommé Braham, disant qu'ils l'avoient prins prisonnier en leur course. Mais ledit Braham séjourna illeeq une espace, jusques ils eurent conclud par quel quartier laprinse se porroit plus légièrement achever. Puis Braham feindant aller quérir sa renchon , alla pour faire marcher la garnison du Quesnoy; mais ce temps pendant , que Braham estoit à Texploict , l'entendement fut révélé aux capitaines du Chasteau , qui se mirent au-dessus tant de Braham comme de ceulx de sa sorte , qui confessèrent leur cas. Le principal d'iceulx estoit

ig8 CHftOKlQLES (»49«)

Espaignol, se fut exécuté à la mode d'Espaigne ; car il fut loyé tout nud à une estace, les bras eslevez et les mains attachez , et tiré d'arcbalestres. Le maistre capilaine tira le premier cop , puis les aultres conséquemment , selon leur vocation ; puis fut pinsié d'une picque , et en ce martyre termina ses jours. Aultres six de leurs compaignons furent penduz sur le marchié; et pour ce que Braham n'esloit de leur serment ne nation , il fut respitë de mort parmi tant qu'il pendit les aultres. Et pour ce qu'il estoit eschappé de ce grant meschief , pour ce qu'il s'estoit recommandé à Nostre-Dame de Liesse , il visita son esglise tout nud , a et fut banni du chasteau.

Ung jour advint que don Jehan de Cervillon , en allant courre , fut prins de la garnison du Quesnoy, qui, par renchon payant, retourna à sa larronnerie. Et après que lui et ses complices eurent , l'espace de sept mois, pillié le Cambrésis , robbé , foullé et mis en si grande désertion et gastine plus que jamais paravant n'avoient faict Franchois ne Bourguignons , monseigneur de Cambray fit tellement traictier avecq eulx, que parmi paiant la somme de quatre mille escus, ils lui rendirent la place et se retirèrent en divers quartiers, aulcuns à l'Escluse , et aultres se rendirent Bourguignons ; aultres furent receus es garnisons des Franchois. Ladite somme de quatre mille escus fut trouvée partie sur l'Esglise de Cambray ; partie sur les nobles, bourgeois et marcha ns, et partie sur labou-

(*490 DE JEÀW MOLTNET. îgg

reurset paisans. Et ainsi les ennemis du Ghasteau tenant la ville, furent, par force de croix, expulsez le jour de l'exaltation Saincte-Croix.