CHAPITRE GCLXII
Notable ambassade envoyée par monseigneur l'archiduc d'Austrice au roy Charles de France , ensamblo aucuns incidens qui advinrent en ce temps.
Le comte de Nassou , Fabbé de Sainct-Bertin , ung comte allemant, l'escuyer la Mouche, le seigneur des Forest , maistre Thiébault , Baradot, président de Flandres; maistre Loys Conroy et maistre Jehan Saulvaige furent, par monseigneur l'archiduc, envoyez en ambassade vers le roy de France. Et en leur compagnie estoient aucuns josnes seigneurs, comme le séneschal de Haynaultj Charles, Seigneur de Lalaing; Philippes, seigneur de fioussu , et aultres nobles escuyers et gentilshommes. Ils passèrent par Amiens , pour tirer à Paris; mais en chemin leur vint au devant ung messagier disant que le plaisir du*roy estoit qu'ils se trouvassent à Senlis , comme ils firent ; et illecq les actendoit le seigneur Dorval et l'évesque de Narbonne, qui les menèrent aucuns jours, puis les menèrent à Paris, de Paris à Poissy. Le roy de France , qui leur donna audience , estoit logé à Sainct- Germain auprès de Poissy ; et en présence des grans personnaiges et notable seigneurie franchoise , maistre Thiébault dessusdit proposa
éloquentement devant le roy, prétendant de ravoir madame Marguerite, ensemble les pays, ainsi que le roy son père etlui-mesme avoient juré, promiset scellé par le traictié pacifique de l'an quatre-vingt et deux, et si lui mit en mémoire comment ses très resplendissants seigneurs progéniteurs avoient inviolablement entretenu leurs sermens , sans fracteures quelzconcques , aux anchiens prédécesseurs de monseigneur l'archiduc et puissans ducz de Bourgongne.
La proposition finie , le roy assembla ses nobles princes et gens de son conseil, et entre les autres estoient le seigneur des Querdes , le grant bastard de Bourgongne et le seigneur de la Bonnerie et maistre Jehan Doffay, qui avoient prias leur nourriture en la très clère maison de Bourgongne. Et après que le roy eut ung petit parlementé avecq ses gens, il fit respondre assez cruement par son chancellier , que touchant les demandes proposées l'on besongneroit par bon advis. Lesdits ambassadeurs furent une seule fois festoyez par les Fran-^ chois. Ils se apercheurent qu'ils estoient charrietz et froidement Recueilliez, pourquoi ils prindrent congié gracieux, et s'en allèrent vers madameMarguerited'Austrice, qui lesreceut honnorablement. Ils la trouvèrent richement entretenue ^ fort bien accoustrée et notablement accompagniée de quatrevingt-dix à cent nobles femmes. Et illecq se monslra le comte de Nassou trop mieulx en poinct qu'il avoit faict vers le roy de France.
Et en ce temps fut bruslé l'esglise et villaige de
( ! 4ïM) DE JEAN MOLIHKT. 201
Forest en Cainbrésis, ensemble partie de Solennes, par )es gens d'armes du Chasteau. Iceulx dudit Forest avoient ung guet sur ladite esglise, qui descouvroit pays tellement que lesdits gens d'armes du Chasteau ne povoient wider de jour pour faire course sans estre apperceuz dudit guet , et mandèrent auxdits de Forest que se ne mectoient bas leur guet, ils seroient bruslez. Les capitaines bourguignons disoient par contrequarre , que s'ils mectoient jus ledit guet, ils les brusleroient eulxmêmes ;£et, pour complaire auxdits Bourguignons tenant leur parti, persistèrent, continuant leur guet ; se furent bruslez, comme dit est , par leurs ennemis.
