CHAPITRE CCL

La descoofiture de ceux d'Àlkemar, et de la cruauté faicte à Hemeskerke

par les Allemans.

La desconfiture de Beurewick et de Velse, faicte par les Allemands , donna grand esbahissement à ceulx de Harlem , qui soubdainement assemblèrent leur conseil pour remédier sur le tout , et pour ce que le duc de Zassen , estant à La Haye, faisoit amas de gens d'armes à tous costez, etquemessireGuillaume de Scavembergh, en faisoit le semblable à Beurewick ; aucuns furent d'opinion d'aller quérir aucuns souldars gueldres estans entre Utrecht et Amsterdam, donl il est faict mention cy-dessus, en leur portant argent pour ung mois ; et ung burguemestre de Harlem , nommée Heudrick, respondit en plein marcbié , hault et cler , que mieulx vauldroit envoyer vers le duc de Zassen , ung bon nombre de gens de biens pour inventer quelque bonne paix , afin de sollagier le poure peuple, sans plus espandre

( f 49») DE JEAN MOLÏNST. 275

sang humain ; et pour encommencher ceste besongne, donnoit conseil d'envoyer vers ljdit duc hommes d'esglise , bien enstendus , estoffez d'une lettre bien coulourèe , supplicatoire , humble et fort amyable, affin de obtenir saulfconduits pour les députez à ce faire, Cest advis fut prisse et bien recoeillée de riches gens fort paisibles et vertueux; mais les poures malheureux qui n'avoient que perdre , séditieux, et inclinans à rapine , respondirent et reboutèrent ledit advis, tellement que le proposant fut en dangier d'estre ruez sur les quarreaux, et la pluspart de ceulx de la ville se consentirent à la guerre; et de faict envoyèrent quérir rustres, bacquebustiers et aultres stilez du noble mestiet d'armes , sur intention de desuyter les Àllemans qui nouvellement s'estoient amassez à Beurevick. Le messagier partit pour exploicter son faict.

Ceulx de Harlem se mirent ensemble de rechief, et tellement fut persuadé par le burguemestre Heudrich , que son opinion fust recoeillie ; et pour impétrer lettres de saulf-conduict, fust envoyé le gardien des cordelliers de l'observance , laquelle obtenue, se trouvèrent aucuns notables personnaiges devers le duc, espérant de rapporter le bénéfice de paix. Et ce mesme jour, quinziesme de may , environ six heures du matin , se partirent d'Alkemar de quatre à cinq cens hommes assez bien en poinct, pour tirer vers Hemeskerke. Si avoient mandé le résidu de la Basse-Frise , ceulx

de Harlem, de Quatrescin , de Assendelf et aultres places , affin de eulx trouver illecq à bonne puissance et de combattre les Allemans, qui nouvellement avoient coucquis Beurewick, et présupposoient que s'ils les povoient mectre à merci } ils auroient appoinctement à volunté, et se ce non ils mecteroient tout le pays à désertion perpétuelle. Et à ceste cause ils avoient désir de ruer ung bon cop, et de mectr|e tout contre tout ; néantmoings, quand leurs compaignons se trouvèrent ensemble, ils restoient non plus que neuf cens hommes de faict.

Ceulx de Harlem, scaichant le grant debvoir et activité de ceulx d'Alkemar, espérant récupérer paix perdue par force d'armes, affin qu'ils ne gourmandassent l'honneur entre eulx , sans en partir à leurs compaignons, à toute célérité se dressèrent sur pieds environ cinq cens hommes populaires, non stillez de la torche, et fort mal en poinct, desquels fusl capitaine Pieter de Leauwewerne, très vaillant homme de son corps et grant personnaige. Maiscedit Pieter, qui aultre fois avoit esté au marchié des horrions , ne fust si fol de soi fourrer en telle bourbe , se premièrement n'avoit tasté le fond , et sçeut par insidiateurs et espies , et relation d'aulcuns prisonniers , que les Alleinans de Beurewick estoient plus de vingt-deux cens hommes , gens sans paour , bien reposez et à Feslite. Et lorsque ledit Pieter fust bien informé delà vérité, combien qu'il fusist acheminé avecq

(*49 a ) DB JEAN MOL1NET. 2JJ

sa bende jusques au molin de Sancport-lez-Brederode , il retourna tout court à Harlem, et laissa ceux d'Alkemar et leurs adhérens acquérir la fortune senestre, telle que Dieu leur envoya ; mais au rentrer audit Harlem, furent terriblement malédictionnez de la communaulté , opprobriez , vilipendez et resputez pour genslasches, couarts et forts meschans; et faisoit le peuple lamentation fort doloreuse , disant : « Hélas ! malheureux gens » que vous estes, vous laissez bien meurdrir et » trucider vos alliez et bien voeillans d'Alkemar , » ensemble les paisans qui , pour le bien du pais , » tiennent les champs contre vos ennemis , et vous » retournez à seureté de refuge, comme pares- » seux et endormis. »

Quant les Allemans de Beurewick sentirent ceulx

d'Alkemar aux champs, ordonnez en bataille, ils

sonnèrent leurs gros tambufs , saisirent leurs

bastons , marchèrent vistement contre eulx,

monslrant chiere joyeulse ainsi que ceulx qui vont

aux noepces; et comme lionceaulx affamez quérans

à dévorer leur proje, chergèrent sur ceste poure

commune, qui loutesfois soustindrent de prisme

face vigoreusement le faire , sans monstrer signe

de quelque espouvantement , et fust le premier

accès fort combattu et longuement; car ils avoient

trop plus de volunté que de puissance, et de sim-

plesse que de subtilité ; pourquoi les Allemans ,

vieillis et faicts de l'estoux, après dure et longue^

confliction, les deffirent, rompirentet renversèrent*

Tellement s'y conduisirent, qu'ils fusrent victorieulx et leurs adversaires suppéditez. Ceulx qui estoient loingtains des corps, voyansles premiers cruellement prosternez , cruciez et tourmentez ; se mirent en desroy, et se lenchèrent au cimetierre de Hemeskerke , où ils se vendirent et les repellèrent d'ung grant corraige. Mais la force , astuce et assuefaction des Allemans, inslruiz de la guerre, excéda le bon voloir , bestardise et simplesse des paisaos confus % qui finablenient furent succombez ; autres noyez , aucuns mis en chasse , et les aultres prins , et deux cent trente-deux d'Alkemar rendirent leurs esprits ; des aultres villes , plus de deux cens , et de prisonniers cent et cinquante. Et fut ceste piteuse deffaicte le seiziesme de mai , quatre heures à Faprès disner, auprès de Hemeskerke.

Pendant le temps de ceste dolente occision, estoient assemblez sur la dicke de la mer environ deux mille Frizons, à intention de secourir les paisans exterminez très durement ; mais quant ils fusrent advertis de la malle journée , retournèrent en leurs logis , fort doloreux de leur mal advenir.

Ne sufïisoit aux rustres d'AUemaigne d'avoir occis et exploitié les poures populaires, misérablement vaincus ; ainsse boutèrent ens la forte maison d'ung noble homme , nommé Joes Vameur, qui, pour le saulvement de son corps, s'estoit parli la nuict devant , en habit dissimulé , passant parmi l'ost des Allemans, et tirant vers Utrecht, arrière

049 a ) DE JEA.N MOLINKT. 275

de ceste pestilence ; et avoit laissé sa femme enchainte et preste à gésir , ses en fans, et habandonné ses biens eu la garde et maintenue de Noslre- Seigneur. Iceulx Allemans, vojans l'hostel fort garny de tous biens, fustèrent à tous costez et la pillèrent tant ' nettement , que riens n'y demoura, non plus qu'après le feu ; et entre aultres choses fort leur desplaisoit qu'ils ne trouvoient la vasselle dudit Joes ; sur quoi, la damoiselle sa femme , qui forts'en excusoit, fut merveilleusement prinse, examinée , menaschée et tinablement touchée et navrée en deux lieux d'une picque et d'une espée, qui estoit grande tirannie et chose inhumaine, considéré Testât où elle estoit». Et quant la bonne damoiselle se vist tant angoisseusement oppressée, mieulx aimant perdre sa chevance que son corps et le fruict qu'elle portoit , fort espouventée et demicheute en pâmoison , après qu'elle fust réduicte en son bon sens, leur développa tout son trésor : colliers, chaînes, jojaulx, vasselles et riches baghettes, et que plus est la tindrent prisonnière. Semblablement fust pillé et ranchonné Albert d'Egmont, noble anchien homme, eaigé de soixante et dix-huit ans , riche de quatre mille florins ; et madame de Brederode , eaigée de soixante et dixans,veufvedemessire Regnault,issue jadis de la très chevaleureuse maison deLalaing. Pendant le temps de ce terrible orraige, estoit en grande perplexité, en son chasteau de Brederode, ladite dame; car, jâssoit qu'elle eusisl assurance

38o CHRONIQUES (»49>)

et lettres de saulvegarde de messire Guillaume de Scavembergh , si fut-elle pillée et composée à mille florins par les Allemans.