CHAPITRE CCLI

L'accord d» Harlem, d'Alkemar et autres petites villes de Kermorlant.

Iïi est escript , es chapitres précédens , comment ceulx de Harlem envoyèrent quérir des rustres, pour obvier aux invasions que leur povoit faire le duc de ZasSen , estant en La Haye en Hollande, et est èsdits chapitres mention faicle que ce mesme jour ils députèrent leurs commis pour envoyer vers le duc , affin de inventer quelque bon traicté pacificquë, comme finablement ils firent; mais quand iissceurentladoloreuse et lamentable perte de ceulx d'Alkemar et de leurs alliez , faicte à Hemskerke, ils furent terriblement estonnez, pensant que si le duc de Zassen marchoit sur eulx à bannière desploiée, ils n'auroient le plus bel au jeu, ains seroient en adventure d'estre horriblement ratisez, car il estoit lors le plus redoublé en armes et che valeureux prince de ces régions et limites , et journellement se augmentait et florissoit son très hault nom et très louable renommée. Pourquoy ils excitèrent de rechief , par lettres , leurs députez de procurer la paix au plus grant honneur et à moins de foulle pour eulx que faire se porroit, et par ce

(>49 a ) DE JEAN MOLINET. 28 1

moyen les rustres furent contremandez. Mais leurs gens, fort désirans d'avoir traictié,besongnèrentteilement le dix-septième jour de may, que, en promectant faire grâce aux bons et corriger les maulvais, le duc de Zassen auroit d'argent comptant la somme de vingt-cinq mille florins de quatorze pâte pièche , et sur cest accord , duquel je n'ai prins que la substance en gros , le duc de Zassen , son fils , le comte d'Egmont, messire Cornilles de Berghes , messire Christofle , alternant , messire Cornille Ceusine, le docteur Ànnette; ensemble aulcuns conducteursdeguerre, en nombre décent chevaulx et quatre cens piétons, firent leur entrée en la ville de Harlem , environ dix heures au jour , le dix-huitiesme jour de may; et le lundy ensuivant, le duc veuillant extirper la maulvaise racine hors du ferlil plantaige, commencha à faire justice, et pugnir les délinquans ; si que par son commandement , le capitaine Vallain , motif et reperteur de ces séditions ^ lequel avoit esté prins devant La Laye, ensemble deux aultres de Harlem, tenant ce mesme train, furent, pour punition de leurs démérites, décapitez devant le chastel delà ville, aucuns de leurs corps mis sur roes et les tesles sur lances; puis le duc fit venir à Harlem le conseil de La Haye , ceulx d'Alkemar , ceulx des petites villes de Kermorlant, et les officiers du plat pays, pour coincquer ensemble.

Et par ung lundy ensuivant , vingt-uniesme de may, icelluy duc , accompagné de son fils, de la

seigneurie p redicte, dn seigneur de Cruninghe et de messire Jehan de Sumerulle , burguemestre d'Anvers, qui puis l'entrée y arrivèrent, se trouvèrent en la maison de la ville. Mais sur le marohié estoient aucuns de Harlem, vingt-six hojnmesd'Alkemar et plusieurs des petites villes dessus nommées, tous veslus de noir, les chiefs descouverts, piedz deschaulx, etployans les genoulx, comme requerrans pardon et actendans la grâce du très noble duc. Et lors maistre Jacques Beauwin , pensionnaire de Harlem, pria de miséricorde pour ceulx de Harlem et d'Alkemar; Jehan Tallin requit pour les petites villes, et ung aùltre pour le plat pays. Et après les haranghes et persuasions d'iceulx bien coulourées , excitans les nobles corraiges à pitié et compassion y le très victorieux et illustre duc respondit en son langaige : « Il vous » est pardonné. » La pardonnance Paie te , maistre Jacques de Berry , natif de Harlem, secrétaire du duc de Zassen, bouta teste es fenestres,se prinl à lire l'appoinctement de ceulx de la ville , disant que le crisme d'iceulx leur estoit pardonné ; mais pour le mesus qu'ils avoient commis par leur rébellion contre leur prince et seigneur naturel, ils paieroient vingt-cinq mille florins et la fachon d'ung blochus qui se teroil auprès du jardin des arba~ lestriers.

Ladite somme fut trouvée et payée par les habitans de Harlem en moings de trois jours, tant en vasselles , joyaux , chaisnes etchaintures, comme

en argent comptant ; laquelle somme fut apportée en la maison de la ville , et distribuée aux capitaines, rustres, et souldars, lesquels après portaient sur chappeaux, hunies , coiffes et bonnets, aiguières et gobelets, couppes, vsallières etculières. Et ainsi doncques, par les esbattemens et jeux de la guerre, dont les reboulx sont aux bons fort angoisseux à porter, le trésor <et espargne des ma* nans de Harlem , qui par long temps avoit esté ac quis degrant traveilet sueur de corps et de brachs, lut en peu d'heures descouvert, ravi, disperset mis en butinaige. Conséquemment ledit maistre Jacques dicta ceulx d'Alkemarpour amende pécunielle, qu'ils paieroient vingt-deux cens florins à la croix, les quatorze dedens huict jours , et le résidu dedens ungmois ensuivant, avec certains arriéraigesoù ils esloient obligez. Et de ce mesme train fut ordonné à ceux des petites villes qu'ils se trouvassent en conseil, et illecq leur seroit donné la quotte # que payer debvroient , et entre leurs grands mesus , tant eulx que ceulx de leur sorte, avoient grandement offensé en la forfaicture de leurs privilèges.

En ce jour fut faict chevalier par Je duc de Zassen , messire Cornillè Crinesime , escoutette de Harlem, et fut par icelluy la loy renouvellée; et pour ce que Stiven Heyurck Soen avoit fort bien tenu la main pour la paix avoir, il lut ordonné burgmestre de la ville.

Ces besongnes achevées ; le duc s'en alla à Al-

284 CHttOWIQUES ('49 3 )

kemar, au chasteau de Mennekinck , et de là à Horoes, pour réduire le pais au sentier de bonne police, et receut lectres du seigneur de Beures, admirai de la mer , affin qu'il se tirast vers l'Escluse pour y mectre le siège. Le duc de Zassen , saige, vertueulx et fort bon justicier, durant le temps qu'il séjournoit à Harlem , fit descapiter ung garchoo natif de Slick, auprès Grueninghem, lequel, après avoir perdu son argent au jeu de detz, entra en une esglise, et comme en flambé d'ung mauvais esprit, par exécrable et oultrageux courroux, donna deux cops de dague à l'imaige du crucifix. S'en eult ledit malfaicteur le corps escartelé, les membres pendus aux fourches , et la teste boutée sur une lance au dehors de la porte du Bois. Le capitaine Franse fut depuis décollé en Alkemar, et Bauekin fin a ses jours pareillement en la ville de Harlem.