CHAPITRE CCLIII
Le siège de l'Escluse.
Oy et entendu le refus que fit monseigneur Philippe sur les offres à luy faictes , très grandement à son honneur, afin de trouver bon appoinctement, fut délibéré par plusieurs nobles et grans personnaiges, ensemble par les trois estats estans letz monseigneur l'archiduc, en sa ville de Malines , de mectre le siège devant la ville et chasteau de l'Escluse. Le principal conducteur de ceste emprinse fut le duc Albert de Zassen , qui lors par force
d'armes avoit achevé par decha mainte difficile et forte besoagne. Geste conclusion espandue par pais, Allemansse accoustrèrent , Anglois descendirent, Bourguignons se monstrèrent, Brabanchons se as* semblèrent, Flamens se desdormirent, Hanuyers se esveillèrent ; et comme jadis les Grégeois se misrent sus à grande puissance pour dislapider Ilion et avironner la très noble cité de Troies, gendarmerie se adoubba et sortissoit de tous costez pour subjuguer et assiéger l'Escluse, tant par mer comme par terre. Mais comme le pastureau* congnoissant le cours des estoilles , retire ses brebis à saulveté quand il percboit mutation de temps , cruel oraige et apparent tempeste , monseigneur Philippe diligenta de furnir ses forts de gens, de vivres et d'artillerie et aultres choses à suffisance, pour donner repuis à tous assaulx qui lui porroient survenir.
Et avoit illecq son estât , tant de luy comme de madame Franchoise de Luxembourg, son espouse, fille du comte Pierre de Sainct-Pol, laquelle fut participante et compaigneà toutes aventures, tribulacions, menaces et invasions qui leur furent interjectées et faictes durant le temps de ce terrible effroy. Et pour renfort de garnison , avecq les hommes de deffense qui lors estoient tant en la ville comme es chasteaulx , monseigneur Philippe fit son amas d'une nation de piétons de Danemarke, nommés Deins j appertz comme daims, fiers comme lions, quasi tous nudz, gens sans paour, sans pitié, sans crainte ne faire estime de leurs
vies. Et tost après monseigneur Philippe , avecq les siens, fut enclos et avironné, non-seulement d'ennemis , mais de prochains parens et amys , desquels il a voit les aucuns retirez hors des grippes de malheureuse et dangereuse fortune ; etpourcecommenchement dudit siège, le dix-huitiesme jour du mois de juing, le seigneur de Beures avec le fils du duc de Zassen , ajans treize halques et trente hue» , arhable de l'Escluse , riva par mer dedens les tonneaulx du où il fit ancrer et tint illecq son ost , montant en nombre environ de trois mille hommes. Monseigneur Philippe , voyant leur arrivée , pensa pour salutation les resveiller au son des canons ; car iceluy , accompaigné de trente chevaulx et de six à sept cens piétons , se partit de l'Escluse , fit mener ung courtaulx et deux faulcons , et pour escarmucher lesdits navires , les asseit sur la crête du Resgleuliet; et après avoir très bien battu ung halque^ retourna en ses forts sans quelque dommaige, sinon ung seul homme bleschié.
Le dixiesme jour de juillet , descendirent dedens les tonneaux dudit hable, vingt-deux navires d'Engleterre , fort bien fournies d'artillerie , que le roy Henry envoyoit par dechà affin de mectre siège par mer devant l'Escluse, et la réduire en obéissance de son vrai et naturel seigneur ; et estoient les Englez fort bienaccoustrez, en nombre de deux mille cinq cens. Le quinziesme jour dudit mois , le duc de Zassen amena dedens les tonneaulx dudit hable, quatre hues garnies de deux cens hommes de
CmoiriQimi. T. LV1. — J. Molihit. IF. 19
guerre , lesquels se joindirent en Kersan avecq la compagnie de monseigneur de Beures. Et ce mesme jour sortirent de l'Escluse cent hommes, bien eo poinct , de grande hardiesse , lesquels merveilleusement escarmuchèreut de six à sept cens hommes Englez que Allemans, entre la crette de Resgleuliet et le petit chasteau de l'Escluse , nommé la Thour de Bourgongne; et combien que Fescarmucbe fusist fort aspre et fort corrageuse d'ung costé et d'aultre , tant par le traict de hacquebutes , comme aultrement , nonobstant ne demorèrent mors sur la place , de la bende des Englez , que six ou sept , et autant de bleschiez du part j de l'Escluse.
Le lendemain de ceste escarmuche, messire Adolf de Clèves, seigneur de Raves tain, père de monseigneur Philippes, arriva en l'ost du duc de Zassen , lequel se tenoit en Kersan , où il fut honorablement receu. Plusieurs espéroient que sa venue engendrerait pacificque traictié , pour cause que le duc de Zassen envoya Noirlion, le hérault, vers le fils , affin qu'il octroiast saulf conduit au père pour venir vers luy : mais le fils , tout endurcy en sa querelle , ne se voelt assentir ; et retoura ledit Noirlion , frustré de son désir, sans coeillir fruict de son labeur, qui sembloit estre chose desaventuçée du fils au père.
En l'Escluse estoit un maistre Siro, que l'on disoit fort expert en la science de Vulcanus y que les poètes nomment le dieu des fouldres. Ce maistre
t'fo») DE JEAN MOL1NET. 29I
Siro délibéra de mectre en feu et en cendres les navires dudit siège ; et pour venir à ses fins , fit faire trois semis et trois flottes de nattes et de tonneaulx plains de tereques et de paille, lesquels furent menez sur la pointe de File de Kersan , et quant vint une heure après mynuict, et que les matériaux furent préparez et leurs besongnemens accoustrez, maistre Siro , chault et bouillant , s'avancha tant de bouter le feu , que quant il debvoit proffitter , il estoit à demy passé, et fut le feu converti en fumée. Maistre Siro , querrant honneur , ne eut pour la nuict ne bon nom ne honneur.
Le duc de Zassen en avanchemept du siège , fit planter ung gros et fort blochus assez près des tonneaulx , affin de prohiber et deffendre l'entrée des navires aux Franchois donnans secours aux assiégez. Et environ cinq jours après, se partit le duc de ses navires , accompaigné de buict à noef cens hommes de guerre , et livra devant l'Ëscluse un terrible et fort escarmuche , laquelle dura depuis quatre heures au soir jusqu'à noef heures en la nuit ; les assiégez soustindrent puissamment le faict , et furent bleschez trois ou quatre hommes de leur parti, et cinq ou six morts de l'autre. Et pour donner l'approche à la ville , le duc de Zassen fit tirer sa compagnie , ensemble son artillerie , et se logea sur les dicques de Saincte-Anne-Terume et cent hommes; ensuivant cent hommes de guerre sortirent de l'Ëscluse , passèrent l'eaue et coppèrent les gorges à six ou sept Allemans faisant
le guet. L'effroi s'esleva , le cry fut horrible , et se prindrent à tirer engiens sur les assiégez, si les convoyèrent de courleaulx et de serpentines qui siffloient à leurs talons ; mais ne firent dommaige que aux édifices de la ville ; et trois jours après se logèrent Allemans et Brabanchons en nombre de mille hommes à Cocquesues , à une petite lieue de. l'Escluse ; et le lendemain furent très bien escarmu chez par vingt chevaulcheurs et quarante piétons , gens asseurez , esprins de très grant corraige, lesquels saillirent de l'Escluse, et chergèrent sur ladicte assemblée, tellement que sans quelque perte , ils ramçnèrent cinq ou six prisonniers, et en occirent deux ou trois , lesquels demorèrent sur la place. Et ce mesme jour passèrent devant les tonneaulx deux cens navires, lesquels tiroient en Zeelande.
Le onziesme jour d'aonst , ceux de Bruges et du Dam , en nombre de mille à douze cens combattans, munis de canons, serpentines et artillerie à pouldre , se misrent sur pied , marchèrent en bataille , et se logèrent en Laspcure , séant à deinye lieue de l'Escluse ; mais encoires n'estoient du tout attenquillez , quant ceulx de l'Escluse, environ trois cens hommes, issirent de leur fort, se mirent en petits bateanlx , et par basses marches approchèrent les Brughelins , si les escarmuchèrent très fort. Ils gaignèrent leurs trenchis , ramenèrent en la ville dix pièches d'artillerie portant pamp et fer, el demourèrent morts en cest estour , cinq Fia-
mengs de la part des Brughelins , el plusieurs furent blescbiez d'ung costé etM'aultre. Ce mesme jour arrivèrent à Côcquesues le duc de Zassen et son fils , garnis de ponts et d'artillerie à faire quelque emprinse;ettostaprèspassèrentdevantlestonneaulx de l'Escluse, sans entrer ens, quarante navires et deux galères , lesquels venoient de Zeelande pour tirer en Engleterre ; et le lendemain se deslogea à Hanskuverne, àdemye lieue de l'Escluse.
En ces jours , l'admirai d'Engleterre , capitaine de deux mille et cinq cens hommes, envoya à monseigneur Philippes unes lettres faisant mention que le guet del'Escl use avoit entrejeclé certaines paroles opprobrieuses, au deshonneur de lanation angloise ; et pour approuver que lesdites paroi les, estoient faulses et mensongères , il offroit ung gentilhomme de sa bende pour faire camp d'armes , requérant que monseigneur Philippes fesist le semblable. Sur quoi le bastard Gerame se présenta de faire ledit camp , moyennant le plaisir de mondit seigneur, par tel sy et comment que le victeur auroit cent lions d'or de celuy qui seroit vaincu. Mais les affaires d'ung costé et d'autre survindrent tant grandes et nécessaires, que l'emprinse démo ura imparfaicte, sans plus avant procéder. Néantmoins, tost après , ledit marissal vint parler à monseigneur Philippe , au chasteau de l'Escluse , pour certaines autres matières , desquelles Portecoulile ; poursuivant du roy d'Engleterre fut trusman, auquel mondit seigneur Philippe donna une robbe de velours cramoisi four»
294 CHRONIQUES (*49 a )
rée de liepars. Et en ces mesmes jours, monseigneur Philippe fit forger monnoye d'or et d'argent ; celle d'or portoit à ung lez en latin le nom et title de monseigneurl'archiduc d'Austrice, et l'aultre estoit Timaige de Sainct Philippe, autour de laquelle estoit escript : Spes mea altissimus. La monnoye d'argent estoit à la fachon de doubles et sengles \ les armes de monseigneur l'archiduc estoient à ung lez et le chasteau de l'Escluse à l'autre, et les sengles portoient en escripture : Ab inimicis nostris libéra me , Deus.
Pendant ledit siège , ung aultre camp mortel fut faict à l'Aspoure près l'Escluse , par un lanskenest nommé Hans Muler, et un Suisse nommé Buspour; et advint lors entre aultres courses qui lors se firent, que quatre Allemans de la compagnie des Albis, capitaine du Dam, furent prisonniers à l'Escluze, lesquels à la requeste d'ung lanskenest de ladite compagnie du Dam , furent plesguctz par ledit Suisse nommé Buspour, estant dedens l'Escluse , lequel se fioit du tout sur ledit lanskenest» A ceste cause furent les quatre Allemans prisonniers renvoyez au Dam ; mais par cas d'adventure , ledit lanskenest, à la requeste du quel le Suisse, comme plesge, avoit renvoyé lesquatre Allemans, futprins par ceulxde l'Escluse, et ledit Suisse lui demanda sarenchon desdits quatre Allemans, etceluy respondi t que riens ne lu j debvoit. Le Suisse le mit sur sa foy, et le lanskenest ne le volut prendre ; et adoncq il appela de camp , et l'aultre le lui accorda libéralement. Et fut icelluy
049 a ) DE JEAN MOLINET. 2^6
lanskenest renvoyé sur bons pleiges au Dam vers son capitaine, pour obtenir licence de c a ni pie r.
Le jour et la place assignez du consentement des capitaines , et par l'accord de eulx mesmes , le lanskenest fut amené accompaigné de cent hommes de la garnison du Dam , entre F Esc 1 use et Lapscure , où le camp se debvoit faire ; et le Suisse pareillement wyda, luj centiesme , de la garnison de l'Escluse. Ung différent s'esmeult entre les campions :, le lanskenest volloit batailler de la picque , et le Suisse de la hallebarde ; chacun des deux se sentoit fort et asseuré de son baston ; et àceste cause l'on jecta sort , du consentement des parties , pour sçavoir du quel baston le campiaige seroit achevé. Et lequel sort porta qu'ils champierioient de la picque ; et que chacun de eulx auroit sa dague pour soy aider à volonté ; car chacun d'eulx se disoitestrebon maistre. lisse misrentenpourpoinct > commencbèrent à besongner tellement, que le lanskenest , de prime venue , percha son homme de sa picque tout oultre le corps plus d'une aulne de long, et se mit en paine de retirer sa dite picque poqr le rencharger et finablement le partuer; niais le Suisse résista à l'encontre de l'une de ses maius, et ne le souffrit tirer, ains l'approcha si près qu'il print le Cousteau de sa dague et lui coppa nettement la gorge; pourquoy ledit lanskenest cheutmort en la place; et le Suisse fut ramené à l'Escluse , si fort bien soingné et médecine, qu'il recoilla toutes ses forces , et estoit vigoreux et en
296 CHROHIQUES («49»)
bonne sancté à l'entrée que fit dedens Paris le ray Louis douziesme de ce nom.
Environ quinze ou seize jours après , se fit ung camp d'armes d'ung Ostrelin de la garnison de l'Escluse contre ung Ailemant des assiégeans, lequel se tint à Hanekuverne > TAllemant fut victorieulx , et emmena FOstrelin prisonnier audit ost , pour tesmoin de sa vaillance.
Les assiégez n'estoient pas paresseux ne tardifs pour chasser leurs adventures, tant par mer comme par terre , et ne firent guaires de saillies sans rapporter quelque butin . Advint par une nuictobscure, que aulcuns d'iceulx se boutèrent en ung basteau , et tirèrent vers la crette de Resgleuliet , où ils trouvèrent upe hue d'Engleterre chergéede vivres, de gens et de chevaulx , et furnie d'or et d'argent ; comme pour le plus portatif et à moins d'empeschement , despeschant ladile hue , saisirent la monnoyé et trouvèrent illecq de treize à quatorze mille florins d'or ; prindrent trois riches prisonniers, lesquels respondirent trois fois autant , et amenèrent trois chevaulx de pris, sans encombrier , dedens l'Escluse ; et furent environ quarante-quatre copipaignons parehonniers à ceste despouille. AultréS huict ounoefadventuriers, bien montez, marchèrent en pays ; et le lendemain amenèrent trois riches prisonniers et ung homme de guerre. Ung aultre jour fut prins ung eschevin du Franc de Bruges, nommé Pieter Van MeJleken , lequel donna advertement à monseigneur Philippe d'au Icune emprinse
(*to*) DE JEAH MOLINET. 2§J
que le duc de Zassen vouloit faire , parquoy le guet de l'Escluse fut renforcé.
Le pénultiesme jour d'aoust, se deslogea l'ost estant à Lapscure , pour aller à Hanekurverne ; et au partir chacun bouta le feu en son logis. Ce mesme jour du matin , fut Guillaume de Hize, estant au grand chasteau de l'Escluse , angoisseusement bleschié du traict d'une serpentine. Item. Onze piétons se partirent de l'Escluse sur espérance de trouver quelque proye , et ramenèrent huict marchands de chevaulx allans à la feste d'Anvers, ayans soixante-dix ou quatre-vingts chevaulx qu'ils habandonnèrent. Le septiesme jour de septembre , ung Alternant de l'armée du duc de Zassen asseura ung compaignon de l 'Escluse, lequel chevira par m y l'ost , sur ladicte asseurance ; mais il fut détenu prisonnier par autres Allemans, pourquoy ung gros débat s'esmeult entre eulx, et à ceste cause les capitaines de l'ost tindrent leur ghemaine à manière d'ung parlement ; et fut jugé que celuy qui avait asseuré ledit compaignon payeroit sa renchon à celui qui l'avoit prins ; et que ledit compaignon, avecq sa picque , sa dague et sa crénice > retournroit paisiblement dedens l'Escluse.
Le onziesme jour du mois , monseigneur Phi-* lippe , accompaigné de deux à trois cens hommes de guerre, fit une saillie, par le petit chasteau, sur les trenchies de l'ost des Allemans, où il fit clouer trois serpentines. Son espérance estoit de faire et eslever plus grande chose ; mais l'escarmuche
s'esleva d'ung costé et d'autre, tant angoisseusement et horriblement qu'ils demorèrent mors en la place quinze ou seize du duc de Zassen , entre lesquels fut ung noble homme d'Engleterre, et capitaine de trois cens AHemans et de cinq cens Erigiez ; puis retourna monseigneur Philippe en son fort, ensemble six ou huict des siens navrez et hersauldez des flesches.
Les estrangers marchans, tirans à la foire d'Anvers, furent tenus en grant dangier de ceulx de l'Escluse , lesquels souventes fois estoient par iceulx aguetez , happez et amenez prisonniers par petit nombre de gens de guerre. Ung jour advint que Henri , bailly de Wimendale , serviteur à monseigneur Philippe , voyant les compagnons fort riches de pillades , s'adventura comme les aultres , et se bouta avecq aulcuns chevaulcheurs , qui , par ceulx du Dam, furent tous rachassez jusques à leur fort, tant rudement , que à grant paine et travail , trou* vèrent-ils les portes de l'Escluse.
Et pourtant que le temps d'iver faisoit ses merveilleuses approches, pour assiéger poures gens mal vestus , souverainemens aulcuns de l'ost , lesquels continuellement estoient perventez, guerroyez et agitez de pluies et de gros vents marins. Le duc de Zassen avoit faict venir par mer provision de draps et de toiles , affin de les revestir à tant moins de leurs gaiges , et de résister aux cruels assaulx dont le très dur vent de bise prétendoit les catellier. Ceulx de l'Escluse, saichans l'arrivée des
draps et toilles, se boutèrent en ungbothequin dix* huit ou vingt compaignons de guerre, nagèrent si avant qu'ils vindrent au Houe , une petite lieue arrière de l'Escluse y et illecq concquirent ung bot chargé de draps , de toille et de cervoise , dont la val lue fut estimée à plus de cinq cens livres de gros ; si le ramenèrent joyeusement en leur fort , et furent lors revestus tant de leesce que d'habillé* mens de corps.
Le seiziesme de septembre , vindrent nouvelles à monseigneur Philippe, que son père } monseigneur de Ravestain , estoit accouché malade , pourquoy le lendemain furent faictes à l'Escluse processions générales ; et le vingtiesme jour ensuivant , Wautre de Hestsel apporta nouvelles du trespas d'iceluy seigneur de Ravestain, dont ne fault faire double que monseigneur son fils fut angoisseusement attainct de grant ennuy } considéré le grant cherge qu'il avoit à porter, le merveilleux soing et terrible soussy où il estoit lors enveloppé. Nonobstant ceste doloreuse nouvelle , il persista en son labeur ; et de faict , le lendemain vingt piétons et quatre ou cinq chevaulx de l'Escluse eslevèrent une escarmuche devant l'ost à Hanekuverne , mais soubdainement ils furent recoeillez et rembarrez fort rudement de cent Allemans qui les chassèrent jusques à leur dicque. Et ceulx de l'Escluse voyans leurs gens ainsi reboutez , saillirent vistement sur eulx, environ trois cents hommes et seize ou dixsept chevaulx , lesquels de grand coraige leur
3oO CHHOH1QUBS («4$»)
raonstrèrent barbe, et les pour s uy virent et tindrent le fer au dos jusques en leur fort ; et par ainsi furent les rembarreurs rembarrez, les batteurs abattus, et rebouteurs reboutez; car les Allemans de l'ost y perdirent cinq hommes mors et quatre prisonniers, desquels l'ung estoit noble homme, parent au seigneur d'Egmont; et les assiégez y eurent gens navrez et leurs chevaulx mors .
Le vingt-quatriesmedeseptembre, vingt hommes de guerre sortirent du boule vercq du petit chasteau sur les trenchis de l'ost , et rapportèrent à TEsclase aucuns instrumens à chergier gros engiens.Du parti des assiégez furent navrez Renacquet et Lebreton ; et de ceulx de l'ost demeura ung homme mort et quatre furent navrez. Mais le lendemain y eut plus grosse saillie sur ledit ost ; car ceulx de l'Escluse cloèrenl une bombarde , gastèrentpouldre, bruslèrent aulcuns chergeoires de bombarde, et firent ung moult grant desroy; tellement que dix hommes demourèrent occis sur la place , de la part de ceulx de l'ost ; et du parti des assiégez rendirent illecq leurs esprits Anthoine de Visan , et ung trompette de l'Escluse.
En ce jour trespassa Wimendalle , hérault de Monseigneur Philippe; et les Deins firent une merveilleuse justice d'ung malefaicteur de leur nation , car sitost qu'il fut confessé sur le marchié, le lieutenant du capitaine le bouta au milieu d'euix, et incontinent chacun frappa dessus, tant qu'il fut mort. Et lors advint que la pierre d'une bombarde,
(«49») DE JEAK MOLIKET. 3d
tirée de l'ost, se lancea par une fenestre en une chambre du petit chasteau où esloient assis à table plusieurs gens de guerre. Ladite pierre passa du loing la table sans bleschier personne , qui fut chose admirable. Encoires advint-il durant le siège que le feu se bouta en la pouldre de canon de ceulx de l'Escluse , ce qui donna ung si terrible et impétueux effroy , que monseigneur Philippe , lequel doresnavant sera nommé monseigneur de Ravestain , comme vrai héritier du père , madame son espouze , seigneurs, dames et toutes leurs famille , furent tellement estonnez du hideux bruict, tonnaire et esclite que fit ledit feu , que véritablement ils cuidèrentestre su rp ri ne des ennemis, vendus ou trahis de leur gens mesmes, ou que le monde deuzist finer.
Pendant le temps que le siège dura, depuis ledixhuitiesme de mai jusques au dix-neu viesme d'octobre, plusieurs autres courses, rencontres, saillies, aguetz, escarmuches, prinses et pilleries se firent d'ung party et d'autre, qui longues seroient à mectre en compte ; monseigneur de Ravestain avait faict mectre la ville et les chasteaulx à deffense; tellement qu'ils estaient furnis d'artillerie et de vivres; car il y avoit de trois à quatre cens pièces de vin ; jamais les assiégez n'eurent nécessité de quelque chose appartenans aux sièges clos, ne jamais ne furent leurs bourses fustées ; ains l'on y fit engiens de fonte et monnoye à grant plante. Il y avoit en tous les forts de quatorze ou quinze
cens corn bat tan s , entre lesquels les Deios firent le possible d'escarmuches et choses quasi incrédibles par vaillantise de leurs corps ; car quant aucuns se mectoient en front et tiraient de leurs hacquebutes , deux autres de leurs compaignoos chargeoient ce temps tant vistement et de bonne sorte, que les quatre ensemble reboutoient à la fois vingt ou trente hommes de l'ost. Monseigneur de Ravestain est oit en plus grant péril de ses gens de guerre estans dedens la ville que de ses adversaires qui estoient dehors; car journellement desbats s'esmouvoient entre eulx, souverainement entre les Deins , qui ne cessoient de mutiner, de combattre et de tuer l'ung l'aultre; tellement que difficilement les povoit-on pacifier. Il y en eult de noyez plus de trois cens et quarante ; et finablement , furent tellement amchillez que , quant la guerre fut finie , il y en eut petit demeurant.
Toute l'armée du siège ne fut pour un plus hault nombre que six à sept mille combattans , entre lesquels les Ënglez furent les mieulx recommandez , car ils firent le possible de vaillandise et proesse. Merveil c'est si , durant ceste tempeste , les nobles dame sillecq encloses , lesquelles délicatement estoient nourries , furent en grande amertume de cœur , et bannies de plaisances mondaines ; car les cruels alarmes causèrent grosses larmes , les merveilleux débats brisoient leurs esbats , les très horribles cris accoisèrent leurs ris. Tout leur esbat-
('49*) DE JEAN MOLINET. 3o3
tement n'estoit qu'espouvantement ; et, que plus est , les quatre élémens leur firent guerre : la terre s'eslevoit contre leurs forts par granl labeur de pionniers ; la mer soustenoit leurs ennemys estranges ; Taer estoit corrompu par fière pestilence , lequel fit bochus les chimetières en nombre de trois à quatre mille testes; et le feu leur envoyoit grosses pierres de bombardes , lesquelles hurtoient à leurs parois. Et avec ces quatre verges , dont monseigneur de Raves tain estoit menacé , chose aulcune ne lui pressa tant le cœur , que le trespas de son noble père , lequel, en ses derniers jours , lorsque le siège estoit en sa plus grande force et vigueur , couchoit malade à Sombourg, dont il povoit voir les fumées et oyr le to m bisse ment des grosses bombardes , lesquelles bucquoient à FEscluse pour deffaire son fils , ce qui lui estoit si grief ennuy à porter en l'extrémité de sa vie ; considéré que souvent l'avoit faict admonester par doulces persuasions de rendre la place , ou se ce non , le priveroit de son patrimoine, en lui déniant bénédiction paternelle, auxquels persuasions le fils ne voelt acquiescer au père , ains persista en son ferme et obtiné propos jusques à la paix finale.
3o4 CHROIUQUES ('49»)
