CHAPITRE CCXLIV

Conventions et assemblées pour inventer la paix de l'Escluse

Pierre Nàcroix, trompette, fut envoyé par monseigneur de Raves tain , son maistre , vers monseigneur le comte de Nassou, affin d'avoir ung saulfconduict, tant pour luy que pour ses gens, afin de parlementer et concepvoir quelque bon moyen pour parvenir à paisible concordance ; lequel saulfconduit' lui fut accordé à volonté. Le lendemain, dernier jour de septembre, se trouvèrent en une plaine sur le gravier devant l'Escluse, le seigneur de Ravestain, le prince de Chimay , le comte de Nassou, le seigneur de Beoures, ensemble aucuns capitaines allemans ou englez , où furent faictes aucunes ouvertures pour avoir traictié amiable ; mais dprant le parlement, ceulx de l'ost avanchèrent leurs picques et javelines , pour taster les fossetz du petit chasteau, contre la deffense deuement publiée ; et pour ce qu'ils ne vouloient abstenir de ce faire, quelque remonstrance que l'on leur fit; ceulx des chasteaulx tirèrent sur eulx, dont les trois furent occis de traits à pouldre; parquoy grande alarme s'ourdit en l'ost. Et le huictiesme jour de octobre, Pierre Damas, maistre d'hostel de monseigneur de Ravestain, et Guillaume de Heze , allèrent à Viesetege , parler

049*) DE JEAN MOLÏNET. 3o5

au lieutenant du duc de Zassen , et le lendemain icelluy duc , monseigneur de Ravestain et leurs desputez , parlementèrent ensemble en une tente devant la Viesetege ; et tost après y arrivèrent le prince de Chimay , le comte de Nassou , les seigneurs de Beures et de Chieures ; pareillement y survindrent Pierre Damas, Philippe de la Barre, le bastard Gerasme et Guillaume de Heze, ensemble aulcuns nobles et grands personnaiges à ce commis et desputez 5 lesquels en peu de jours besongnièrent tellement ensemble , que le neuviesme jour d'octobre l'on publia abstinence de guerre, dont grande liesse s'esnieult entre les parties, lesquelles firent ensemble grande chière. Hatin Bonnel les entretenoit en joye , lequel faisoit le possible de chanter, de boire et grimacer.

Le lendemain aucuns seigneurs d'Engleterre allèrent au chasteau de l'Escluse voir madame de Ravestain , et y lut le seigneur de Haubourdin , son oncle , de laquelle dame ils furent honorablement recoelliez. Puis le quatorziesme d'octobre , monseigneur de Ravestain amena le duc de Zassen au petit chasteau de L'Escluse , et le livra en sa main , pour et au nom de monseigneur l'archiduc d'Austrice; et tost après, les seigneurs de la ville se approchèrent dudit duc, estant sur les dolues de Tost , accompaigniés de monseigneur de Ravestain, lui faisant la révérence à genoulxploiez et les testes nues, apportais les clefs de la ville et du grant chasteau , lesquelles furent présentées

Chmmuques. LXV1 J. Molihet. T. IV. 20

3o6 CHRONIQUES 049»)

au duc par ledit seigneur de Ravestain , pour et au nom comme dessus. Et le duc les rendit et remit es mains de monseigneur de Ravestain. Et adoncq les seigneurs de la ville firent serment d'estre bons et léaulx subjects à monseigneur l'archiduc , à ses pais et seigneuries.

Et le mesme soir, le prince de Chimay, le comte de Nassou, les seigneurs de Ghieures , de Mamestre , Tintenille, Sallezar et aultres nobles chevaliers et escuyers, souppèrent au giant chasteau de l'Escluse avec monseigneur de Ravestain et madame son espouse , où ils furent receus et festoyez l'espace de deux jours ; et le lendemain fut la paix criée en la ville de l'Escluse au lieu accoustumé , dont les manans et habitans furent grandement resjoys. Donc le vingtiesme dudit mois , Allemans se levèrent de devant l'Escluse , si se tirèrent au West pais de Flandres ; ceulxde Hanskuvane se partirent ce mesme jour , et s'en allèrent entre Bruges et Gand; et le lendemain, aulcuns Anglez recoeillèrent leurs engiens, etsinglèrent eu mer. Et le vingtiesme jour d'octobre , monseigneur de Ravestain et le duc de Zassen s'en allèrent par eau^ à Bruges, et passèrent parmi le Dam.

Entre les illustres grans et nobles personnaiges, lesquels fabriquèrent ce traicté, monseigneur de Croy , prince de Chimay , fut le principal médiateur , efficient et appoincteur ; car dès l'an quatrevingt et onze , que lors il fit un voyaige en Allemaigne , la majesté royalle lui donna auctorité et

049 2 ) DE JEAN MOLINET. 5ûJ

cberge de ce faire; mais quant il fut retourné par deçà, et qu'ils desploya sa légation devant monseigneur l'archiduc et son conseil, et les trois estats de Malines , aulcuns esprits brisèrent ce qui étoit conceu. Et d'aultre part, monseigneur de Ravestain ne se voeltlors accordera ce à quoi s'est maintes fois condescendu , dont grande despence s'en est ensuivie ; car les pais n'eussent soustenu la grande et horrible cberge et dommageuse perte qu'ils ont depuis soustenu à cause du siège. Néantmoings , ne peurent appoinctement parachever , fut cause autrement de la grande paix de Sentis, laquelle fut concluse entra deux roys , la Penthecouste ensuivant. Et ainsi demoura l'Escluse en paix qui lui fut incluse ; car la guerre fut d'elle excluse plus solitaire que rencluse.