CHAPITRE CCXIL
L'entreprinse Jaicte par les Bruxellois sur la ville de Haoltz. .
Les Bruxellois cuidans augmenter amis et non ennemis , firent crier et publier que leurs bannis , où qu'ils fussent, povoient franchement et sans quelque encombrier retourner en leur ville. Et quant aulcuns d'iceulx bannis , qui lors se tenoient
à Haulx , furent advertis d'icelle publication , tantost retournèrent à Bruxelles, où ils furent subtilement examinez pour sçavoir de Testât , police et conduicte de la ville de Haulx touchant la guerre , et par quel moyen on les pouroit plus facilement emporter par emblée ou par assault. Fut advisé que entre le chasteau et la porte qui maine à Bruxelles , estoit le quartier plus convenable à ce faire, et que là environ estoit une tour par laquelle Ton polroit monstrer signe de feu ou aultrement pour donner approche aux Bruxellois, La manière et le jour comment le tout ;se debvoit pratiquer et mettre à exécution , furent prins et assignez. Et de faict aulcuns bannis qui se firent forts de ce faire retournèrent à Haulx pour faire leurs préparatoires , affin de venir à chief de leur intention. Et adonc monseigneur Philipfpe de Clèves qui lors avoit les Bruxellois en soi* commandement , le petit Amant de la Ville , le seigneur de Saint-Bernard , le seigneur de Montfaulcon et plusieurs aultres chiefs d'esquadres , Flamengs , Franchois , Brabanchons et Liégeois , tant de cheval comme de pied , jusques au nombre de cinq à six mille combattans , se mirent sus bien accoustrez pour achever leur emprinse , furnis de victuailles, de chariots , d'artillerie , d'eschielles doubles et saingles , de tandis , de ponts et clayes , se partirent de Bruxelles à grand triomphe par ung samedi par nuict , dont lendemain fut le dixiesme de mai, et arrivèrent à peu d'esfroy devant Haulx ,
( f 4$9) DE JEAN MOLINET. 10
au quartier dessus dit , pour lui donner l'assault. Et pour ce qu'ils avoient entendement avec leurs bannis illecq retournez pour conduire leur faict, ils se donnèrent grant merveil qu'ils ne voioent ni a pperche voient les signes de feu tels qu'ils avoient promis de faire. Mais ils ignoraient la grand empèse h e que lesdits bannis avoient lors ; car ceulx de Haulx estoient tous advertis de leur venue , parce que les gens du duc de Zassen avoient prins ung Bruxellois qui révéla tout le secret, et Comment en dedens tierche jour ils debvoient estre durement resveilliez , et que pour exécuter leur prétente seroient favorisez d'aulcuns m an ans de la ville , souverainement des bannis de Bruxelles qui lors se tenoient en Haulx.
Ces mots oyz et bien entendus , lesdits bannis furent prins par suspicion , emprisonnez , questionnez et torturez, et riens ne cognurent, et lors estoient si court tenus et près liez , qu'ils ne povoient estendre membres pour mon&trer leurs signes , ainsi que promis l'avoient.
Nonobstant çest empeschement , les Bruxellois ne retardèrent de faire leur envaïe. Si commencèrent à passer le premier fossé , qui estoit rivière courante, et de là se trouvèrent sur la crette du second ; puis , par eschelles qu'ils ruèrent oultre pour faire leurs ponts , se joindirent aux murs de la ville, montèrent rudement à mont pour entrer ens par-dessus les creteaux, cuidans avoir ville gaignée. Mais ceulx qui dedens estoient
1 4 CHRONIQUES ( " 4»flf)
tous advertis , bien apprins , et fort as$eurez de leurs bastons , les renversèrent de liauit en bas avec force maillez de ploncq et de trenchans horribles hallebardes. Les aultres, qui se tenoient sur la crette du second fossé , furent bersauldez de flesches, d'arcqs et chergiez comme hirechons , de virretons , d'arbalestres ; et quand les Bruxellois , durement renversez et reboutez , appercheurent que entendement leur estoit failli , ne faveur ne les povoit aider , et que force de bras leur donnoit à souffrir , ils cessèrent l'assault de leur emprise , qui bien peu dura , ne guaires de gens morts ne furent trouvez sur la place.
Ils remenèrent les bleschez sur charriots , laissèrent derrière deux estendards, quarante ou cinquante arbalestres et crenequins, quinze eschelles de cinquante et soixante pieds, boulèrent les feulx es fauxbourgs de Haulx , pu ils bruslèrent de leurs gens morts; car les osseaulx de leurs membres furent trouvez es cendres ; puis retournèrent à Bruxelles fort confus et bien battus.
Il n'y avoit pour lors en Haulx que cent hommes de guerre. Le bailly de la ville, avoit fait son tour sur la muraille et s' es toit recduchié; mais Adrien Mainbon y estoit nouvellement arrivé , accompaigné de vingt hommes de faict , lesquels , entre les aultres, encouraigèrent les deffendans et donnèrent grande résistance.
(1489) DB JE AIT MOLINET. l5
