CHAPITRE CCXI
La prime «P Arscot et du chasteau de Luine.
àrscot est une petite ville appartenante au seigneur de Croy , comte de Portie, fortifiée à l'un des letz de murailles et pallis , et en bas de grosses rivières et fossets. Illecq s'estoient retirés les paysans à l'environ , où ils avoient mené leurs biens à saulveté , cuidans estre bien asseurés. Nouvellement y estoient arrivés de France , pour secours et fortification , de trois à quatre cents crenequiniers et lacquets sur espérance de courre pays voisins et porter grieff aux bonnes villes d'Anvers et de Malines. A la réception desdits crenequiniers etaultres, firent les manants d' Arscot si grant chière, qu'ils mirent leur guet quasi ert nonchalloir , pensant que riens ne leur povoit nuire , et ne firent diligence que de bien boire et bien dormir pour festoyer leur garnison. Il estoit lors la nuict de mai, que gentils compaignons de guerre ont usaige de faire emprinse sur leurs ennemis et de planter le mai, et adonc monseigneur le duc de Zassen , qui lors florissoil en proesse et
mestoit en exploicts plusieurs chevaleureux faicls d'armes à l'honneur du roi des Romains et de monseigneur l'archiduc son fils , desquels il estoit parent, estoit accoropaignié d'une forte bende d'AUemans , du capitaine Almerade et aultres chiefs de guerre fort expérimentez. Lequel aucunement sçachant la veuue , conduicle et disposition de ceulx d'Arscot, entrèrent en la ville environ la mynuict par le plus hault quartier des vignobles, dont l'on ne se fusist jamais doubté. Et lors de gros tain bu rs de Suisses, avec le cri fort subict et espouventabïe ^ firent terrible resveil, que les crenequiniers , lacquets et aultres , illecq endormis et gardant la ville , n'eurent loisir de bender leurs bastons , mais se deffendirent d'une espée à deux pieds et se saulvèrent aulcuns d'eux qui mieulx mieulx , les aultres furent prisonniers et les aultres mis au trenchens des espées , mais n'y eut guaires grande occision. La pillade faicte , la ville fut bruslée par meschiefs , ce qui fut chose lamentable. Le feu saulta en Pesglise, qui fut arse et consommée tant nettement, qu'il n'y demoura que les pierres et les cendres, dont le dommaige fut grand , car elle estoit fort belle et de sumptueux édifice. Ung jour après y arriva messire Charles de Croy, prince et comte de Chimay, accompaignié des nobles hommes et archiers de Haynault. Messeigneurs le duc et le prince , accompaigniez comme dessus , se trouvèrent devant une place nommée Luine , merveilleusement forliffiée
de bolverts , treachies et fossiliages ; et dedens icelle estoient la femme et fille de messire Guillaume d'Aremberg, et pour deffense de ladite place de cent à six vingts compaignons de guerre, lesquels furent vistement assiégez , battus et bersaudez d'engiens , tellement qu'ils requirent parlementer , ce qui leur fut accordé par tel si que , durant ce parlement, les assiégez ne povoient rien innover à la fortification ou deffense de leur fort, qu'il leur tourna à grand préjudice; mais les assiégeants povoient tousiours labourer en advanchement de leur faict, et diligentèrent tellement que les fossés furent plains de fagots , tant qu'ils povoient joindre à la muraille. Si que finalement entrèrent dedens et en furent lesmaistres. La dame et sa fille se partirent de la place , firent emmener partie de leurs baghes. Geubt qui la deffendoient furent tous prisonniers, puis fut le cbasteau pillé , bruslé et desmoli.
