CHAPITRE CCLVI

Aucunes rencontres lesquelles se firent en Haynault et ailleurs , pendant le siège de l'Escluse ; ensemble aucuns incidens advenus en ce temps.

Les garnisons deVrenyn, Moncornet el de Aubenton, en nombre de soixante chevaulx et de six vingts piétons, tenansle parti desFrancbais , firent une assemblée le onzième jour d'aoust, pour faire une course en Haynault, et marchans autour de Liessies , de faict escarmuchèrent encontre ceulx de V Abbaye, lesquels en prindrent deux. De ces nouvelles fut haslivement adverli Philippot Portier , natif d'Ath , lequel avait abandonné le style de la plume où il avait esté nourri en court, et pour soy habiliter au très noble mestier d'armes, tellement qu'il estoit lors capilaine de Avesnes en Haynault, et jasoit ce que icelui Philippot f ussist fort empesché avec se# gens de parchonner ung butin à l'heure que ces idées nouvelles lui furent apportées, et que lui et les siens fussent vexez et travaillez d'avoir faict une course la journée précédente. Nonobstantils cessèrent de faire leur partaige, et montèrent à cheval vingt-quatre compagnons bien en poinct,tant pour hutiner que pour butiner, el firent J scavoir leur emprinse au prévost d'Ëstroen , le-

049*) DE JE AH MOLTNET. 3l9

quel estoit lors fort expérimenté des subtil liiez de la guerre ; et lèsquel se bouta avecq eulx accompaigné de sept ou huit chevaulx, avecq deux cens piétons, lesquels se fourèrent en leurbende.

Quant ils furent assemblez, ils envoyèrent leurs avant-courreurs par deux costez, pour sçavoir le nombre et positions des Franchois y et sur espérance de les surprendre en desroy. Us tirèrent au lieu où ils pensèrent les trouver , par chemins couverts non guaires hantez, affin de mieulx celer leur faict ; puis se approchèrent d'ung villaige que iceulx Franchois butinoient à grande diligence ; et illecq suractendirent par manière d'embusche jusquesils furent hourdez de proye, affin de les mieulx avoir à leur adventaige; et quand iceulx Franchois se furent pourveuz de prisonniers, bestial et baghes, les Hannuyers envoyèrent partie de leurs gens où il leur sembloit que passer debvoient pour quérir leur fuyte, afin de garder le passaige, puis donnèrent dedens de moult grant corraige, et tant vigoreusement, que les Franchois, lesquels de rien ne se doubtoient , furent merveilleusement estonnez , car sans porter guaires loing leur pillade, furent contraincts , par force d'armes , de faire illecq la raison; si que finableinent baba n donnèrent leur proye; et furent rescoux de leurs at trappes, tant hommes quebestes et baghes. Ils perdirent ung seul homme mort sur le camp , douze prisonniers et plus de cent bastons de guerre ; et leur fut donné la chasse plus de deux lieues par lesditsHannuyers, lesquelz, sans quelque

320 CHRONIQUES ( l fa*)

perte de leurs gens , firent le rencontre entre le Francq-Bois et Wignies.

La nuict de Fassomption Nostre-Dame , la garnison d'Arras , laquelle lors tenoit pour le roy de France, se mit sus de cent à six vingts chevaulcbeurs tous armez au cler, et bon nombre d'archiers,pourquérirleursadvantures,pareillementla garnison de Bouchain et du Quesnoy, bons Bourguignons, délibérèrent ceste mesme nuict de faire une course es limites des Franchois , et estoient en Ja compagnie des Bourguignons , Loys de Vauldrey , Belleferière, Meliador et Ponthus de Lalaing, lesquels amenèrent deux cens piétons de la ville de Douay . Or advint en ceste nuict que point souvent ne advient, que les deux garnisons de divers partyset querelles, renconstrèrent l'une l'aultre de nuict entre une et deux heures. Le cry , le hurt et le chocq furent merveilleusement grans tant d'ung parti comme de l'aultre ; car ils donnèrent dedans à tort et à travers, sans si et sans miséricorde. Illecq se entrebastirent et entremeslèrent tellement l'ung avecq l'aultre , que nul d'eulx ne scavoit recongnoistre son compaignon, synon à la voix , au nom et au cry ; car nulles enseignes ne se apparoissoient pour l'obscurité de la nuict ; et après qu'ils eurent longuement martelé l'ung sur l'aultre , comme font aveugles et gens privez de lumières ; le hasard , plus que bon advis ou proesse , donna telle fortune aux Bourguignons, qu'ils furent victorieulx, et démourèrent les Franchois def-

049 a ) DE JEAN MOLINET.. 3*2 1

faictset rompus que prins, que morts, que perdus, plus de soixante.

La desfaicte des Franchois parachevée, les Bourguignons, en poursuivant leur bonne fortune, se tirèrent vers lechasteau Destrées, où il y avoit se : *e ou vingt larronceaux , lesquels pel lot oie rit leurs ovisins, si furent lourdement desmchez ; car ledit chasteau fut assailly vigoreusement et prins de force et de puissance. Les deffendans furent menez aulcuns à Bouchain, soubs Loys de Vauldrey ; les autres au Quesnoy, soubs Philippe de Belleferière ; lesquels Philippe et Loys, en ceste besogne, se conduisirent moult honnestement.

En ce mois d'aoust trespassa à Kome , le pape Innocent , dont, par la voix des cardinaux, fut élu

le jour Sainct-Laurens , Rode deBôrregias,

episcopus portinensis , vice-chancelier ; après qu'il eust esté cardinal l'espace de quarante ans , en la fin de cedit mois fut couronné , et fut nommé Alexander sextus.

En ce temps fut trouvé à Rome en une vieille muraille, la table que Pillate escripvit et fit mectre sur la croix : Jésus Nazarœus, rex Judeorwn ; et madame de Bretaigne , royne de France ^ se accoucha du dolphin de France, lequel fut baptisé environ dix heures du matin en la chapelle du Plexisdu Parcq, présent le roy Charles huitiesme de ce nom, et plusieurs princes, chevalliers et barons. Les fons furent faits tous nouvaulx, et fut baptisé par ung dévot religieux de l'observance, nommé frère Jehan

Chroniques. T. XLFI. — J. Moliset IV. 21

Bourgeois. Ses parins furent les ducs d'Orléans et de Bourbon ; sa marraine fut la royne de Cécille, et fut nommé Charles Orléans. Le seigneur de Nemours portoit le chierge , le seigneur de Foix la salière , le, comte de Vendosme la aighière, le frère au comte de Foix le bachin et la serviete , et le prince d'Orenge , ayant le chief descouvert , vestu d'une robbe de drap d'or, portoit mon seigneur le dolpbin ; et madame l'admirale , femme du seigneur Loys, bastard de Bourbon, portoit le cremeau oùestoit une escarboucle et aultres pierres de grant vallue. Après suyvoient mesdames les duchessesd'Orléans,de Bourbon, etladiteroynedeCéciJle, avecq plusieurs grans personnages, et en bon nombre , tous par ordre ; et cinq cens archiers de la garde portoient chacun une bourse. Le roy estoit illecq en grant dévotion , lequel tenoit par la main le sainct homme de Plexis. Et ne vesquit guaires de temps ledit daulphin , ne pareillement le roy Charles son père , après ledit baptisement ; mais ladite royne, sa mère , fut remariée au roy Loys, duc d'Orléans, successeur dudit roy Charles.