CHAPITRE CCLVII

Du siège lequel fut mis devant Boulongne sur-Mer par Henri , roy d*Engle-

terre, comte de Bichemont.

Le roy Henri d'Engleterre fit grant amas, tant de gens de guerre que d'argent, et descendit en laville de Calaiz , le deuxiesnie jour d'octobre; sur intention de prendre par ruze ou aultrement la ville de Bbuloingne sur la Mer, et de tirer oultre et concquerrir le ducé de Normandie , comme espéroient aulcun Englez, que pour ce faire avoient déboursé grant finance. Le roy de France adverti de son eraprinse , envoya dedens Bouloingne , pour principal capitaine , le bastard Cardon , moult expérimenté en armes. Si eut en sa compagnie de seize à dix huit cens hommes de guerre ^ paiez pour ung an , et avec certaine artillerie , provision de chair et de bledz pour deux ans ; médecins , appothicaires, drogheries, pour subvenir aux navrez , anchiens et dibilitez ; ensemble plusieurs choses nécessaires pour résister aux impétueux fouldres et tempestes de siège de l'armée du roy d'Engleterre, ensemble de sa puissance, montante vingt mille lestes armées, merveilleusement en poinct, et six cens basions à pouldre. Furent angoiseusement étonnés les gouverneurs et capitaines de la ville d'Ardres, situéeà une grosse lieue près, et tenan leparty du roy de France. Iceux donc sentant les

Englez devant leur fort , envoyèrent à Sainct-Omer vers inessire Jeorges de Bustain , ellemand , natif de Trente, et messire Charles de Saneuse, principaulx capitaines d'icelle ville , affin d'avoir secours , conseils et ayde contre ladite armée anglaise , et s'il leur plaisoit venir icelle part , ils leur livreraient en mains les clefs de la ville , pour et au nom de mon seigneur l'archiduc. Ce rapport faict auxdits capitaines de Saint-Omer , messire Charles de Saneuse, et messire Millericq van Naukeufetter, chevalier, lieutenant dudit messire Georges , se préparèrent vistement et montèrent cinq cens chevaulx, accompaignés de quatre cens piétons allemans et piccars , entrèrent en la ville d'Ardre, où leur fut fait ouverture; et incontinent le roi d'Engleterre se trouva à Tenviron de la ville , envoya ses gens vers les gouverneurs d'icelle, affin de les mectre à son obéissance, à quoi ne consentirent ains le refusèrent totallement, et iceux Englez leur dirent que le roy des Romains , père et maubour du seigneur archiduc , avoit abandonné ladite ville au roy d'Engleterre pour en faire son bon plaisir; et pour certification de ce, déployèrent les patentes scellées dudit roy des Romains ; et à tant se contentèrent iceulx gouverneurs d'Ardre , capitainesetgarnisons,AUemansetPiccars,lesquels le lendemain retournèrent tous à Saint-Orner, et les Englez entrèrent en la ville d'Ardre , laquelle ils démolirent , dilapidèrent et abbattirent en deux ou trois jours , portes , tours et murailles.

Le roy d'Angleterre avoit divisé son armée en trois parties , c'est assavoir avant-garde, bataille , et arrière-garde ; dont l'avant-garde se partit d'Ardre, et se tirant vers Boulongne, se logea à Marquise, et lelundy ensuivant, seiziesme jour du mois d'octobre, le roy, sa bataille, son arrière-garde, deslogèrent de Calaix, puis logèrent une nuict à Sangalle, l'aultre à Marquise dont son avant-garde s'estoit partie; si que finablement, le vingt-deuxiesme jour du mois d'octobre, le roy , sa bataille, son avant-garde, ses engiens , ses charrois et son artillerie se trouvèrent

aux champs et se logèrent tant à comme aux

villaiges auprès de Boulogne. Et tost après messire Charles de Saneuse, le lieutenant de messire George Denis deMorbeche, Almerade^ espagnol, aultres capitaines et plusieurs compaignons de guerre estant soubs eulx, en nombre de six cens chevaulx bien accoustrez, se partirent à Sainct-Omer, et se trouvèrent en Tost des Englez, pour leur donner secours et les assister tant et si longuement que le traicté fut faict.

Le roy d'Angleterre fit descharger son artillerie, avironner la ville de Boulongne de sa puissante armée, et fut de sa personne logé aux frères mineurs, joindant à la basse Boulogne. Englez affûtèrent leurs gros engiens pour battre la muraille tant merveilleusement ,que Festombissement du briuct fut oy de la ville de Grantmont en Flandres. Le bastard Cardon mit sus une saillie de gens bien accoustrez 9 lesquels vigoreusement furent rescuz par les Englez,

326 CHRONIQUES ( l 4«*)

et demourèrent sur la place aulcuns morts, aultres navrez , tant d'ung coslé que d'aultre. Aulcuns Englez , compagnons advanturiers s'espandirent envers Faulquemberghe, prindrent le chasteau de Remty et aucunes petites places , ou guaires ne séjournèrent.

Le seigneur des Quèrdes, marissal de France, et lieutenant du roy, voyant ces manièresde l'aire, s'approcha des Englez pour parlementer et trouva temps et lieu de parler , boire et manger avecq le roy Henri d'Engleterre , tellement que peu de jours après bon accord fut conceu par les députez d'ung party et d'aultre , en la ville d'Estaples sur la Mer, Messire Chartes deSaneuses, ettousceulx de sa bende, considérans et voyans ces pacîficques approces, se partirent le vingt-septiesme d'octobre, et retournèrent à Sainct-Omer, lequel lieu leur estoit ordonné pour leur quartier et deffense, des Englez.

Lors advint que la ville et cité d'Arras, environ le troisiesme de novembre, fut reprinsepar les Bourguignons sur les Franchois , et reduicte en l'obéissance de monseigneur l'archiduc^ pourquoi le seigneur des Querdes se tira moult triste hastivement celle part, espérant de la recouvrer, ce que point ne fit, comme il apperra cy après. Et le roy d'Englelerre leva son siège de devant Boulongne, alla coucher au chasteau de Ghines, et retourna paisiblement avecq son armée en la ville de Calaix.

(»4î»»l DE JEAH MOLIHET. " 02^ 7