CHAPITRE ÇCLVIII
Traictié de la paix faicte entre Charles de Valois, très chreptien roy de France , huictiesme de ce nom ; et Henri de la Marce , roy d'Engleterre » septiesme de ce nom.
« Combien que divisions anciennement causées entre les deux provinces de France et d'Engleterre soient multipliées par plusieurs jours et ans, et que envie ayt esté et l'amoureuse racine de paix extollée, et es roys illustres engendre guerre, mère de mendicité , despuis le valeureux règne de très excellent prince Philippe Dieu-Donné , roy de France, et de Philippe Auguste, roy de France^ et de la lignie du dit Philippe-le-Gros et Jehan de Poitiers, roy d'Engleterre, par succession quecommencba ladicte hayne , dure et très deshonneste arrogance, et paix heureuse fut bannie dès l'an mil cent et trente et ung , laquelle hayne et arrogance a duré jusques à ce jourd'hui, dernfer d'octobre an mil quatre cens quatre-vingt et treize , au règne du très illustre Charles, parla grâce de Dieu, roy de France , huitiesme de ce nom , et Henri de la Marce, roi d'Engleterre, septiesme de ce nom, seigneur de Irlande et comte de Ricemont , que au nom de Dieu et de la court céleste, racine ancienne contemplée en bas , paix et amytié est jurée et promise entre les deux royalmes de France et
d'Engleterre durant la vie desdits deux roys , et ungan aprè$ le dernier décédé, tant par terre que par mer, fleuves et rivières.
» Et premièrement. Par le consentement des princes d'Angleterre, des majeurs et seigneurs de Londres et des trois estatz dudit pays, ledit roy d'Engleterre renonce à toutes alliances , societez d'armes que lui et les Anglois ont promis au roy des Romains, l'archiduc son fils, et les pays de Flandres, ducé de Brabant, Hollande et aultres leurs alliez, tant par terre que par mer, saulf les cas réservez comme cy après est déclaré •
» C'est que ledit archiduc et lesdits pays ont, du jour de ceste paix, quatre mois pour eulx reconcillier avecq le roy de France, et seront compris en ladicte paix durant ledit temps , s'ils y voelent entendre, et après ils seront frustrés et exclus, si ils n'y parviennent dedans ledit temps' de quatre mois.
» Item. Et pareillement durera l'alliance du roy d'Engleterre et de l'archiduc , encoire lesdits quatre mois , affin que s'il advenoit que si le roy de France, monseigneur le marissal des Querdes ou les Franchois meissent le siège devant la ville de Saint- Omer ou aultre part appartenant audit archiduc, ou que l'on exploicta la guerre, après cetraicté, aux pays dessusdicts, ledit roy d'Engleterre et son armée pourra bien aider et favoriser ledit archiduc , Sainct-Onier, les places et lieux dessus narrez, le temps et espace desdits quatre mois et non plus;
("fe») DE JEAN MO LIN ET. %2Q
et s'il advenoit que l'on n'en fist riens dedans ledit terme. Nul jour après, le roy d'Ebgleterre tie les Engloisn'ypoessenten riens envoyer secours, mais sera faillie l'alliance.
» Item. Et s'il advenoit que aucune ville, chasteau ou place,cturantlesdits quatre mois, fut emblée ou aultrement prinse sur le roy de France, de présent estant sur son obéissance , par l'archiduc ou son commis, ledit roy de France leur porra bien faire la guerre et y mectre siège, et mener guerre guerriable , et n'y porroient les Englez aucunement donner secours, puisqu'elle seroit après le jour de ceste dite paix, gaignée et de nouvelle acquisition .
» Item. Et pour les desniers prestes par ledit roy d'Engleterre, àhaulte princesse, madame Anne fille unique et cohéritière de feu Franchois, duc de Bretaigne, à continuer la guerre audit pays contre le roy de France, montans en somme de six mil francqz ; et que promet ledit roy d'Engleterre monstrer par obligation de ladite princesse et des barons de Bretaigne, le roy, comme mari de ladite dame et seigneur du pays de Bretaigne, sera tenu et promect paier ladite somme audit roy d'Engleterre en dedans quinze ans, et chacun an par égale portion, au terme qui sera conclus et assigné ledit payement.
» Item. Et par ceste paix, le roy de France ne sera en rien tributaire au roy d'Engleterre, ne aux Englois présent et advenir, à cause de cinquante mille
33o CHRONIQUES ('49 a )
escus d'or que le feu roy Loys promit paier sept ans durant au roy Edouard, par les trêves marchandes et coincatives qu'ils firent ensemble à Pecquiny , en l'an mil quatre cent soixante quinze, et desarriéraigesque les Anglois disoient que deuz leur estoient ; le roy de France et le royalme en demoreront quictes et deschergez pour le temps présent et advenir.
» Item* Et par ceste paix renonce le roy d'Engleterre et les Anglois aux anciennes demandes qu'ils faisoientaux pays et ducés deGhienneset Norman* die , conté de Ponthiue et de Monstreul.
» Item. Pareillement ne porra ledit roy d'Engleterre attribuer en ses mandemens nom de roy de France, et ysubmect tous les roys d'Engleterre , ses futurs et successeurs, et ce est ordonné par les princes et seigneurs de Londres, estats dudit pais, moyenneurs et forgeurs de ceste paix.
» Item. Sera tenu ledit roy d'Engleterre de faire tenir la mer seure et la garder, afin que les navires de France puissent marchandement coincquer et fréquenter les mers d'Angleterre après lesdits quatre mois passez , encontre les Flamenset leurs alliés , s'ils sont encoires contraires au royalme de France.
» Item. Et incontinent ladite paix publiée, les navires de France porront prestement aller pescer parmi la mer, sans actendre lesdits quatre mois , ne obtenir saulfconduit dudit roy d'Engleterre, oultre que ceste paix présente.
( T 49») DE JEAN MOLITÏET. 33 1
» Item. Et incontinent ceste dite paix publiée, le roy d'Engleterre promect de soy départir, et laisser le siège de Boulongne et son armée, et retourner en la mer ; et demourra ladite ville de Boulongne nuement au royalme de France.
» Item. Est ordonné que le roy d'Engleterre et son simple estât porra bien entrer en la ville de Boulongne avant son parlement, pour aller visiter l'esglise de la mère de Dieu, sans y coucher ne ses commis.
Laquelle paix et tous les articles dessus nafcrez promectent monseigneur le marissaldesQuerdes; Franchois de Bourbon comte de Vendosme; Charles de Arminac comte de Guyse ; le seigneur de Dourier secret ambassadeur du roy ; monseigneur Mathieu, bastard de Bourbon ; Pierre Blosset, bailly de Caulx; les seigneurs de Picardie, chevaliers, et aultres plusieurs nobles hommes présens à ceste ditepaix, tant capitaines et seigneurs de Londres, et princes et gens d'esglise, et des estats dudit pais d'Engleterre, lesquels ont tous promis et juré de tenir ensemble ceste paix , et les dissentions rompues en la manière que dict est. Fait et passé en la ville d'Estape sur la Mer, le treizième jour de novembre ^ l'an de grâce mil quatre cens quatrevingts et douze.
33a CHRONIQUES Ofe*)
