CHAPITRE CCLXI

L'essay que fit le seigneur des Querdes pour récupérer la ville et cité

d'Anus.

Lb stille et train de la guerre se poelt facilement approprier au jeu d'échez; car, quand le seigneur des Querdes eut mis une barre par accord pacificque devant le roi d'Angleterre, lequel se deslogeoit de Boulongne , la prinse d'Arras donnoit un grant échec au roy de France ; et ledit seigneur des Querdes , comme son rocq et lieutenant , cuidà venir à la rescousse ; car, après ladite prinse , à très grande diligence il se bouta secrètement, par manière d'embuscbe, accompaigné de trois ou quatre cens lances et aultant de mille piétons , en un villaige nommé Dam ville , assez près d'Arras, pour forger ses attrapes. Et de faict envoya en la cité , en très grande diligence , un

55a CHRONIQUES (*49*)

compagnon de ses gens, nommé Petit- Abbé, natif de Bourgongne , assez aventureux. Et pour ce qu'il avoit cognoissance aux gens Loys de Vauldrey , qui la cité avoit en garde , il entra par la porte du chasteau , s'adrescha aux Bourguignons de la milice , disant et feindant qu'il se voloit rendre de leur parti , et fist serment es mains des capitaines, d'estre bon léal au roy des Romains et à monseigneur l'archiduc, son fils, et leur fist entendre que aulcuns seigneurs de Picardie , non voeillant tolérer la rudesse ne souffrir l'importunité des Franchois, se volloient réduire à monseigneur l'archiduc, leur prince çt seigneur naturel, et entre les aultres le seigneur de Beaufort , en train de ce faire , et amener avecq luy son trésor et sa vasselle; pour quoy, s'il plaisoit aux capitaines luy bailler, pour soi conduire seurement, six hommes de bonne sorte , il les mèneroit vers ledit seigneur, et se portoit fort de l'amener en cité , et un sommier tout chergé de vaisselle , comme il le proposoit.

Ces mots et advis pleurent aux capitaines : donc, avecq cest adventurier, adventurèrent six hommes à son choix , et cheminèrent fort joyeulx en espérant, au lieu du hutin , le seigneur et le butin. Ne furent gnaires eslongiez d'Arras, que ils trouvèrent le seigneur des Querdes, accompaigné, comme dict est , lequel se mit au dessus d'eulx et leur descouvrit le secret de sa fiction , dont ils furent horriblement troublez; si leur monstra,

{tfo*) 1>B JEAN MOT, 1 If Et. 5S3

pour son amorse faire , deux coffres garnis de vasselle despeautre, sophisticques et eontrefaictes , pour parvenir à la recouvrance de sa dolente perte ; et furent contraincts lesdits Bourguignons de luy faire serment qui leur venoit à grand contraire , et de jurer que de là en avant ils seroient bons et loyaulx au roy de France ; et , aultant que possible leur seroit / se mecteroient en paine de conduire ceste besongne , jusques elle seroit parvenue à sa très désirée achevissance.

Le Petit-Abbé dessusdict , conducteur de ceste trafficque, avoit une gouge bien affilée , c'est à entendre une basselette toute vieillie, laquelle avoit emprins avecq aultres de conduire le sommier chergé de vasselles, ensemble aulcuns sachez garnis <ie pouldre , sur intention que Ton disoit de bouter le feu en plusieurs quartiers de la ville ; car leur espérance estoit gaigner la porte, la tenir ouverte, entrer en s de puissance, et en débouter les Bourguignons. Toutefois le seigneur des Querdes , pour estre de son faict des six compaignons, lesquels luy avoient fait serment, et s'estoient rendus par force , il en retint les deux , et les quatre se mirent en front avec ledit Abbé et aultres, affin que, par leur connoissance , ils peussent plus facilement entrer.

Il estoit environ noef heures en la nuict, et la

porte estoit close , ils disposèrent de leurs besongnes, eulx approchant de la ville , et le seigneur des Querdes, accompaignée d'une grosse bende, les

CiinoniQOES. 7*. XLFL — J. Molinet. IV . 20

suy voit à la queue. Les quatre Bourguignons, tenant bonne mine , commencèrent à re s veiller le gué , disant : « Voici le chevalier d' Arthois , lequel » n'est guaires loing, nous amenons sa vasselle; » faicte ouvrir la porte , afin de le mectre en sauf » lieu* » Finablement ils eurent entrée par la porte du chasteau delà cité; le Petit- Abbyé et ses complices, lesquels, pour bien estre comptez pour mois nés, entrèrent ens , pareillement les chevaulx chergez de baghes et ustensîlles , avecq la fille laquelle en estoit la conductrisse ; mais ainsi que bon sang ne poult mentir, l'un des quatre Bourguignons, lequel a voit pourchassé l'ouverture, commeucha à dire : « Cloez , cloez la porte vistement, » nous sommes trahis ; voici le seigneur des Querdes » qui nous suit aux talons ; cloez la porte, cloez. » A ces mots Fut la porte soudainement reclose, l'effroi s'éleva grant et horrible avant la cité, chacun se tira en sa garde ; et quand le tumulte fut accoisé , l'on print connoissance du fait, et fut trouvé , par vive inquisition , que le tout n'esloit que pipperie et une grosse farremare mise sus par ledit seigneur des Querdes , pour reprendre ville et cité ; mais , pour belle récompense de la belle paourque Bourguignons et Àllemans a voient eu ceste nuict , ils se mirent au-dessus dudit Abbé, de ses novices et de sa gouge, puis visitèrent les coffres qu'ils a voient amenés, disant : « Nous serons tous » riches de la vasselle du seigneur de Beaufort. » Et alors trouvèrent à l'entrée aulcunes tasses des-

( l 49 2 ) DE JEAN MOLINET. 355

peaultre et gobelets de même sorte , et , au fons des coffres, un tas de vieils bagaiges de poure value , ^>ar quoy la trafique fut bien approuvée. Le lendemain , le principal facteur de ceste mise fut examiné ; etcongneult tout le faict bien auloing , receut son payement de la marchandise qu'il avoit amenée; car il fut décapité publiquement etescartelé ; et la fille , pour ses démérites , fut eu grant dangier de redevoir souldée condigne ; mais elle donna à entendre qu'elle estoit encheinte, se fut respitée.

taaaBmaassamsaaatÊX