CHAPITRE CGLXII
La prime et réjnrinse de la ville et chasteao de Lens en Arthois.
Après la prinse d'Arras, Bourguignons el Aliemans, illecq en grand nombre, délibérèrent de prendre aulcunes places à l'environ, pour gaigner et augmenter le nom et la querelle de leur prince; et entre les aultres, Robinet Ruffin, natif d'ArraS, fort affecté à la recouvrance des pais , et lequel, de son josne eage, s'estoit habilité au très noble mestier d'armes , et avoit bien et léalement Servi le roy des Romains et monseigneur l'archiduc , sans converser entre les Franchois; icelluy Robinet ? accompaigné d'aultres Bourguignons et Allemans haquebutiers, se mit au dessus de la ville et c hast eau de Lens en Arthois, Le seigneur desQôerdes, lequel
356 chroniques ( i 4o*)
par manière de dire , avoil lors les crinchons en la tête et la puce en l'oreille, à cause de la perte d'Arras qui lui serroit le cœur, fist une assemblée de gens d'armes, en nombre de trois à quatre mille, dont lapluspart furent Suisses, se vint planter devant la ville de Lens , et fît sommer ledit Robinet qu'il rendesist la place au roy <le France , ou aultrement il seroit assailly. Ledit Robinet, lequel, paravant l'arrivée du seigneur desQuerdes, estoit aulcunement adverti de sa venue , avoit mandé secours de ceulx d'Àrras, par quoy ne voelt sitost acquiescer à soy rendre, et monstra bonne mine , s*ins crainte d'assault ne de siège. Toutefois, quelque contenance de seureté qu'il monstrast , les Franchois firent vistement leurs approches d'engiens à pouldre , et besongnèrent tellement qu'ils gaignèrent la ville ; et Bourguignons et Allemans approchèrent le c hast eau pour seureté de leurs corps , et le tindrent puissamment contre le seigneur des Querdes et les siens, lesquels durement furent servis d'engiens à pouldre; mais les Franchois fisrent si grands debvoirs de leurs mortiers , et se monstrèrent si vigoreux, que les hacquebu tiers, estant à leurs deffenses, furent tous estonnés ; ils se despouillèrent de hardiesse , et , par espouvantemenfc , se desvallèrent dedens les fossés , par dessus la muraille , dont le premier qui le chemin monstra fut illecq occis et mutilé , par quoy les aultreô perdirent bon corraige.
Les Allemans hacquebutiers du parti des Fran-
chois , voyant leurs pusillanimitez, parlementèrent avecq eux , disans : « Rendez- vous ! rendez- vous ! » Nous vous garantirons , et ne aurez quelque dan- » gier de votre corps. » Et tellement convindrent ensemble , que le capitaine Robinet se trouva habandonné de ceulx desquelz il se debvoit aider ; pour quoy , considéré que nul secours ne luy venoit , il se rendit , la vie saulvé , et fut à sept cens escus de sa ranchon ; et ceulx de Sa bende eschappèrent pareillement, et furent taxés de leur ranchon, chacun selon sa faculté.
Depuis la* reddition dudit chasteau de Lens, Robinet Ruffin , ensemble aulcuns Bourguignons , se logèrent en Tesglise et la fortifièrent; car leur sembloit assez tenable pour une bende des ennemis; mais il fut tout chaudement assiégé par une grosse tourbe de Franchois , servi et resveillié de si grosengiens, que le son d'iceulx estoit oy jusques en la ville de Liste ; et fust ladite esglise en grand dangier d'estre totalement dilapidée et destruicte , car une partie d'icelle fut bruslée , et ledit Robi • Het , ensemble partie des siens , trouvèrent manière d'eschapper.
358 CHKOWtQUBS (»49*)
