CHAPITRE CCLXV
De l'horrible cas , lequel advint en Paris , par ung prebstre vilipendant te
Sainct-Sacrement de l'autel.
Ung presbtre , nommé sir Jehan Langlois , eagé de trente-six ans ou environ, natif de Paris, notable confesseur et curé dlvry , à deux lieues de Paris , assez clercq et beau personnaige en son temps , avoit demeuré en Avignon, et conversé avecq aulcuns Juifs, lesquels le séduire nt, et tant persuadèrent, qu'il renia nostre loy , et par la incitation d'iceulx , leur promit de abolir le corps de Nostre-Seigneur en la maistresse esglise, ville de chrestienneté, et où la foy de Nostre-Seigneur estoit la plus exaulcée , par l'estude des suppostz de nostre mère l'Université, la plus recommandée du monde en la faculté de théologie ; et ce lui firent faire , pour plus commectre de gens à leur mal dite erreur; car leur sembloit , s'il povoit suborner ceulx d'illecq , que le résidu seroit converti de légier, et mist , comme l'on dit } trois ans avant qu'il peu sis t paractaindre les fins de ses conceptions; et de faict se tira audit Paris, où il avoit sa mère vivante, et pour plus détester le corps de Notre- Seigneur Jésus-Christ, se proposa de commectre son mesus en l'esglise Notre-Dame de Paris , et au grand autel, le jour du Sainct-Sacrement, nommé
('49 3 ') DE JJBAH MOL IN ET. 3gi
la Feste-Dieu ; mais il ne poelt parvenir à ses actainctes. Dont le lendemain vendredy , Tan mil quatre cens quatre-vingt-treize , en la chapelle de Sainct-Grespin et Sainct-Crespinien , en ladite esglisè, assez près du chœur, ung prebstre chantoit messe haulte à diacqueet sous-diacque, en présence d'aulcunes dévotes personnes illecq oyans messe , et lors que le prebstre chantoit ladite messe , estant en ce pas , Agnus Dei, qui tollis peccata mundi, etc ; ledit sire Jehan estant auprès du célébrant, respondit : « Tu mens, il n'est poinct comme tu dis ; » et prins les deux parties du corps de Nostre-Seigneur, et les brisa de ses doigts , se les rua par terre, puis prins le calice du prebstre, ensemble l'autre partie dudit corps , et respandit le précieulx sang de Nostre^Seigneur sur le pavement, fit semblant, de son pied, pour marcher sur cedit précieulx corps, mais le diacque le destourba et def* fendit. Ung escuyer, ou. noble homme, oyant illecq messe , voyant ce grant désordre , print sa dagitfc pour frapper ledit prebstre , mais les escoutans le retardèrent, disans que par adventure estoit hors du sens.
Finablement ledit malfaicteur fut appréhendé et mené en la conchiergerie , et fut illecq suffisamment interrogué de sa loy , conversation et estât ; et lui fut demandé s'il avoit usé de son inesus comme frénéticque ou possessé de l'ennètay , il respondit que non ; mais de faict précogité , et qu'il n'avoit faict chose qu'il ne fesist de rechief ,
et que nostre foy catholicque n 'estoit que abus, et creoit ung seul Diçu, créateur du ciel et de la terre, comme font les Juifs , lesquels ainsi l'avoient induict; non poinct en Jésus -Chryst ne en sa vierge mère ; mais expectoit Messias tel que les Juifs actendoient ; et lors lui fut demandé quant il célébroit la messe , comment il disoit , et il respondit que pour contenter les gens, il faisoit manière de dire comme les autres ; mais il disoit : Hic est verus partis , et n'avoit célébré en sa vie que deux messes : Tune fut la première pour contenter celuy qui l'avoit apprins , et une autre à la volunté des Juifs, pour faire aulcune superstition du corps de Nostre-Seigneur.
Maistre Jehan Standourck , vénérable docteur en théologie et homme de grande saincteté , fut entre les aultres , lequel plus coincqua avecq lui , affin de le réduire de ténèbres à vraye lumière. Il avoit conversé aulcune espace avecq lesdits Juifs , estans en Avignon , et lesquels l'avoient séduict ; dont, quant Ton lui faisoit aulcun argument qu'il ne povoit souldre , il disoit bien que se le maistre juif, lequel à ce l'avoit instruict , estoit présent , illecq sçauroit bien respondre. Une fois se repentit de son mesus , congnoissant qu'il avoit pesché grandement , par quoy il disoit que se l'on le voioit laisser en chartre perpétuelle pour user sa vie, sans estre exécuté villainement devant le monde , il se rappelleroit. Mais pour ce que le cas estoit tant inhumain et exécrable , que riens plus de le laisser
('49 3 ) DE JEAN MOLINET. 3q3
passer sans pugnition , au 1 très se enhardiraient de ce faire etseroit grant esclandre. Donc, quant il percheut qu'il seroit exécuté , comme il fut , il persista en son erreur , et eut la langue coppée par le bourreau , lequel la jecta par terre , et ung brach coppé ; puis fut lyé en une estache environnée de feu , et bruslé tout vif. Maistre Slandouck, lequel le administrait à son dernier , affin de saulver son ame , percheut à l'extrémité qu'il commencha à crier, combien qu'il eut la langue coppée , heu ! comme s'il volsist dire Jésus ; par quoj l'on espérait qu'il morut contrict ou constraint de son pesché.
