CHAPITRE CCLXIV
La publication de la paix susdite , ensemble le retour de madame Margue rite d'Austrice, partant de France pour venir es pais de monseigneur l'archiduc son frère.
Le vingt-sixième de mai, jour de la Penthecouste, environ dix heures, lorsque Ton chantoitàlagrand' messe , Veni, sancte Spiritus , etc. , fut publiéela paix en Vallenchiennes 5 lettres furent envoyées par messieurs les ambassadeurs de nostre quartier ; c'est à sçavoir : l'évesque Guillaume de Tristadt , le marquis de Baden , le conte de Nassou, le seigneur de Waihain et autres , comment le roy de France , environ deux heures après disner, a voit juré la paix de Senlis et faict publier; parquoi lesdits ambassadeurs mandèrent au prévost, le conte messire Jehan de Lannoy, chief des armes de Lannoy, seigneur de Myngoval, ensemble au prévost, eschevins de Vallenchiennes, que l'on publiast ladite paix, comme elle fut, sans plus avant déclarer les articles; mais bonne paix, inviolable par terre, par mer et par eau doulce, à l'heure que l'on chantoit la messe du jour de la Penthecouste, la collecte du Sainct-Esprit, Deus, qui hodiernâ die corda Jidelium Sancti Spiritus illustratione docuistij da nobis, etc. auxquelles paroles est comprinse la date de l'année de ladite paix.
L'ambassade de l'empereur en partie et celle du
roy des Romains, après la paix faicte à Sentis, ramenèrent madame Marguerite à Sainct-Quentin ; ensemble le conte de Vendosme , pour le roy de France, et le bastard Antoine de Bourgogne, et la cônduirent jusques en la terre du Cambresis, où ils prindrent congié à Madame* Aulcuns desdits Franchois se monstraient estre moult dolens; mais ladite dame ne se changea , et aulcuns Cambrésiens, illecq allez au-devant d'elle, crioient Noël! et la dame respondit aux crieurs : « Ne criez pas Noël! mais , vive Bourgogne ! » et entra en Cambray , se fut loger au palais de l'évesque , et les autres seigneurs qui mieulx mieulx ; et le lendemain elle entra en Vaiienchiennes , environ noef heures du soir, par ung joedy. Ceulx d'icelle ville avaient faict grandes préparatoires pour sa réception, allèrent au-devant d'elle à chevaulx et à grand nombre , tous vestus de robes blanches ; les rues furent tendues moult richement , et le plus triomphament que l'on povoit faire, depuis la porte Cambrésienne jusques à la Salle-le-Conte, où elle fut logiée. Le marché estait paré de verdure comme une rue, et entre deux plusieurs flambeaux. Les mestiers de la ville furent constraincts par les seigneurs d'icelle , de faire certaines histoires avant les rues, et firent deux portes moult riches, couvertes de draps et de parures , l'une , delà le beffroy, et l'aultre au coing du marché tirant vers ladite Salle-le-Conte. Les histoires les plus recommandées furent le sacre du roy des Romains , This-
04<)3) DE JEAN MOLINET. 38g
toire de saincte Marguerite , l'histoire de Pegasus volant en aer, l'histoire de Daniel et de Abacuc , devant saint Géry; et l'histoire de l'évangile des dix vierges, lesquelles les cinq estoient sages, et les autres cinq folles. Plusieurs joueurs d'esbaltemens et de personnaiges de la ville de Douay , et mesme de Vallenchiennes , montez sur charriots, allèrent devant ladite dame jouer à ladite salle , touchant la paix et l'exaultement de son nom et de sa bien- venue. Entre les autres gens et personnaiges , ceulx de la ville jouèrent ce que orrez , en la grande salle , devant madame , et toutes les dames estans illecq , comme madame la Grande , madame deRavestain, la princesse deTarente, toutes les ambassades, tantd'Ailemaigne , de France, que autres; et estoit ce dit jeu fondé sur la désertion du pays, lequel revenoit en convalescence, le tout en bregerie. France illecq monstroit pour son avance une couronne toute de carolus, et Flandres d'autre part ung chappeau de sept marguerites. Là fut le congié contenu de France et de Marguerite; et le lendemain se fit le congié des dames franchoises, à leur départ, où furent plusieurs larmes plorées d'ung quartier et d'autre.
