Le texte porte : soront

306 GHEONIQUBS DB LOUIS XU. [Mai iS07

pour aUer au chasteau, sur main senestre, furent faîctz de la longueur des lioes grans chaffaulx, pour la, au bout d'iceulx, du costé dudit chasteau, estre le Boy et les princes et seigneurs qui avecques luy estoyent. Dedans iceulx eschaSaulx, tout du long, furent faîctz lieulx et places propices, regardans dedans les lices, pour mectre et asseoir les dames qui la viendroyent. De l'autre costé, fut faict ung eschaffault, pour mectre les juges desdits combatz. Au bout desdites lices, du costé du chasteau, avoit ung peron, hault de dix toises, au bas duquel avoit ung petit eschaffault, pour la estre le Roy d'armes ordonné pour recepvoir les noms et escus de ceulx qui vouldroyent accepter le combat. Encontre ledit peron, avoit actachez deux escus, dont Tung estoit d'or, auquel touchoyent ceulx qui acceptoyent le combat a pié ; l'autre estoit d'argent, ou ceulx qui vouloyent accepter le combat a cheval touchoyent. Entre les lices et les eschaffaulx, avoit une place de quarente pas de large et de la grandeur des lices, toute garnye et semée de sabblon, pour tenir a ferme les chevaulx et ceulx qui la combatroyent. De ce tournoy et combat fut partout nouvelles ; si que, de toutes les Italles, y vindrent dames a si grant nombre que, scelon le rapport de plusieurs, y en avoit plus de troys mille, toutes vestues de robes de drap d'or.

D'aucuns grans banquetz et choses joyeuses QUI furent lors faictes a Millan.

Tandis que les lices et eschaffaulx se faisoyent, et

Mai 1507] D'UNG BANQUET 8UMPTUEULX, ETC. 307

qu'on s'apprestoit pour oombatre, dances et banquetz et autres joyeulx passe temps se mectoyent en avant par la ville de Millan; tant que, pour commaincer, ung nommé messire Galeas Yisconte, grant seigneur a Millan, fist ung banquet au Roy, ou princes et cardinaulx, avecques grant nombre de gentishommes et dames, en triumpbal estât se trouvèrent et toutes les gardes du Roy. Geluy Galeas avoit ung sien filz, jeune enfent, lequel fist la confirmer au cardinal de Ferrare, arcevesque de Millan, et pria le Roy que son plaisir fust que a son filz vousist donner en sa confirmation son nom, ce qu'il fist voluntiers, et fut la nommé Louys, et confirmé par ledit cardinal, qui, pour ce faire, prist les habitz pontificaulx.