Après une captivité de plus de trois mois

36 CHRONIQUES DB LOUIS XII. [Jauv.-Marâ 1506

son royaume d*Espaigne fut en brief, et la receu des seigneurs et gens du pays a grant sollempnité et joyeuse feste^.

Apres la feste de Nouel, madame Germaine de Foix, Royne d'Arragon, s'en alla de court pour tirer vers Espaigne, accompaignée de grant noblece de France, et avecques elle s'en allèrent les* princes et seigneurs du royaume de Naples, qui, au moyen de ce mariage, devoyent estre remys en leurs seigneuryes; ausquelz le Roy donna force argent et leclres pour bailler au Roy d'Arragon, touchant la délivrance de leurs places et possessions. Aussi ordonna le Roy que, pour icelle conduyre jucques en Espaigne, l'evesque d'Alby feroit le voyage avecques plusieurs autres* et que, par toutes les villes et lieulx du royaume de France ou elle passeroit, feroit entrée et seroit receue comme la personne du Roy, ayant puissance de donner grâces et remissions et eslargir prisonniers ; et ainsi s'en alla celle noble princesse, laquelle partit de Tours, entour la feste des Roys, et adressa vers son pays^ par ung temps si très froict a merveilles qu'en plusieurs lieulx les arbres gellerent et mesmement les noyers et les ollyviers en Languedoc, les amendiers et les chastaigniers jucques a la racyne et les vins dedans les pipes par les caves et celliers ; et eust gellé le blé semmé en terre, n'eust esté la nege, qui en plusieurs lieulx