Lettres de Louis XII, 1, 34 et suiv

Décembre 1505] LA GOMPLAINGTE DE GENNES. 35

s'estoit faict en ÀDgleterre, ledit archiduc fut mené et conduyt a Lomdres, ou le Roy d'Angleterre estoit lors, lequel le festya honnorablement et le consolla au myeulx qu'il peut de la deffortune de sa perte, en le trectant le plus humainement qu'il sceut faire ; et, après que quelque bonne espace de temps eut la demeuré, il demanda s'en aller *en ses pays, priant le Roy d'Angleterre ne le plus détenir, veu les affaires qu'il avoit; auquel dist le Roy d'Angleterre que de droict pouvoit estre son prisonnier, veu que son nauffrage avoit faict en Angleterre, mais ne le vouloit trecter comme prisonnier; ains luy feroit comme a frère et bon amy, en luy disant : t Vous avez en voz pays Emond de la Pôle, conte de Suffolk, lequel se dit avoir droict a la couronne d'Angleterre et veust quereller mes pays. De quoy je le repute mon mortel ennemy et luy en veulx de toute ma puissance. Par quoy, si vostre délivrance voulez avoir, avant ce, vous veulx prier que celuy conte de Suffolk me vueillez mectre entre les mains, et, ce faict, aurez non seullement franche délivrance, mais secours de mon pouvoir et ayde de mon effort. » L'archiduc, voyant que besoing luy estoit de ainsi le faire, mist ledit de Suffolk entre les mains du Roy d'Angleterre, en luy priant le trecter le plus doulcement qu'il pourroit, ce que luy promist de faire ^ Ainsi fut dehvré l'archiduc^, lequel, estant en Angleterre, fist la de rechief sa provision pour aller en Espaigne, ou s'en alla, bien accompaigné par mer comme devant, et eut le temps doulx et la mer transquille, tant qu'en

1. Suffolk, ainsi extradé, fut enfermé à la Tour de Londres. Plus tard, en dépit de l'engagement pris, Henri VIII lui fit trancher la tête (1513).