Ms. : mention

26 CHRONIQUES DE J. FROISSART. [1388-(i384!]

n'estoit pas sienne, et ses gens aussi mors ou prins; petit se sauvèrent. Si fu amené le Mongat à Thoulouse, et le voloient le commun de la ville occire dedens les mains du senesclial . A grant peine le peurent- 5 il sauver et mettre ou chastel, tant estoit-il fort hay à Toulouse. Si bien li chey que le duc de Berry vint à Thoulouse; il eut tant d'amis sur le chemin que le duc le tist délivrer parmi mille frans que le seneschal en ot pour sa raençon.

10 Quant le Mongat se vey délivre et il fu retourné à Lourde, pour ce ne cessa-il pas ses emprises, et se parti une fois de Lourde lui v*., sans armeures, en abit d'abé, et menoit ni. moines, et lui et les moines avoient couronnes reses, et ne cuidast nul jamais, se il

15 les veist, que ce ne t'eussent drois moines, car trop bien en avoient l'abit et la contenance. En tel estât, il vint à Montpellier et descend! à l'ostel à l'Aiigele, et dist que c'estoit ung abbé de la haulte Gascoingne qui s'en aloit à Paris pour besongnier. Il s'acointa d'un

20 riche homme de Montpellier, sire Berengier Oste, lequel a voit aussi à faire à Paris pour ses besongnes. Ce abbé dist que il l'emmenroit à ses frais. Cellui fu tout joyeux quant il oy dire que il aroit ses frais quictes, et se mist au chemin avecques le Mongat, lui seulement

25 et ung varlet. Hz n'eurent pas eslongié Montpellier trois lieues, quant le Mongat le prist et l'emmena par voyes torses et par chemins perdus, et tîst tant que il le tint en la garnison de Lourde, et depuis le raençonna-il, et en ot cinq mille frans. — « Sainte Marie.

30 sire, di-ge lors au chevalier, ce Mongat estoit-il appert homme d'armes? » — « Oil voii", dist-il, et par armes morut-il, et sus une place où nous passerons dedens

trois jours, ou pas que on dit au Lare en Bigorre, dessoubz une ville que on dit la Chivitat. » — « Et je le vous ramenteneray, di-ge au chevalier, quant nous serons venus jusques à là. »

Ainsi cheminasmes-nous jusques à Montesquieu, 5 une bonne ville freinée, au conte de Foeis, laquelle les Haininages et les Labrisiens prinrent et emblerent une fois; mais ilz ne la tinrent que trois jours. Au matin, nous nous parteismes de Montesquieu et chevauchasmes vers Palamyiiinch, une bonne ville fre- 10 mée séant sur la Garonne, qui est au conte de Foeis. Quant nous fusmes venus moult près de là, nous cuidasmes passer au pont sur la Garonne pour entrer en la ville; mais nous ne peusmes, car le jour devant il a voit tant pieu ens es montaignes de Cathellongne et 15 d'Arragon, par quoy une autre rivière qui vient d'icellui pays, qui s'appelle le Sallas, estoit tant crute, avec ce que elle court radement, que elle en avoit mené aval la Garonne et rompu ung arch du pont qui est tout de bois; pour tluoy il nous convint retourner à 20 Montesquieu, et disner et là estre tout le jour.

A lendemain, le chevalier eut conseil que il passeroit au devant de la ville de Casserez, à batiau, la rivière; si chevauchasmes celle part et venismes sur le rivaige et feismes tant que nous et nos chevaux fusmes oultre, et 25 vous di que nous traversasmes la rivière de Garonne à grand paine et en grant péril, car le batiau n'estoit pas trop grant où nous passasmes, car il n'y povoit entrer que deux chevaulx au cop et cheulx qui les tenoient et les hommes qui le batiau gouvernoient. 30 Quant nous fusmes oultre, nous an estasmes à Cassers, et demorasmes là tout le jour. Endementres que on

28 CHRONIQUES DE J. KRUISSAKÏ. [1388-ii,976)]

appareilloit le soupper, le chevalier me deist : « Messire Jehan, alons veoir la ville. » — « Sire, di-ge, je le vueil. » Nous passasmes au long de la ville etvenismes à une porte qui siet devers Palamyninch, et passasmes 5 oultre et venismes sur les fossez. Le chevalier me monstra ung pan de mur de la ville et me dist : « Veezvous ce mur illec? » — « Oil, sire, di-ge, pour quoy le dictes- vous? » — « Je le di pour tant, dist le chevalier; vous veez bien que il est plus neuf cjuc les autres. » — « C'est vérité, respondi-ge. » — « Or, dist-il, par quelle incidence ce fut, et quelle chose; y a environ x. ans il en avint. »

« Autrefois vous avez bien oy parler de la guerre le conte d'Armignac et du conte de Foeis, et comment

15 pour le pays de Berne, que le conte de Foeis tient, le conte d'Armignac l'a guerrié et encore guerrie, quoyque maintenant il se repose; c'est pour les trieves cju'ilz ont ensemble, et vous di que les Arminags ne les Labrisiens n'y ont riens gaingnié, mais perdu par trop

20 de fois trop grossement ; car par une nuit de une Saint Nicholas en yver, l'an mil III" LXII, le conte de Foeis prist assez près du Mont de Marsen le conte d'Armignac, le tayon de cestui, le seigneur de Labrelh, son nepveu, et tous les nobles qui ce jour avec eulx es-

25 toient, et les amena à Ortais, et encores en a le conte de Foeis, en la tour du chastel d'Ortais, par x. fois cent mille frans seulement de ceste emprise là. Or avint depuis que le père du conte d'Armignac, qui à présent est, qui s'appelloit messire Jehan d'Armignac, mist une

30 chevauchir une fois sus de ses gens et s'en vint |H'eiidre et eschieller ceste ville de Casseres, et y lurent bien 11°. hommes d'armes, et monstroient que ilz la voloient

[1388-(i376)] LIVRE TROISIÈME, § 7. 29

tenir de puissance. Les nouvelles vinrent lors au conte de Foeis, qui se tenoit à Pau, comment les Arminags et les Labrisiens a voient prins sa ville de Cassieres. Lui, qui est saige chevalier et vaillant et conforté en toutes ses besongnes, appella tantost deux frères che- 5 valiers qu'il avoit, lesquelz estoient chevaliers, messire Ernault Guill[aum]eet messire Pierre de Berne, et leur dit : « Chevauchiez tantost devers Casseres, je vous envoyerai gens de tous lez, et dedens trois jours je seray là avecques vous ; et gardez bien que nul ne se parte de 10 la ville, qu'ilz ne soient conbatus, car vous serez fors assez, et vous venus par devant Casseres, à force de gens du pays faittes là apporter et à charrier busches à grant plenlé et mettre contre les portes et enterrer au dehors, et puis ouvrer et charpenter au devant 15 bonnes grosses bailles, car je vueil que tous ceulx qui sont là dedens y soient tellement enclos que jamais par les portes ilz en saillent. Je leur feray prendre autre chemin. »

Les deux chevaliers firent ce que on leur avoit com- 30 mandé et s'en vinrent à Palaniyninch, et toutes gens de Berne les sieuvoient. Hz s'en vinrent devant ceste ville de Cassieres et là se logierent. Ceulx qui dedens estoient n'en firent compte, mais ne se donnèrent garde quant ilz furent tellement enclos que par les 25 portes ilz ne povoient issir ne saillir. Au ra°. jour, le conte de Foeis vint, accompaignié de bien v . hommes d'armes, et si tost comme il fu venu, il fist faire bailles tout autour de celle ville et bailles aussi autour de son host, par quoy de nuit on ne leur peust porter dom- 30 maige. En tel estât et sans assaillir, tint-il ses ennemis plus de XV. jours, et eurent là dedens Casseres très

30 CHRONIQUES DE J. FROISSART. ll388-(/376)J

grant deffaulte de vivres ; des vins avoienl-ilz assez. Et ne povoieiit issir ne partir fors que par la rivière de Garonne, et se ilz s'i boutoient, ilz estoient perdus davantaige. Quant messire Jehan d'Armignac et nies- 5 sire Bernard de Labreth et les chevaliers de leur costé, qui là estoient, se veirent en ce parti, si ne furent pas aseur de leurs vies, car ilz sentoient le conte de Foeis trop cruel. Si firent traictier devers lui, et leur sambla que il valoit mieux à estre leurs prisonniers que

iO là morir honteusement par famine. Le conte de Foeis entendi à ces traictiez, parmi tant que il leur fist dire que ja par porte qui fust en la ville ilz ne sauldroient, mais leur feroit-on faire ung pertuis ou mur par où ilz ystroient. Il convint que ilz presissent ce parti,

15 autrement ilz ne pouvoient finer; ainçois que le conte de Foeis s'en fust déporté, feussent-ilz là dedens tous mors. On lui fist faire ung pertuis ou mur que ne fu pas trop grant, par lequel ung et ung ilz issoient, et là estoit sur le chemin le conte de Foeis armé et toutes

20 ses gens et en ordennance de bataille. Et ainsi que ceulx issoient, ilz trouvoient qu'ilz les recueilloit et amenoit devers le conte. Là les départi le conte en pluseurs lieux, et les envoia en pluseurs chastelleries et seneschauciés, et ses cousins, messire Jehan d'Armi-

25 nage et messire Bernard de Labreth, messire Manant de Barbeson, messire Raymond de Benach, messire Benedic de la Gornille et environ eulx xx. des plus notables il emmena avec lui à Ortais, et en ot, ainçois que ilz lui eschappassent, cent mille francs deux fois.

30 Par celle manière que je vous di, biau maistre, fu ce mur que vous veez et pour ceulx d'Armignac et de Labreth desrompu et depuis fut-il refait ».

[1388-(i576)l LIVRE TROISIÈME, !;! 8. 31

A ces mots, retournasmes-nous à l'ostel et trouvâmes le soupper tout prest, et passâmes la nuit, et à lendemain nous nous partesimes et chevauchasmes contreraont la Garonne, et passâmes parmy Palamyninch, et puis entrâmes en la terre le conte de Gom- 5 miniez et d'Arminagh au lez devers nous, et d'autre part la Garonne si est terre au conte de Foeis.

§ 8. En chevauchant nostre chemin, me monstra le chevalier une ville assez forte et bonne par samblance qui s'iippelle Marceras le Crousac, laquelle est au conte 10 de Commini;es, et d'autre part la rivière, sur la inontaigne. me monstra-il deux chasteaux qui sont au conte de Foeis, dont l'un s'apelle Montmirail, l'autre Moiiclar. En chevauchant entre ces villes et ces chastiaux, selon la rivière de Garonne, en une belle praerie, me 15 dist le chevalier : « Ha, messire Jehan, que j'ay icy veu pluseurs fois de bonnes escarmuches et de dures et bonnes rencontres de Foeisois et d'Arminags, car il n'y avoit ville ne chastel qui ne feussent pourveus et garnies de gens d'armes, et là couroient et chaçoient 20 l'un sur l'autre, et là dessoubz vous en veez les masures que firent les Arminagcs à l'encontre de ces deux chasteaux, une bastide, et la gardoient LX. hommes d'armes et faisoient moult de maulx par deçà la rivière en la terre du conte de Foeis. Mais je vous diray 25 comment ilz leurs emprist ; le conte de Foeis y envoya une nuit son frère, messire Pierre de Berne, a tout n". lances, et amenoient en leur compaignie bien iiir. villains tous chargiez de fagos. Si appoierent ces fagos contre celle bastide, et encore grant foison de 30 bois que ilz copperent en ces hayes et en ces buissons.

32 CHRONIQUES DE J. FROISSART. [1388-(i376)]

et puis boterent le feu dedans. Si ardirent la bastide et tous ceulx qui dedens estoient, sans nul prendre à mercy. Onques depuis nul ne si osa ramasser. » En telles paroles et devises chevauchasmes-nous tout 5 le jour contremont la rivière de Garonne, et vey d'une part et d'autre la rivière pluseurs beaux chasteaux et fors. Tous ceulx qui estoient par- delà à la main senestre estoient pour le conte de Foeis, et ceulx par delà devers nous estoient pour le conte d'Armina^c. Et pas-

10 sames à Montpesach, ung très bel chastel et très fort pour le conte d'Arminaj^c, séant hault sur une roche, et dessoubz est le chemin et la ville. Au dehors de la ville, le trait d'une arbalestre, a ung pas que on dit à la Garde et une tour sur le chemin entre la roche et

15 la rivière, et dessoubz celle tour, sur le passage, une porte de fer coulice, et pourroieiit vi. garder ce passaige contre tout le monde, car ilz n'y pevent que deux chevaucher de front pour les roches et pour la rivière. « Adont, di-ge au chevalier, sire, vecy ung

20 fort passaige et une forte entrée de pays. » — « C'est voir, respondi le chevalier, et combien forte qu'elle soit, le conte de Foeis la conquist une fois, et passèrent luy et ses gens tout par cy, et vinrent à Palamyninch et à Montesquieu, et jusques à la cité de Paumiers. Si

25 estoit le passage assez bien gardé, mais ai'chiers d'Engleterre qu'il avoit en sa compaignie li aidèrent grandement son fait à faire, et le grant désir aussi que il avoit de passer tout oultre pour venir en la marche de Paumiers. Or chevauchiez emprés moy, et je vous

30 diray quelle chose il fist adont. > Lors chevauchai-ge de costé lui et il commença à faire sa narracion.

« Le conte d'.\rminagc et le sire de Labreth, ce dist

le chevalier, a tout bien V'. hommes d'armes s'en vinrent en la conté de Foeis et en la marche de Paumiers, et fu droitement à l'entrée d'aoust, que on doit recueillir les biens aux champs et que les roisins meurissent. Et pour celle saison, il en y avoit grande ha- 5 bondance ou pays dessusdit. Messire Jehan d'Arminagc se loga adont et ses gens devant la ville et chastel de Savredun, à une petite lieue de la cité de Paumiers, et là livrerent-ilz assault, et mandèrent à ceulx de Paumiers que se ilz ne l'achatoient leurs bleds et leurs 10 vignes ilz arderoient et destruiroient tout. Ceulx de Paumiers se dobterent, car le conte leur sire leur estoit trop loing; il estoit en Berne, et eurent conseil d'eulx rachater et rachaterent à vi". frans, mais ilz prinrent xv. jours de terme; on leur donna. Le conte IT) de Foeis l'ut informé de tout cest aHairo. Si se hasta du plus qu'il peut, et manda gens de tous costez, tant que il en ot assez, et s'en vint au ferir de l'esperon devers Paumiers, et passa ou pas de la Garde, à celle porte coulice de ter et la conquist, et s'en vint bouter en la cité 20 de Paumiers, et gens li venoient de tous lez, et avoit adont largement xii". lances, et fust venu sans double combatre messire Jehan d'Arminacg et ses gens, se ilz l'eussent attendu; mais ilz se partirent et se retrairent et rentrèrent en la conté de Commingnes, et point ?5 n'emportèrent l'argent de ceulx de Paumiers, car ilz n'eurent pas loisir de l'attendre. Mais pour ce ne le quitta pas le conte de Foeis à ses gens, mais dist que il l'aroit et que il l'avoit gaignié, quant il estoit venu tenir sa journée et bouter hors du pays ses ennemis. 30 Si l'ot et en paya ses gens d'armes, et là se tint tant que les besongnes des bonnes gens furent laictes, et

que ilz eurent recueilly et vendengié et le leur mis à seur. » — « Par ma foy, di-ge au chevalier, je vous ay oy volentiers. » A celle heure nous passâmes de costé ung chastel qui s'apelle la Bretice, et puis ung 5 autre chastel que on dit Baceles, et tout en la conté de Commignes.

En chevauchant, je regarday et vey par delà la rivière ung très bel chastel et grant, et bonne ville par l'aparant. Je deraanday au chevalier comment ce chas-

10 tel estoit nommé. Il me dist que on l'appelloil Montespain, et est à ung cousin du conte de Foeis, et qui porte les vaches en armoierie, que on dist messire Rogier d'Espaigne. C'est ung grant baron et grant terrien en ce pays cy et en Thoulousain, et est

15 pour le présent seneschal de Carcasonne. Lors demandai-ge au chevalier : « Cil messire Rogier d'Espaigne quelle chose estoit-il à messire Chaînes d'Espaigne, qui fu connestable de France? » Dont me respondi le chevalier et me dist : « Ce n'est point de ces Espai-

20 gnolz là ; car ce messire Rogier d'Espaigne et messire Charles, de qui vous parlez, vinrent du royaume d'Espaigne anciennement, et estoient d'estraction d'Espaigne, et de France de par leur mère, et furent cousins germains au roy Alfons d'Espaigne, et servy de ma

25 jonece messire Rogier d'Espaigne eus es guerres de Bretaigne, car il tu tousjours pour la partie à saint Charles de Blois contre le conte de Montfort. »

A tant laissasmes-nous à paijer de ceste matière, et venismes ce jour à Saint Causons, une bonne ville au

30 conte de Foeis, et à l'endemain venismes-nous disner à Mont Croial de Rivière, une bonne ville et forte, laquelle est du royaume de France et de messire Ro-

[13881 LIVRE TROISIÈME, !ij S. 35

gier d'Espai^ne. Après disner, nous montâmes à cheval, et parteismes et preismes le chemin de Lourde et de Mauvoisin, et chevauchâmes unes lendes qui durent en alant devers Thoulouse bien xv. lieues, et appelle-on ces landes Landes Bourc, et y a moult de périlleux pas- •"' saiges pour gens qui seroient avisez.

Emmy les Landes Bourc sciet le chaste! de Lamesen, qui est au conte de Foeis et une grosse lieue en sus la ville de Tournay, dessoubz Mauvoisin, lequel chastel le chevalier me moiistra et me dist : « Velà Mauvoisin et ^0 veez-vous point en vostre hystoire, dont vous m'avez parlé, comment le due d'Ango, du temps qu'il fu en ce pays et que il ala devant Lourde et y mist le siège et conquist le chastel de Trigalet sus Rivière, que nous veons cy devant nous, qui est au seigneur de la 15 Barre? » Je pensay ung petit et puis di : « Je croy que je n'en ay riens et que je n'en fu oncques infourmé. Si vous pry, recordez m'en la matière, et je y entendray volentiers; mais dictes-moy avant que je ne l'oublie à demander, que la Garonne est devenue, car je 20 ne la voy plus. » — « Vous dictes voir, dit le chevalier, elle se part entre ces montaignes et naist et vient de une fontaine à trois lieues de cy, ainsi que on vouldroit aler à Cathelongne, dessoubz ung chastel que on dit de Saint Beart, le derrain chastel du royaume de 25 France eus es frontières par deçà, sur les bendes du royaume d'Arragon, et en est sire et chastellain pour le présent et de toute la terre là environ ung escuier qui s'apelle Ernauchon, et est Bourc d'Espaigneet cousin germain à messire Rogier d'Espaigne. Se vous le 30 veyeez, vous diriez bien : cest homme cy a bien façon et ordonnance de estre droit hommes d'armes; et a

36 CHRONIQUES DE J. FROISSART. [1388-|i373l]

ce Bourc d'Espaigiie plus porté de contraire et de dommaifçe à ceulx de Lourde que tous les chevaliers et escuiers de ce pays n'aient, et vous di que le conte de Foeis l'aime bien, car c'est son compaignon en 5 armes. Je vous lairay à parler de luy; espoir à ce Noël le verrez-vous en l'ostel du conte de Foies. Et vous parleray du duc d'Ango, comment il vint en cest pays et quelle chose il y fist. » Adont chevauchasmes-nous tout bellement et il commença à parler et dist :

10 § 9. « Au commancement des guerres et que on reconquistet gaingna sur les Engloisce que ilz tenoient en Acquitaine, et que messire Olivier de Clichon f'u devenu bon François, il mena le duc d'Ango, si comme vous savez, en Bretaigne sur la terre que messire

15 Robert Canolle tenoit, et au siège de Derval; et je croy bien que tout ce vous avez en vostre hystoire, et le traictié (|ue messire Hue Bree, son cousin, fist au duc d'Anjou de rendre le chastel, et livra hostaiges, se plus fort que le duc d'Ango, qui là estoit à siegie, ne

20 venoit pour lever le siège. Et quant messire Robert Canolle se fu bouté ou chastel de Derval, il ne voult tenii" nulz des traictiez. » — « C'est vérité, di-ge, sire, tout ce ay-je bien. » — a Et avez-vous de l'escarmuche qui fut devant le chastel, où messire Olivier de

25 Cliçon fut navré? » — « Je ne sçay, respondi-ge, il ne me souvient pas du tout ; mais dictes-moy de l'escarmuche et du siège comment il en ala, espoir le savezvous par autre manière que je ne sçay? Vous retournerez bien à vostre propos de ceulx de Lourde et de

30 Mauvoisin. » — « C'est voir, dist le chevalier, j'en parle. Pour tant que messire Garsis du Chastel, ung moult vaillant chevalier de ce pays icy et bons Fran-

[1388-(i373)] LIVRE TROISIÈME, S 9. 37

çoys, estoit aie quérir le duc d'Angou pour amener devant Mauvoisin, et le duc avoit fait son mandement pour tenir sa journée devant Derval, et fist messire Garsis pour sa vaillance mareschal de tout son host. Voir est, si comme je l'ay oy dire depuis, que quant il 5 vey que messire Robert GanoUe avoit brisié et rompu ses traitiez, et que le chastel de Derval il ne renderoit point, il vint devei's le duc et li demanda : « Monsei- « jfneur, que ferons-nous de ces hostages?Ce n'est pas « leur coulpe que le chastel n'est rendu, et ce seroit Ifl « grant pitié se vous les faisiez mourir, car ilz sont « gentilz hommes et n'ont point deservy mort. » — 4 Dont, respondi le duc, est-il bon qu'ilz soient délivrez? » — « Oil, par ma foy, monseigneur, respondi le chevalier, qui en avoit grandement pitié. » — 15 « Alez, dist le duc, faites-en vostre volenté. » — A ces mots, messire Garsis du Chastel, si comme il me dist, s'en aloit pour délivrer les hostagiers de Derval; si encontra sur son chemin messire Olivier de Glichon, qui li demanda dont il venoit et là où il aloit. Il lui 20 dist : « Je viengs de monseigneur d'Angou, et voy dea livrer ces hostaigiers. » — « Délivrer, dist messire Olivier; attendez uiig petit ou retournez avec moy devers le duc. » Il retourna et s'en vinrent devant le duc, qui estoit tout pensif à son logis. Messire Olivier 25 le salua, et puis H dist : « Monseigneur, quelle est vostre entente; ne morront point ces hostaigiers? Par ma foy, si feront ou despit de messire Robert Canolle et de messire Hue Bree, qui ont menti leur foy, et vueil bien (jue vous sachiez se ilz ne meurent, que 30 dedens ung an je ne mettray bachinet en teste pour vostre guerre. Hz aïoient trop bon marcliié se ilz estoient quittés. Ce siège cy vous a cousté lx. mille frans.

38 CHRONIQUES DE J. FROISSART. [1388-(i373)]

et puis vous volez l'aire grâce à voz ennemis, qui ne vous tiennent nulle loyaultô? » A ces mots, se refelonna le duc d'Angou et dist : « Messire Oliviei", t'aites-en ce que bon vous semble. » — « Je vueil qu'ilz meurent,

5 dist messire Olivier, car il y a cause, puisque on ne nous tient noz convens ». Lors se parti-il du duc et vint en la place devant le chastel, ne onques messire Garsis n'osa parler ne prier depuis pour eulx, car il eust perdu sa paine, puisque messire Olivier de Cli-

10 chon l'avoit en charge, il fist appeller ung Ansselin; cil estoit la trenclie teste, et fist là decoler deux chevaliers et deux escuiers, dont on eut grant pitié, et en plorerent plus de if. en l'ost. Et tantost messire Robert Canolle fist ouvrir une posterne hors du chastel, et sur

15 les fossez il fist, ou despit des François, decoler tous les prisonniers que il tenoit, ne oncques il n'en respita homme, et puis fist ouvrir la porte du chastel et avaler le pont, et issir ses gens aux barrières et saillir oultre les barrières, et venir combatre et escarmuchier aux

'20 François. Et vous di, si comme messire Garsis me dist, que il y ot escaimuche très dui-e et très forte; et de premier y fut navré du trait messire OHvierdeClichon, dont il retourna à son logeis, et là furent très bons hommes d'armes, deux escuiers de Berne, Bertrand

25 de Baruge et Ernauton du Puy, et y firent des appertises d'armes assez, et tous deux y furent navrez. A l'endemain, on se desloga et vint le duc avec ses gens d'armes, que il avoit tenus devant Derval, à Toulouse, et de là en ce pays, et tout à l'intention que de des-

iii truire Lourde, car ceulx de Thoulouse s'en plaindoient trop grandement pour les degas et le grant (|ui leur faisoient de jour en jour.

[l388-(i373)] LIVKE TROISIÈME, § 9. 39

Si comme je vous raconte, il en avint, et fu tout premièrement le siège mis du duc d'Anjou et de ses gens devant le chastel de Mauvoisiii, que nous veons icy devant nous, et avoit le duc en sa compaignie bien VIII". combatans, sans les Genevois et les communes 5 des bonnes villes des sénéchaussées de ce pays. Du chastel de Mauvoisin estoit cappitaine pour lors ung escuier gascon, qui s'appelloit Raymonnet de L'Espée, appert homme d'armes durement. Tous les jours y avoit aux barrières du chastel escarmuches et lais lO d'armes, et appertises grandes et belles, lanceis de lances et poussis faictes, courses et envahyes de compaignons, qui se desiroient à avancier. Et estoient le duc et ses gens logiez en ces biaux prés entre Tournay et le chastel et sur la belle rivière de Lose. 15

Le siège estant devant le chastel de Mauvoisin, messire Garsis du Chastel, qui estoit mareschal de l'ost, s'en vint a tout v^ combatans et ii". archiers et arbalestriers, et bien ii". autres hommes de communes mettre le siège devant le chastel de Trigalet, que nous 20 avons cy laissié derrière nous, lequel chastel ung escuier gascon gardoit pour le seigneur de la Barte, car il estoit son cousin et s'appelloit le Bascot de Maulion, et avoit environ xl. compaignons dedens, qui estoient tous maistres et seigneurs de Landes Bourc*; ne nul 25 ne povoit passer ne chevauchier ce pas, se il n'estoit pèlerin alant à Saint Jaques, tant tort qu'il fust, qui ne fust pris, mort ou raençonné, avecques ung autre petit fort qui gist là oultre vers Lamaisan^, dont pillars et robeurs de tous pays assamblez avoient fait une 30