Ms. : l'eaue du boni

[138M-U37'i)] LIVRE TROISIÈME, S 10. .'i5

des pillars, il s'en vint mettre le siège devant la ville et le chastel de Lourde. Adont se doubta grandement le conte de Foeis du duc d'Angou, pour ce que il le venoit veir de si près, et ne savoit à quoy il tendroit; si fist le conte son mandement de chevaliers et escuiers, 5 et puis les envoia par toutes ses garnisons, et mist son t'rere messire Ernault Guill[aum]e en la ville de Merlens a tout if . lances, et son autre frère messire Pierre de Berne a tout if. lances en la ville de Pau ; messire Pierre de Cabestain en la cité de Lesquale a tout 10 u". lances; messire Monnaut de Nouvelles en la ville de Hartiel a tout c. lances; messire Ernault Geberiel en la ville de Mongerbiel a tout c. lances ; messire Foucault d'Orchery en la ville de Sauveterre a tout c. lances, et moy mesmes tu envoyé au Mont de Marsen a tout 15 n'. lances, et n'ot chastel en toute Berne qui ne t'ust bien pourveu et de bonnes gens d'armes ; et il se tint à Ortais en son chastel, et là où il tient ses florins. » — « Sire, di-ge au chevalier, en a-il grant foison? » — « Par ma foy, dist-il, aujourd'uy le conte de Foeis en 20 a bien par trente fois cent mille, et n'est jamais an qu'il n'en donne LX. mille, car nul plus large grant sire en donner dons ne vit au jour d'uy. » — « Lors, lui demandai-ge, sire, et ausquelz gens donne-il ses dons? » Il me respondi : « Aux estrangiers, aux che- 25 valiers, aux escuiers qui vont et chevauchent par son pays, aux heraulx, aux menestreulx, à toutes gens qui parlent à lui; nul ne se part sans ses dons, car qui les refuseroit, il se courrouceroit. » — « Ha, sainte Marie, sire, di-ge, à quelle fin garde-il tant d'argent et dont 30 lui en vient tant? Sont ses revenues si grandes que pour tout ce estoulYer, je le saroie volentiers, voire, se il vous plaist que je le sache. » — « Oil, dist le che-

46 rniiUNiguics de j. froissart. [13X8]

valier, vous \c sarez, mais vous m'avez demandé deux choses; si t'ault que je vous compte l'une après l'autre, et je vous delivreray premièrement de la première. »

5 « Vous m'avez demandé tout premièrement à quelle fin il garde tant d'argent. Je vous di que le conte de Foeis se doubte tousjours pour la guerre que il a au conte d'Armignac, et pour les envies de ses voisins, le roy de France ou le roy d'Engleterre, iesquelz il ne

10 courrouceroit point volontiers, et trop bien de leur guerre il s'est sceu dissimuler jusques à ores, car onques ne s'arma de l'une partie ne de l'autre, et est bien de l'un et de l'autre, et vous di et aussi vous le direz, quant l'acointance et la congnoissance de li aurez,

15 et oy parler vous Tarez, et Testât et l'ordonnance de son hostel vous verrez, que il est aujourd'uy le plus saige prince qui vive et que nulz hauls sires, telz que le roy de Fi\mce ou le roy d'Engleterre, courceroit le plus envis. De ses autres voisins, du roy d'Arragon ne

20 du roy de Navarre ne fait-il compte, car il ne fineroit plus de gens d'armes, tant a-il acquis d'amis par ses dons et tant en puet-il avoir par ses deniers, que ces deux roys ne feroient, et une fois ou deux je li ay oy dire que quant le roy de Cippre fu en son pays de

25 Berne et il li remonstra le voyage du Saint Sépulcre, i! l'en enamora si à faire ung grant conquest par delà, que se le roy de France et le roy d'Engleterre y feussent alez, après eulx ce eust esté le sire qui y eust mené la plus grant roule, et qui eust fait le greigneur fait; et

30 encores n'y renonce-il pas, et c'est en partie ce pour quoy il assamble et garde tant d'argent. Et le prince de Galles, du tamps que il régna eus es parties

[1388] LIVRE TROISIÈME, § 10. 'l7

d'Acquitaine et qu'il se tetioit à Bourdiaux sur Gironde, l'en mist en la voye; car pour le pays de Berne, le prince le maneçoit et disoit que il voloit que il la relevast de lui, et le conte de Foeis disoit que non t'eroit, et que Berne est si franche terre qu'il n'en doit hommage à nul seigneur du monde. Et le prince, qui pour ce temps estoit grant et cremu, disoit c|ue il le metteroit à mercy, et en eust fait aucune chose, car le conte d'Armignac et le sire de Labreth, qui heent le conte de Foeis pour les victoires ([ue il a eu sur eulz, li boutoient en l'oreille. Mais le voyage que le prince fist en Espaigne li rompi, et aussi messire Jehan Camdos, qui estoit tout le cuer et le conseil du prince, brisoit le pourpos du prince à non guerroier le conte de Foeis, et amoit messire Jehan le dit conte pour ses vail- 15 lance, mais le conte, qui se doubtoit et qui sentoit le prince grant et chevalereux, commença à assambler grant trésor pour lui aidier à deffendre se on l'eust couru sus. Si fîst tailles en son pays et sur ses villes, qui encores y durent et duront tant comme il vivra, et 20 prent sur chascun feu par an deux frans, et le fort porte le foible ; et là a-il trouvé et treuve encore grant avoir par an, et tant volentiers le paient ses gens que c'est merveilles, car parmy ce il n'est nul François, Englois ne pillart qui ne leur facent tort ne annuy d'un 25 seul denier, et est sa terre aussi sauve que chose peut estre, tant y est bien justice gardée, car en justiçant c'est le plus cruel et le plus droiturier sire qui vive. » A ces paroles, venismes-nous à la ville de Tournay, où nostre giste s'adonnoit. Si cessa le chevalier à faire 30 son compte, et aussi je ne l'enquis plus avant, car bien Savoie où il l'avoit laissié, et que bien y povoie recou-

vrer, car nous devons encore chevauchier ensemble, et fumes ce soir logiez à l'ostel de l'Estoille, et là fusismes nous tous aises.

Quant ce vint sur le soupper, le cliastellain de Mau- 5 voisin, qui s'appelloit messire Raymond de Leane, nous vint veoir et soupper avec nous, et fist apporter en sa com[)aignie quatre flascons plains de blanc vin aussi bon que j'en avoie point beu sur le chemin. Si parlèrent ces deux chevaliers largenientensainble, et tout tart messire

10 Raymond parti et retourna arrière en son chastel de Mauvoisin. Quant ce vint au matin, nous montâmes à cheval et partesimes de Tournay, et passâmes à gué la rivière de Leze, et chevauchasmes devers la cité de Tarbe, et entrâmes en Bigorre, et laissâmes le chemin de Lourde

15 et Bagneres et le chastel de Montgaillart à senestre, et nous adrechasmes vers ung villaige que on dit le pays le Civitat, et le coustiames et venismes en ung bois en la terre le seigneur de Berbesen, et assez près d'un chastel que on dit Marcheras, à l'entrée du pays au

20 Larre, et tant que le chevalier me dist : « Maistre Jehan, vecy le pais au Larre. » Adonl avisai-ge et regarday le pays. Si me sambla moult estrange et me comptoie pour perdu et en très grant aventure, se ne t'ust la compaignie du chevalier. Et me revinrent au devant

25 les paroles que il m'avoit dictes deux ou trois jours avoit, du Pas au Larre et du Mongant de Lourde. Si H rementeu et li di : « Monseigneur, vous me désistes devant yer que quant nous venriemes au pays du Larre, vous me conteriés la matière de Mongant de

30 Lourde et comment il morut. » — « C'est voir, dist le chevalier. Or chevauchez de costés moy, et je vous le compteray. »

[1388-(i383)l LIVRE TROISIÈME, § 11. 49

§11. Adont m'avançai-ge et me mis de costé luy pour oir sa parole, et il commença à parler et dist :

« Du temps que Pierre d'Auchin tenoit le ohastel et la garnison d'Ortingas, si comme je vous ay comptay [sic) par cy devant, chevauchoient ceulx de Lourde à la 5 foy à l'aventure moult en sus de leurs forteresses, et vous di que ilz ne l'avoient pas davantaige, car vecy le chastel de Barbesen, le chastel du Marscheras, où tondis a eu gens d'armes en garnison, sans ceulx de Bagnieres, Tournay, de Montgaillart, de Salenges, de 10 Benach, de Gorre et de Tarbe, toutes villes et garnisons françoises. Et quant ces garnisons sentoient que ceulx de Lourde chevauchoient vers Thoulouse et vers Carcasonne, ilz se queilloient et mettoient en embusche sur eulx pour eulx ruer jus et tollir les pillaiges que 15 ilz ramenoient; une fois y en avoit des ruez jus de une partie et d'autre, et d'autrefois à l'aventure passoient ceulx de Lourde sans estre rencontrez. Or avint une fois que Ernauton de Sainte Colombe, le Mongaut de Sainte Cornille, et le Bourgh de Carnellac et bien vi". lances de 20 bonnes gens se départirent de Lourde, et s'en vinrent autour des montaignes entre ces deux rivières Lise et Lèse, jusques à Thoulouse ; à leur retour ilz levèrent ens es praieries grant foison de bestial, vaches et buefs, porcs, moutons et brebis, et prinrent moult de bons 25 homs ou plat pays, et tout ramenoient devant eulx.

Le cappitaine de Tarbe, ung escuier gascon qui s'appeloit Ernauton Bisete, appert homme d'armes durement, lui fu segnifié comment ceulx de Lourde chevauchoient. Si le manda aux seigneurs de Benac et à 30 Agnelot Leane, filz à messire Baymond, et aussi au seigneur de Barbesen, et dist que il voloit chevauchier

50 CHRONIQUES DE J. FROISSART. [1388-(i383)]

contre eulx. Ces chevaliers et escuiers de Bigorre s'i accordèrent et se cueillierent tous ensamble et firent leur armes à Tournay, par où leur passaige estoit communément, et là fut aussi le Bourch d'Espaigne, qui y 5 vint de sa garnison de Saint Beart, et estoient environ if . lances, et envoierent leurs espies sur le pays pour savoir quel chemin ceulx de Lourde à leur retour faisoient. D'autre part, ceulx de Lourde avoient aussi leurs espies pour savoir se nulles gens d'armes se met-

10 teroient contre eulx sur les champs, et [firent] tant par leurs espies que ilz sceurent tout le convenant l'un de l'autre. Quant ceulx de Lourde entendirent que les garnisons françoises chevauchoient et les attendoient à Tournay, si furent en doubte et se conseillierent sur

15 les champs comment ilz se maintenroient et comment leur proie à sauveté ilz menroient. Si dirent : « Nous nous partirons en deux parties; l'une partie emmenra devant lui, tout chaçant, la proie, et là seront noz varletz et nos pillars; et prenderons le chemin à la cou-

20 verte de Lane de Bouch, et venrons passer le chemin au pont à Tournay et la rivière de Lèse entre Tournay et Miuivoisin, et les autres chevaucheront en bataille par les coinbliaux des niontaignes, et feront monstre pour revenir au Pas du Larre dessoubs Marscheras,

'25 pour rechoir entre Barbesen et Montgaillart; mais que nous puissons passer sauvementla rivière a tout noslre proie et que à Montgaillart nous soions tous ensamble, nous n'avons garde, car nous serons tantost à Lourde. » Ainsi comme ilz l'ordonnèrent ilz le firent, et prinrent

30 le Bastart de Carnillat et Guillemot de Harnes et Perrot Boursier et Jehan Calemin de Basele et Le Bouge, escuier, et xl. lances et tous leurs varlets, pillars

et autres, et leur dirent : « Vous enmenrez nostre proie et nos prisonniers toute Lane de Bourc et descenderez entre Tournay et Mauvoisin, et là passerez au pont la rivière et irez tout à la couverte entre le Civitat et Montgaillart, et nous ferons l'autre 5 chemin du Marscheras et de Barbesen, et tous nous retournerons ensanible à Montgaillart. » Si comme il fu ordonné il fu fait, et se départirent là sur ces champs et demourerent en route, et en la plus grande Ernauton de Rostem et Ernauton de Sainte Colombe et 10 bien un", compaignons, tous hommes d'armes. Il n'y avoit pas x. varletz, et restaindirent les plactes et mirent leurs bachinez et prinrent leurs lances, et chevauchèrent tous serrez ainsi que pour tantost combatre; ne autre chose ilz n'attendoient, car ilz sen- 15 toient leurs ennemis sur les champs.

Tout en telle manière que ceulx de Lourde avoient eu conseil de retourner, eurent aussi avis de eulx trouver et rencontrer les François, et dirent là messire Mennaut de Barbesen et Ernauton Bisete : « Nous 20 savons bien que ceulx de Lourde sont sur les champs et ramainent grant proie et foison de prisonniers; nous serons trop courrouciez se ilz nous eschappent Si nous fault mettre en deux embusches, car nous sommes gens assez pour cela faire. » Adont fut or- 25 donné que Ernauton, le Bourc d'Espaigne et messire Raymond de Benac et Angelot Lane, a tout G. lances, garderoient le pas à Tournay, car il convenoit du mains que leur bestail et leurs prisonniers passassent là la rivière de Lise. Et le sire de Barbesen et Ernauton 30 Bisete, a tout autres G. lances, chevauchèrent à l'aventure pour savoir se nulz en verroient ne trouveroient.

52 CHRONIQUES DE J. FROISSART. [1388-(i3S3)]

Ainsi se départirent les ungs des autres, et s'en vinrent

le sire de Benac et le Bourc d'Espaigne, et se misrent

en embusche au pont entre Mauvoisin et Tournay,

et les autres prinrent les champs. Droitement sur le

5 pas où nous serons maintenant, qu'on dist au Larre,

ilz se trouvèrent, et si tost comme ilz se veirent, tous

descendirent de leurs chevaux et se laissierent aler

paistre, et appuignierent leurs lances et s'en vinrent

l'un sur l'autre, car combatre les convenoit, en escriant

10 leurs cris : « Saint George, Lourde » et « Nostre

Dame, Bigorre. » Là vinrent-ilz l'un sur l'autre et

commencierent à bouter et à pousser fort et roide de

leurs lances et s'apassoient et s'apoioient en poussant

de leurs poitrines et point ne s'espargnoient, et là

15 furent une espace en fièrent de leurs lances l'un sur

l'autre, que ce sambloit, si comme j'ay oy recorder

ceulx qui y furent, ung pont, ne nul à ce commance-

ment n'estoit porté à terre. Quant ilz eurent assez

bouté et poussé de leurs lances, ilz les ruèrent jus et

20 estoient ja tous eschaulTez, et prinrent leurs haches et se

commencierent de haches à combatre et à donner

grans horions, et chascun avoit le sien. En cel estât et

en ce parti d'armes furent-il plus de trois heures, et

se bâtirent si très bien que merveilles, et quant il en

25 y avoit aucuns qui estoient oultré ou si meuz que ilz

ne se povoient soustenir et foulez jusques à la grosse

alaine, tout bellement ilz se departoient et s'en aloient

seoir sur ung fossé ou emmy le pré, et ostoient leurs

biiscliinez et se rafreschissoient, et puis, quant ilz es-

30 toient bien refreschis. ilz remettoient leurs bachinez et

s'en venoient combatre; ne je ne cuide pas que on-

ques si bonne besongne fust ne rencontre si dure ne

bataille si bien combalue, puis la bataille des XXX., qui

fu en Bretaigne, comme ceste de Maischeras en Bigorre fu. Et là estoient main à main l'un et l'autre qui se combatoient; et là fut sur le point de estre desconfi Ernauton de Sainte Colombe, qui est assez bel escuier, grant et foit et bel homme d'armes, d'un 5 escuier de ce pays qui s'apelle Guillaume de Salenges, et l'avoit cil meu jusques à la grosse alaine, quant il en avint ce que je vous diray.

Ernauton de Sainte Colombe avoit ung varlet qui regardoit la bataille et point ne se combatoit, ne aussi 10 riens on neli demandoit. Quant il vey son maistre ainsi mener que près sur l'outrance, il fut moult courroucié, et vint à son maistre et print la hache entre ses mains dont il se combatoit, et li dist en prenant : « Ernauton, alez vous seoir et reposer, vous ne vous savez combatre. » 15 Et quant il ot la hache, il vint à l'escuier, et li donna tel cop sur le bachinet que il l'estourdi tout et tîst canceler et près cheoir à terre. Quant Guillaume se senti ainsi féru, si li vint à grant desplaisance, et voult venir sur le varlet et le cuida ferir de sa hache en la teste, 20 mais le varlet se mucha dessoubz le cop et ne fu pas consieuvy, et embracha l'escuier, qui estoit foullé de longuement combatre, et le tourna dessoubz luy à la luite, et dist : « Je vous occiray, se vous ne vous rendez à mon maistre. » — « Qui est ton maistre? » dist- 25 il. — « Ernauton de Sainte Colombe, à qui vous avez huy tant combatu. » L'escuier vey que il n'avoit pas l'avantaige et que il estoit dessoubz cellui et que il tenoit une dague pour le ferir se il ne se rendoit; si se rendi à venir dedens xv. jours tenir son corps pri- 30 son à Lourdes, rescous ou non rescous. Ce service fîst le varlet à son maistre.

Et vousjdi, maistre Jehan, que là eust fait par telz

54 CHRONIQUES DE J. FROISSART. [1388-(i383)]

choses trop grant foison d'appertises d'armes et des compaignons jurez et fianciez les ungs venir à Tarbe et les autres aler à Lourde. Et se combatirent ce jour main à main, sanz eulx espargnier, Ernauton Bisete et le 5 Mongaut de Sainte Basile, et y firent maintes appertises d'armes; il n'y avoit homme qui ne fust embesongné de lui combatre, et tant se combatirent qu'ilz furent si oultré que ilz ne se peurent mais aidier. Et là furent mors sur la place deux des cappitaines, le

10 Mongaut de Lourde et d'autre part Ernauton Bisete. Adont se cessa la bataille par l'accord de l'un et de l'autre ; car ilz estoient si foulez que ilz ne povoient mais tenir leurs haches ne leurs lances, et se desarmoient les aucuns pour eulx rafreschir, et laissoient là

15 leurs armeures. Si emportèrent ceulx de Lourde le Mongaut tout occis, et les François à Tarbe Ernauton Bisete. Et par quoy il en fust ramembrance de la bataille, on fist là où ces deux escuiers s'abatirent et morurent celle croix de pierre, et je la vous monstre. »

20 A ces mots, cheismes-nous droit sur la croix et y desimes pour les âmes des morts une Pater noster et De profundis et Fidelium.

§ 12. « Par ma foy, monseigneur, di-ge au chevalier, je vous ay volentiers oy parler, et ce fu voirement une

25 dure besongnede si petit de gens. Et quelle chose avint à ceulx qui conduisoient la proie? » — « Je le vous diray, dist-il. Au pont à Tournay, dessus Mauvoisin, ilz venoient passer, si comme je vous ay dit et l'avoient ordonné, et là trouvèrent- ilz l'embusche du Bourc

30 d'Espaigne, qui estoit fort assez pour eulx combatre, qui leur sailli au devant. Ceulx de Lourde ne povoient

[1388-(i385)] LIVRE TROISIÈME, § 12. 55

reculer; aventurer les convenoit; là y ot, je vous di, aussi dure besongne et fort combatue, et y fist là merveilles d'armes le Bourc d'Espaigne, lequel tenoit une hache et ne feroit homme que il ne portast à terre, car il est bien taillié de cela faire, car il est grant et 5 long et fort et de gros membres, sans estre trop chargié de char; et prist là de sa main les deux cappitaines, le Bourc de Carnillac et Perrot Palatin de Berne. Et là fut mort ung escuier de Navarre, qui s'appelloit Ferrande de Mirande, qui estoit moult appert 10 homme d'armes; mais les aucuns dient, qui furent à la besongne, que le Bourc d'Espaigne [l'occit], et les autres dient qu'il fut estaint en ses armeures. Finablement, la proie fu rescousse, et tous ceulx qui la conduisoient mors ou pris. Hz ne s'en sauvèrent pas trois, 15 se ilz n'estoient varlets, qui se mucierent et passèrent la rivière de Lèse au noer. Ainsi ala de ceste aventure, et ne perdirent onques tant ceulx de Lourde comme ilz firent. Adont si furent raen(,'onnez courtoisement, et aussi ilz les changeoient l'un pour l'autre, car ceulx 20 qui se combatirent droit cy sur le Pas du Larre en fiancierent pluseurs, par quoy il convenoit que ils feussent courtois et amiables à leurs compuignons. »

« Sainte Marie, sire, dis-ge au chevalier, le Bourc d'Espagne est-il si fort homme que vous me comp- 25 tez? » — « Par ma foy, dist-il, oil ; en toute Gascongne on ne trouveroit son pareil de force de membres, et pour tant le tient le conte de Foeis à compaignon, et n'a pas trois ans que je luy vey faire ou chastel à Ortais ung grant reviel, lequel je vous conteray. Advint que 30 par ung Noel, le conte de Foeis tenoit sa feste grande et plantureuse de chevaliers et d'escuiers, si comme

il a d'usaige, et en ces jours il faisoit moult froit. Le conte avoit disné en sa sale et grant foison de seigneurs. Après disner, il parti de la sale, et s'en vint sur une galerie où il y a à monter par une large alée

5 environ xxmi. degrez. En ces galeries a une cheminée où on fait par usaige feu quant le conte y retourne et non autrement, et petit feu, car il ne voit pas volentiers grant feu ; si est-il bien en ses busches, car ce sont tous bois en Berne et y a bien de quoy chauffer

10 quant il veult, mais le petit feu il a de coustume. Advint adont que il geloit moult fort; si estoit l'air moult froit. Quant il fu venu en ses galeries, il regarde le feu, et li sambla assez petit, et dist aux chevaliers qui là estoient : « Vecy petit feu selon le froit. » Er-

15 nauton d'Espaigne entendi sa parole; si descendi tantost les degrez, car par les fenestres de la galerie qui regardoient sur la court, il vey là une quantité d'asnes chargiez de busche, qui venoient du bois pour le service de l'ostel. Il vint à la court et prist le plus grant

20 de ces asnes tout chargié de busche, et le charga sur son col moult legierement et l'emporta amont les degrez, et ouvry la presse des chevaliers et escuiers qui devant la cheminée estoient, et reversa la busche et l'asne les pies dessus en la cheminée sur les chemi-

25 naux, dont le conte de Foeis ot grant joye et tous ceulx qui là estoient, et s'esmerveillierent de la force de l'escuier, comment tout seul il avoit si grant feis chargié et monté tant de degrez. Geste appertise veyje faire, et aussi furent plusieurs au Bourc d'Es-

30 paigne. »

§ 1 3. Tous me tournoient à grant plaisance et récréation les comptes que messire Espieng de Lyon me comp-

[1388-(i373)] LIVRE TROISIÈME, § )3. 57

toit, et m'en sambloit le chemin trop plus brief; en comptent telles aventures passasmes-nous les Pas au Larre et le chastel du Marscheras, où la bataille fu, et venismes moult près du chastel de Barbesen, qui est bel et fort, à une petite lieue de Tarbe. Nous le veons 5 devant nous, et ung trop biau chemin et plain à chevauchier, costiant la rivière de Lise, qui vient d'amont les montaignes. Adont chevauchasmes-nous tout souef pour rafreschir noz chevaux, et me monstra par delà la rivière le chastel et la ville de Mongaillart, et le 10 chemin qui s'en va ferir droit sur Lourde.

Lors me vint en ramembrance à demander au chevalier comment le duc d'Angou, quant il fu ou pays et que le chastel de Mauvoisin se fu rendu à luy, s'estoit porté, et comment il estoit venu devant Lourde, et 15 quelle chose il y a voit fait. Trop volentiers il le me conta, et me dist ainsi : « Quant le duc d'Angou se départi a tout son host de Mauvoisin, il passa oultre la rivière de Lèse, au pont à Tournay, et s'en vint logier à Bagnieres, une bonne ville séant sur ceste rivière 20 qui s'en va ferir à Tarbe, car celle de Tournay n'y vient pas, mais s'en va ferir en la Garonne dessoubz Montmilien, et s'en vint mettre le siège devant Lourde. Messire Pierre Ernault de Berne et Jehan, son frère, Pierre d'Auchin, Ernauton de Restem, Ernauton de 25 Sainte Colombe, le Mongaut qui adont vivoit, Ferra^ide de Mirande, Olin Barbe, le Bourc de Carnillat, le Bourc Gamis et les compaignons qui dedans • estoient avoient bien esté infourmez de sa venue. Si s'estoient grandement fortefiez et pour- 30 veus à rencontre de luy, et tinrent la ville de Lourde contre tous les assaulz que on fîst et livra

58 CHRONIQUES DE J. FROISSART. [1388-(i373)]

XV. jours, et ot là pluseurs grans appertises d'armes faictes. Toutesfois, par grans monciaux et pluseurs aournemens d'assaulx que le duc d'Angou fist faire et charpenter, la ville fu prinse et conquise, mais les 5 compaignons de Lourde n'y perdirent riens, ne homme ne femme de la ville, car tout avoient-il retrait ens ou chastel, et bien sa voient en fin que la ville ne pourroientil tenir, car elle estoit prenable pour ce qu'elle n'est fremée que de pallis. Quant la ville de Lourde fu con-

10 quise, les François en eurent grant joye et se logierent dedens en environnant le chastel, qui n'est pas pregnable, fors que par un long siège. Là fut le duc plus de six sepmaines, et plus y perdi que il n'y gaigna, car ceulx de dehors ne povoient grever ceuix de

15 dedens, car le chastel sciet sur une ronde roche faicte par telle façon que on n'y peut aler ne approchier par eschielles ne autrement, fors que par une entrée. Et là aux barrières y avoient souvent des belles escarmuches et des grandes appertises d'armes faictes; et y furent

20 navrez et bleciez pluseurs escuiers de France qui s'approchoient de trop près.

Quant le duc d'Angou vey que il ne venroit point à son entente de prendre le chastel de Lourde, si fist traitier devers le cappitaine, et li fist promettre grant

25 argent, mais que il voulsist rendre la garnison. Le chevalier, qui estoit plain de grant vaillance, s'escusa et dist que la garnison n'estoit pas sienne, et que l'iretaige du roy d'Engleterre il ne povoit vendre ne donner ne alouer que il ne fust traîtres, laquelle chose il ne

30 voloit pas estre, mais loyal envers son naturel seigneur; et quant on li bailla le fort, ce fut par condition que il jura solempnelment par sa foy en la main

[1388-(i373)] LIVRE TROISIÈME, § 13. 59

du prince de Galles, que le chastel de Lourde il ^arderoit et tenroit contre tout homme jusques à la mort, se du roy d'Engleterre il n'estoit là envoyé. On n'en peut oncques avoir autre response pour don ne pour promesse que on sceust ne peust faire. Et quant le duc 5 d'Angou et son conseil veirent que ilz n'en aroient autre chose et que ilz perdoient leur paine, si se deslogierent de Lourde, mais à leur deslogement la ville dessoubz le chastel fu tellement arse que il n'y demoura riens à ardoir. Adont se retray le duc d'Angou et 10 tout son host, en costiant Berne, vers le Mont de Marsen, et a voit bien entendu que le conte de Foeis avoit pourveu toutes ses garnisons de gens d'armes; de ce ne l'y savoit-il nul mauvais gré, mais de ce que ses gens de Berne tenoient contre lui Lourde et n'en po- 15 voit avoir rayson. Le conte de Foeis, si comme je vous ay cy dessus dit, se doubta en celle saison grandement du duc d'Angou, quoyque le duc ne l'y fist point de mal. Si voulsissent bien le conte d'Armignac et le sire de Labreth que il l'y eust fait guerre, mais le duc 20 n'en avoit nulle volenté. Et envoia devers luy à Ortais, tandis que il logoit entre les Mons de Marsen et la Boce de Labreth, messire Pierre de Bueil, lequel portoit lettres de créance.

Quant messire Pierre de Bueil fu venu pour ce 25 temps à Ortais, le conte de Foeis le récent très honnorablement, et le loga en son chastel d'Ortais ; et li fist toute la bonne compaignie qu'il peut, et li donna mulles et coursiés, et à ses autres gens biaus dons, et renvoia par lui au duc d'Angou iiii. levriés et deux alans d'Es- 30 paigne, si biaus et si bons que on povoit trouver. Et ot adont secrez traictiez entre le conte de Foeis et

60 CHRONIQUES DE J. FROISSART. [1388-(i373)]

messire Pierre de Bueil, lesquelz traitiez nous n'en savions riens de grant temps, mais depuis, par les incidences qui en vinrent, nous en supposâmes aucune chose, et la matière je la vous diray, et tandis venrons-

5 nous à Tarbe.

§ 1 4. Moult tost après ce que le duc d'Angou ot fait son voyage et qu'il fu retrait à Thoulouse, avint que le conte de Foeis manda par ses lettres et par certains messaiges à Lourde à son cousin, messire Pierre

10 Ernault de Berne, que il venist parler à luy à Ortais. Le chevalier, quant il vey les lettres du conte de Foeis et vey le message qui estoit notable, eut pluseurs ymaginacions, et ne savoit lequel faire du venir ou du laissier. Tout considéré, il dist que il iroit, car il n'ose-

15 roit nullement courroucier le conte de Foeis. Et quant il deust partir, il vint à Jehan de Berne, son frère, et H dist, presens les compaignons de la garnison : « Jehan, monseigneur de Foeis me mande; je ne scay pas pour quoy, et puisque il veult que je voise à luy

20 parler, je iray. Or, me doubté-je grandement que je ne soye requis de rendre la forteresse de Lourde, car le duc d'Angou à celle saison costoiet son pays de Berne et point n'y est entré, et s'est teu le conte de Foeis, et a attendu longuement à avoir le chastel de Mauvoisin

25 pour estre sire de Lane de Bourc, des frontières de Gommines et de Bigorre. Si ne sçay pas se ilz ont traitiez entre lui et le duc d'Angou ; mais je vous di que tant que je vive, ja le chastel de Lourde je ne renderay, fors à mon naturel seigneur le roy d'Engleterre.

30 Et veuil, Jehan, biau frère, ou cas que je vous establis icy à estre mon lieutenant, que vous me jurez sur vostre foy et par vostre gentillesse que le chastel, en la

[1388-(i373)] LIVRE TROISIÈME, § 14. 61

forme et manière que je le tieng, vous le tenrez, ne pour mort ne pour vie ja vous ne vous en fainderez. » Jehan de Berne le jura ainsi. Adont se parti de Lourde le chevalier messire Pierre Ernoul, et vint à Ortais et descendi à l'ostel à la Lune. Et quant il sceut que point 5 fut, il vint ou chastel d'Ortais devers le conte, qui le receupt joyeusement et le fist seoir à sa table et ly monstra tous les biaux samblans d'amour qu'il peut. Et après disner il H dist : a Pierre, j'ay à parler à vous de pluseurs choses, si ne veuil pas que vous par- lo tez sans mon congié. » Le chevalier respondi : « Monseigneur, volentiers. Je ne partiray point, si Tarez ordonné. »

Avint le tiers jour après ce qu'il fu venu, le conte de Foeis print la parole à luy, présent le visconte de 15 Bruniquiel et le visconte de Gouserant, son frère, et le seigneur d'Auchin de Bigorre, et autres chevaliers et escuiers, et li dist en hault que tous l'oïrent : « Pierre, je vous ay mandé et vous estes venu. Sachiez (jue monseigneur d'Angou me veult grant mal 20 pour la garnison de Lourde, que vous tenez, et près en a esté ma terre courue, se ce n'eussent esté aucuns bons amis que j'ay en sa chevaulchié; et est sa parole et l'oppinion de pluseurs en sa compaignie qui me heent, que je vous soustiens pour tant que vous estes 25 de Berne ; et je n'ay que faire d'avoir la malveillance de si hault prince, comme monseigneur d'Anjou est. Si vous commant, en quant que vous vous povez meffaire encontre moy et par la foy et lignaige que vous me devez, que le chastel de Lourde vous me ren- 30 dez. » Et quant le chevalier entendi ceste parole, si fu tout esbahy, et pensa ung petit pour savoir quelle

chose il responderoit, car il veoit bien que le conte de Foeis parloit acertes; touteffois tout pensé, il dist : « Monseigneur, je vous doy voirement foy et lignaige, car je suys ung povre chevalier de vostre sang et de 5 vostre terre. Mais le chastel de Lourde ne vous renderai-ge; ja vous m'avez mandé; si povez faire de moy ce qu'il vous plaist; je le tiengs du roy d'Engleterre, qui m'y a mis et establi, et à personne qui soit je ne le renderay, fors à luy. » Quant le conte de Foeis oy

10 ceste response, si ly mua le sens en felonnie et en courroux, et dist en tirant hors une dague : « Faulx traître, as-tu dit ce mot de non faire? Par ceste teste, tu ne l'a pas dit pour néant. » Adont fery-il de sa dague sur le chevalier, par telle manière que il le navra moult

15 villainement en v. lieux, ne il n'y avoit là baron ne chevalier qui osast aler au devant. Le chevalier disoit bien : « Ha! monseigneur, vous ne faictes pas gentillesce. Vous m'avez mandé et si m'occiez. » Mais point n'arresta jusques a tant qu'il lui ot donné v. colz d'une

20 dague, et puis après commanda le conte qu'il fust mis en la fosse. Il y fut et là morut, car il fut povrement curez de ses playes. » — « Ha ! sainte Marie, di-ge au chevalier, et ne fu-ce pas grant cruaulté? » — « Quoy que ce fust, respondi le chevalier, ainsi en avint. On

25 s'avise bien de lui courroucier, mais en ses courroux n'a nul pardon. Il tint son cousin germain le visconte de Chastelbon, et qui est son hiretier, viii. mois en la tour à Ortais en prison, et puis le raençonna à quarante mille frans. »

30 « Comment, sire, di-ge au chevalier, n'a dont le conte de Foeis nulz enfans, que je vous oy dire que le visconte de Chastelbon est son hiretier? » — « Certes

non, dist-il, de sa femme; il en a bien deux biaux Jones chevaliers bastars que vous verrez, que il aime otant (|ue soy mesmes, messire Yvain et messire Gracien. » — « Et ne fut-il oncques mariez? » — « Si fu, respondi-il, et est encores; mais madame de Foeis 5 ne se tient point avec luy. » — « Et où se tient-elle? » di-ge. — a Elle se tient en Navarre, respondi-il, car le roy de Navarre est son cousin, et fu fille jadis du roy Loys de Navarre. » — « Et le conte de Foeis n'en ot-il onques nulz enfans? » — « Si eut, dist-il, ung 10 biau filz et qui cstoit tout le cuer du père et du pais, car par luy povoit la terre de Berne, qui est en débat, demorer en paix, car il avoit à femme la suer au conte d'Armignac. » — « Et sire, di-ge, que devint cel enfant, le peut-on savoir? » — « Oil, dist-il, mais 15 ce ne sera pas maintenant, car la matière en est trop longue et nous sommes à ville, si comme vous veez. » — A ces mots, je laissay le chevalier ester, et assez tost après nous venismes à Tarbe, où nous fumes tous aises à l'ostel à l'Estoille, et y sejournasmes tout ce 20 jour, car c'est une ville trop bien aisié pour séjourner chevaux de bons foins, de bonnes avaines et de belle rivière.

§ 1 5. A l'endemain, après messe, nous montasmes à cheval et partesimes de Tarbe, et chevauchâmes vers 25 Jorre, une ville qui tousjours s'est tenue trop vaillamment contre ceulx de Lourde; si passâmes au dehors, et tantost nous entrâmes ou pays de Berne. Là s'arresta le chevalier sur les champs et dist : « Vecy Berne », et estoit sur ung chemin croisié, et ne sa voit 30 lequel faire ou d'aller à Morlens ou à Pau. Toutesfoiz,

64 CHRONIQUES DE J. FROISSART. [1388-(i373)]

nous presimes le chemin de Morlens en chevauchant les Landes de Berne, qui sont assez plaines. Je li demanday pour le remettre en parole : « La ville de Pau siet-elle près de cy? » — « Oil, dist-il, je vous en 5 montre les clochiers; mais il y a bien plus long chemin qu'il ne samble, car il y a très mauvais pays à chevauchier, pour les gaves; qui n'y scet bien le chemin, folie fait de y aler. Et dessoubz nostre main sciet la ville et chastel de Lourde. » — « Et qui en est cappi-

10 taine pour le présent? » — Respondi-il : « En est cappitaine et si s'escrypt seneschal de Bigorre de par le roy d'Engleterre Jehan de Berne, qui fu frère à messire Pierre. » — « Voire, di-ge, et cellui Jehan vientil point veoir le conte de Foeis? » — « 11 me respondi :

15 « Oncques depuis la mort de son frère il n'y vint ; mais les autres compaignons viennent bien : Pierre d'Auchin, Ernauton de Boston, Ernauton de Sainte Colombe et les autres, quant il chiet à tour. » — « Et le conte de Foeis a-il point amendé la mort du cheva-

20 lier, et en a-il point depuis par samblant esté courroucié? » — « Oil, trop grandement, ce dist le chevalier, mais des amendes n'a-il nulles faictes, se ce n'est par penance secrète, par messes ou par oroisons. Il a bien de costés luy le filz de celluy , qui s'apelle Jehan de Berne,

25 ung jone gracieux escuier, et l'aime le conte grandement. » — « Sainte Marie, di-ge au chevalier, le duc d'Angou qui tendoit à avoir la garnison de Lourde se deust bien contenter du conte de Foeis, quant il occist ung chevaher et son cousin pour son désir acom-

30 plir? » — « Par ma foy, dist-il, aussi fist-il, car assez tost après sa venue le roy de France envoia en ce pays messire Rogier d'Espaigne et ung président de la

chambre de Parlement de Paris, et belles lettres grossées et scellées, qui faisoient mencion comment il li donnoit en don, tout son vivant, la conté de Bigorre, mais il convenoit et aussi appartenoit que il en devenist son homme et la tenist de la coronne de France. 5 Le conte de Foeis remercia grandement le roy de la grant amour que il ly monstroit et du don sans requeste (|ue il ly envoioit, mais oncques, pour chose que son cousin, messire Rogier d'Espaigne, sceust ne peust dire ne monstrer, le conte de Foeis ne voult rete- 10 nir le don, mais il retint le chastel de Mauvoisin pour tant que c'est franche terre et que le chastel ne la chastelerie ne sont tenus de nuluy, fors de Dieu, et aussi anciennement il avoit esté son hiretaige. Le roy de France, pour luy complaire, parmi le moyen du duc 15 d'Angou, li donna, mais le conte de Foeis jura et scela que il tenoit par tele condicion que jamais n'y mettroit homme qui mal voulsist au royaume de France ; et au voir dire il l'a fait bien garder, et se doubtent ceulx de Mauvoisin autant des Anglois que font les autres gar- 20 nisons françoises de Gascoingne, excepté ce que les Bernois n'oseroient courroucier le conte de Foeis. »

§ 1 6. Des paroles que messire Espaeng de Lyon me comptoit estoie tout rafreschi, car elles me venoient grandement à plaisance et toutes très bien les rete- 25 noie, et si tost que aux hostelz, sur le chemin que nous f'esismes ensamble, descendu estoie, je les escripsoie, fust de soir ou de matin, pour avoir en tou[t] temps advenir mieulx la mémoire, car il n'est si juste retenue que cest d'escripture ; et ainsi chevauchasmes- 30 nous ce matin jusques à Morlens, mais avant que

66 CHRONIQXJES DE J. FROISSART. [1388-(i3S0)]

nous y venissiemes je le mis en parole encore et di : « Monseigneur, je vous ay oblié à demander, endemantres que vous m'avez compté des aventures de Foeis et d'Armignac, comment le conte de Foeis s'est sceu 5 ne peu dissimuler contre le duc de Berry, qui ot pour femme la fille et la suer du conte d'Armignac, et se le duc de Berry li a fait point de guerre, ne comment il s'en est porté? » — « Comment? respondi le chevalier, je le vous diray. Du temps passé le duc de Berry

tO li a volu tout le mal du monde et ne desiroit le duc seigneur du monde mettre à rayson fors le conte de Foeis, mais maintenant, parmi ung moyen dont vous orrez bien parler quant vous serez à Ortais, ilz sont bien d'accord. » — « Et doulz sire, di-ge, y avoit-il

15 cause que le duc l'eust en hayne? » — « Certes nennil, dist le chevalier, et je vous en compteray la cause. B

Quant le roy Charles de France, père à ce roy Charles qui est pour le présent, fu trespassé de ce

20 siècle, le royaume de France fut devisé en deux parties tant que en gouvernement, car monseigneur d'Angou qui tendoit à aller oultre en Italie, ainsi qu'il fist, s'en déporta, et mist ses frères le duc de Berry et le duc de Bourgoingne. Le duc de Berry ot le gouvernement de

25 la Langue d'oc, le duc de Bourgoingne la Langue d'oil et toute Piquardie. Quant ceulx de Langue d'og entendirent que monseigneur de Berry les gouverneroit, si furent tous esbahiz, especialnient ceulx de Thoulouseet de la seneschauciée, car ilz sentoient le duc fol large,

30 et prenoit or et argent à tous lez, et traveilloil trop fort son peuple. Et encore y avoit Bretons en Thoulousin, en Carcasonnois et en Bouergue, que le duc

d'Angou y avoit laissiez, qui pilloient tout le pays, et couroit renommée que le duc de Berry les y soustenoit pour mestrier les bonnes villes. Et pas n'estoit pour le temps que je vous parle le duc en Langue d'og, mais en ses guerres de Flandres avecques le roy. Ceulx de 5 Thoulouse, qui sont grans et puissans, et qui sentoient le roy, leur sire, jone et ensongnié grandement pour les besongnes de son oncle, le duc de Bourgoingne, en les parties de Flandres, et se veoient herriez et traveilliez de Bretons et de pillars, ne savoient que ilz deussent 10 ou peussent faire. Si envolèrent et traitierent devers le conte de Foeis, en luy priant parmi une somme de florins, que tous les moys ilz 11 delivreroient, que il voulsit emprendre le gouvernement et la garde de leur cité de Thoulouse et du pays thoulousain, et aussi 15 des autres villes, se prié et requis en estoit, et le prioient, pourtant que ilz le sentoient juste homme, droiturier et fort justicier etdoubté de ses ennemis et bien fortuné en ses besongnes, et aussi ceulx de Thoulouse l'ont toudis grandement amé, car il leur a esté 20 moult propice et bon voisin. Si emprist la charge de ce gouvernement, et jura à tenir et à garder le pays en droit contre tout homme qui mal y vouldroit ou feroit, mais il réserva tant seulement la magesté royal du roy de France ; et lors mist-il grans gens d'armes sus, et 25 fîst ouvrir et délivrer les chemins de robeurs, de larrons et de pillars, et en fist ung jour que pendre que noyer à Robeston en Thoulousain plus de m". En ce il acquist tellement et si grandement la grâce et l'amour de ceulx de Thoulouse, de Carcasonne, de Besiers, de 30 Monpelier et des autres bonnes villes là environ, que renommée courut en France que ceulx de Languedoc

68 CHRONIQUES DE J. FROISSART. [1388-(i37Si]

s'estoient tournez, et que ilz avoient pris à seigneur le conte de Foeis. Le duc de Berry, (|ui en estoit souverain, prist en grant desplaisance ces nouvelles et aqueilly le conte de Foeis en gi'ant hayne, pourtant 5 que il s'ensongnoit si avant des besongnes de France et voloit tenir ceulx de Thoulouse en leur rébellion. Si envoia gens d'armes ou pays, mais ilz furent durement racueilliez et reboutez des gens au conte de Foeis, qu'ilz les convint retraire, voulsissent ou non,

10 ou ilz eussent plus perdu que gaignié. De ce s'enfelonnia tellement le duc de Berry sur le conte de Foeis, que il disoit que le conte de Foeis estoit le plus orgueilleux et le plus presuniptueux chevalier du monde, et ne povoit ledit duc oir parler en bien devant

15 luy; mais point ne li faisoit de guerre, car le conte de Foeis avoit tousjours ses villes et ses chastiaux si bien garnis et pourveus, que nul n'osoit entrer en sa terre. Aussi, quant le duc de Berry vint en Languedoc, ledict conte se déporta de son office et n'en voult plus riens

20 exercer dessus le duc de Berry, mais depuis jusques à ores le différant y a esté moult grant, et vous vueil recorder par quel moyen la paix est nourrie.

§ 17. Il puet avoir environ x. ans que madame Alienore de Commines, contesse en présent de Boulongne,

25 et cousine moult prochaine du conte de Foeis et droite hiretiere de la conté de Commines, quoy que le conte d'Armignac la tiengne, vint à Ortais devers le conte de Foeis, et faisoit amener en sa compaignie une jone fille de trois ans. Le conte, qui est son cousin, li fist

30 bonne chiere et li demanda de son affaire comment il en estoit, et où elle alloit : « Monseigneur, dist-elle, je « m'en voy en Arragon devers mon oncle et ma tente,

[1388-(i378)] LIVRE TROISIÈME, § 17. 69

a le conte d'Urgel, et là me vueil tenir, car je preiig « grant desplaisance à estre avec mon mary, messire a Jehan de Boulongne, filz au conte de Boulongne. Je « cuidoieque il deust recouvrer mon hiretaige de Com- « mines devers le conte d'Armignac, qui le tient et ma 5 « suer autant bien en prison, mais il n'en fera riens, car « c'est ung mol chevalier qui ne veult autre chose que « ses aises, de boire et de mengier et de aloer le sien « folement, et si tost comme il sera conte, il vendera de a son hiretaige pour faire ses volentez du meilleur et du 10 « plus bel ; pour tant ne pui-ge demourer dalez lui « et ay pris ma tille; si la vous charge et délivre et « vous fay inainbour de lui pour la nourrir et la gar- « der, et bien scay que par lignage à ce besoing vous « ne me fauldrez pas, car je n'ay aujourd'uy pour 15 « Jehanne ma tille garder fiance certaine fors en vous ; « je l'ay à grant paine mis et estrais hors des mains et « du pays du père mon mary; mais pour tant que je « sens ceulx d'Armignac, mes adversaires et les vostres, « ont en grant volenté de ravir et embler la fille pour 20 « tant que elle est héritière de Commines, je la porte « par devers vous; si ne me fauldrez pas à ce besoing, « et je vous em pry. Et bien croy que son père, mon « mary, quant il sçaura que je la vous ay laissée, en « sera tout resjoy, car ja m'avoit-il dit que ceste fille 25 « le mettoit en doubte et en soing. » Quant le conte de Foeis ot ainsy oy parler madame Alienor, sa cousine, si fut moult resjoy, et sorti tantost en soy mesmes, car il est ung sire moult ymaginatif, que ceste fille li vendroit encore grandement à point : ou il en pourroit 30 avoir ferme paix envers ses ennemis, ou il la pourroit marier en tel lieu et si haultement que ses ennemis le

doubteroient . Si respondi et dist : « Dame et cousine, a je feray très volentiers ce dont vous me priez, car « tenu y suis par lignaige, et vostre fille, ma cousine, < je garderay et de luy je penseray tout et en telle 5 « manière comme ce f'ust ma fille. » — « Grant mercy, « monseigneur », ce dist la dame. Ainsi que je vous compte, demora la jone fille de Boulongne en l'ostel du conte de Foeis à Ortais, ne onques depuis ne s'en parti, et sa dame s'en ala ou royaume d'Arragon. Elle

10 l'est bien venue veoir depuis, deux ou trois fois, mais point ne la demande à ravoir, car le conte de Foeis s'en acquitte en telle manière, comme se ce feust sa fille. Et au propos du moyen que je vous di, par quoy il se tailla que, se il fu oncques mal du duc de Berry,

15 qu'il en soit bien, c'est que le duc de Berry pour le présent est venu et a grant désir de lui marier, et me samble, à ce que j'ay oy dire en Avignon au pape qui m'en a parlé et qui est cousin germain du père, le duc de Berry en fera prier, car il la veult avoir à

20 femme. »

§ 1 8. « Saincte Marie, sire, di-ge au chevalier, que vos paroles me sont aggreables et que elles me font grant bien, tandis que vous les me comptés, et vous ne les perdez pas, car toutes seront mises en mémoire et en

25 ramembrance et croniquiés en l'istoire que je poursieu, se Dieu donne que à santé je puisse retourner en la conté de Haynnau et en la ville de Valenciennes, dont je suy de nation ; mais je suis courroucié d'une chose. » — « De laquele? » dist le chevalier. — « Je vous le

30 diray par ma foy, sire, que de si hault et si vaillant prince comme le conte de Foeis est, il ne demeure nul hiretier de sa femme espousée. » — « Certes non, dist le

chevalier, car se il en y eust ung vivant, si comme il ot une fois, ce seroit le plus resjoy sire du monde et aussi seroit toute sa terre. » — « Et demorra donc, di-ge, sa terre sans hoir? » — « Nennil, dist-il; le visconte de Chastelbon est son cousin germain et son 5 hiretier. » — « Et aux armées est-il vaillant homme? » — « Certes nennil, dist-il, et pour tant ne le peut amer le conte de Foeis, et fera s'il peut ses deux fils bastards, qui sont biaux chevaliers et jones, ses héritiers, et a intencion de les marier en hault lignaigne, car il a 10 or et argent à grant foison. Si leur trouvera femme, par quoy ilz seront aidiez et confortez. » — « Sire, di-ge, je le veuil bien, mais ce n'est pas chose deue, de bastards faire hoirs de terre. » — « Pour quoy, dist-il, si est en deffaulte de bons hoirs? Ne veez-vous 15 comment les Espaignols couronnèrent à roy ung bastard, le roy Henry, et ceulx de Portingal ont couronné aussi ung bastard; on l'a bien veu avenir ou monde en plusieurs royaumes et pays que bastards ont par force possessé. Guillaume le Conquérant, bastard, fils d'un 20 duc de Normendie, conquist toute Engleterre et la fille du roy, qui pour le temps estoit, et demora roy et sont tous les roys d'Engleterre depuis ce temps descendus de lui. » — « Or, sire, di-ge, tout ce peut faire il n'est chose qui n'aviengne; mais ceulx d'Armignac sont trop 25 fors, et ainsi seroit donc toudis ce pays en guerre. Mais dites-moy, chier sire, me vouidriez-vous point dire pour quoy la guerre est esmeue premièrement entre ceulx de Foeis et d'Armignach, et lequel a la plus juste cause et querele? » — « Par ma foy, respondi le 30 chevalier, oil ; touteffois c'est une guerre merveilleuse, car chascun y a cause », si comme il dit.

72 CHRONIQUES DE J. FROISSART. [1388-(i286)]

Vous devez savoir que anciennement, et à présent il peut avoir environ cent ans, il y ot ung seigneur en Berne qui s'appelloit Gaston, vaillant homme aux armes durement, et fut ensevely en l'église des Frères Mi- 5 neurs moult solempnelment à Ortais, et là le trouverez et verrez com grant de corps et coni puissant de membres il fut, car en son vivant en biau leton il se fîst fourmer et tailler. Ce Gaston, sire de Berne, avoit deux filles, de quoy il donna l'ainsnée au conte d'Ar-

10 mignac, qui pour ce temps estoit, et la mainnée au conte de Foeis, qui nepveu estoit du roy d'Arragon, et encores en porte le conte de Foeis les armes, car il descend d'Arragon, et sont pallées d'or et de gueuUes. Je croy que vous le sçavez bien. Avint que ce sire de

15 Berne ot une dure guerre et forte au roy d'Espaigne, qui pour ce temps estoit, et vint ce roy parmi le pays de Bisquaie a grant gent entrer ou pays de Berne. Messire Gaston de Berne, qui fut infourmé de sa venue, assambla ses gens de tous lés là où les

20 povoit avoir, et escrisi à ses deux filz, le conte d'Armignac et le conte de Foeis, que ilz le venissent à toute leur puissance servir et aidier à deffendre et garder leur hiretaige. Ses lettres veues, le conte de Foeis, du plus tost qu'il pot, assembla ses gens et pria tous

25 ses amis, et tîst tant que il ot v°. chevaliers et escuiers, tous à heaumes, et ii". variez aux lances, aux dards et aux pavais de pié, et vint ens ou pays de Berne, ainsi acompaignié, servir son seigneur de père, lequel en ot grant joye, et passèrent toutes ces gens au pont à 30 Ortais la rivière de Gave, et se logierent entre Sauveterre et l'Ospital. Et le roy d'Espaigne, a tout bien XX". hommes, estoit logié assez près de là. Messire

[1388-(i2S6)] LIVRE TROISIÈME, § 18. 73

Gaston de Berne et le conte de Foeis attendoient le conte d'Armignach, et ciiidoient que il deust venir, et l'atendirent trois jours. Au quatriesrae jour, le conte d'Armignach envoya ses lettres par ung chevalier et ung herault à messire Gaston de Berne, et li mandoit 5 que il ne pouvoit venir, et f|ue il ne sçavoit encorre que faire d'armer pour le pays de Berne, car il n'y avoit riens. Quant messire Gaston oy ces paroles et escusances et il vey que il ne seroit point aidié ne conforté du conte d'Armignac, si fut tout abusé et de- 10 manda conseil au conte de Foeis et aux barons de Berne comment il se maintenroit : « Monseigneur, dist le conte de Foeis, puisque nous sommes cy assamblez, nous yrons combatre vos ennemis. » Ce conseil fut tenu et le conte de Foeis creu. Hz s'armèrent et or- 15 donnèrent leurs gens, et estoient environ xn". hyaumes et six mille homme de pié. Le conte de Foeis prist la première bataille et s'en vint courir sur le roy d'Espaigne et ses gens en leur logeis, et là ot grande bataille et forte et mors plus de x". Espaignolz, et prist 20 le conte de Foeis le filz et le frère du roy d'Espaigne, le conte de Medines et le conte d'Osture, et grant foison d'autres barons et chevaliers d'Espaigne, et les envola devers son seigneur, messire Gaston de Berne, qui estoit en l'arriére garde; et furent là les Espai- 2b gnolz si desconfis que le conte de Foeis les chaça jusques au port Saint Andrieu en Biscaie, et se bouta le roy d'Espaigne en l'abbaie, et vesty l'abit d'un moyne, autrement il eust esté pris; et se sauvèrent par leurs vaisseaulx ceulx qui sauver se peurent et se 30 boutèrent en mer. Adont retourna le conte de Foeis devers monseigneur Gaston de Berne, qui li fist grant

chiere et bonne; ce fu rayson, car il !y avoit sauvé son honneur et gardé le pays de Berne, qui eust esté perdu.

Par celle bataille et celle desconfiture que le conte 5 de Foeis fist en ce temps sur les Espaignols, et par la prise qu'il eut du filz et du frère au roy d'Espaigne, vint à paix le sire de Berne envers les Espaignols, ainsi comme il la voult avoir. Quand messire Gaston de Berne fu retourné à Ortais, presens tous les barons de Berne

10 et de Foeis, qui là estoient, il prist son filz le conte de Foeis et dist ainsi : « Biau filz, vous estes mon filz bon et certain et loial, et avez gardé pour tousjours mais mon honneur et l'onneur de mon pays. Le conte d'Armignach, qui a l'ainsnée de mes filles, s'est escusé à mon

15 grant besoing, et n'est pas venu delîendre ne garder l'iretaige où il avoit part, pour quoy je di que telle part comme il y attendoit de la partie ma fille, sa femme, il l'a fourfaicte et perdue, et vous a hireté de toute la terre de Berne après mon decez, vous et vos hoirs pour tous-

20 jours mes, et prie, vueil et commande à tous mes tenans et subgets qu'ilz scellent avecques moy ceste ahiretance, biau filz de Foeis, que je vous donne. » Tous respondirent : a Monseigneur, nous le ferons volenliers. » Ainsi ont esté, et par telle vertu que je vous compte,

25 anciennement les contes de Foeis, qui ont esté contes et soigneurs du pays de Berne, et en portent les armes, le cry, le nom et le pourfit; pour ce n'en ont pas ceulx d'Armignac leur droit, tel que ilz le dient à avoir, clamé quitte. Velà la querelle pour quoy la guerre est entre

30 Armignacli, Foeis et Berne. — « Par ma foy, sire, dige lors au chevalier, vous le m'avez bien déclairé et oncques mes je n'en avoie oy parler et, puisque je le sçay ,

je le mettray en mémoire perpétuel, se Dieu donne que je puisse retourner en nostre pays. Mais encore de une chose si je la vous osoie requerre, je vous demanderoie volontiers : par quelle incidence le filz au conte de Foeis, qui est à présent, morut? » Lors pensa le chevalier et 5 puis dist : « La matière en est trop piteuse, si ne vous en vueil pas parler; quant vous venrez à Ortais, vous trouverez bien, se vous le demandez, qui le vous dira. » Je m'en soulTry atant, et puis chevauchasmes et venîmes à Morlens. 10

§ 19. A l'endemain, nous partesimes et venimes disner à Montgerbier, et puis montâmes et bûmes un cop à Ertiel, et puis venimes à Ortais sur le point de soleil escouchant. Le chevalier descendi à son hostel, et je descendi à l'ostel à la Lune, sur ung escuierdu conte 15 qui s'apelloit Ernauton du Puy, lequel me receupt moult liement, pour la cause de ce que j'estoie Franchois. Messire Espaeng de Lyon, en laquelle compaignie j'estoie venu, monta amont ou chastel et parla au conte de ses besongnes, et le trouva en ses galeries, car à celle heure 20 ou ung petit devant avoit-il disné; car l'usaige du conte de Foeis est telle ou estoit à ces jours, et l'avoit tousdis tenue, que il se deschauçoit à haulte nonne et il soupoit à mienuit. Le chevalier li dist que j'estoie là venu; je fus tantost envoie querre en mon hostel, car 25 c' estoit le sire ou monde qui le plus volentiers veoit estrangiers pour oïr nouvelles; quant il me vey, il me fîst bonne chiere et me recheupt de son hostel, où je fus plus de xn. sepmaines, et bien délivré de mes chevaulx et de toutes autres choses. 30

L'acointance pour ce temps de ly à moy fut telle, que

76 CHRONIQUES DE J. FROISSART. fl3S8]

je avoie avec moy apporté ung livre, lequel j'avoie fait à la retjueste et contemplacion de monseigneur Vincelain de Besme, duc de Luxembourch; et sont contenus audit livre, qui s'appelle Melliades, toutes les chanchons, 5 balades, rondiaux, virelais que le duc fist en son temps, lesquelz assez parmi la ymagination que j'avoie eu de dicter et ordonner le livre, le conte de Foeis le vey moult volentiers, et toutes les nuis après son soupper je luy en lisoie. En lisant nul n'osoit parler ne mot dire,

10 car il voloit que je feusse bien entendu, et aussi il prenoit grant soûlas au bien entendre ; quant il cheoit aucune chose où il voloit mettre débat ou arguement, trop volontiers en parloit à moy, non pas en son gascon, mais en bon et bel l'rançois. Et de Testât de luy

15 et de son hostel je vous recorderay aucune chose, car je y sejournay bien tant que j'en peus bien assez aprendre et savoir.

Le conte de Foeis dont je parle, en ce temps que je fus devers luy, avoit environ cinquante neuf ans d'eage,

20 et vous di que j'ay en mon temps veu moult de chevaliers, roys, princes et autres, mais je n'en vey oncques nul qui fust de si biaux membres, de si belle forme ne de si belle taille, viaire bel et rouvelent et riant, les yeux viers et amoureux, là où il ly plaisoit son regard

25 à asseir. De toutes choses il estoit si très parfait que on ne le pourroit trop loer ; amoit ce que il devoit amer, et haïoit ce oultre mesure que il devoit haïr. Saige chevalier et de haultes emprises il estoit, et plain de bon conseil , et n'avoit ne eust oncques nul mahommet de cos-

30 tés li. Preudoms estoit, et en son retrait disoit plenté d'oroisons tous les jours, une nocturne du psaultier, heures de Nostre Dame, du Saint Esperit, de la Croix et

vigilles pour les trespassez, et tous les jours faisoit donner v. t'rans en petite monnoie pour l'amour de Dieu et l'aumosiie à sa porte à toutes gens. En dons, il estoit large et courtois, et trop bien le savoit prendre où il appartenoit et remettre où il affreoit. Les chiens sur 5 toutes riens il amoit, et aux champs es chaces esté et y ver volontiers estoit; d'armes et d'amours volontiers se devisoit. Onques felonnaige ne folle largesce il n'ama, et voloit savoir tous les moys que le sien devenoit. De ses gens servir tant qu'en receptes si comme pour 10 nient il se faisoit, et en ses pays xii. hommes notables il prenoit, et de deux moys en deux moys des deux servy en ses receptes il estoit, et au chief de deux moys ilz se changeoient, et les autres en leur office retournoient. Le plus especial homme et ouquel le plus il se confioit, 15 son compteroleur il en faisoit, et à cellui tous les autres comptoient et leurs comptes li rendoient, et cil au compt[e de] Foeis comptoit, et par rolles ou par livres escrips par devers lui ces comptes laissoit. Il avoit certains coffres en sa chambre, où à la fois et non pas toudis, 20 de l'argent il faisoit prendre pour donner, quant aucun seigneur venoit, chevalier ou escuier, à qui il donnoit, car onques nul sans son don ne se départi de lui. Et tousjours raultiplioit son trésor pour les aventures et les fortunes atendre que il doubloit ; très congnoissable 25 et très acointable à toutes gens estoit, doulcement et amoureusement à eulx parloit ; brief en ses consaulx et en ses responses estoit; quatre clercs pour escripre et rescripre lettres secrétaires il avoit, et bien convenoit que ces quatre li feussent prests, quant hors de son 30 retrait estoit; ne Jehan, ne Gaultier, ne Guillaume ne les nommoit, m^is quant les lettres que on li bailloit

leues il avoit ou pour escripre aucune chose leur commandoit, Maumesert chascun d'eulx il appelloit.

En cel estât que je vous di le conte de Foeis vivoit, et quant de sa chambre à mienuit pour soupper en la salle 5 il venoit, lumière de xii. torches devant lui avoit, que xn. variez portoient, et devant sa table ces xn. torches tenues estoient, qui grant clarté en la sale faisoient. Là estoit plaine la sale de chevaliers et d'escuiers, et tousjours tables couvertes à foison pour soupper, qui

10 soupper voloit. Du premier mes, nul à lui ne parloit; foison de volille par coustume mengoit, les elles et les cuisses tant seulement mengoit, et guaires aussi ne buvoit. En toutes menestrandies grant esbatement prenoit, et bien aussi s'i congnoissoit; chançons, rondiaux

15 et virelais ses clercs devant lui volontiers chanter faisoit. Deux heures ou environ à table il seoit, estranges entremez volentiers aussi il veoit, et tantost devant lui départir les faisoit, et par les tables aux chevaliers et escuiers envoier les faisoit.

20 Briefment et tout considéré, avant que je venisse en sa court, je avoie esté en moult de cours de roys, de ducs, de princes, de contes et de haultes dames, mais je ne fus oncques en nulle qui mieulx me pleust, ne qui plus resjoye sur le fait d'armes estoit comme celle

25 du conte de Foeis. En la sale, en la chambre, en la court, chevaliers et escuiers d'onneur aler et pietier on veoit; d'armes et d'aventures parler on les ooit; toute honneur là dedens trouvée estoit ; de quel royaume ne de quel pays que ce fust, là dedens nouvelles on ooit,

30 car de tous pays, pour la vaillance du seigneur, elles y retournoient. Et là fu-ge informé de la greigneur partie des fais d'armes qui estoient avenues en Espaigne, en

[138cS-(197,9)] LIVRE TROISIÈME, § ÎO. 79

Portingal, en Arragon, en Navarre, en Engleterre, en Escoce et ens es frontières et limitacions de la Langue d'och, car là vey venir devers le conte, le terme que je y sejournoie, chevaliers et escuiers de toutes ces nations. Si m'en informoie ou par eulx ou par le conte, 5 qui volontiers m'en parloit.

§ 20. Je tendoie trop fort à demander et à savoir, pour tant que l'ostel de Foeis je veoie si large et si plantureux, que Gaston, le filz du conte, estoit devenu, ne par quelle incidence il estoit mort, car messire Espaeng de Lion lo ne le m'avoit volu dire, et tant en enquis que ung escuier anciens et homme moult notable le me dist. Si commença son compte ainsi en disant et dist :

« Voir est que le conte de Foeis et madame de Foeis, sa femme, ne sont pas bien d'acord , ne n'ont esté trop grant 15 temps, et le différent qui vient entre eulx est meù du roy de Navarre, qui fu frère à celle dame, car le roy de Navarre raplega le seigneur de Labreth, que le conte de Foeis tenoit en prison, de cinquante mille frans. Le conte de Foeis, qui sentoit ce roy de Navarre cauteleux, ne les 20 voloit pas croire au roy de Navarre, dont la confesse de Foeis avoit grant indignacion, et disoit à son mary : « Monseigneur, vous portez pou d'onneur à monseigneur mon frère, quant vous ne li volez croire cinquante mille frans. Se vous n'aviez jamais plus des Arminarch ou des 25 Labrisiens que vous avez eu, si vous deveroit-il souffire, et vous savez que vous me devez assener pour mon douaire cinquante mille frans, et ceulx mettre en la main de monseigneur mon frère ; si ne povez estre mal payé. » — « Dame, dist-il, vous dittes voir; mais se je cuidoie 30 que le roy de Navarre deust là contourner ce paiement, jamais le sire de Labreth ne partiroit d'Ortais; si seroie

80 CHRONIQUES DE J. FROISSART. [1388-(i373)]

paie jusques au derrain denier; et puisque vous en priez je le feray, non pas pour l'amour de vous, mais pour l'amour de mon fils. »

Sur ceste paroUe et sur l'obligation du roy de Navarre, 5 qui en fist sa debte envers le conte de Foeis, le sire de Labreth fut quitté et délivré, et se tourna François et s'en vint marier en France à la suer au duc de Bourbon, et paia à son aise au roy de Navarre, auquel obligié il estoit, cinquante mille trans, et point ne les envoioit

10 au conte de Foeis, dont dist le conte à sa femme : « Dame, il vous fault aler en Navarre devers vostre frère le roy, et li dictes que je me contente trop mal de luy quant il ne m'envoie ce qu'il a receu du mien. » La dame respondi que elle iroit volontiers, et se départi du

15 conte en son aroy, et s'en vint à Pampelune devers son frère, qui la receupt liement. La dame fist son messaige bien et à point. Le roy, quant il l'eut entendue et oye, respondi et dist : « Ma belle suer, l'argent est vostre, car le conte de Foeis vous en doit doer, ne jamais du

20 royaume de Navarre, puis que j'en suy au dessus, ne partira. » — « Ha! monseigneur, dist la dame, vous metterez trop grant haynne par celle voie entre monseigneur et nous, et se vous tenez vostre pourpos, je n'oseray retourner en la conté de Foeis, car mon-

25 seigneur m'ocliiroit et diroit que je l'aroie deceu. » — « Je ne sçay, dist le roy, qui ne voloit pas remetre l'argent arrière, que vous ferez, se vous demorez ou retournerez, mais je suychief de cellui argent et à moy en appartient et pour vous, mais jamais ne partira de

30 Navarre. » La contesse de Foeis n'en pot avoir autre chose. Si se tint en Navarre et n'osoit retourner. Le conte de Foeis, qui veoit la malice du roy de Navarre,

[1388-(i380)] LIVRE TROISIÈME, § 21. 81

commença sa femme grandement à enhair, — ja n'y oust-elle coulpe, — et à mal contenter sur lui de ce que tanlost son messaige fait elle n'estoit retournée. La dame n'osoit, qui sentoit son mary cruel là où il prenoit la chose à desplaisance. 5

Geste chose demora. Gaston, le fîlz de monseigneur, crut et devint grant et très bel enfant, et fut mariez à la fille du conte d'Armignach, une jone dame, suer au conte qui est à présent et à messire Bernard d'Armignach, et par la conjonction du mariage devoit estre bonne paix 10 entre Foeis et Ermignach. L'enfant povoit avoir environ XY. ou XVI. ans; trop bel escuier estoit, et si retraioitde tous membres grandement sur le père. Si 11 prist volenté et plaisance d'aler ou royaume de Navarre veoir sa mère et son oncle ; ce fut bien à la maleheure pour luy et pour ^ 5 ce pays. Quant il fut venu en Navarre, on li fist très bonne chiere, et se tint datez la mère ung terme, puis prist congié, et ne pot sa mère, pour parole ne prière que il faisist, ne peust faire retourner en Foeis avecques lui, car la dame li avoit demandé se le conte de Foeis son 20 père l'en avoit chargié de la ramener. Il disoit bien que au partir il n'en avoit esté nouvelles ; sur cel estât la dame ne s'osoit asseurer et demora derrière. L'enfant de Foeis s'en vint par Pampelune, pour prendre congié au roy de Navarre son oncle. Le roy li fist très bonne 25 chiere et le tint de costés li plus de x. jours, et li donna de biaux dons et à ses gens aussi.

§ 21 . « Le derrain don que le roy de Navarre li donna, ce fut la mort de l'enfant. Je vous diray comment et 30 pourquoy. Quant ce vint sur le point que l'enfant deust partir, le roy le trait à part en sa chambre secrètement,

82 CHRONIQUES DE J. FROISSART. [1388-(i380)]

et H donna une moult belle boursete plaine de pouldre de telle condition, que il n'estoit chose vivant que, se de la pouldre atouchoit ne mengoit, que tantost ne le convenist morir sans nul remède. « Gaston, dist le roy 5 de Navarre, biau nepveu, vous ferez ce que je vous diray. Vous veez comment le conte de Foeis vostre père a en grant haynne et à son tort vostre mère, ma suer, et ce me desplait grandement, et aussi doit-il faire à vous, Toutesfois, pour les choses refourmer en bon

^0 point et que vostre mère feust bien de vostre père, quant il venra à point, vous prenderez ung peu de ceste pouldre et en metterez sur la viande de vostre père, et gardez bien que nul ne vous voie ; et si tost comme il en aura mengié, il n'entendera jamais à autre chose fors que

15 il puisse ravoir sa femme, vostre mère, de costés luy; et s'en entraimeront à tousjours mes si entièrement que jamais ne se vouidront départir l'un de l'autre; et tout ce devez-vous grandement convoitier qu'il aviengne, et gardez bien que de ce que je vous di : vous

20 ne vous descouvrez à homme qui soit qui le die à

vostre père, car vous perderiés vostre fait. » L'enfant

qui tournoit en voir tout ce que le roy de Navarre,

son oncle, li disoit, respondi et dist : « Volentiers. »

« Sur cel estât il se départi de Pampelune et de son

25 oncle, et s'en retourna à Ortais. Le conte de Foeis, son père, li fist bonne chiere. Ce fut rayson; et li demanda des nouvelles de Navarre et quelz dons et joyaux on li avoit donné; de tous parla et tous les montra, excepté de la boursete et de la pouldre, mais de ce se

30 sceut-il bien couvrir et taire. Or estoit-il de ordonnance en l'ostel de Foeis que moult souvent Gaston et Jeulbains, son frère bastard, gisoient ensamble en

[1388-(i380)] LIVRE TROISIÈME, § îl. 83

une chambre, et s'entre amoient ainsi que enfans tVeres font, et se vestoient de robbe et d'abis ensamble, car ilz esloient auques d'un grant et d'un eage. Advint que une l'ois, ainsi que enfans juent et revellent en leurs liz, ilz s'entrechangierent de cottes, et tant 5 que la cotte Gaston, où la bourse et la pouldre estoit, ala sur la place du lit Jeulbain. Son frère, (|ui estoit malicieux assez, senty la bourse et la pouldre dedens, et demanda à Gaston, son frère : « Gaston, quelle chose est cy que vous portez tous les jours à vostre 10 poitrine? » De ceste parole n'ot Gaston point de joye et dist : « Rendez-moy ma cocte, Jeulbain; vous n'en avez que faire. » Jeulbain li relanc^a sa cotte. Gaston la vesti et fut ce jour plus pensif que il n'avoit esté en devant. Avint que dedens trois jours après, si comme 15 Dieu voult sauver et garder le conte de Foeis, que Gaston se courroucha à son frère Jeulbain pour le jeu de la cache et li donna une paumée. L'enfant se felonnia et entra tout pleurant en la chambre son père, et le trouva à ceste heure que il venoit de oïr messe. 20 Quant le conte le vey plourer, si li demanda : « Jeulbain, que vous fault, en nOm Dieu? » — « Monseigneur, dist-il, Gaston m'a batu; mais il y a autant ou plus à batre à luy qu'à moy. » — « Pourquoy? dist le conte, qui tantost entra en souppechon et qui estoit 25 moult ymaginatif. » — « Par ma foy, monseigneur, depuis que il est retourné de Navarre, il porte à sa poitrine une boursete et pouldre dedens; mais je ne scay à quoy elle sert, ne que il en veult faire, fors tant que il m'a dit une fois ou deux que madame sa mère sera 30 temprement mieulx en vostre grâce que oncques ne fut. » — « Hé! dist le conte, tés-toy, et gardes bien

84 CHRONIQUES DE J. FROISSART. [1388-(f3S0)l

que tu ne te desqueuvre à nul homme du monde de ce que tu m'as dit. » — « Monseigneur, dist l'enfant, volentiers. »

« Le conte de Foeis entra lors en grant ymaginacion 5 et se couvry jusques à l'heure du disner, et lava et s'assist, comme les autres jours, en sa salle, à table. Gaston, son filz, avoit d'usaige que il le servoit de tous ses mes de la première escuelle, et faisoit le premier assay de ses viandes. Si tost coniine il ot assis

iu devant le conte et fait ce qu'il devoit, le conte jette ses yeulx, qui estoit tout informé de son fait, et voit les pendans de la boursete au col de son filz. Le sang li mua et dist : « Gaston, vien avant, je vueil parler à toy à l'oreille. » L'enfant s'avança de la table. Le conte

'5 ouvry lors le jupon et prinst ung coutel, et coppa les pendans de la boursete, et li demora en la main, et puist dist à son filz : « Quelle chose est cecy en ceste boursete? » L'enfant, qui fut tout prins, ne sonna mot, mais devint tout blanc de paour et tout esperdu,

20 et commença fort à trambler, car il se senti forfait. Le conte de Foeis ouvri la bourse et prist de la pouldre et en mist sur ung tailloir de pain, et puis sonna ung lévrier que il avoit de costé luy, et li donna à mengier. Lorsque le chien ot mengié le premier morsel,

-^ il tourna les piez dessus et morut. Quant le conte de Foeis en vey la manière, se il fut courrouchié, il y ot bien cause, et se leva de table, et prist son coutel et voult lancier après son filz, et l'eust là occhis sans remède; mais chevaliers et escuiers saillirent au de-

^^ vant et dirent : « Monseigneur, pour Dieu mercy, ne vous hastez pas si ; infourmez-vous avant de la besoingne, que vous faciez à vostre filz nul mal. » Et le

[1388-(i380)] LIVRE TROISIÈME, § 21. 85

premier mot que le conte dit, ce fut en son gascon : « Zo, Gaston, traitre. Pour toy et pour accroistre l'iretaige qui te devoit retourner, j'ay eu guerre et haynne au roy de France, au roy d'Espaigne, au roy d'Engleterre, au roy de Navarre et au roy d'Ari'agon, et contre eulx me suy-je bien porté, et tu me veulz murdrir? Il te vient de raale nature. Saches que tu en moras. » A ces mots, il sailli oultre la table, le coutel en la main, et le voloit là occire; mais chevaliers et escuiers, en plourant se mirent à genolz devant luy et li dirent : « Ha ! monseigneur, pour Dieu mercy, ne occhiez pas Gaston; vous n'avez plus d'enfant. Faictes-le garder et infourmez-vous de la matière. Espoir ne savoit-il que il portoit et n'a nulle coupe à ce meffait? » — « Or tost, dis! le conte, mettez-le en *^ la tour, et soit tellement gardé que on m'en rende compte. » Lors fut mis l'enfant en la tour de Ortais; le conte fist adonc prendre grant foison de ceulx qui servoient son filz, et tous ne les ot pas, car moult s'en partirent. Et encores en est l'evesque de Lescale '-*' dalez Pau, hors du pays, qui en fut souspeçonné, et aussi sont pluseurs autres; mais il en fist morir jusques à quinze très horriblement, et la raison que il y met et mettoit estoit telle que il ne povoit estre que ilz ne sceussent de ses secrez, et li deussent avoir signifié et ^5 dit : « Monseigneur, Gaston porte une bourse à sa poitrine telle et telle. » Riens n'en firent, et pour ce morurent horriblement aucuns oscuiers, que ilz n'y avoit en toute Gascongne si jolis, si biaux, ne si adreciez, dont ce fut pitié, car le conte de Foeis a esté ^^ tousjours servi de frisque mesnie.

« Trop toucha ceste chose près au conte de Foeis, et

86 CHRONIQUES DE J. FROISSART. [1388-(i3S0)l

bien le monstra, car il fist assambler ung jour à Ortais tous nobles et les prelas de Foeis et de Berne, et tous les hommes notables de ces deux pays, et quant ilz furent venus il leur reinonstra ce pourquoy il les 5 avoit mandez, et comment il avoit trouvé son filz en telle deffaulte et si grant fourf'ait que c'estoit son intencion que il voloit que il morust, et que il avoit desservy mort. Tout ce peuple respondi à celle parole de une voix et dist : a Monseigneur, sauve soit vostre

10 grâce, nous ne volons pas que Gaston meure, c'est vostre hiretier et plus n'en avons. » Quant le conte oy son peuple qui prioient pour son filz, si serafresna ung petit et se apensa que il le chastieroit de prison, et le tenroit en prison deux ou trois mois, et puis l'en voieroit

15 en quelque voyage demorer trois ou quatre ans, tant que il aroit oblié son mautalent et que l'enfant porra avoir plus d'eage, seroit en meilleur et plus vive congnoissance. Si donna à son peuple congic; mais ceulx de la conté de Foeis ne se voloient partir d'Ortais, se le

20 conte ne les asseuroit que Gaston ne moroit point, tant amoient-ilz l'enfant. Il leur ot en convenant, mais bien dist que il le tenroit ung terme en prison pour le chastier. Sur cel estât se départirent toutes manières de gens, ef dcmora Gaston en prison à Ortais.

25 Ces nouvelles s'esperdirent en pluseurs lieux, et pour ce temps estoit pape Grégoire XP en Avignon. Si envoia tantost le cardinal d'Amiens en légation pour venir en Berne et pour amoienner ces besongnes et appaisier le conte de Foeis, et oster de sa haynne

3Q l'enfant et hors de prison. Mais le cardinal ordonna ses besongnes si longuement que il ne pot venir que jusques à Besiers, quant les nouvelles li vinrent là que

il n'avoit que faire en Berne, car Gaston, le fils au conte de Foeis, estoit mort. Et je vous diray comment il morut, puis que si avant je vous ay parlé de la matière.

« Le conte de Foeis le faisoit tenir en une chambre, 5 en la tour à Ortais, où petit avoit de lumière, et fut là IX. jours; petit y but et petit y menga, car il ne voult. On li apportoit tous les jours à boire et à mengier assez ; mais, quant il avoit la viande, il la tournoit d'une part et n'y atouchoit, et veulent les aucuns dire 10 (jue on trouva les viandes que on li avoit porté toutes entières, ne riens ne les avoit amenris au jour de sa mort, et merveilles fut comment il pot encores tant vivre, par pluseurs raisons. Le conte le faisoit tenir sans nulle garde qui fust en la chambre avecques lui, 15 ne qui le consolast ne confortast, et fut l'enfant tousjours en ses draps, ainsi que il y entra. Si se merancolia grandement, car il n'avoit pas cela apris, et mauldissoit l'eure que il fut oncques nez ne engendré pour estre venu à telle fin. Le jour de son trespas, ceulx 20 qui le servoient de mengier li apportèrent la viande et li dirent : « Gaston, vecy de la viande pour vous. » Gaston n'en fist compte et dist : « Mettez-la là. » Ceulx qui le servoient, de ce que je vous di, regardent et voient en la prison toutes les viandes que les jours 25 passez ilz avoient aporté. Adont refremerent-ilz la chambre, et vinrent au conte de Foeis et li dirent : « Monseigneur, pour Dieu mercy, prendez garde dessus vostre filz, car il s'afameià en prison où il gist, et croy que il ne manga oncques puis qu'il y entra, car 30 je ay veu tous les mez entiers tournez d'un lez, dont on l'a servi. » De ceste parole, le conte se felonna et,

88 CHRONIQUES DE J. FROISSART. [1388-(i380)]

sans mot dire, il se parti de sa chambre, et s'en vint vers la pi'ison où son filz estoil, et tenoit à la maie heure ung petit long coutelet, dont il appareilloit ses ongles et nettioit. Il fist ouvrir l'uis de la prison et

5 vint à son filz, et tenoit la lemelle de son coutel par sa pointe, que il n'en y avoit pas hors de ses dois la longueur de l'apesseur d'un gros tournois. Par mautalent, en boutant ce tant de pointe en la gorge de son filz, il l'asena, ne sçay en quelle vaine, et li dist :

iO a Ha! traitre, pour quoy ne menges-tu? », et tantost s'en parti le conte sans plus riens dire ne faire, et rentra en sa chambre. L'enfant fut efTréé de la venue de son père, avec ce que il estoit foible de jeûner, et que il vey ou senti la pointe du coutel qui l'atoucha en la

15 gorge, com petit que ce fust, mais ce fut en une vaine; il se tourna d'autre part et là morut. A paines estoit le conte rentré en sa chambre, quant nouvelles li vinrent de celuy qui administroit l'enfant sa viande, qui li dist : « Monseigneur, Gaston est mort. » — « Mort?

20 dist le conte. » — « Mes dieux, monseigneur, voire. » Le conte ne voloit pas croire que ce fust vérité, et renvoia ung sien chevalier, qui là estoit de costés luy. Le chevalier y ala et raporta que voirement estoit-il mort. Adont fut le conte de Foeis courroucié oultre

25 mesure, et regreta son filz trop grandement, et dist : « Ha ! Gaston, com povre aventure [ci a] ? A maie heure, pour toy ne pour moy, alas oncques en Navarre veoir ta mère. Jamais je n'aray si parfaite joie comme je avoie en devant. » Lors fist-il venir son barbier, et se fist

30 tonser tout jus et se mist moult bas, et se vesti de noir, et tous ceulx de son hostel. Et fut le corps de l'enfant porté en pleurs et en cris aux Frères Mineurs à Ortais, et là fut enseveli. Ainsi ala que je vous

compte de la mort Gaston de Foeis. Son père le occist voirement, mais le roy de Navarre li donna le cop de la mort » .

§ 22. En oiant compter son compte de la mort du 5 filz au conte de Foeis eus et pris-je jurant pitié et le plaigny moult grandement pour l'amour du gentil conte son père, que je veoie et trouvoie seigneur de si haulte recommendacion, si noble, si large du sien donner et si courtois, et pour l'amour aussi du pays, 10 qui demoroit en grant différent et par deffaulte d'iretier. Je pris atant congié à l'escuier et le remerciay de ce que à ma plaisance il avoit fait son compte; depuis le vis-je en l'ostel du conte de Foeis pluseurs fois, et eusmes moult de parlemens ensamble; et une 15 fois li demanday de messire Pierre de Berne, frère bastard du conte, pour tant que il me sambloit ung chevalier de grant volenté, se il estoit riche homme et point mariez. Il me respondi : « Mariez est-il voirement, mais sa femme ne ses enfans ne demeurent îO point avecques luy. » — « Et pour quoy? di-je. » — « Je le vous diray, dist l'escuier. Messire Pierre de Berne a d'usaige que de nuit en dormant il se relieve et s'arme, et trait son espée et se combat et ne scet à qui, voire se on n'est trop soingneux de luy, mais ses 25 variez et ses chambrelans, qui dorment en sa chambre et qui le veillent, quant ilz ouoient ou voient, li vont au devant et l'esveillent, et lui dient comment il se maintient, et il dit qu'il n'en scet riens et qu'ilz mentent. Et aucune fois on ne ly a laissiez nulles ar- 30 meures ne espée en sa chambre, mais quant il se relevoit et nulles n'en trouvoit, il menoit tel tortore que il sambloit que tous les dyables d'enfer fussent là

dedens avec lui ; si que pour le mieulx on les y a lessiez, car parmi tant il s'oublie à lui armer et desarmer, et puis si s'en rêva couchier. » « Et tient-il grant terre de par sa femme? » — « En nom Dieu, dist 5 l'escuier, oil, mais la dame, par qui l'eritaige vient, possesse des prouffis et n'en a messire Pierre de Berne que la quatriesme partie. » — « Et où se tient la dame? » — « Elle se tient, dist-il, en Castille avec le roy, son cousin, et fut son père conte de Bisquaie,

10 et estoit cousin germain du roy dam Piètre qui i'ut si cruel, lequel dam Piètre le fist morir, et voloit aussi avoir par devers luy ceste damme pour la emprisonner et saisir toute sa terre, et tant comme il vesqui la damme n'y ot riens. » Et fut dit à la danmie, qui

lîj s'apelle confesse de Bisquaie, quant son père fut mort : « Damme, sauvez-vous, car se le roy dam Piètre vous tient, il vous fera morir ou mettera en prison, tant est fort courroucié sur vous pour tant que vous devez avoir dit et tesmoingnié que il fist morir en son lit la

?0 royne sa femme, la suer au duc de Bourbon et à la royne de France. Vous en estes mieulx creue que nulle autre, car vous estiez de sa chambre. » Pour celle double, la contesse Florence de Bisquaie se parti de son pays a petite mesnie, ainsi que usaige est que

?5 chascun et chascune tuit la mort volentiers, et se mist ou pays des Bascles et passa parmi, et fist tant à grant peine que elle vint ceens devers monseigneur, et li compta toute s'aventure. Le conte, qui est à toutes dames et damoiselles amoureux, en ot pitié et la retint

30 de costés luy; voire il la mist avecques la dame de Kerasse, une haulte baronneresse en ce pays, et la pourveoit de ce que il appartenoit à luy; messire

Pierre de Berne, son frère, estoit lors jone chevalier et n'avoit pas l'usaige qu'il a maintenant, et estoit grandement en la grâce du conte. Si fîst le mariage de celle dame et de lui et li recouvra sa terre, si trestost comme il l'eut espousée ; et en a de la damme le 5 dit messire Pierre filz et fille ; mais ilz sont en Castille avec la damme, car ilz sont encores jones, et ne les veult pas laissier la mère avecques le père, pour la cause de ce que elle a grant droit à tenir et possesser de la greigneur part de sa terre ». lO

« Sainte Marie, di-ge lors à l'escuier, et dont peut ores venir à messire Pierre de Berne celle fantasie que je vous ay oy recorder, que il n'ose dormir seul en une chambre, et quant il est endormi, il se relieve tout par luy et fait celles escarmuches? Ce sont bien 15 choses à esmerveillier. » — « Par ma foy, biau maistre, respondi l'escuier, on li a bien demandé, mais il ne scet à dire dont il li vient. Et la première fois dont il s'en perceut, ce fut la nuit ensieuvant d'un jour, ou quel jour il avoit ens es bois de Bisquaie cachié à -O chiens ung ours merveilleux et grant. Gel ours avoit occis iiii. de ses chiens et navrez pluseurs, tant que tous les autres le doubtoient. Adont prist messire Pierre de Berne une espée de Bourdiaux que il portoit, et s'en vint ireusement pour la cause de ses 25 chiens, que il veoit mors, envaïr ledit ours, et là se combati à luy moult longuement et fut en grant péril de son corps, et receupt grant paine ançois que il le peust desconfire. Finablement, il le mist à mort, et puis retourna à l'ostel en son chastel de Languiden- 30 don en Bisquaie, et fist apporter l'ours avecques luy, et tous qui le veoient s'esmerveilloient de la grandeur

de la beste et du hardement du chevalier, comment il l'avoit osé envaïr et desconfîre.

« Quant sa femme la contesse de Bisquaie le vey, elle se pasma et monstra que elle eut trop grant doleur; 5 si fut prise de ses gens et portée en sa chambre, et fut ce jour et la nuit ensieuvant et tout l'endemain durement desconfortée, et ne voloit dire que elle avoit. Au tiers jour, elle dist à son mary : « Monseigneur, je n'aray jamais santé, si auray esté en pèlerinage à

10 Saint Jaques. Donnez-moi mon congié, que je y voise, et que je y porte Pierre, mon tilz, et Adrienne, ma tille. Je le vous requir. » Messire Pierre li accorda trop legierement. La dame se parti en bon aroy, et emporta et fist porter devant lui tout son trésor, or,

15 argent et joyaux, car bien sçavoit que plus ne retourneroit, mais on ne si prendoit garde. ToutelYois, la damme fist son voiage et pelerinaige et prist ocasion d'aler veoir le roy de Castille, son cousin, et la royne, et vint devers eulx. On li fist bonne chiere; encore

?0 est-elle là, et point ne veult retourner ne renvoier ses enfans ; et vous di que en la propre nuit dont le jour messire Pierre avoit cachié et tué l'ours, tandis que il se dornioit en son lit, ceste fantasie li avint. Et veull-on dire que la dame le savoit bien, si tost comme elle vey

25 l'ours et que son père l'avoit cachié une fois, et chachant une voix li dist, et si ne vey riens : « Tu me chaces et si ne te vueil nul dommaige, mais tu morras de maie mort », dont la damme ot ramembrance, quant elle vey l'ours, de ce qu'elle avoit oy dire à son

30 père, et li souvint voirement comment le roy dam Pierre l'avoit fait decoler et sans cause, et pour ce se pasma-elle, ne jamais pour celle cause n'amera son

inary, et maintient que encores il li mescherra du corps, avant qu'il meure, et que ce n'est riens de ce qu'il fait envers ce qu'il ly avenra.

« Or, vous ay-je compté de messire Pierre de Berne, dist l'escuier, selonc ce que vous m'en avez demandé, ^ et c'est chose toute véritable, car ainsi en est et ainsi en avint et que vous ensamble? » Et je, qui tout pensif estoie pour la grant merveille, respondi et di : « Je le croy bien et se peut bien estre; nous trouvons en l'escripture que anciennement les dieux et les déesses ^^ à leur plaisance muoient les hommes en bestes et en oyseaux, et autant bien les fenmies; espoir puet estre que cel ours avoit esté ung chevalier cachant ens es forests de Bisquaie en son temps; les dieux ou déesses se courroucierent à luy, par quoy il fut mué ^^ en fourme d'ours, et faisoit là sa penitance, si comme Acteon fu mué en cerf. » — « Acteon, respondi l'escuier, doulx maistres, or m'en comptez le compte, et je vous em pry? » — « Volentiers, di-ge; selonc les anciennes escriptures nous trouvons escript que Acteon fut ung frisque et gentil chevalier, et amoit le déduit des chiens sur toutes riens, dont il advint une fois (|ue il chaçoit ens es bois de Thesalle et esleva ung cerf merveilleux, grant et bel, et le chaça tout le jour, et le perdirent toutes ses gens et ses lévriers aussi. Luy, qui estoit fort ententif à poursieuvir sa proie, sieuvy la trace du cerf, tant que il vint en une prairie ou bois enclose et environnée de haulx arbres, et là en celle prairie avoit une très belle fontaine; en celle fontaine pour li rafreschir se baignoit Dyane, la déesse de chasteté, et autour de lui estoient ses pucelles. Le chevalier s'erabati sur elles, ne oncques ne s'en donna

garde, si fut venu si avant que il ne povoit reculer. Elles, (|ui furent honteuses de sa venue, acoururent vers leur daninie, qui fut vergongneuse de ce que elle estoit nue, mais par dessus toutes ses pucelles elle 5 s'aparut et vey le chevalier; si dist : « Acteon, qui cy t'envoia, il ne t'ama guaires. Je ne vueil pas, quant tu seras ailleurs que cy, que tu te vantes que tu m'aies veue nue ne mes pucelles, et pour l'outraige que tu as fait, il t'en fault avoir la penitance. Je vueil que tu

10 soies tel et en la forme que le cerf, que tu as huy chacié, est. » Tantost Acteon fut mué en cerf et courut aval la forest comme ung autre, et encores par samblable cas le cerf de sa nature aime les chiens. Ainsi peut-il avenir de l'ours dont vous m'avez fait vostre

lu compte, et que la dame y scet autre chose ou sçavoit, que elle desist pour l'eure. » — « Si la doit-on tenir pour excusée », respondi l'escuier. — « Il puet estre. » Ainsi fînames-nous nostre compte.

§ 23. Entre les solempnilez que le conte de Foeis 20 fait des haulz jours solempnez de l'an, il fait trop durement grant compte et grant teste où qu'il soit. Ce me dist ung escuier de son hostel, le tiers jour que je fus venu à Ortais, de la nuit Saint Nicholas en yver, et en fait faire solempnitez par toutes ses terres aussi 25 haultes, aussi grandes et plus que le jour de la Pasque, et j'en vey bien l'apparant, car je fus là en tel jour. Tout le clergié de la ville d'Ortais et toutes les gens, hommes, iemnies et enfans en pourcession l'alerent querre au chastel, lequel tout de pié avecques le cler- 30 gié et les processions parti du chastel et vint à l'église de Saint Nicholas, et là chantoient une pseaulme du

psaultier David qui dist ainsi : Benedictus dominus Deus meus qui docet manus meas ad ■prelium et digitos meos ad hélium; et quant ceste pseaulme estoit tinée, ilzlarecommençoient tondis, et ainsi tut amené jusques à l'église, et là fut fait le divin office aussi solempnel- 5 ment comme le jour de Noël ou de Pasques on feroit en la chappelle du pape ou du roy de France, car pour ce temps il tenoit grant foison de bons chantres. Et chanta la messe pour le jour l'evesque de Paumiers, et là oy sonner les orgues aussi mélodieusement que lo je feis oncques en quelconque lieu que je fusse.

Briefment à parler de vérité et par raison, Testât du conte de Foeis, qui regnoit pour ce temps que je di, estoit tout parfait, et li de sa personne si saige et si percevant que nul hault prince de son temps ne se 15 povoit comparer à li de sens, d'onneur et de largesce. Les festes de Noël qu'il tint moult solempneles là vey venir en son hostel grant foison de chevaliers et d'escuiers de Gascongne, et à tous il fist bonne chiere, et là vey le Bourch d'Espaigne, duquel et de sa force mes- 20 sire Espaeng de Lion m'avoit parlé; si l'en vey plus volentiers, et li fist le conte de Foeis bon samblant. Là vey chevaliers d'Arragon et Anglois, lesquelz estoient de l'ostel au duc de Lancastre, qui pour ce temps se tenoit à Bourdiaux, ausquelz le conte de Foeis fist 25 bonne chiere et donna de biaux dons. Je me acointay de ces chevaliers et par eulx fu-ge lors infourmé de grant foison de besongnes qui estoient avenues en Castille, et en Navarre, et en Portingal, et desqueles je parleray clerement et plainement quant temps et 30 lieu sera. Là vey venir ung escuier gascon, qui s'appelloit le Bastard de Maulion et povoit avoir pour lors

96 CHRONIQUES DE J. FROISSART. [1388-(f356)]

LX. ans, appert homme d'armes par samblant et hardi, et descend! a grant arroy à l'ostel où j'estoie logié à Ortais, à la Lune, sus Ernauton du Puy, et faisoit mener sommiers autant que ung grant baron et estoit ^ servy et aussi estoient toutes ses gens en vaisselle d'argent. Et quant je l'oy nommer et vey que le conte de Foeis et chascun li faisoit feste, si demanday à messire Espaeng de Lyon : « Et n'est-ce pas l'escuier qui se parti du chastel de Trigalet quant le duc d'Anjou

^0 sist devant Mauvoisin? » — 4 Oil, respondi-il, c'est ung bon homme d'armes pour le présent et ung grant cappitaine. » Sur ceste parole, je m'acointay de luy, car il estoit à mon hostel, et m'en aida à acointier ung sien cousin, Gascon, duquel j'estoie trop [bien accoin-

'5 tié], le cappitaine de Cariât en Auvergne, qui s'apelloit Ernauton, et le Bourch de Campane.

Et ainsi que on parle et devise d'armes, une nuit après soupper, seans au feu et attendans la mie nuit, que le conte de Foeis devoit soupper, son cousin le

20 mist en voye de parler et de recorder de sa vie et des armes, où en son temps il avoit esté, tant de pertes que de prouffis, et trop bien lui en souvenoit. Si me demanda : « Messire Jehan, avez-vous point en vostre hystoire ce dont je vous parleray? » — Je lui res-

'5 pondi : « Je ne scay ai-ge ou non, di-ge. Faictes vostre compte, car je vous oy volentiers parler d'armes, et il ne me puet pas de tout souvenir, et aussi je ne puis pas avoir esté de tout infourmé. » — « C'est voir », respondi l'escuier. A ces mots, il commença

30 son compte et dist ainsi :

« La première fois que je fus armé, ce fut dessoubz le captai de Beuf, à la bataille de Poitiers, et de

Vi88-{1359)] LIVRE TROISIÈME, § 23. 97

bonne estrinc je ot en ce jour trois prisonniers, ung chevalier et deux escuiers, qui me rendirent l'un par l'autre m", frans. L'autre année après, je fus en Pruce avecques le conte de Foeis et le captai son cousin, duquel chargé j'estoie, et à nostre retour à Miaulx 5 en Brie nous trouvasmes la duchesse de Normendie, pour le temps, et la duchesse d'Orléans, et grant foison de dames et de damoiselles, gentilz dammes, que les Jaques avoient enclos ou marchié de Miaulx, et les eussent efforciez et violées, se Dieu ne nous eust là 10 envoiez. Bien estoit en leur puissance, ilz estoient plus de X"., et les dammes estoient toutes seules. Nous les delivrasmes de ce péril et y ot mort des Jacjues sur la place que enchace aux champs plus de vi"., et les dames estoient toutes seules; ne oncques puis ne s'es- 15 levèrent. Pour ce temps estoient trieves entre le roy de France et le roy d'Engleterre, mais le roy de Navarre faisoit guerre pour sa querele au Régent et au royaume de France. Le conte de Foeis retourna en son pays, mais mon niaistre le captai demora dalez le 20 roy de Navarre pour ses deniers, et lors léusmes-nous avecques les aydans que nous avions ou royaume de France et par especial en Picardie une forte guerre, et presimes moult de villes et de chastiaux en l'eveschié de Biauvais et en l'eveschié d'Amiens, et estions pour 25 lors tous seigneurs des champs et des rivières, et y conquerismes, nous et les nostres, très grant finance. Quant les trieves furent faillies de France et d'Engleterre, le roy de Navarre cessa sa guerre, car on fist paix entre le Régent et luy, et lors passa le roy d'En- 30 gleterre la mer en très grant arroy, et vint mettre le siège devant Rains, et là manda-il le captai mon

98 CHRONIQUES DE J. FROISSART. [1388-(i362)]

maistre, lequel se tenoit à Cleremont en Biauvoisin, et t'aisoit guerre pour luy à tout le pays. Nous venismes devant le Roy et ses enl'ans. » Lors me dist l'escuier : « Je croy bien que vous ayez toutes ces 5 choses, et comment le roy d'Engleterre passa et vint devant Chartres, et comment la paix des deux roys fut faite? B — « C'est vérité, respondi-ge; je l'ay toute et les traictiez comment ilz furent fais. » Lors reprist le Bastart de Maulion sa parole et dist :

'0 « Quant la paix fut faite entre les deux roys, il convint toutes manières de gens d'armes et de compaignons parmi le traictié de la paix vuidier, et laissier les fors et les chasteaux que ilz tenoient. Adont se cueillierent toutes maniei-es de povres compaignons, qui

15 avoient apris les armes, et se remirent ensamble, et eurent pluseurs cappitaines conseil entr'eulx quele part ilz se trairoient, et dirent ainsi que se les roys avoient fait paix ensamble, si les convenoit-il vivre. Et s'en vinrent en Bourgoingne; et là avoit cappi-

20 taines de toutes nacions, Englois, Gascons, Espaignols, Navarrois, Allemans, Escos et gens de tous pays assemblez, et je y estoie pour ung cappitaine, et nous trouvâmes en Bourgoingne et dessus la rivière de Loire plus de xu". ungs que autres, et vous di que là

25 en dedens avoit bien m. ou iiii". de droite gens d'armes aussi appers, aussi soutilz de guerre que nulles gens pourroient estre, pour aviser une bataille et prendre à son avaiitaige, pour escheler et embler villes et chastiaux, aussi drus et aussi nourris que gens

30 povoient estre, et bien le monstrames à la bataille de Brinay, où nous ruâmes jus le connestable de France et le conte de Foeis et bien ii". lances de chevaliers et

[1388-(i364)] LIVRE TROISIÈME. § 23. 99

escuiers. Geste bataille fist trop grant prouffit aux compaignons, car ilz estoient povres; si furent là tous enrichis de bons prisonniers et de villes et de fors que ilz prinrent en rarclievesqié de Lyon et sur la rivière de Rosne. Et ce parfist leur guerre quant ilz eurent 5 le Pont Saint Esperit, car ilz guerrierent le pape et les cardinaulx, et leur firent moult d'anoy, et n'en povoient estre quittes, ne n'eussent esté, si eussent les compaignons tout honny, mais ilz trouvèrent ung moyen . 10

« Hz mandèrent en Lombardie le marquis de Montferrant, ung moult vaillant chevalier, lequel avoit guerre aux seigneurs de Milan. Quant il fut venu en Avignon, le pape et les cardinaulx traictierent devers luy, et il parla aux cappitaines Engiois, Gascons et Alemans, 15 parmi lm. frans que le pape et les cardinaulx paierent. Pluseurs cappitaines de ces routes, telz que messire Jehan Hacoude, ung moult vaillant chevalier anglois, messire Robert Briquet, Garsuele, Naudon de Bagerant, le Bourc de Bretuel, le Bourc Gamus, le Bourc 20 de Lespare, Batillier et pluseurs autres s'en alerent en Lombardie et rendirent le Pont Saint Esperit, et emmenèrent de toutes les routes bien les six pars; mais nous demorasmes derrière messire Seguin de Batefol, messire Jehan Jevel, messire Jaques Plantin, messire 25 Jehan AymeryS le Bourc de Pierregort, Espiote, Loys Rombaut, Limosin, Jaques Titiel, moy et pluseurs autres. Et teniesmes Anse, Saint Climent, la Becelle, la Terrace, le Mont Saint Denis, l'Ospital de Rochefort et plus de lx. fors que en Masconnois, en Forez, en 30