Mss. B k, 3, f» 135. — Ms. B 1, t. U, fo 19 (lacune
biel, la fille dou roy d'Engleterre, et si le prommist à espouser. Si fu ceste journée relaxée jusques à une aultre fois que on aroit plus grant loisir. Et s'en retournèrent li Flamench en Flandres, qui en remenè- 5 rent leur signeur. Et moult amiablement se partirent dou roy d'Engleterre et de la royne et de leur conseil, et li rois d'yaus, liquelz s'en retourna devant Calais. Ensi demorèrent les eoses en cel estât. Et se pourvei et fist pourveir li rois d'Engleterre, si grandement
10 que merveilles seroit à recorder, pour tenir celle feste très estoffeement, et ossi de biaus et de riches jeuiaulz pour donner et départir au jour des noces; et la royne ossi, qui bien s'en voloit acquitter, et qui d'onneur et de larghèce passa à son temps toutes dames.
15 Li joncs contes de Flandres, qui estoit revenus en son pays entre ses gens, aloit toutdis en rivière, et moustroit par samblant que cilz mariages as Englès li plaisoit très grandement. Et s'en tenoient li Flamench ensi que pour tout asseguré; et n'i avoit mes
20 sur lui si grant regart comme en devant. Il ne cognissoient pas bien encores la condition de leur signeur. Car, quel samblant qu'il moustroit deforainnement, il avoit dedentrainnement le corage tout françois, ensi que on l'esprouva par oevres. Car un jour il
25 estoit aies voler en rivière; et fu en le propre sepmainne que il devoit espouser la dessus ditte la damoiselle d'Engleterre. Et jetta ses fauconniers un faucon apriès le hairon, et li contes ossi un. Si se misent cil doy faucon en cange, et li contes apriès ,
30 ensi que pour le[s] lorier *, en disant : hoie ! hoie ! Et
1. Ms.Bk: « loyrler. s F» 135 v». — Ms. B 3 : « leurrer. > F» IkZ.
quant il fu un peu eslongiés, et qu'il eut l'avantage des camps, il feri cheval des esporons et s'en ala toutdis avant, sans retourner, par tel manière que ses gens le perdirent. Si s'en vint li dis contes en Artois, et là fu à segur; et puis vint en France devers le 5 roy Phelippe et les François, asquelz il compta ses aventures et com, par grant soutilleté, il estoit escapés ses gens et les Englès. Li rois de France en eut grant joie et dist que il avoit trop bien ouvret ; et otant en disent tout li François. Et li Englès, d'autre part, lo disent que il les avoit trahis et deceus.
Mes pour ce ne laissa mies li rois d'Engle terre à tenir à amour les Flamens, car il savoit bien que li contes n'avoit point ce fait par leur conseil, et en estoient moult courouciet; et l'escusance que il en 15 fisent, il le crei assés legierement.
§ 303. En ce temps que li siges se tenoit devant Calais, venoient veoir le roy et la royne pluiseur baron et chevalier de Flandres, de Braibant, de Ilaynau et d'Alemagne. Et ne s'en partoit nulz sans grant 20 pourfit, car li rois et la royne d'Engleterre, d'onneur et de larghèce estoient si plain et si affectuel que tout il donnoient, et par celle virtu conquisent il le grasce et le renommée de toute honneur.
En ce temps estoit nouvellement revenus en le 25 conté de Namur, dou voiage de Prusce et dou Saint Sépulcre, cilz gentilz et vaillans chevaliers messires Robers de Namur. Et l'avoit li sires de Spontin fait chevalier en le Sainte Terre. Messires Robers estoit pour ce temps moult joncs, et n'avoit encores esté 30 priiés de l'un roy ne de l'autre. Toutes fois il estoit
plus enclins assés à estre Englès que François, pour l'amour de monsigneur Robert d'Artois, son oncle, que li rois d'Engleterre avoit moult amet. Si se avisa que il venroit devant Calais veoir le roy d'Engleterre
5 et la roy ne et les signeurs qui là estoient. Si se ordonna selonch ce, et mist en bon arroi et riche, ensi comme à lai apertenoit et que toutdis il a aie par le chemin. Si esploita tant par ses journées que il vint au siège de Calais, honnourablement acompagniés de
10 chevaliers et d'escuiers, et se représenta au roy, qui liement le reçut; et ossi fist madame la royne. Si entra grandement en leur amour et en leur grasce, pour le cause de ce que il portoit le nom de monsigneur Robert son oncle, que jadis avoient tant amé
15 et ouquel il avoient trouvé grant conseil.
Si devint en ce temps li dis messires Robers de Namur homs au roy d'Engleterre. Et li donna li dis rois trois cens livres à Testrelin de pension par an, et li assigna sus ses coffres à estre paiiés à Bruges.
20 Depuis se tint li dis messires Robers dalés le roy et la royne, au sige de Calais, tant que la ville fu gaegnie, ensi comme vous orés en avant recorder.
§ 304. Je me sui longement tenus à parler de monsigneur Charle de Blois, duch de Bretagne pour
25 ce temps, et de la contesse de Montfort. Mais ce a esté pour les triewes qui furent prises devant la cité de Venues, lesquèles furent moult bien gardées. Et joïrent, les triewes durant, cescune des parties assés paisieuvlement de ce que il tenoit en devant. Si tost
30 comme elles furent passées, il commencièrent à gueriier fortement, li rois de France à conforter
[i346j LIVRE PREMIER, § 304. 39
monsigneur Charle de Blois son neveu, et li rois d'Engleterre madame la contesse de Montfort, ensi que prommis et en couvent li avoit. Et estoient venu en Bretagne, de par le roy d'Engleterre, doy moult grant et moult vaillant chevalier, et parti dou siège 5 de Calais, à tout deux cens hommes d'armes et quatre cens arciers : ce estoient messires Thumas d'Augourne et messires Jehans de Hartecelle; et demorèrent dalés la ditte contesse en la ville de Haimbon. Avoecques eulz avoit un chevalier breton bretonnant, lo durement vaillant et bon homme d'armes, qui s'appelloit messires Tanguis dou Chastiel. Si faisoient souvent cil Englès et cil Breton des chëvaucies et des issues contre les gens monsigneur Charle de Blois, et sus le pays qui se tenoit de par lui; et les gens mon- i5 signeur Charle ossi sur yaus. Une heure perdoient li un, aultre heure perdoient li aultre. Et estoit li pays par ces gens d'armes courus, gastés et essilliés et rançonnés, et tout comparoient les povres gens.
Or avint un jour que cil troi chevalier dessus 20 nommet avoient assamblet grant fuison de gens d'armes à cheval et de saudoiiers à piet. Et alèrent assegier une bonne ville et forte et un bon chastiel que on claime le Roce Deurient, et le lisent assallu^ par pluiseurs fois fortement. Et cil de le ville et dou 25 chastiel se deffendirent vassaument qu'il n'i perdirent riens. En la garnison avoit un cliapitainne , de par monsigneur Charle, escuier, qui s'appelloit par nom Thassart de Ghines, apert Iiomme d'armes durement. Or y eut tel meschief que les trois pars des 30 gens de la ville estoient en coer plus Englès assés que François. Si prisent leur cliapitainne et disent qu'il
l'ociroient , se ilz avoech yaus ne se tournoit englès. Tassars à ce donc ressongna le mort et dist que il feroit tout che que il vorroient. Sus cel estât il le laissièrent aler, et commencièrent à trettiier devers 5 les dessus dis chevaliers englès. Finablement, trettiés se porta telz^ que il se tournèrent de le partie la contesse de Montfort. Et demora li dis Thassars, comme en devant, chapitains de la ditte ville. Et quant li Englès s'en partirent pour retourner vers Hembon ,
10 il li laissièrent grant fuison de gens d'armes et d'arciers, pour la ditte forterèce aidier à garder.
Quant messires Charles de Blois sceut ces nouvelles
' que la Roce Deurient estoit tournée englesce, si fu
durement courouciés, et dist et jura que ce ne de-
15 morroit pas ensi. Et manda partout les signeurs de sa partie en Bretagne et en Normendie , et fist un grant amas de gens d'armes en le cité de Nantes, et tant qu'il furent bien seize cens armeures de fier et douze mil hommes de piet. Et bien y avoit quatre
20 cens chevaliers, et entre ces quatre cens, vingt trois banerés. Si se départi de Nantes li dis messires Charles et toutes ses gens. Et esploitièrent tant que il vinrent devant le Roce Deurient; si le assegièrent, toute la ville et le chastiel ossi. Et fisent devant drecier
25 grans engiens qui jettoient nuit et jour et qui moult travilloient [ciaulz*]j de la ville. Si envoyèrent tantost messages devers la contesse de Montfort, en remoustrant comment il estoient constraint et assegiet, et requeroient que on les confortast, car on leur
30 avoit eu en couvent, se il estoient assegiet. La con-
