Ms. B 4, fo 136 vo. — Ms. B 1, t. II, f" 20 v> (lacune
tesse et li troi chevalier dessus nommé ne l'euissenl jamais laissiet. Si envoia partout la ditte contesse ses messages où elle pensoit avoir gens, et fist tant que elle eut en peu de temps mil armeures de fier et huit mil hommes de piet. Si les mist tous ou conduit et 5 en le garde de ces trois chevaliers dessus nommés qui baudement et volentiers les rechurent; et li disent au département que il ne retourroient mes , si seroient la ville et li chastiaus desassegiés, ou il demorroient tout en le painne. Puis se misent au che- 10 min, et s'en alèrent celle part à grant esploit; et fisent tant que il vinrent assés priés de l'ost monsigneur Charle de Blois.
Quant messires Thumas d'Agourne, messires Jehans de Hartecelle et messires Tangis dou Chastiel , 15 et li aultre chevalier qui là estoient assamblé, turent parvenut à deux liewes priés de l'ost des François, il se logiérent sus une rivière , à celle entente que pour combattre à l'endemain. Et quant il furent logiet et mis à repos, messires Thumas d'Agourne et 20 messires Jehans de Hartecelle prisent environ la moitié de leurs gens, et les fisent armer et monter à cheval tout quoiement. Et puis se partirent et, droit à heure de mienuit, il se boutèrent en l'ost de monsigneur Charle, à l'un des costés; si y fisent grant da- 25 mage, et occirent et abatirent grant fuison de gens. Et demorèrent tant, en ce faisant, que toute li hos fu estourmis, et armé toutes manières de- gens, et ne se peurent partir sans bataille. Là furent il enclos et combatu et rebouté durement et asprement, et ne 30 peurent porter le fais des François. Si y fu pris et moult dolereusement navrés messires Thumas d'A-
4à CHRONIQUES DE J. FROISSART. [1347]
gourne. Et se sauva au mieulz qu'il peut li dis messires Jehans de Hartecelle et une partie de ces gens, mes la grigneur partie y demorèrent mort. Ensi tous desconfis retourna li dis monsigneur Jehan à
5 ses aultres compagnons , qui estoient logiet sus le rivière, et trouva monsigneur Tangis dou Chastiel et les aultres, asquelz il recorda sen aventure. Dont il furent moult esmervilliet et esbahit, et eurent conseil qu'il se deslogeroient et se retrairoient vers
10 Hembon.
§ 305. A celle propre heure et en cel estât, entrues que il estoient en grant conseil de yaus deslogier, vint là uns chevaliers de par le contesse, qui s'appelloit Garnier, sires de Quadudal, à tout cent ar-
15 meures de fer, et n'avoit pout plus tost venir. Si tost qu'il sceut le convenant et le parti où il estoient, et comment par leur emprise perdu il avoient, si donna nouviel conseil. Et ne fu noient effraés, et dist à monsigneur Jehan et à monsigneur Tangis : « Or
20 tos armés vous, et faites armer vos gens et monter as chevaus qui cheval [a^]; et qui point n'en a, si viegne à piet, car nous irons veoir nos ennemis. Et ne me doubte mies, selonch ce que il se tiennent pour tous assegurés, que nous ne les desconfisons et recouvrons
25 nos damages et nos gens. »
Cilz consaulz fu creus, et s'armèrent, et disent que de recief il s'enventurroient. Si se départirent cil qui à cheval estoient tout premiers, et cil à piet les sie-
1. Ms. B 4, fo 136 vo.Ms. B 1, t. II, fo21 v» (lacune).— Ms. B 3 : « qui en auroit. » F" 156 v».
[1347] LIVRE PREMIER, g 30b. 43
voient. Et s'en vinrent, environ soleil levant, ferir en l'ost monsigneur Charlon de Blois, qui se dormoient et reposoient, et ne cuidoient avoir plus de destourbier. Cil Breton et cil Englès d'un oosté se commencièrent à haster et à abatre tentes et très et pavil- 5 Ions, et à occire et à decoper gens et à mettre en grant meschief. Et furent si souspris, car il ne faisoient point de ghet, que oncques ne se peurent aidier. Là eut grant desconfiture sus les gens de monsigneur Charle, et mors plus de deux cens chevaliers 10 et bien quatre mil d'aultres gens, et pris li dis messires Charles de Blois et tout li baron de Bretagne et de Normendie qui là avoecques lui estoient, et rescous messires Thumas d'Augourne et tout leur compagnon. Onques si belle aventure n'avint à gens 15 d'armes, qu'il avint là as Englès et as Bretons, que de desconfire sus une matinée tant de nobles gens : on leur doit bien tourner à grant proèce et à grant apertise d'armes.
Ensi fu pris messires Charles de Blois des gens le 20 roy d'Engleterre et la contesse de Montfort, et toute la fleur de son pays avoecques lui ; et fu amenés ens ou chastiel de Hembon, et li sièges levés de la Roce Deurient. Si fu la guerre de la contesse de Montfort grandement embellie. Mes toutdis se tin- 25 rent les villes, les cités et les forterèces de monsigneur Charle, car madame sa femme, qui s'appelloit duçoise de Bretagne, prist la guerre de grant volenté. Ensi fu la guerre de ces deu\ dames. Vous devés savoir que, quant ces nouvelles furent venues 30 devant Calais au roy d'Engleterre et as barons, il en furent grandement resjoy, et comptèrent l'aven-
lure moult belle pour leurs gens. Or parlerons nous dou roy Plielippe et de son conseil et dou siège de Calais.
§ 306. Li rois Phelippes de France, qui sentoit 5 ses gens de Calais durement constrains et apressés selonch ce que il estoit enfourmés, et veoit que li rois d'Engleterre ne s'en partiroit point, si les aroit conquis, estoit grandement courouciés. Si se avisa et dist que il les vorroit conforter, et le roy d'Engle-
10 terre combatre, et lever le siège, se il pooit. Si commanda par tout son royaume que tout chevalier et escuier fuissent, à la feste de le Pentecouste, en le cité d'Amiens ou là priés. Chilz mandemens et commandemens dou roy de France s'estendi par tout
15 son royaume. Si n'osa nulz laissier qu'il ne venist et fust là où mandés estoit, au jour de le Pentecouste , ou tost apriès. Et meismement li rois y fu et tint là sa court solennèle, au dit jour, et moult de princes et de haus barons dalés li, car li roiau-
20 mes de France est si grans, et tant y a de bonne et noble chevalerie et escuierie, que il n'en poet estre desgarnis. Là estoient li dus de Normendie ses filz, li dus d'Orliens sas mai[n]snës filz, li dus Oedes de Bourgongne, li dus de Bourbon, li contes de Fois,
25 messires Loeis de Savoie, messires Jehans de Haynau, li contes d'Ermignach, li contes de Forés, li contes de Pontieu, li contes de Valentinois, et tant de contes et de barons que merveilles seroit à recorder.
30 Quant tout furent venu et assamblé à Amiens et là en le marce, si eut li rois de France pluiseurs
consaulz par quel costé il poroit sus courir et combatre les Englès. Et euist volentiers veu que li pas de Flandres li fuissent ouvert; si euist envoiiet au costé devers Gravelines une partie de ses gens, pour rafreschir chiaus de Calais et combatre les Englès à 5 ce costé bien aisiement par la ville de Calais. Et en envoia li dis rois en Flandres grans messages , pour trettier envers les Flamens sus cel estât. Mais li rois d'Engleterre, pour ce temps, avoit tant de bons amis en Flandres que jamais ne li euissent otriiet ceste lo courtoisie. Quant li rois Phelippes vei ce que il n'en poroit venir à coron, si ne volt mies pour ce laissier se emprise, ne les bonnes gens de le ville de Calais mettre en non caloir, et dist que il se trairoit avant au lés devers Boulongne. 15
Li rois d'Engleterre, qui se tenoit là à siège et estoit tenus tout le temps, ensi que vous savés, et à grans coustages, estudioit nuit et jour comment il peuist chiaus de Calais le plus conslraindre et grever; car bien avoit oy dire que ses adversaires li rois 20 Phelippes faisoit un grant amas de gens d'armes, et que il le voloit venir combatre. Et si sentoit la ville de Calais si forte que, pour assaut ne pour escarmuce que ilz ne ses gens y feissent, il ne les pooient conquerre : dont il y busioit et imaginoit souvent. 25 Mais la riens del monde qui plus le reconfortoit, c'estoit ce que il sentoit la ville de Calais mal pourveue de vivres : si ques encores, pour yaus clore et toUir le pas de le mer, il fist faire et carpenter un chastiel hault et grant de Ions mairiens, et le fist 30 faire si forl et si bien breteskiet que on ne le pooit grever. Et fist le dit chastiel asseoir droit sus le rive
de le mer, et le [fist^] bien pourveir d'espringalles, de bombardes et d'ars à tour et d'autres instrumens. Et y establi dedens soixante hommes d'armes et deux cens arciers, qui gardoient le havene et le port 5 de Calais, si priés que riens n'i pooit entrer ne issir que tout ne fust confondut; ce fu li avis qui plus fist de contraires à chiaus de Calais, et qui plus tost les fist affamer.
En ce temps exhorta tant li rois d'Engleterre les
10 Flamens, lesquelz li rois de France, si com ci dessus est dit, voloit mettre en trettiés, que il issirent hors de Flandres bien cent mil, et s'en vinrent mettre le siège devant la bonne ville d'Aire. Et ardirent tout le pays de là environ. Saint Venant, Menreville, le
15 Gorge, Estelles, le Ventie, et une marce que on dist Laloe , et jusques ens es portes de Saint Omer et de Tieruane. Et s'en vint li rois logier à Arras, et envoia grans gens d'armes ens es garnisons d'Artois, et par especial son connestable monsigneur Charle d'Es-
20 pagne à Saint Omer, car li contes d'Eu et de Gliines, qui connestables avoit estet de France, estoit prisonniers en Engleterre, ensi que vous savés. Ensi se porta toute celle saison bien avant, et ensonniièrent li Flamench grandement les François, ançois que il
25 se retraissent.
§ 307. Quant li Flamench furent retrait et il eurent courut les basses marces en Laloe, donc s'avisa li rois de France qu'il s'en iroit à toute son grant host
1. Mss. B 4, 3, f° 137. — Ms. B 1 , t. II, f» 22 t» : « fisent. » Mauvaise leçon.
[1347] LIVRE PREMIER, g 308. 47
devers Calais pour lever le siège, se il pooit aucunement, et combatre le roy d'Engleterre et toute se puissance qui si longhement avoient là séjourné; car il sentoit monsigneur Jehan de Viane et ses compagnons et les bonnes gens de Calais durement astrains, 5 et avoit bien oy dire et recorder comment on leur avoit clos le pas de le mer, pour laquèle cause la ville estoit en péril de perdre. Si s'esmut li dis rois et se parti de le cité d'Arras et prist le chemin de Hedin, et tant fist qu'il y parvint; et tenoit bien son liost 10 parmi le charoy trois grans liewes de pays. Quant li rois se fu reposés un jour à Hedin, il vint l'autre à Blangis, et là s'arresta pour savoir quel chemin il feroits Si eut conseil d'aler tout le pays que on dist l'Alekine; dontsemist il à voie, et toutes gens apriès, 15 où bien avoit deux cens mil hommes, uns c'autres. Et passèrent li rois et ses gens parmi le conté de Faukemberghe, et se vinrent droitement sus le mont de Sangates, entre Calais et Wissant. Et chevauçoient cil François tout armé au cler, ensi que pour tantost 20 combatre, banières desploiies; et estoit grans biautés au veoir et considérer leur poissant arroy. Quant cil de Calais, qui s'apooient à leurs murs, les veirent premièrement poindre et apparoir sus le mont de Sangates, et leurs banières et pennons venteler, il 25 eurent moult grant joie, et cuidièrent certainnement estre tantost dessegiet et delivret. Mais quant il veirent que on se logoit, si furent plus courouciet que devant, et leur sambla uns petis signes.
§ 308. Or vous dirai que li rois d'Engleterre fist 30 et avoit jà fait, quant il sceut que li rois de France
48 CHRONIQUES DE J. FROISSARÏ. [1347]
venoit à si grant host pour lui combatre et pour dessieger la ville de Calais , qui tant li avoit cousté d'avoir, de gens et de painne de son corps; et si savoit bien que il avoit la ditte ville si menée et si 5 astrainte que elle ne se pooit longement tenir : se li venroit à grant contraire, se il l'en couvenoit ensi partir. Si avisa et imagina li dis rois que li François ne pooient venir à lui ne approcier son host ne le ville de Calais, fors que par l'un des deux pas, ou par
10 les dunes sus le rivage de le mer, ou par dessus là où il avoit grant fuison de fossés, de croleis et de mares. Et n'i avoit sur clie chemin que un seul pont par où on peuist passer ; si l'appelloit on le pont de Nulais. Si fist li dis rois traire toutes ses naves et
15 ses vaissiaus par devers les dunes, et bien garnir et furnir de bombardes, d'arbalestres, d'arciers et d'espringalles , et de telz coses par quoi li hos de François ne peuist ne osast par là passer. Et fist le conte Derbi son cousin aler logier sus le dit pont de Nu-
20 lais, à grant fuison de gens d'armes et d'arciers, par quoi li François n'i peuissent passer, se ilz ne passoient parmi les mares , liquel sont impossible à passer.
Entre le mont de Sangates et le mer, à l'autre lés
25 devers Calais, avoit une haute tour que trente deux arcier englès gardoient, et tenoient là endroit le passage des dunes pour les François ; et l'avoient à leur avis durement fortefiiet de grans doubles fossés. Quant li François furent logiet sur le mont de San-
30 gâte, ensi que vous avés oy, les gens des communautés perchurent celle tour. Si s'avancièrent cil de Tournay, qui bien estoient là quinze cens combatant, et
[1347] LIVRE PREMIER, g 309. 49
alèrent de grant volentet celle part. Quant cil qui dedens estoient les veirent approcier, il traisent à vaus^ et en navrèrent aucuns. Quant cil de Tournay veirent ce, si lurent moult courouciet, et se misent de grant volenté à assallir celle tour et ces Englès; 5 et passèrent de force oultre les fossés, et vinrent jusques à le mote de terre et au piet de le tour à pik et à liauiaus* Là eut grant assaut et dur, et moult de chiaus de Tournay bleciés; mais pour ce ne se refraindirent il mies à assallir, et lisent tant que, de 10 force et par grant apertise de corps , il conquisent celle tour. Et furent mort tout cil qui dedens estoient, et la tour abatue et reversée : de quoi li François tinrent ce fait à grant proèce.
§ 309. Quant li hos des François se fu logie sus 15 le mont de Sangates, li rois envoia ses mareschaus, le signeur de Biaugeu et le signeur de Saint Venant, pour regarder et aviser comment et par où son host plus aisiement poroit passer, pour approcier les Englès et yaus combatre. Cil doy signeur, mareschal de 20 France pour le temps, alèrent partout regarder et considérer les passages et les destrois, et puis s'en retournèrent au roy et li disent à brief parole qu'il ne pooient aviser que il peuist nullement approcier les Englès que il ne perdesist ses gens davantage. Si 25 demora ensi la cose cesii jour et la nuit ensiewant.
A l'endemain apriès messe, li rois Plielippes envoia grans messages, par le conseil de ses hommes, au roy d'Engieterre. Et passèrent li message [par congiet']
1. Mss. B li, 3, f" 138. — Ms. B 1, t. II, f" 23 v» (lacune).
dou conte Derbi au pont de Nulais : ce furent messires Joffrois de Chargni^ messires Eustasses de Ribeumont, messires Guis de Neelle et li sires de Biaugeu. En passant et en clievauçant celle forte voie, cil qua- 5 tre signeur avisèrent bien et considérèrent le fort passage, et comment li pons estoit bien gardés. On les laissa paisieuvlement passer tout oultre^ car li rois d'Engleterre Favoit ensi ordonné. Et durement en passant prisièrent l'arroy et l'ordenance dou conte
10 Derbi et de ses gens , qui gardoient ce pont parmi lequel il passèrent. Et tant clievaucièrent que il vinrent jusques à l'ostel dou roy, qui bien estoit pourveus de grant baronnie dalés lui. Tantost tout quatre il misent piet à terre, et passèrent avant et vinrent
15 jusques au roy : ill'enclinèrent; et li rois les recueilli, ensi comme il apertenoit à faire. Là s'avança messires Ustasses de Ribeumont à parler pour tous; et disent: « Sire, li rois de France nous envoie par devers vous et vous segnefîe que il est ci venus et arrestés sus le
20 mont de Sangates pour vous combatre; mais il ne poet veoir ne trouver voie comment il puist venir jusc'à vous : si en a il grant désir , pour dessegier sa bonne ville de Calais. Si a il fait aviser et regarder par ses gens comment il poront venir jusc'à vous, mes c'est cose impossible. Si veroit volentiers que vous volsissiés mettre de vostre conseil ensamble, et il metteroit dou sien, et par l'avis de cliiaus, aviser place là où on se peuist combatre, et de ce sommes nous cargié de vous dire et requerre. »
Li rois d'Engleterre, qui bien entendi ceste parolle, fu tantost consilliés et avisés de respondre, et respondi et dist : u Signeur, j'ay bien entendu tout
ce que vous me requerés de par mon adversaire, qui tient mon droit hiretage à tort, dont il me poise. Se li dires de par mi, se il vous plaist, que je sui ci endroit, et y ay demoret, depuis que je y vinc, priés d'un an. Tout ce a il bien sceu; et y fust bien venus 5 plus tost, se il volsist. Mais il m'a ci laissiet demorer si longement que jou ay grossement despendu dou mien. Et y pense avoir tant fait que assés temprement je serai sires de le ville et dou chastiel de Calais. Si ne sui mies consilliés dou tout faire à sa de- lO vise et se aise, ne d'eslongier ce que je pense à avoir conquis et que j'ay tant desiret et comparet. Se li dises, se ilz ne ses gens ne poeent par là passer, si voisent autour pour quérir la voie. » Li baron et message dou roy de France veirent bien que il n'en 15 porteroienl aultre response; si prisent congiet.
Li rois leur donna qui les fist convoiier jusques oultre le dit pont de Nulais. Et s'en revinrent en leur host, et recordèrent au roy de France tout ensi et les propres paroles que li rois d'Engleterrè avoit 20 dittes. De laquèle response li rois de France fu tous courouciés, car il vei bien que perdre li couvenoit la forte [ville*] de Calais, et se n'i pooit remediier par nulle voie.
§ 310. Entrues que li rois de France estoit sus le 25 mont de Sangate, et qu'il estudioit comment et par quel tour il poroit combatre les Englès qui si s'estoient fortefiiet, vinrent doy cardinal en son host, envoiiés en légation de par le pape Clément qui re-
1 . Ms9. B d, 3, f» 138 vo. — Ms. B 1, t. II, fo 2k v° (lacune).
gnoit pour ce temps. Cil doi cardinal se misent tantost en grant painne d'aler de l'une host à l'autre, et volentiers euissent veu que li rois d'Engleterre euist brisiet son siège, ce que il n'euist jamais fait. Toutes 5 fois, sus certains articles et trettiés d'acort et de pais, il procurèrent tant que uns respis fu pris entre ces deux rois et leurs gens, là estans au siège et sus les camps seulement. Et misent par leurs promotions, de toutes parties, quatre signeurs ensamble qui dévoient
10 parlementer de le pais. De le partie dou roy de France y furent li dus de Bourgongne, li dus de Bourbon, messires Loeis de Savoie et messires Jehans deHaynau; et doucosté desEnglès, li contes Derbi, li contes de Norhantonne, messires Renaulz de Go-
15 behem et messires Gantiers [de Mauni'j. Et li doi cardinal estoient treltieur et moiien, alant de l'un lés à l'autre. Si furent tout cil signeur les trois jours la grigneur partie dou jour ensamble ; et misent pluiseurs devises et pareçons avant, desquèles nulles ne
20 vinrent à effect.
Entrues que on parlementoit et ces triewes durant, li rois d'Engleterre faisoit toutdis efforcier son host et faire grans fossés sus les dunes, par quoi li François ne les peuissent sousprendre. Et saciés que cilz
25 parlemens et detriemens anoioit durement à chiaus de Calais qui volentiers euissent veu plus tost leur délivrance, car on les faisoit trop juner. Cil troi jour se passèrent sans pais et sans acort, car li rois d'Engleterre tenoit toutdis sen oppinion que il se-
30 roit sires de Calais, et li rois de France voloit que
1. Mss. B k, 3, f° 138 v. — Ms. B 1, t. II, f-^ 2k v» (lacune).
elle li demorast. En cel estri se départirent les parties^ ne on ne les peut rassambler depuis ; si s'en retournèrent li cardinal à Saint Orner.
Quant li rois Phelippes vei ce que perdre li couvenoit Calais, si fu durement courouciés; à envis 5 s'en partoit sans aucune cose faire. Et si ne pooit traire avant ne combatre les Englès qu'il ne fuissent tout perdu davantage : si ques, tout considéré, li sejourners là ne li estoit point pourfitable ; si ordonna au partir et à deslogier. Si fist, à l'endemain au ma- 10 tin que li parlemens fu fines, recueil) ier en grant haste tentes et très et tourser, et se mist au chemin par devers la cité d'Amiens, et donna congiet toutes manières de gens d'armes et de commugnes. Quant cil de Calais veirent le deslogement de leurs gens, si 15 furent tout pardesconfi et desbareté. Et n'a si dur coer ou monde que, qui les veist démener et dolouser, qui n'en ewist pité. A ce deslogement ne perdirent point aucun Englès qui s'aventurèrent et qui se ferirent en la kewe des François, mes gaegnièrent des kars, des sommiers et des chevaus, des vins et des pourveances et des prisonniers qu'il ramenèrent en l'ost devant Calais.
§311. Apriès le département dou roy de France et de son liost dou mont de Sangates, chil de Calais 2î) veirent bien que li secours en quoi il avoient fiance leur estoit fallis ; et si estoient à si très grant des- Irèce de famine que li plus poissans et plus fors se pooit à grant malaise soustenir. Si eurent conseil; et leur sambla qu'il valoit mieulz yaus mettre en le vo- 30 lente dou roy d'Engleterre, se plus grant merci n'i
pooient trouver, que yaus laissier morir Pun apriès l'autre par destrèce de famine, car li pluiseur en poroient perdre corps et ame par rage de faim. Si priièrent tant à monsigneur Jehan de Viane que il en 5 volsist trettier et parler, que il s'i acorda; et monta as crestiaus des murs de le ville, et fîst signe à chiaus de dehors que il voloit parler.
Quant li rois d'Engleterre entendi ces nouvelles, il envoia là tantos monsigneur Gautier de Mauni et
10 le signeur de Basset. Quant il furent là venu, li dis messires Jehans de Viane lor dist : « Chier signeur, vous estes moult vaillant chevalier et usé d'armes, et savés que li rois de France, que nous tenons à signeur, nous a ceens envoiiet et commandé que nous
15 gardissions ceste ville et ce chastiel, si que blasme n'en euissions, ne ilz point de damage : nous en avons fait nostre pooir. Or est nos secours fallis. Et vous nous avés si astrains que nous n'avons de quoi vivre : si nous couvenra tous morir ou esragier par
20 famine, se li gentilz rois qui est vos sires n'a pité de nous. Chier signeur, se li voelliés priier en pité qu'il voelle avoir merci de nous, et nous en voelle laissier aler tout ensi que nous sommes , et voelle prendre le ville et le chastiel et tout l'avoir qui est de-
25 dens : si en trouvera assés. »
Adonc respondi messires Gantiers de Mauni et dist : « Messire Jehan, messire Jehan, nous savons partie de l'intention nostre signeur le roy d'Engleterre, car il le nous a dit. Saciés que ce n'est mies
30 se entente que vous en peuissiés aler ensi que vous avés ci dit ; ains est sa volenté que vous vos metés tous en se pure volenté , ou pour rançonner chiaus
qu'il li plaira, ou pour faire morir; car cil de Calais li ont tant fait de contraires et de despis, le sien fait despendre et grant fuison de ses gens [fait *] morir : dont, se il l'en poise, ce n'est mies merveilles. »
Adonc respondi messires Jehans de Viane et dist : 5 « Ce seroit trop dure cose pour nous, se nous consentions ce que vous dittes. Nous sommes un petit de chevaliers et d'escuiers qui loyaument à nostre pooir avons servi nostre signeur, ensi comme vous fériés le vostre, en samblant cas ; et en avons enduré 10 mainte painne et tamainte mesaise. Mais ançois en soufferions nous tèle mesaise que onques gens n'endurèrent ne souffrirent la parélle, que nous consentissions que li plus petis garçons ou variés de le ville euist aultre mal que li plus grans de nous. Mais nous 15 vous prions que vous voelliés aler par vostre humilité devers le roy d'Engleterre , et li priiés que il ait pité de nous : si ferés courtoisie , car nous espérons en lui tant de gentillèce que il ara merci de nous. » — « Par ma foy, respondi messires Gantiers, mes- 20 sire Jehan, je le ferai volentiers. Et vorroie, se Diex me vaille, qu'il m'en vosist croire mes : vous en
!•. - vaurriés tout mieulz. »
» Lors se départirent li sires de Mauni et li sires de
Basset, et laissièrent monsigneur Jehan de "Viane 25 apoiant as murs, car tantost dévoient retourner; et s'en vinrent devers le roy d'Engleterre qui les atten-
doit à l'entrée de son hostel et avoil grant désir d'oïr nouvelles de chiaus de Calais. Dalés lui estoient li
1. Ms. B 3, f" 158 V". — Mss B 1 , «t , f» 25 v" : « faire. » Mainmise leçon.
contes Derbi, li contes de Norhantonne, li contes d'Arondiel et pluiseur liault baron d'Engleterre. Messires Gantiers de Mauni et li sires de Basset enclinèrent le roy, et puis se traisent devers lui. Li sires de 5 Mauni, qui sagement estoit enlangagiës, commença à parler, car li rois souverainnement le volt oir, etdist : a Mon signeur, nous venons de Calais et avons trouvé le cbapitainne, monsigneur Jelian de Viane, qui longement a parlé à nous. Et me samble que ilz et si
10 compagnon et li communaultés de Calais sont en grant volenté de vous rendre la ville et le chastiel de Calais et tout ce qui dedens est, mes que leurs corps singulerement il en peuissent mettre bors. »
Dont respondi li rois : « Messire Gautier, vous sa-
15 vés la grigneur partie en ce cas de nostre entente : quel cose en avés vous respondu? » — « En nom Dieu, monsigneur, dist messires Gantiers, que vous n'en fériés riens, se il ne se rendoient simplement à vostre volenté, pour vivre et pour morir, se il vous
20 plaist. Et quant je leur ay ce remoustré, messires Jebans de Viane me respondi et cogneut bien qu'il sont moult constraint et astraint de famine; mais, ançois que il entrassent en ce parti, il se venderoient si cbier que onques gens fisent. w Dont respondi li
25 rois et dist : « Messire Gautier, je n'ai mies espoir ne volenté endont que j'en face aultre cose. » Lors se retrest avant li gentilz sires de Mauni et parla moult sagement au roy, et dist pour aidier cbiaus de Calais : « Monsigneur, vous poriés bien avoir tort,
30 car vous nous donnés mauvais exemple. Se vous nous voliiés envoiier en aucunes de vos forterèces, nous n'irions mies si volentiers, se vous faites ces gens
mettre à mort, ensi que vous dittes, car ensi feroit on de nous en samblant cas. »
Cilz exemples amolia grandement le corage dou roy d'Engleterre, car li plus des barons qui là estoient l'aidièrent à soustenir. Dont dist li rois: « Signeur, je 5 ne voeil mies estre tous seulz contre vous tous. Gautier^ vous en irés à chiaus de Calais, et dires au chapitainne, monsigneur Jehan de Viane, que vous avés tant travilliet pour yaus, et ossi ont tout mi baron, que je me sui acordés à grant dur à ce que la plus 10 grant grasce qu'il poront trouver ne avoir en moy, c'est que il se partent de le ville de Calais six des plus notables bourgois, en purs les chiés et tous deschaus^ les hars ou col, les clés de le ville et dou chastiel en leurs mains. Et de chiaus je ferai ma 15 volenté, et le demorant je prenderai à merci. » — <( Monsigneur, respondi messires Gautiers, je le ferai volentiers. »
§ 312. A ces parlers se départi li gentilz sires de Mauni , et retourna jusques à Calais là où messires 20 Jehans de Viane l'attendoit; se li recorda toutes les paroles devant dittes, ensi que vous les avés oyes. Et dist bien que c'estoit tout ce que il en avoit pout impetrer. « Messire Gautier, dist messires Jehans, je vous en croi bien. Or vous prie je que vous 25 voelliés ci tant demorer que j'aie remoustré tout cel afaire à le communaulté de le ville, car il m'ont chi envoiiet, et à yaus en tient, ce m'est avis, dou respondre. » Respondi li sires de Mauni : « Je le ferai volentiers. m 30
Lors se parti des crestiaus messires Jehans de Viane,
et vint ou marchié, et fist sonner la cloche pour assambler toutes manières de gens en le haie. Au son de le cloche vinrent il tout, hommes et femmes, car moult desiroient à oir nouvelles, ensi que gens 5 si astrains de famine que plus n'en pooient porter. Quant il furent tout venu et assamblé en le place, hommes et femmes, messires Jehans de ^'iane leur remoustra moult doucement les paroles toutes tèles que chi devant sont recitées, et leur dist bien que
10 aultrement ne pooit estre, et euissent sur ce avis et brief response. Quant il oïrent ce raport, il commencièrent tout à criier et à plorer telement et si amèrement qu'il ne fust nulz si durs coers ou monde , se il les veist et oist yaus démener , qui
15 n'en euist pité, et n'eurent en l'eure pooir de respondre ne de parler. Et mesmement messires Jehans de Viane en avoit tel pité que il en larmioit moult tenrement.
Une espasse apriès, se leva en pies li plus riches
20 bourgois de le ville , que on clamoit sire Ustasse de Saint Pière, et dist devant tous ensi : « Signeur, grans pités et grans meschiés seroit de laissier morir un tel peuple que ci a, par famine ou autrement, quant on y poet trouver aucun moiien. Et si seroit grant
25 aumosne et grant grasce à Nostre Signeur qui de tel mesclîief les poroit garder. Je, endroit de moy, ay si grant espérance d'avoir grasce et pardon envers Nostre Signeur, se je muir pour ce peuple sauver, que je voeil estre li premiers. Et me metterai volen-
30 tiers en pur ma chemise , à nu chief et à nus pies, le hart ou col, en le merci dou gentil roy d'Engieterre. »
Quant sires Ustasses de Saint Pière eut dit eeste parole^ cescuns l'ala aourer de pité, et pluiseurs hommes et femmes se jettoient à ses pies tenrement plorant : c'estoit grans pités dou là estre, yaus oïr et regarder. 5
Secondement, uns aultres très honnestes bourgois et de grant afaire, et qui avoit deux belles damoiselles à filles, se leva et dist tout ensi, et qu'il feroit compagnie à son compère sire Ustasse de Saint Pière; on appelloit cesti, sire Jehan d'Aire. • 10
Apriès se leva li tiers, qui s'appelloit sire Jakemes de Wissant, qui estoit riches homs de meuble et d'iretage, et dist que il feroit à ses deux cousins compagnie. Ensi fîst sire Pières de Wissant ses frères, et puis li cinquimez et li siximez. Et se desvestirent là 15 cil six bourgois tout nu, en pur leur braies et leurs chemises, en le haie de Calais, et misent hars en leurs colz, ensi que ordenance se portoit. Et prisent les clés de le ville de Calais et dou chastiel; cescuns des six en tenoit une puignie. 20
Quant il furent ensi apparilliet, messires Jehans de Viane, montés sus une petite haghenée, car à grant malaise pooit il aler à piet, se mist devant et prist le chemin de le porte. Qui donc veist hommes, les femmes et enfans de chiaus plorer et tordre leurs 25 mains et criier à haulte vois très amèrement, il n'est si durs coers ou monde qui n'en euist pité. Ensi vinrent il jusques à le porte, convoiiet en plains, en cris et en plours. Messires Jehans de Viane fist ouvrir le porte toute arrière, et se fist enclore dehors 30 avoecques les six bourgois, entre le porte et les barrières; et vint à monsigneur Gautier qui là l'atlen-
doit, et li dist : « Messire Gautier, je vous délivre, comme chapitains de Calais, par le consentement dou povre peuple de celi ville, ces six bourgois. Et vous jur que ce sont au jour d'ui et estoient li plus 5 honnourable et notable de corps, de chevance et d'ancisserie de le ville de Calais; et portent avoech yaus toutes les clés de le ditte ville et dou chastiel. Si vous pri, gentilz sires, que vous voelliés priier pour yaus au gentil roy d'Engleterre pour ces bon-
10 nés gens qu'ii ne soient mies mort, » — « Je ne sçai, respondi li su'es de Mauni, que messires li rois en vorra faire, mais je vous ay en couvent que j'en ferai mon devoir. »
Adonc fu la barrière ouverte. Si s'en alèrent li six
15 bourgois, en cel eslat que je vous di, avoech monsigneur Gautier de Mauni qui les amena tout bellement devers le palais dou roy, et messires Jehans de Viane rentra en le ville de Calais.
Li rois estoit à celle heure en sa cambre, à grant
20 compagnie de contes, de barons et de chevaliers. Si entendi que cil de. Calais venoient en l'arroy que il avoit deviset et ordonnet; si se mist hors et s'en vint en la place devant son hostel, et tout cil signeur après lui et encores grant fuison qui y sourvinrent,
25 pour veoir chiaus de Calais ne comment il fineroient. Et meismement la royne d'Engleterre, qui moult enchainte estoit, sievi le roy son signeur. Evous venu monsigneur Gautier de Mauni et les bourgois dalés lui qui le sievoient, et descend! en la place, et puis
30 s'en vint devers le roy et li dist : « Monsigneur, veci le représentation de le ville de Calais, à vostre ordenance. » Li rois se taisi tous quois et regarda moult
fellement sur chiaus; car moult haoit les habitans de Calais, pour les graiis damages et contraires que dou temps passet sus mer li avoient fais.
Cil six bourgois se misent tantost en genoulz par devant le roy, et disent ensi en joindant leurs mains : 5 « Gentilz sires et gentilz rois , ves nous chi six , qui avons esté d'ancisserie bourgois de Calais et grans marceans. Si vous aportons les clés de le ville et dou chastiel de Calais, et les vous rendons à vostre plaisir, et nous mettons en tel point que vous nous veés, lo en vostre pure volenté, pour sauver le demorant dou peuple de Calais; si voelliés avoir de nous pité et merci par vostre très haute noblèce. » Certes il n'i eut adonc en le place signeur, chevalier ne vaillant homme , qui se peuist abstenir de [)lorer de droite 15 pité, ne qui peuist en grant pièce parler. Li rois regarda sus yaus très ireusement, car il avoit le coer si dur et si espris de grant courous que il ne peut parler; et quant il parla, il commanda que on leur copast les tiestes tantost. Tout li baron et li chevalier 20 qui là estoient, en plorant prioient si acertes que faire le pooient au roy qu'il en vosist avoir pité, merci ; mais il n'i voloit entendre.
Adonc parla messires Gantiers de Mauni et dist : (f Ha! gentilz sires, voelliés rafrener vostre corage. 25 Vous avés le nom et le renommée de souverainne gentillèce et noblèce. Or ne voelliés donc faire cose par quoi elle soit noient amenrie, ne que on puist parler sur vous en nulle manière villainne. Se vous n'avés pité de ces gens, toutes aultres gens diront 30 que ce sera grant cruaultés, se vous faites morir ces honnestes bourgois , qui de lor propre volenté se
sont mis en vostre merci pour les aultres sauver. » A ce point se grigna li rois et dist : « Messire Gautier, souffres vous, il ne sera aultrement, mes on face venir le cope teste. Chil de Calais ont fait morir 5 tant de mes hommes , que il convient cliiaus morir ossi. ))
Adonc fist la noble royne d'Engleterre grant humilité, qui estoit durement enchainte, et ploroit si tenrement de pité que on ne le pooit soustenir. Elle se
10 jetta en jenoulz par devant le roy son signeur et dist ensi : « Ha ! gentilz sires, puis que je apassai le mer par deçà en grant péril, si com vous savés, je ne vous ay riens rouvet ne don demandet. Or vous pri jou humlement et requier en propre don que, pour
15 le fil sainte Marie et pom^ l'amour de mi, vous voelliés avoir de ces six hommes merci. »
Li rois attendi un petit de parler et regarda la bonne dame sa femme, qui moult estoit enchainte et ploroit devant lui en jenoulz moult tenrement. Se li
20 amolia li coers, car' envis l'euist couroucie ens ou point là où elle estoit; si dist: «Ha! dame, je amaisse mieulz que vous fuissiés d'autre part que ci. Vous me priiés si acertes que je ne le vous ose escondire ; et comment que je le face envis, tenés, je les vous
25 donne : si en faites vostre plaisir. » La bonne dame dist : « Monsigneur, très grans mercis. »
Lors se leva la royne et fist lever les six bourgois, et leur fist oster les chevestres d'entours les colz, et les amena avoecques lui en sa cambre, et les fist re-
30 vestir et donner à disner tout aise; et puis donna à çascun six nobles, et les fist conduire hors de l'ost à sauveté. •'
§ 313. Ensi fu la forte ville de Calais assise par le roy Edowart d'Engleterre , l'an de grasee mil trois cens quarante six , environ le Saint Jehan decolasse , ou mois d'aoust, et fu conquise l'an de grasee mil trois cens quarante sept, en ce meismes mois. 5
Quant li rois d'Engleterre eut fait sa volenté des six bourgois de Calais, et il les eut donnés à la royne sa femme, il appella monsigneur Gautier de Mauni et ses deux mareschaus, le conte de Warvich et le baron de Stanfort, et leur dist : « Signeur, prendés ces clés de 10 le ville et dou chastiel de Calais : si en aies prendre le saisine et le possession. Et prendés tous les chevaliers qui laiens sont et les metés en prison, ou faites leur jurer et fiancier prison; ils sont gentil homme : je les recrerai bien sus leurs fois. Et tous aultres sau- 15 doiiers , qui sont là venu pour gaegnier leur argent, faites les partir simplement, et tout le demorant de le ville, hommes et femmes et enfans, car je voeil la ville repeupler de purs Englès. »
Tout ensi [fu fait '] que li rois commanda et que 20 vous poés oïr. Li doi mareschal d'Engleterre et li sires de Mauni, à cent hommes tant seulement, s'en vinrent prendre le saisine de Calais; et fisent aler ens es portes tenir prison monsigneur Jehan de Viane , monsigneur Ernoul d'Audrehen, monsigneur Jehan 25 de Surie, monsigneur Bauduin de Bellebourne et les aultres. Et fisent li mareschal d'Engleterre aporter les saudoiiers toutçs armeures et jetter en un mont en le halle de Calais. Et puis fisent toutes manières de gens, petis et grans, partir; et ne retinrent que trois 30
