Mss. B, 4, 3, f° 141. — Ms. B 1, t. II, fo 28 (lacune

hommes, un prestre et deux aultres anciiens hommes, bons coustumiers des lois et ordenances de Calais, et fu pour rensegnier les hiretages. Quant il eurent tout ce fait et le ehastiel ordonné pour logier le roy 5 et la royne, et tout li aultre hostel furent widié et appareillié pour rechevoir les gens dou roy , on le segnefia au roy. Adone monta il à cheval, et fist monter la royne et les barons et chevaliers, et chevaucièrent à grant glore devers Calais; et entrèrent en

10 le ville à si grant fuison de menestraudies, de trompes, de tabours et de muses, que ce seroit merveilles à recorder. Et chevauça ensi li rois jusques au ehastiel, et le trouva bien paré et l3ien ordonné pour lui recevoir et le disner tout prest. Si donna li dis [rois*], ce

15 premier jour que il entra en Calais, à disner ens ou ehastiel les contes, les barons et les chevaliers qui là estoient, et la royne, les dames et les damoiselles, qui au siège estoient et qui le mer avoient passet avoecques li ; et y furent en grant solas, ce poet on

20 bien croire.

Ensi se porta li ordenance de Calais. Et se tint li rois ou ehastiel et en le ville tant que la royne fu relevée d'une fille, qui eut nom Margherite; et donna à aucuns de ses chevaliers , ce terme pendant , biaus

25 hostelz en le ville de Calais, au signeur de Mauni, au baron de Stanfort, au signeur de Gobehen, à monsigneur Bietremieu de Brues, et ensi à tous les aultres, pour mieulz repeupler la ville. Et estoit se intention, lui retourné en Engleterre, que il envoieroit là

30 trente six riches bourgois, leurs femmes et leurs en-