Mss. B k, 3, (o U6. — Ms. B 1, l. II, fo 35 ^acune

les parties au due de Braibant qui ses cousins germains estoit, quant il li avoit tolut le pourfit de sa fille que li contes de Flandres en avant avoit fiancie, et sus le conte de Flandres ossi, pour tant que 5 il li avoit falli de couvent. Mais li dus de Braibant s'en escusa bien et sagement depuis, et ossi fist li contes de Flandres.

§ 323. En ce temps avoit grant rancune entre le roy d'Engleterre et les Espagnolz , pour aucunes

10 malefaçons et pillages que li dit Espagnol avoient fait sus mer as Englès. Dont il avint que^ en celle anée, li Espagnol, qui estoient venu en Flandres pour leurs marcheandises, furent enfourmé que il ne poroient retourner en leur pays qu'il ne fuissent rencontré

15 des Englès. Sur ce eurent conseil li Espagnol et avis, qui n'en fisent mies trop grant. compte. Et se pourveirent bien et grossement, et leurs nefs et leurs vaissiaus, à FEscluse, de toutes armeures et de bonne artillerie, et retinrent toutes manières de gens, sau-

20 doiiers, arciers et arbalestriers, qui voloient prendre et recevoir leurs saudées. Et attendirent tout l'un l'autre; et fisent leurs emploites et marcheandises , ainsi qu'il apertenoit.

Li rois d'Engleterre, qui les avoit grandement

25 enhay, entendi qu'il se pourveoient grossement; si dist tout hault : « Nous avons maneciet ces Espagnolz, de lonch temps a , et nous ont fais pluiseurs despis ; et encores n'en viènent il à nul amendement, mais se fortefient contre : si fault qu'il soient re-

30 cueilliet au rapasser. » A celle devise s'acordèrent legierement ses gens, qui desiroient que li Espagnol

fuissent combatu. Si fisl li dis rois un grant et espeeial mandement de tous ses gentilz hommes qui pour le temps estoient en Engleterre, et se parti de Londres, et s'en vint en le conté d'Exesses qui siet sus le mer, entre Hantonne et Douvres, à l'encontre dou 5 pays de Pontieu et de Dieppe. Et vint là tenir son hostel en une abbeye sus le mer, et proprement madame la royne sa femme y vint.

En ce temps vint devers le roy, et là en ce propre lieu, cilz gentilz chevaliers messires Robers de Namur, 10 qui nouvellement estoit revenus d'oultre mer; se li chei si bien qu'il fu à celle armée. Et fu li rois d'Engleterre moult resjois de sa venue.

Quant li rois dessus nommés sceut que poins fu et que li Espagnol dévoient rapasser, il se mist sus mer 15 à moult belle gent d'armes, chevaliers et escuiers, et à plus grant quantité de haus signeurs que onques ewist en nul voiage que il fesist.

En celle anée avoit il fait et créé son cousin , le conte Henri Derbi, duch de Lancastre, et le baron 20 de Stanfort, conle de Stanfort; si estoient avoecques li en celle armée, et si doi fil, li princes de Galles et Jehans, contes de Ricemont : mes cilz estoit encores si Jones que point il ne s'armoit, mais l'avoit li princes avoecques lui en sa nef, pour ce que moult 25 l'amoit. Là estoient li contes d'Arondiel, li contes de iN^orhantonne, li contes de Herfort, li contes de Sulîbrch, li contes de Warvich, messires Renaulz de Gobehen, messires Gautiers de Mauni, messires rhumas de Hollandes, messires Loeis de Biaucamp, 30 messires James d'Audelée, messires Bielremieus de Brues, li sires de Persi, li sires de Moutbrai, li sires

de Nuefville, li sires de Clifford, li sires de Ros, li sires de Grastoch , li sires de Bercler et moult d'aultres. Et estoit li rois là acompagniés de quatre cens chevaliers; ne onques n'eut tant de grans signeurs 5 ensamble, en besongne où il fust, comme il ot là. Si se tinrent li rois et ses gens sus mer en leurs vaissiaus^ tous frétés et appareilliés pour attendre leurs ennemis; car ilz estoient enfourmé que il dévoient rapasser, et point n'attenderoient longement; et se 10 tinrent à l'ancre trois jours entre Douvres et Calais.

§ 324. Quant li Espagnol eurent fait leur emploite et leur marcheandise, et il eurent cargiet leurs vaissiaus de draps, de toilles et de tout ce que bon et pourfitable leur sambloit pour remener en leur pays,

15 et bien savoient que il seroient rencontré des Englès, mais de tout ce ne faisoient il compte, il s'en vinrent en le ville de l'Escluse, et entrèrent en leurs vaissiaus. Et jà les avoient il pourveus telement et si grossement de toute artillerie que merveilles seroit

20 à penser, et ossi de gros barriaus de fer forgiés et fais tous faitis pour lancier et pour effondrer nefs, en lançant de pières et de cailliaus sans nombre. Quant il perçurent qu'il avoient le vent pour yaus, il se desancrèrent. Et estoient quarante grosses nefs

25 tout d'un train, si fortes et si belles que plaisant les faisoit veoir et regarder. Et avoient à mont ces mas chastiaus breteskiés, pourveus de pières et de cailliaus pour jetter, et brigant qui les gardoient. Là estoient encores sus ces mas ces estramières armoiies

30 et ensegnies de leurs ensengnes qui baulioient au vent et venteloient et freteloient : c'esloit grans biau-

[1330] LIVRE PREMIER, g 324. 91

tés dou veoir et imaginer. Et me samble que^ se lî Englès avoient grant désir d'yaus trouver, encores l'avoient il grignour, ensi que on en vei l'apparant, et que je vous dirai ci apriès. Cil Espagnol estoient bien dix mil, uns c*autres, parmi les saudoiiers que 5 il avoient pris et retenus à gages en Flandres. Si se sentoient et tenoient fort assés pour combatre sus mer le roy d'Engle terre et se poissance. Et en celle entente s'en venoient il tout nagant et singlant à plain vent, car il l'avoient pour yaus, par devers 10 Calais.

Li rois d'Engleterre, qui estoit sus mer avec sa navie, avoit jà ordonné toutes ses besongnes et dit comment il voloit que on se combatesist et que on fesist; et avoit monsigneur Robert de Namur fait 15 maistre d'une nef, que on appelloit La Sale dou Roj, où tous ses hostelz estoit. Si se tenoit li rois d'Engleterre ou cliief de sa nef, vestis d'un noir jake de veluiel; et portoit sus son chief un noir capelet de [bièvre'], qui moult bien li seoit. Et estoit adonc, 20 selonch ce que dit me fu par chiaus qui avoec lui estoient pour ce jour, ossi joieus que on le vei onques. Et faisoit ses menestrelz corner devant lui une danse d'Alemagne, que messires Jelians Chandos, qui là estoit, avoit nouvellement raporté. Et encores par 25 ebatement il faisoit le dit chevalier chanter avoech ses menestrelz, et y prendoit grant plaisance. Et à le fois regardoit en hault, car il avoit mis une gette ou chastiel de sa nef, pour noncier quant li Espagnol venroient. 30

1. Mss. B 3, 4, fo 167. — Ms. B 1 : « bevenes. » Mauvaise leçon.

92 CHRONIQUES DE J. FROISSART. [13b0]

Ensi que li rois estoit en ce déduit, et que tout li chevalier estoit moult liet de ce que il [le] veoient si joieus, li gette, qui perçut nestre la navie des Espagnolz, dist : « Ho! j'en voi une venir, et me 5 samble une nef d'Espagne. « Lors s'apaisièrent li ménestrel; et li fu de recief demandé se il en veoit plus. Assés tost apriès, il respondi et dist : « Oil, j'en voi deus, et puis trois, et puis quatre. » Et puis dist, quant il vey la grosse flote : « J'en voy tant, se Diex

10 m'ayt, que je ne les puis compter. » Adonc cogneurent bien li rois et ses gens que c'estoient li Espagnol. Si fist li rois sonner ses trompètes, et se remisent et recueillièrent ensamble toutes leurs nefs pour estre en milleur ordenance et jesir plus segu-

15 rement, car bien savoient que il aroient la bataille, puisque li Espagnol venoient en si grant flote. Jà estoit tard , ensi que sus l'eure de vespres ou environ. Si fist li rois aporter le vin, et but, et tout si chevalier, et puis mist le bacinet en la tieste, et ossi

20 fisent tout li aultre. Tantost approcièrent li Espagnol qui s'en fuissent bien aie sans combatre, se il volsissent, car selonch ce que il estoient bien frété et en grans vaissiaus et avoient le vent pour yaus , il n'euissent jà parlé as Englès, se il vosissent; mes, par

25 orgueil et par presumption, il ne daignièrent passer devant yaus qu'il ne parlaissent. Et s'en vinrent tout de fait et par grant ordenance commencier la bataille.

§ 325. Quant li rois d'Engleterre, qui estoit en sa nef, en vei la manière, si adreça sa nef contre une nef espagnole qui venoit tout devant, et dist à celui

qui gouvrenoit son vaissiel : « Adreciés vous contre ceste nef qui vient, car je voeil jouster contre li. » Li maronniers n'euist jamais oset faire le contraire, puisque li rois le voloit. Si s'adreça contre celle nef espagnole, qui s'en venoit au vent, de grant randon. 5 La nef dou roy estoit forte et bien loiie, aultrement celle euist esté rompue ; car elle et la nef espagnole, qui estoit grande et grosse , s'encontrèrent de tel ravine que ce sambla uns tempestes qui là fust cheus. Et dou rebombe qu'il fisent, li chastiaus de la nef lo dou roy d'Engleterre consievi le chastiel de la nef espagnole par tel manière , que li force dou mas le rompi amont sus le mas où il seoit, et le reversa en le mer. Si furent cil noiiet et perdu qui ens estoient. 15

De cel encontre fu la nef dou dit roy si estonnée que elle fu crokie, et faisoit aiguë tant que li chevalier dou roy s'en perçurent; mes point ne le dirent encores au roy, ains s'ensonnièrent de widier et d'espuisier. Adonc dist li rois , qui regarda la nef 20 contre qui il avoit jousté qui se tenoit devant lui : « Acrokiés ma nef à ceste, car je le voeil avoir. » Dont respondirent si chevalier : « Sire, laissiés aler ceste, vous ares milleur. » Ceste nef passa oultre, et une aultre grosse nef vint; si acrokièrent à cros 25 de fer et de kainnes li chevalier dou roy leur nef à celle.

Là se commença bataille dure, forte et fière, et arcier à traire, et Espagnol à yaus combatre et deffendre de grant volenté, et non pas tant seulement 30 en un lieu, mes en dix ou en douze. Et quant il se veoient à jeu parti, ou plus fort deleurs ennemis,

il s'acrokoient et Jà faisoient merveilles d'armes. Si ne l'avoient mies li Englès d'avantage. Et estoient cil Espagnol en ces grosses nefs plus hautes et plus grandes assës que [les nefs englesces ne fuissent; si 5 avoient grant avantage de traire, de lancier et de getter grans bariaus de fier dont il donnoient moult à souffrir les Englès.

Li chevalier dou roy d'Engleterre, qui en sa nef estoient, pour tant que elle estoit en péril d'estre 10 effondrée, car elle traioit aiguë, ensi que chi dessus est dit, se haitoient durement de conquerre la nef où il estoient acrokiet. Et là eut fait pluiseurs grans apertises d'armes. Finablement, li rois et chil de son vaissiel se portèrent si bien que ceste nef fu con- 15 quise, et tout chil mis à bort qui dedens estoient.

Adonc fu dit au roy le péril où il estoit, et comment sa nef faisoit aiguë, et que il se mesist en celle que conquis avoit. Li rois crut ce conseil, et entra en le ditte nef espagnole, et ossi fisent si chevalier 20 et tout chil qui dedens estoient. Et laissièrent l'autre toute vuide, et puis entendirent à aler avant et à envair leurs ennemis qui se combatoient moult vassaument, et avoient arbalestriers qui traioient quariaus de fors arbalestres qui moult travilloient les 25 Englès.

§ 326. Ceste bataille sus mer des Espagnolz et des Englès fu durement forte et bien combatue; mais elle commença tart. Si se prendoient li Englès priés de bien faire la besongne et desconfîre leurs ennemis. 30 Ossi li Espagnol, qui sont gens usé de mer et qui estoient en grans vaissiaus et fors, s'acquittoient loyau-

ment à leur pooir. Li jones princes de Galles et cil de sa carge se combatoient d'autre part. Si fu leur nefs acrokie et arrestée d'une grosse nefe espagnole. Et là eurent li princes et ses gens moult à souffrir, car leur nef fu trawée ^ et pertruisie en pluiseurs lieus : 5 dont li yawe entroit à grant randon dedens ; ne pour cause que on entendesist à l'espuisier, point ne demoroit que elle n'apesandesist toutdis. Pour laquel doubte les gens dou prince estoient en grant angousse, et se combatoient moult aigrement pour con- lo querre la nef espagnole ; maisiln'i pooient avenir, car elle estoit gardée et deffendue de grant manière.

Sus ce péril et ce dangier où li princes et ses gens estoient, vint li dus de Lancastre tout arifflant, en costiant la nef dou prince. Si cognent tantost que 15 il n'en avoient mies le milleur, et que leur nefs avoit à faire, car on gettoit aiguë hors à tous lés. Si ala autour et s'arresta à la nef espagnole, et puis escria : « [D]erbi, à le rescousse! » Là furent cil Espagnol envay et combatu de grant façon, et ne durèrent point 20 depuis longement. Si fu leur nefs conquise, et yaus tout mis à bort , sans nullui prendre à merci. Si entrèrent li princes de Galles et ses gens dedens; à painnes eurent il si tost fait que leur nefs effondra. Si considérèrent adonc plus parfaitement le grant péril 25 où il avoient esté.

§ 327. D'autre part, se combatoient li baron et li chevalier d'Engleterre, cescuns selonch ce que ordonnés et establis estoit. Et bien besongnoit qu'il

1. Ms. B 4, fo UV V" : « trauée. » — Ms. B 3 : « trouée. » F" 168 .

fuissent fort et remuant, car il trouvoient bien à qui parler. Ensi que sus le soir tout tart, la nef de La Sale dou Ro/ d'Engleterre, dont messires Robers de Namur estoit chiés, fu acrokie d'une grosse nef d'Es- 5 pagne, et là eut grant estour et dur. Et pour ce que li dit Espagnol voloient celle nef mieulz mestriier à leur aise, et avoir chiaus qui dedens estoient, et l'avoir ossi, il misent grant entente que il l'en menaissent avoec yaus. Si traisent lem' single amont, et pri-

10 sent le cours dou vent et l'avantage, et se partirent maugré les maronniers de monsigneur Robert et chiaus qui avoecli lui estoient ; car la nef espagnole estoit plus grande et plus grosse que la leur ne le fust : si avoient bon avantage dou mestriier. Ensi en alant

15 il passèrent devant la nef dou roy; si disent : « Rescoués La Sale dou Royl » Mais il ne furent point entendu^ car il estoit ja tart; et s'il furent oy, si ne furent il point rescous.

Et croy que cil Espagnol les en euissent menés à

20 leur aise, quant uns variés de monsigneur Robert, qui s'appelloit Hanekin, fist là une grant apertise d'armes; car, l'espée toute nue ou poing, il s'escueilla et salli en la nef espagnole, et vint jusques au mast et copa le cable qui porte le voile, par quoi li voiles

25 cliei et n'eut point de force. Car avoech tout ce, par grant apertise de corps, il copa quatre cordes soUverainnes qui gouvrenoient le mas et le voille, par quoi li dis voilles chei en la nef. Et s'arresta la nef toute quoie, et ne peut aler plus avant. Adonc s'avanciè-

30 rent messires Robers de Namur et ses gens quant il veirent ccl avantage, et salirent en la nef espagnole de grant volenté, les espées toutes nues ens es mains;

[13b0] LIVRE PREMIER, § 328. 97

et requisent et envairent chiaus que là dedens il trouvèrent, telement qu'il furent tout mort et mis à bort, et la nef conquise.

§ 328. Je ne puis mies de tous parler ne dire : M Cilz le fîst bien, ne cilz mieulz » ; mais là eut, le 5 terme que elle dura, moult forte bataille et moult aspre. Et donnèrent li Espagnol au roy d'Engleterre et à ses gens moult à faire. Toutes fois, iinablement, la besongne demora pour les Englès, et y perdirent li Espagnol quatorze nefs ; li demorant passèrent oui- lo tre et se sauvèrent. Quant il furent tout passet, et ' que li dis rois et ses gens ne se savoient à qui combatre, il sonnèrent leurs trompètes de retrette; si se misent à voie devers Engleterre, et prisent terre à Rie et à Wincenesée, un peu apriès jour falli. 15

A celle propre heure, issirent li rois et si enfant, li princes et li contes de Ricemont, li dus de Lancastre et aucun baron qui là estoient, hors de leurs nefs, et prisent chevaus en le ville, et chevaucièrent devers le manoir la royne qui n'estoit mies deus liewes 20 englesces loing de là. Si fu la royne grandement resjoïe, quant elle vei son signeur et ses enfans ; et avoit en ce jour tamainte grant angousse de coer, pour le doubtance des Espagnolz. Car à ce lés là des costes d'Engleterre, on les avoit, des montagnes, bien veu 26 combatre, car il avoit fait moult cler et moult bel. Si avoit on dit à la royne, car elle l'avoit voulu savoir, que li Espagnol avoient plus de quarante grosses nefs. Pour ce fu la royne toute reconfortée, quant elle vei son mari et ses enfans. Si passèrent celle 30 nuit li signeur et les dames en grant reviel, en par-

lant d'armes et d'amours. A l'endemain , revinrent devers le roy la grignour partie des barons et chevaliers qui à le bataille avoient esté. Si les remercia 11 rois grandement de leur bienfait et de leur service, et 5 puis prisent congiet, et s'en retourna cescuns chiés soy.

§ 329. Vous avés ci dessus bien oy recorder comment Aymeris de Pavie, uns Lombars, deut rendre et livrer le chastiel et le forte ville de Calais as Fran-

10 çois pour une somme de florins, et comment il leur en chei. Voirs est que messires JofFrois de Chargni et li aultre chevalier, qui avoecques lui furent menet en prison en Englelerre, se rançonnèrent au plus tost qu'il peurent , et paiièrent leurs raençons , et puis

15 retournèrent en France. Si s'en vint comme en ■ devant li dis messires Joflfrois demorer en le ville de Saint Omer, par le institution dou roy Phelippe de France. Si entendi li dessus dis que cilz Lombars estoit amasés en un petit chastiel en le marce

20 de Calais, que on dist Fretin, que li rois d'Engleterre li avoit donnet. Et se tenoit là tous quois li dis Aymeris et se donnoitdoubon temps, et avoit avoecques lui une trop belle femme à amie que il avoit amenet d'Engle terre. Et cuidoit que li François euis-

25 sent oubliiet la courtoisie qu'il leur avoit fait, mes non avoient, ensi que bien apparut. Car si tretost que messires JofFrois sceut que li dis Aymeris estoit là arrestés , il enquist et demanda secrètement à chiaus dou pays, qui cognissoient celle maison de

30 Fretin, se on le poroit avoir; il en fu enfourmés que oil trop legierement. Car cilz Aymeris ne se tenoit

en nulle double, mes ossi segur en son chastiel, sans garde et sans get , que donc qn'il fust à Londres ou en Calais.

Adonc li messires Joffrois ne mist mies en non caloir ceste besongne, mes fist en Saint Omer une as- 5 samblée de gens d'armes tout secrètement, et prist les arbalestriers de le ditte ville avoech lui , et se parti de Saint Omer sus un vespre; et chemina tant toute nuit avoecques ses gens que, droitement au point dou jour, il vinrent à Fretin. Si environnèrent le chastelet lo qui n'estoitmies grans; et entrèrent cliil de piet ens es fossés, et fisent tant qu'il furent oultre. Les mesiiies de laiens s'esvillièrent pour le friente , et vinrent à leur meslre qui se dormoit, et li disent : « Sire, or tos levés vous sus, car il y a là dehors grans gens d'armes 15 qui mettent grant entente à entrer ceens. » Aymeris fu tous effraés, et se leva dou plus tost qu'il peut; mes il ne sceut onques si tost avoir fait que se cours fu plainne de gens d'armes. Si fu pris à mains, etsen amie tant seulement : on ne viola onques de plus 20 riens le chastiel, car triewes estoient entre les François et les Englès. Et ossi messires Joffrois ne voloit aultrui que cel Aymeri ; si en ot grant joie, quant il le tint et le fist amener en le ville de Saint Omer. Et ne le garda gaires depuis longement, quant 25 il le fist morir à grant martire ens ou marchiet, présent les chevaliers et escuiers dou pays qui mandé y furent et le commun peuple. Ensi fina Aymeris de Pavie, mes sen amie n'eut garde, car il le descoupa à le mort, et depuis se mist la damoiselle avoecques 30 un escuier de France.

§ 330. En l'an de grasce Nostre Signeur mil trois cens quarante neuf, alèrent li peneant, et issirent premièrement d'Alemagne. Et furent gens qui faisoient penitanees publikes et se batoient d'escorgies à bour- 5 dons et aguillons de fier, tant qu'il desciroient leurs dos et leurs espaules. Et cliantoient cançons moult piteuses de le nativité et souffrance Nostre Signeur. Et ne pooient par leur ordenance jesir que une nuit en une bonne ville, et se partoient d'une ville par

10 compagnie tant dou plus que dou mains. Et aloient ensi par le pays faisant leur penitance trente trois jours et demi, otant que Jhesu Cris ala par terre d'ans, et puis retournoient en leurs lieus.

Si fu ceste cose commencie par grant humilité, et

15 pour priier à Nostre Signeur qu'il vosist refraindre son ire et cesser ses verges; car en ce temps, par tout le monde generalment , une maladie , que on claime epydimie, couroit : dont bien la tierce partie dou monde morut. Et furent faites par ces penitanees

20 pluiseurs belles pais de mors d'ommes, où en devant on ne pooit estre venu par moiiens ne aultrement. Si ne dura point ceste cose lonch terme, car li église ala au devant. Et n'en entra onques nulz ou royaume de France, car li rois le deffendi, par le inhibition et

25 correction dou pape qui point ne volt approuver que ceste cose fust de vaille à l'âme, pour pluiseurs grans articles de raison que il y mist, desquels je me passerai briefment. Et furent tout beneficiiet et tout clerch qui esté y avoient, escumeniiet. Et en convint

30 les pluiseurs aler en court de Romme pour yaus purgier et faire absorre.

En ce temps furent generalment par tout le monde

[1350] LIVRE PREMIER, g 331. 101

pris li Juis et ars, et acquis li avoirs as signeurs desous qui il demoroient, excepté en Avignon et en le terre de l'église desous les èles dou pape. Chil povre Juis, qui ensi escaciet estoient, quant il pooient venir jusques à là, n'avoient garde de mort. Et avoient li 5 Juis sorti bien cent ans en devant que, quant une manière de gens apparroient au monde qui venir dévoient, qui porteroient flaiaus de fier, ensi le bailloit leurs sors^ il seroient toutdestruit.Et ceste exposition leur fu esclarcie, quant li dessus dit penitancier aie- lo rent yaus bâtant, ensi que dessus est dit.

§ 331 . En l'an de grasce Nostre Signeur mil trois cens et cinquante, trespassa de ce siècle li rois Phelippes de France; si fu ensepelis en l'abbeye de Saint Denis. Et puisfu Jehans ses ainnés filz, li dus de Nor- 15 mendie, rois, et sacrés et couronnés en l'église de Nostre Dame de Rains, à très haut solennité. Apriès son couronnement, il s'en retourna à Paris, et entendi à faire ses pourveances et ses besongnes, car les triewes estoient faillies entre lui et le roy d'Engleterre. Et en- 20 voia grant gens d'armes à Saint Omer, à Ghines, à Tieruane, à Aire et tout sus les frontières de Calais, par quoi li pays fust bien gardés des Englès. Et vint en imagination au roy qu'il s'en yroit en Avignon veoir le pape et les cardinaulz, et puis passeroit 25 oultre vers Montpellier et viseteroit la langue d'och, ce bon cras pays, et puis s'en iroit en Poito et en Saintonge, et metteroit le siège devant Saint Jehan l'Angelier.

Si fist li dis rois ordonner ses pourveances grandes 30 et grosses partout, si comme il devoit aler et passer.

Mais avant toutes coses, ançois que il se partesist de Paris, et tantost apriès le trespas dou roy Phelippe son père, il fîst mettre hors de prison ses deus cousins germains, Jehan et Charte, jadis fîlz à monsigneur 5 Robert d'Artois, qui avoient esté en prison plus de quinze ans, et les tint dalés lui. Et pour ce que li rois ses pères leur avoit tolut et os té leurs hiretages, il leur en rendi assés pour yaus déduire et tenir bon estât et grant. Cilz rois Jehans ama moult grandement ses ,0 proçains de père et de mère, et prist en grant chierté ses deus aultres cousins germains monsigneur Pière, le gentil duch de Bourbon, et monsigneur Jakeme de Bourbon son frère, et les tint toutdis les plus especiaulz de son conseil. Et certainnement bien le vais loient, car il furent sage, vaillant et gentil chevalier et de grant providense.

Si se parti li rois Jehans de Paris en grant arroy et poissant, et prist le chemin de Bourgongne, et fist tant par ses journées qu'il vint en Avignon. Si fu re- 20 cens dou pape et dou collège joieusement et grandement, et séjourna là une espasse de temps. Et puis s'en parti et prist le chemin de Montpellier; si séjourna en la ditte ville plus de quinze jours. Et là li vinrent faire hommage et relever leurs terres li conte, 25 li visconte, li baron et li chevalier de le langue d'ok, desquelz il y a grant fuison. Si y renouvela li rois seneschaus, baillius et tous aultres officiiers, desquelz il en laissa aucuns, et aucune en osta. Et puis chevauça oultre, et fist tant par ses journées que il entra ou 30 bon pays de Poito. Si s'en vint reposer et rafreschir à Poitiers, et là fist un grant mandement et amas de gens d'armes. Si gouvrenoit l'offisce de le connesta-

blie de France, pour le temps d'adonc, li chevaliers del monde que le plus il amoit, car il avoient esté ensamble nouri d'enfance, messires Charles d'Espagne. Et estoient mareschal de France messires Edowars, sires de Biaugeu, et messires Ernoulz d'Au- 5 drehen .

Si vous di que li rois en se nouveleté s'en vint poissamment mettre le siège devant le bonne ville de Saint Jehan l'Angelier. Et par especial li baron et li chevalier de Poito, de Saintonge, de Ango, [du lo Maine'], de Tourainne, y estoient tout. Si environnèrent , ces gens d'armes , le ville de Saint Jehan telement que nulz vivres ne leur pooient venir. Si s'avisèrent li bourgois de le ville qu'il manderoient secours à leur signeur le roy d'Engleterre, par quoi il 15 volsist là envoiier gens qui les peuissent ravitaillier, car il n'avoient mies vivres assés pour yaus tenir oultre un terme que il y ordonnèrent; car il avoient partout aie et viseté cescun hostel selonch son aisément. Et ensi le segnefîièrent il autentikemenl au roy 20 d'Engleterre par certains messages, qui tant esploitièrent qu'il vinrent en Engle terre et trouvèrent le roy ens ou chastiel de Windesore; se li baillièrent les lettres de ses bonnes gens de le ville de Saint Jehan l'Angelier. Si les ouvri li dis rois et les fist 25 lire par deus fois, pour mieus entendre la matère.

§ 332. Quant li rois d'Engleterre entendi ces nouvelles que li rois de France et li François avoient assegiet le ville de Saint Jehan, et prioient qu'il fuis-

1. Ms. B 3, fo 170. — Mss. B 1, 'i : (c lie Humainne. » Mauvaise leçon.

sent reconforté et ravitailliet, si respondi li rois si hault que tout l'oïrent : « C'est bien une requeste raisonnable et à laquèle je doy bien entendre. » Et respondi as messages : « J'en ordonnerai tempre- 5 ment. » Depuis ne demora gaires de temps que li rois ordonna d'aler celle part monsigneur Jehan de Biaucamp, monsigneur Loeis et monsigneur Rogier de Biaucamp, le visconte de Byaucamp^ monsigneur Jame d'Audelée, monsigneur Jehan Chandos, mon-

10 signeur Bietremieu de Brues, monsigneur Jehan de Lille, monsigneur Guillaume Fil Warine, le signeur de Fil Watier, monsigneur Raoul de Hastinges, monsigneur Raoul de Ferrières, monsigneur Franke de Halle et bien quarante chevaliers. Et leur dist que il

15 les couvenoit aler à Bourdiaus, et leur donna certainnes ensengnes pour parler au signeur de Labretlî, au signeur de Moiichident, au signeur de Lespare et as signeurs de Pommiers, ses bons amis, en yaus priant de par lui que il se volsissent priés

20 prendre de conforter la ville de Saint Jehan par quoi elle fust rafresehie.

Cil baron et chevalier dessus nommet furent tout resjoy, quant li rois les voloit emploiier. Si s'ordonnèrent dou plus tost qu'il peurent et vinrent à Han-

25 tonne, et là trouvèrent vaissiaus et pourveances toutes appareillies : si entrèrent ens; et pooient estre environ trois cens hommes d'armes et six cens arciers. Si singlèrent tant par mer, que il ancrèrent ou havene de Bourdiaus; si issirent de leurs vais-

30 siaus sus le kay. Et furent grandement bien receu et recueilliet des bourgois de le cité et des chevaliers gascons qui là estoient et qui attendoient ce

[1331] LIVRE PREMIER, § 332. lOS

secours venu d'Engleterre. Li sires de Labre th et li sires de Mouchident n'i estoient point pour le jour; mes si tost qu'il sceurent le flote des Englès venue, il se traisent celle part. Si se conjoïrent grandement quant il se trouvèrent tout ensamble; et lisent leurs 5 ordenances au plus tost qu'il peurent , et passèrent la Garone et s'en vinrent à Blaves. Si fisent cargier soixante sommiers de vitaille pour rafreschir chiaus de Saint Jehan, et puis se misent au chemin celle part; et estoient cinq cens lances et quinze cens ar- 10 ciers et trois mille brigans à piet. Si esploitièrent tant par leurs journées que il vinrent à une journée priés de le rivière de Carenle.

Or vous dirai des François et comment il s'estoient ordonné. Bien avoient il entendu que li En- 15 glès estoient arivet à Bourdiaus, et faisoient là leur amas pour venir lever le siège et rafreschir la ville de Saint Jehan. Si avoient ordonné li mareschal que messires Jehans de Saintré , messires Guichars d'Angle , messires Boucicaus, messires Guis de Neelle, li sires de 20 Pons, li sires de Partenay, li sires de Puiane, li sires de Tannai Bouton, li sires de Surgières, li sires de Crusances, li sires de Linières, [li sires de Matefelon *] et grant fuison de barons et de chevaliers jusques à cinq cens lances, toutes bonnes gens à l'eslite, s'en 25 venissent garder le pont sus le rivière de le Charente par où li Englès dévoient passer. Si estoient là venu li dessus dit et logiet tout contreval le rivière. Et avoient pris le pont li Englès; et li Gascon qui chevauçoient celle part ne savoient riens de cela, 30