Ms. 2813, f° 394. — Ms. 2655, f» 166 v» (lacune

batre pour garder son honneur, toutesvoies le dit roy de France ne souffri pas qu'i[I] se combatissent. Mais depuis qu'ilz orent fait les seremens, et qu'ilz furent montés à cheval pour assembler, les glaives es poings, le roy prist la besoingne sur lui et les mist à acort.

Item, en icelui an trois cens cinquante deux, le jeudi sixième jour de décembre, mourut le pape Clément VP à Avignon, lequel estoit en l'onzième an de son pontificat.

Item, le mardi du dit mois de décembre, fu esleu en pape, environ heure de tierce, un cardinal limosin que l'on appeloit par son tiltre [de cardinal*] le cardinal d'Ostie; mais pour ce qu'il avoit esté evesque de Cleremont, l'en appelloit plus communément le cardinal de Clermojjt. Et fu appelle Innocent; et par son propre nom estoit appelé messire Estienne Aubert.

Item, l'an mil trois cens cinquante trois, le huitième jour de janvier, assés tost après le point du jour, monseigneur Charles, roy de Navarre, et conte d'Evreux, fist tuer en la ville de l'Aigle en Normendie, en une hostellerie, monseigneur Charles d'Espaigne, [lors^] connestable de France. Et fu le dit connestable tué en son lit par plusieurs gens d'armes que le dit roy de Navarre y envoia : lequel demora en une granche au dehors de la dite ville de l'Aigle jusques à ce que ceulz qui firent le dit fait retournèrent par devers lui. Et en sa compaignie estoient, si comme l'en disoit, messire Phelippe de Navarre son frère, messire Jehan conte de Harecourt, son frère messire Loys de Harecourt, messire Godefiroy de Harecourt leur oncle, et pluseurs chcvaUers et autres de Normendie comme Navarrois et autres.

Et après se retraist le roy de Navarre et sa compaignie en la cité d'Evreux dont il estoit conte, et là se garni et enforca. Et avec lui se allèrent pluseurs nobles, par especial de Normendie, c'est assavoir les dessus nommés de Harecourt, le seigneur de Hambuie, messire Jehan Malet seigneur de Graavile, messire Amalry de Meulent et pluseurs autres.

Et assés tost après se transporta le dit roy de Navarre en sa ville de Mante, qui jà paravant avoit envoie lettres closes à pluseurs des bonnes villes du royaume de France et aussi à grant conseil du roy, par lesquelles il escripvoit qu'il avoit fait mettre à mort le dit connestable pour pluseurs grans niellais que