Ms. 2813, fo 398. — Ms. 2655 (lacune

le conte de Harecourt avoit dit au chastel du Val de Reul, où estoit faite assemblée pour ottroier estre faite aide au roy pour sa guerre en la duchié de Normandie, pluseurs injurieuses et orguilleuses paroles contre le roy, en destourbant de son pooir icelle aide estre acordée et mise à execucion , combien que le dit ainsné filz du roy, duc de Normandie, et le dit roy de Navarre l'eussent acordée au roy.

Et tantost après ala disner le dit roy de France. Et quant il ot disné, il et tous ses enfans son frère et ses diz cousins d'Artois et pluseurs des autres qui estoient venuz avec li, montèi^ent à cheval et alèrent en un champ derrière le dit chastel appelle le Champ du Pardon. Et là furent menez en deux charrètes par le commandement du roy les diz conte de Harecourt, le seigneur de Graville, monseigneur Maubue et Colinet Doublet; et là leur furent le dit jour les testes copées. Et puis furent tous quatre trainez jusques au gibet de Rouen et là furent pendus, et leurs testes mises sur le dit gibet. Et fu le dit roy de France présent et aussi ses diz enfans et son frère à coper les dictes testes, et non pas au prendre. Et ce jour et lendemain jour de mercredi délivra le roy pluseurs autres qui avoient esté pris ; et finablement ne demorèrent que trois : c'est assavoir le dit roy de Navarre, le dit Friquet et le dit Bantalu, lesquelz furent menez à Paris, c'est assavoir le dit roy de Navarre au Louvre, et les autres deux en Chastellet. Et depuis fut le dit roy de Navarre mis en Chastellet, et li furent bailliez aucuns du conseil du roy pour le garder. Et pour ce messire Phelippe de Navarre, frère du dit roy de Navarre , [fist garnir de gens et de vivres {)luseurs des chasteaux que le dit roy de Navarre *] avoit en Normandie. Et jà soit ce que le roy de France mandast au dit messire Phelippe qu'i[l] li rendisl les dis chasteaux, toutesvoies ne le vouloit il pas faire. Mais assemblèrent il/, et messire Godefroy de Harecourt, oncle du dit conte de Harecourt , pluseurs ennemis du roy ; et les firent venir ou paiz de Costentin, lequel pais ilz tindrent contre le dit roy de France et ses gens.

Item, le mercredi vingt septième jour du dit moys d'avril, et fu le mercredi après Pasques qui furent l'an mil trois cens cinquante six, car Pasques furent lors le vingt quatrième jour d'avril, messire Ernoul [d'Odencham], lors mareschal de France, ala en