Ms. 2813, f° 398 vo. — Ms. 2655, f» 171 (lacune

la ville d'Arras, et là, sagement et sans effort de gens d'armes, fist j)rendre pluseurs personnes jusques au nombre de cent et de plus de ceulz qui avoient mise la dicte ville en rébellion et murdri pluseurs des gros bourgois d'icelle ville, dont dessus est faite mencion. Et l'andemain jour de jeudi fist le dit mareschal copper les testes à vingt des dessus diz qu'il avoit fait prendre, ou marchié de la dicte ville, et les autres fist tenir en prison fermée jusques [ad ce que *] le roy ou li en eussent [ordené ^] autrement. Et par ce fu mise la dicte ville en vraie obéissance du roy ; et demorèrent paisiblement les bonnes gens en icelle, si comme ilz faisoient avant la dicte rébellion.

Item ou dit an cinquante six, en la fin du mois de juing, descendi le duc de Lencastre en Costantin et s'assembla avecques messire Pbelippe de Navarre , qui s'estoit rendu ennemi du roy pour cause de la prise du roy de Navarre son frère qui encore estoit en prison. Et avecques le dit duc et messire Pbelippe estoit messire Godefi^oy de Harecourt dessus nommé, oncle du conte de Harecourt qui avoit eue la teste copée à Rouen. Et se mistrent à chevauchier, et estoient environ quatre mille combatans ; et chevauchièrent à Lisieux , au Bec , au Ponteaudemer, et raffreschirent le chastiel qui avoit esté assegié par l'espace de huit ou neuf sepmaines. Mais messire Robert de Hodetot, lors maistre des arbalestriers, qui avoit tenu le siège devant le chastel dessus dit, et en sa compaingnie pluseurs nobles et autres se partirent du dit siège, quant ilz sceurent la venue des dis duc messire Phelippe et messire Godefroy, et laissièrent les engins et l'artillerie qu'i[l] avoient; et ceulz du dit chastel pristrent tout et mistrent tout dedens le dit chastel. Et après chevauchièrent les diz duc et messire Phelippe et leur compaingnie jusques à Breteul, en pillant et robant les villes et le pais par où ilz passoient, et raffreschirent le chastel. Et pour ce qu'ilz trouvèrent que la cité et le chastel d'Evreux avoient esté de nouvel renduz aus gens du roy, qui longuement [avoit ^J esté assiégé devant, et avoit esté la dicte cité toute arse et l'église cathedral aussi pilllée et robée tant par les Navarrois qui rendirent le dit chastel, lequel fu rendu par composicion, comme par aucuns des gens