Ms. 2813. — Ms. 2655 (lacune

du roy qui estoient au siège, les dis duc et messire Phelippe et leur compaignie alèrent à Verneul ou Perche, et pristrent la ville et le chastel , et pillèrent et robèrent tout, [et] ardirent partie de la dicte ville.

Et le roy de France qui avoit fait sa semonce, tantost qu'il oy nouvelles du dit duc de Lencastre, aloit après à moût grant compaignie de gens d'armes et de gens de pie, et les suy jusques à Condé en alant droit vers la dicte ville de Verneul là oii il les cuidoit trouver. Et quant il fu au dit Condé, il oy nouvelles que les dis duc et messire Phelippe s'estoient partis celuy jour de la dicte ville de Verneul et s'en aloient vers la ville de l'Egle. Et les suivy le roy jusques à Tuefbuef à deux lieues ou environ de la dicte ville de l'Egle. Et là fut dit au roy qu'i[l] ne les pourroit aconsuivir, car il y avoit grans forests là où ilz se boutèrent sans ce qu'i[l] les peust avoir. Et pour ce s'en retourna le roy à tout son host. Et vindrent devant un chastel appelle Tyllères, que l'en disoit estre en la main des Navarrois ; et le prist le roy et y mist gardes. Et après ala devant le dit chastel de Breteul, ouquel avoit gens de par le roy de Navarre. Mais pour ce qu'ilz ne [le '] vouldrent rendre, le roy et tout son ost y mistrent siège et y demeurèrent environ huit sepmaines. Et fmablement fut rendu le dit chastel au roy par composicion ; et s'en alèrent ceuls qui estoient dedens le chastel là où ilz voudrent, et emportèrent leurs biens.