DE CALVIN. GG
que ie doibs auoir mon espoir en luy seul, aussi que ie doibs vser des créatures quil a créé et donné aux hommes auecques actions de grâces, et en vser sobrement.
Le maistre. Le Seigneur te face la grâce dauoir en toy cecy, et les te vueille tousiours accroislre. Dys maintenant quelle est l'aultre partie de la confession chrestienne.
Lenfant. Et en Iesuchrist son fiiz vnique nostre Seigneur, qui a esté conceu du sainct Esprit, né de la vierge Marie, a souffert soubz Ponce Pilate, mort et ensepueli, et est descendu es enfers. Le tiers iour est ressuscité des mortz, est monté au ciel, où il est assis à la dextre de Dieu le Pere tout puissant; de là viendra iuger les vifz et les mortz.
Le maistre. Que confesses tu icy?
Lenfant. Que nostre Seigneur Iesuchrist est vrayement Dieu et homme, et que par sa mort il ma deliuré de la damnation éternelle, par sa résurrection et ascention aux cieux quil ma acquis la vie perpétuelle. Dauantaige, que sa volunté est telle qu'il me doibt ressusciter, en me restituant mon corps, et quil me doibt pleine et entière félicité donner au temps qu'il doibt venir iuger les vifz et les mortz.
Le maistre. Mais que sera il faict ce pendant de toy?
Lenfant. Fattens le repos bienheureux duquel ie iouyray auecques Christ ce pendant que ce iour là viendra.
Le maistre. Quel fruict sensuiura en toy de ceste foy?
Lenfant. Tel que ie doibs auoir tousiours péché en horreur, que ie le doibs fuyr, que ie doibs demander et acquérir la vie éternelle par la seule mort et résurrection du Seigneur Ihesu, et que du tout ie m'abandonne à luy comme à celuy qui est le Roy et prince céleste.
Le maistre. Quelle est la tierce partie de ceste confession chrestienne?
Lenfant. le croy au sainct Esprit, la saincte église catholique, la communion des sainctz, la remission des péchez, la résurrection de la chair, la vie éternelle. Amen.
Le maistre. Que confesses tu en ces paroles?
Lenfant. Que le sainct Esprit est celuy par lequel nous sommes régénérez, et sommes comme plantez en l'église, en laquelle nous acquérons pardon des péchez, et amendement de vie, et après ceste vie sommes consolez par l'attente de la vi' éternelle.
Le maistre. Quelle vtilité as lu de ceste foy cl profession?
Lenfant. Affin que ie prie Dieu incessamment pour impetrer son sainct Esprit , que ie aylle voluntiers en lassemblée des chresliens en laquelle ie doibs cercher et prendre consolation et correction de vie, affin qu'auecques plus grande certitude i'attende la résurrection et vie éternelle.
Le maistre. Comment es tu venu en cesle communion de leglise?
Lenfant. Par le Baptesme.
Le maistre. Qu'est ce que le Baptesme?
Lenfant. Cest le lauement de régénération et nettoyement de pèche'. Le maistre. De quelles parolles vse Ion en donnant le Baptesme? Lenfant. De celles cy : le te baptise au nom du Pere et du filz et du sainct Esprit.
Le maistre. Mais quel est le sens de ces parolles?
Lenfant. Il est tel : le te laue, affin que tu soys faict filz de Dieu, par le commandement et volunté de Dieu le Pere, filz et sainct Esprit. Le maistre. Quel fruict recoys tu de cecy?
Lenfant. Tresgrand, car ce nest pas petite chose si ie impetre rémission de mes péchez, si ie acquiers auecques mon sauueur Christ vne vie nouuelle et éternelle, si ie m'abstiens de tout vice, et aussi si ie madonne de plus en plus à vne vie nouuelle et céleste.
Le maistre. Que ce faict il dauantaige en leglise?
Lenfant. Loffice et administration des clefz.
Le maistre. Comment ce faict elle?
Lenfant. En punissant les péchez et les reprimant par peine, en exterminant ceux qui n'ont point desplaisance de leurs péchez, et deliurant ceux qui en ont desplaisir, en les restituant à la clémence diuine.
Le maistre. Quelle vtilité te vient de ce?
Lenfant. Par cela il sensuyt que ie recois voluntiers la punition et peine qui m'est ordonné, que ie admoneste diligemment mon prochain et que i'aye en grand'estime la discipline de leglise, que i'en face voluntiers mon proffit.
Le maistre. Ce faict il dauantaige aultre chose en leglise?
Lenfant. Ouy, c'est asscauoir la cene du Seigneur.
Le maistre. Qu'est ce que la cene du Seigneur?
Lenfant. Cest la vraye communication du corps et du sang de nostre seigneur Ihesuchrist, laquelle nous est représentée par le pain et calice du Seigneur.
Le maistre. Qui sont ceux qui doibucnt vsër de ce sacrement? Lenfant. Tous ceux qui ont espoir en Christ, et qui désirent estre ses disciples.
Le maistre. Sons lu par cela aulcun amendement de vie?
