CHANSON I

(Psaume i.)

Beatus vir qui non abiit.

Qui au conseil de Caluin n'a esté, Et qui ne s'est à Genefue arresté, Pour reposer au banc de pestilence , Mais a tousiours, en grande reuerence, Honoré Dieu et ses saincts glorieux , Certainement tel homme est bien heureux. Semblable il est à vn ieune arbrisseau, Planté au long d'vn clair courant ruisseau, Donnant son fruict en sa saison requise; Car ferme il est en la foy de V Eglise, Dont il rapporte en ladicte saison Les dignes fruictz de ieusne et d'oraison. Luthériens n'auront telles vertus, Ains seront tous semblables aux festus, Et à la pouldre au gré du vent chassée ; Parquoy sera leur cause renuersée En iugement , par vn arrest diuin Contre Genefue et leur prescheur Caluin. Nostre Seigneur les iustes congnoist bien Et est songneux de leur faire du bien, Dont ils auront félicité qui dure; Mais les meschans qui gastent l'Escripture , Quand au grand iour du iugement viendront, Auec leurs faictz en enfer descendront.