IT
1329, 19 AOÛT. — HUMBERT DAUPHIN, SEIGNEUR DE FAUCIGNY, CONFIRME LES PRÉCÉDENTES FRANCHISES, ET Y AJOUTE QUELQUES DISPOSITIONS NOUVELLES.
(V. page 44)
OS Humbertus Dalphini, dominus Faucigniaci,
notum facimus universis presentibus pariterque
futuris, quod, nos ad instantiam et requisitionem
Johannis Put, Martini Orsires (Orcières) et Guillermi Sacelli, scindicorum ville Clusarum, petentium et postulantium nomine, vice et ad opus sui et totius communitatis ville predicte, libertates et franchesias dudum concessas dictis Clusarum Burgensibus et Juratis per bone memorie carissimum patruum nostrum Dominum Hugonem Dalphinum dominum dicteterre quondam, laudamus, ratificamus, confirmamus et approbamus dictis nostris Burgensibus et Juratis, ut in dictis litteris dicte eorum franchesie seriosius continetur.
1. Postquam volentes dictos Burgenses et Juratos nostros cum eorum potestatibus semper prosequi gratiose et ipsis gratiam ampliare, volumus, et dictis Burgensibus et Juratis ville predicte Clusarum concedimus, quod omnes et singuli Burgenses et Jurati dicte ville, et omnes commorantes infra terminos et franchesiam dicte ville, in auxiliis per dictos Burgenses factis et faciendis contribuere teneantur, prout per probos homines super hoc ordinandos fuerit ordinatum, exceptis legitimas exceptiones habentibus super hoc proponendas.
2. Item volumus et dictis nostris Burgensibus et Juratis concedimus, quod notarii inquestas facientes infra villam
et terminos ville predicte, de inquestis per ipsos factis et faciendis condemnatis per judicem nostrum, vel de
illis de quibus fierent compositiones, non recuperentur
nisi duodecim denarios pro libra, et de decem solidis sex denarios tantum, nec non notarii literas contractuum facientes exigere minime valeant aliquid pro literis, nisi de cognitione Judicis nostri mediante, si contrahentes non possent cum dictis notariis concordare, et de copiis inquestarum et actarum Causarum quarumcunque per partes requisitarum non possent dicti notarii aliquid exigere donec taxatum fuerit per Judicem nostrum.
3- Item volumus et dictis Burgensibus nostris concedimus, quod, si dicti nostri Burgenses et Jurati aliquid commiserint in terminando et viando bougerias ipsorum, quod in hoc in quo commiserint seu delinquerint, remittimus et quittamus, salvo jure partis lese, et de inquestis factis super hoc vel faciendis. |
Promittentes…
Datum et actum Clusis, in camera nostra domus liberorum Stephani Pugini, cum appositione sigilli nostri in robur et testimonium omnium premissorum, die decima nona mensis Augusti, anno Dominimilesimo tercentesimo vigesimo nono. Expeditum per nos de consilio Domini Francisci de Chesis militis, Domini Stephani de Rupho, et Bartholomei de Balma, jurisperitorum nostrorum et consiliariorum nostrorum.
IIT°
1347, 18 JANVIER. — BÉATRIX, FILLE DE HUMBERT DAUPHIN ET DAME DE CHATILLON, CONFIRME LES PRÉCÉDENTES FRANCHISES, ET Y AJOUTE QUELQUES DISPOSITIONS NOUVELLES. |
(V. page 51)
OS Beatrix, filia inclite recordationis Domini Humberti Dalphini Viennensis, domina de Castillione, universis et singulis presentes litteras nostras inspecturis salutem et rei geste notitiam, et presentibus fidem indubiam adherere. Tunc subjecto-
rum erga Dominos sincere charitatis pullulat et crescit devotio, cum ipsi subditi Dominorum benevolis utilitatibus et prerogativis favoribus amplexantur, presertim cum ipsis subditis libertatem transferunt, liberos et immunes reddunt et efficiunt in perpetue integri, liberant servitutis, quod inter alia humane nature commoda fore noscitur pretiosum. Sane, nos probabiliter considerantes et actendentes carissimum Dominum et nepotem nostrum Dominum Humbertum Dalphinum Viennensem et predecessores suos non nullas libertates et immunitates, franchesias, dona, gratias et privilegia specialiter fidelibus nostris Burgensibus et Juratis et universitati seu communitati ville Clusarum et universaliter et singulariter Comitatibus franchesiis Baronie Faucigniaci, ex certis, justis, legitimis et probabilibus causis, hactenus concessisse, nec non et actendentes etiam grata et largiflua dona ct servitia nobis ab ipsis fidelibus nostris Burgensibus et Juratis hactenus facta et impensa, et quas quotidie facere et impendere non cessant, de quibus adhuc non fuerunt remunerationem aliquam consecuti: |
Nolentes ex hoc vitio ingratitudinis reprehendi, sed afectantes eisdem Burgensibus et Juratis tanquam bene meritis grata vicissitudine respondere, et facere remunerationem aliquam de premissis, predictas libertates, immunitates, franchesias, dona, gratias et privilegia per dictum Humbertum Dalphinum et ejus predecessores concessas, ut dictum est, eisdem communitatibus, laudamus, ratificamus, et etiam ampliamus, ratasque, gratas et firmas habuimus et habemus, et nihilominus ex habundantià eas et ea ampliare volentes, predictis Burgensibus et Juratis dicte ville Clusarum et eorum posteritati per presentes gratiose concedimus alias libertates, immunitates, gratias et franchesias que sequuntur :
1. Videlicet quod nullus presertim ex dictis Burgensibus et Juratis dicte ville quacumque causa judiciali extrahi possit extra terram Faucigniaci, nec pro facto guerrarum extra (rebennensem dyocesim, nisi pro Statu dumtaxat Dalphinatüs. |
2. Item quod non possit fieri inquisitio sine denunciante suam aut suorum injuriam prosequente, exceptis lese majestatis, proditionis, raptus mulieris, homicidni, membri mutilationis, falsitatis, falsi testimonii, latrocinii, furti criminibus, vel atrocis verberationis ex qua sequeretur impotentia corporis aut membrorum.
3. Item quod de rebus acquirendis infra limites franchesie Clusarum, exceptis domibus que in sua libertate semper remanent, teneantur ipsi Burgenses et Jurati solvere duodecimum et tertium decimum denarium duntaxat prout in eorum franchesia continetur.
4. Item quod de cetero in perpetuum non possit procedi contra ipsos Burgenses et Juratos ad recognitiones aliqualiter faciendas, dum tamen per modum debitum recognoscant. Volentes etiam ipsos Burgenses et Juratos gratia prosequi ampliori, volumus et concedimus ipsis Burgensibus et Juratis, quod si temporibus retroactis aliter recognoverint quam teneantur, illa recognitio predictis Burgensibus et Juratis nullum aferat prejudicium, quoad commissionem rerum recognitarum aut aliam penam quamcunque incurrant ; ita tamen quod ipsi Burgenses ex nunc debitam recognitionem facere teneantur more solito, prout predecessores eorum recognoscere consueverunt.
5. Item quod si contingeret aut contigerit, quamcunque personam cujusvis status, conditionis aut preeminentie existat, adversus nostras et alias libertates, immunitates et franchesias per prefatum Dominum Dalphinum et predecessores ejusdem, ut dictum est, concessas, in aliquo attemptare, aut aliter ipsis libertatibus, immunitatibus, et franchesiis contra 1re, seu in premissis impedimentum quodcunque de facto inferre, quod absit, talis contradictio, facti attemptatio quandocumque.. illata, ex nunc ut ex tunc, ex tunc ut ex nunc, pro infactis penitus habeantur et nullius momenti sive vel valoris.
Illas autem libertates, immunitates, gratias et franchesias per nos et dominum Dalphinum et ejus predecessores predictos datas et concessas laudamus, ratificamus
et approbamus, et volumus habere perpetuam roboris firmitatem.
Promittentes... mandantes, etc.
In quorum omnium et singulorum premissorum testimonium, presentes litteras dictis Burgensibus et Juratis et eorum universitati dedimus et sigilli nostri cum signo nostro fecimus convenienter roborari.
Datum et actum apud Marcossey, presentibus nobilibus et discretis viris Dominis Vullielmo de Compesio Castellano nostro Castillionis, Petro de Boegio, militibus, Joanne Moteti judice majore terre Faucigniaci, Guillelmo Henrici judice nostro ibidem, et Vuyfredo Sadoti Castellano castri nostri bone ville, die decima octava mensis Januarii, anno domini milesimo tercentesimo quadragesimo septimo (1).
EV
1397, 4 FÉVRIER. — AMÉDÉE VIII, COMTE DE SAVOIE, ORDONNE AUX SYNDICS DE CLUSES DE FORTIFIER LEUR VILLE, ET À TOUS LES HABITANTS DU MANDE- MENT DE TRAVAILLER A CES FORTIFICATIONS.
(V. page 85)
MEDEUS Comes Sabaudie, dilectis, fidelibus, nobilibus et universis nostris scyndicis, Burgensibus, et ceteris nostris incolis et Juratis ville nostre Clusarum, salutem et felices ad subscriptorum premotionem successus, que utilitatem et rem publicam prospiciunt et in consequentiam sunt trahenda.
(1) Ici se trouve, dans le codex des franchises que nous suivons, l'acte de condonation de Humbert Dauphin que nous avons traduit pag. 46 et suiv., et ensuite une confirmation accordée par Amidée VIII, au château de Chambéry, le 19 août 1399, des franchises des diverses villes et communautés du Faucigny.
Cum igitur illustris , laudabilis et inclite memorie Dominus Amedeus Sabaudie Comes, dominus et avus noster carissimus, dum in humanis agebat, ad vos et villam nostram Clusarum, inter alias terre nostre Fucigniaci gerens singularem fiduciam et sinceram dilectionem, eamdem villam Clusarum per vos fortificari statuerit et per quoscumque Castellanie et mandamenti Castillionis et Clusarum vobis ad hec manus adjutrices interponere et juvare secundum cujuslibet facultatem, cumibi habeant oportunis temporibusrefugium singulare; Vestra enim facultas multis aliis oneribus lacessita in complemento tanti operis sine ipsorum adjutorio sufficere nequiret, juxta formam per ipsum Dominum et avum nostrum cCarissimum quondam super fortificationibus villarum et locorum suarum Sabaudie factam; Cujus ordinationibus, quas fructuosas cognoscimus, effectum mancipare cupimus, ut hostium quôrumlibet violentorum incursibus, duris impetibus, et voluntariis cursibus et similibus, auxiliante Deo possitis obviare, dictamque villam nostram in melius propagare, et habitantes in ea tunc quiescere valeant, et alia incrementa suscipere liceat; Sane hujusmodi in multis considerationibus et utilitatibus revolutis, vobis serie presentium litterarum impartimur, et expresse precipimus et mandamus, quatenus muros vestre ville, sive fossalia, et omnia alia que vestre fortificationi prospiciunt, prout vobis utilius vide- bitur, faciatis facere. Et nos, ut dicta fortificatio operam recipiat eficacem, literis presentibus mandamus Castelano et cunctis officiariis nostre Castelanie predicte presentibus et futuris, et eorum loca tenentibus, quatenus omnes universos et singulos ecclesiasticos et singulares in dicta Castellania habitantes, nobis mediate et immediate subjectos, cujusvis gradus et conditionis existentes, in fortificatione hujusmodi faciant, excusatione qualibet ultrojecta, ipsosque et eorum quemlibet secundum cujuslbet facultatem, ad hec coherceant viriliter et compellant penarum impositionibus, pignorationibus, saisinis et modis aliis quibus libet, quibus fortioribus poteritis, om-
nibus exquisitis, nullo alio a nobis expectato mandato. Datum Burgi, die quarta mensis februarii, anno Domini millesimo tercentesimo nonagesimo septimo, interdum presentibus nobilibus Oddoleto de Vilariis (Gtubernatore, Joanne de Conflans cancellario, Raimondo de Chalant Marescalco, Joanne de Balardis, Amblardo (rerbaisii, et Petro Andre Pugini secretario.
Ltée j
1432, 14 FÉVRIER. — AMÉDÉE VIII, DUC DE SAVOIE, CONFIRME LES ANCIENNES FRANCHISES DE CLUSES, ET Y AJOUTE QUELQUES DISPOSITIONS NOUVELLES.
(V. page 88 et suiv.)
MEDEUS, Dux Sabaudie, Chablaisii et Auguste,
princeps, Marchio in Italia, Comes Pedemontium
et Gebennensium, Valentinensisque et Diensis.
Universis modernis et posteris serie presentium fiat manifestum, quod, cum dilectus commissarius et receptor extentarum nostrarum Castilionis et Clusarum Petrus Salanchie proponeret adversus dilectos fideles burgenses ville nostre Clusarum, ipsos auctoritate eorum temeraria plures externos qui ad ipsam villam trahere vencrunt incolatum in Burgenses et Juratos ipsius ville recepisse, illosque libertatibus, franchesiis et immunitatibus ejusdem ville frui facere, nixos fuisse, et quod deterius est, eosdem burgenses, quam plura feuda tam nobilia quam francha ad aliqua annua onera non astricta hactenus aquisivisse, et adhuc possidere, licet ad illa deservienda censeantur incapaces, et ulterius tam super ipsis feudis nobilibus et franchis quam etiam censatis, amphiteotecariis, censitisque et talliabilibus quam plures annuas censas et pensiones sine nostris laude et consensu imposuisse. Que omnia, pluribus rationibus et causis per
ipsum commissarium seriosius deductis, censeri debent irrita nobisque commissa et aperta, ac in illis utile dominium directo esse consolidatum. Ad que ipsi fideles nostri se opponebant, et asserebant eisdem licuisse predictos Juratos et Burgenses impune recipere, dictaque feuda tam nobilia quam francha tenere, ac tam super illis quam etiam censatis, emphyteotecariis, censitisque : et talliabilibus, quascumque annuas censas et pensiones imponere, et hoc tam vigore libertatum per inclite recordationis illustres Delphinos Viennenses concessarum, ac per nos et nostros successive confirmatarum, quam etiam vigore remissionis et habilitationis generalis per preclare memorie inclitum Dominum et paternum avum nostrum eisdem fidelibus nostris concessarum, constantibus suis patentibus literis datis Ripalie, dic penultima mensis Augusti, anno Domini milesimo tercentesimo septuagesimo septimo, et per Johannem Galliardi signatis ; Suplicando ut secum super his mite agere dignaremur; quorum suplicationi favore benevolo inclinati, visis prius et maturo discussis consilio libertatibus literisque et aliis hinc inde propositis et objectis, nolentes, sicut non licet, adversus ipsos fideles nostros justitie marte procedere, nec juris Strictum rigorem servare, sed potius ipsorum progenitorum 1ipsorum vestigia imitando, cum eisdem solita mansuetudine peragere, ut quanto nostre munificentie presidio se noverint sincerius pertractos, tante fidelitatis obsequiis erga nos et nostros jugiter exhibeantur promptiores. Idcirco, his et aliis laudabilibus moti causis et respectibus, ex nostra certa scientia, pro nobis et nostris heredibus et successoribus universis, ad postulationem, deque voluntate et consensu ipsorum Burgensium, ac citra quamvis aliarum suarum pretractarum franchesiarum derogationem, de et super omnibus premissis et singulis cum eisdem Burgensibus pro se et ipsorum posteritatibus, ad largitiones, concessiones et declarationes infrascriptas devenimus, illasque eisdem presentium serie literarum concedimus et largimur in hunc qui sequitur modum.
1. Imprimis quod, omnes et singuli infra ipsam villam commorantes qui hactenus franchesias ipsius ville nostre Clusarum juraverunt et per alios Burgenses pro Burgensibus et Juratis retenti fuerint, a modo in antea, possint et valeant impune et sine contradictione quacumque frui in omnibus et gaudere eisdem libertatibus et franchesiis et immunitatibus quibus ceteri Burgenses originarii ipsius ville gaudeant et gaudere debent, salvis semper super illis quibuscumque juribus nostris pariter et alienis, quibus per presentes non intendimus derogare, et ulterius quod deinceps et in posterum liceat eisdem scindicis et burgensibus dicte ville nostre Clusarum, quoscumque in ipsa villa moram trahere volentes, quamdiu tamen in eadem villa sua fovebunt domicilia, in Juratos et Comburgenses recipere, qui, si quidem sic recipiendi, quamdiu ut prefertur sua fovebant domicilia, possint et valeant, prout ceteri Burgenses originarii dicte ville, eisdem libertatibus, franchesiis et immunitatibus in omnibus cumgaudere, etiam salvis semper quibuscumque juribus nostris, ac cujuslibet alterius, ratione quibus similiter per presentes non intendimus in aliquo derogare.
2. Item quod liceat eisdem Burgensibus modernis et posteris, a modo in antea, quocumque justo titulo acquirere, tenereque, habere et possidere quecumque feuda tam nobilia quam franca, oneribus tamen annuis non adstricta,.in mandamento Castellanie et ressorto Castillionis et Clusarum, etiam in toto territorio Aysie consistentia, sub tamen quibuscumque oneribus pariter et honoribus eisdem feudis tam de jure quam de consuetudine incumbentibus, quoniam ipsos Burgenses modernos et posteros, et quemlibet eorumdem, ad ipsa feuda tam nobilia quam franca ut premititur acquirenda, tenendaque et possidenda, sub eorum honoribus et omnibus predictis, harum indulto literarum habilitamus, habilesque et capaces decernimus per presentes.
3. Item quod liceat eisdem Burgensibus modernis et posteris, ipsa feuda tam nobilia quam franca quibuscumque personis, ditioni tamen nostre submissis, sub
quibuscumque tributis annualibus, prout utilitati sue noverint expedire, perpetuo albergare, nobis tamen et nostris in talibus albergamentis solvendo laudimia in consimilibus feudis, dum per nobiles patrie albergaretur solvi consueta, et ita quod talium tributorum directum dominium, cum suis solutis emolumentis, penes nos et nostros perpetuo remaneat et consistere censeatur. Directum vero dominium cum suis solutis emolumentis rerum per ipsos Burgenses sic abergandarum, penes ipsos albergantes et suos remaneat et consistere censeatur.
4. Item quod liceat predictis Burgensibus et eorum successoribus burgensibus, super quibuscumque feudis
censatis et aliis emphyteosibus nostris in dictis manda-
mento, castellaniaque et ressorto Castillionis et Clusarum consistentibus, que tamen ad echeutem ordinariam erga nos astricta non censentur, pretiis moderatis, quascunque censas et pensiones annuas, in quacumque rerum specie consistenses, imponere, acquirere, tenereque et habere; que tamen censa et pensiones annue quartam partem valoris annui rei super qua imponentur, deductis omnibus pro ipSa re annuatim debitis, non excedant, et hoc pure, perpetue et sine aliqua reacheti concessione. Ita quod directum dominium, cum solitis emolumentis, tam dictarum rerum quam censarum seu pensionum super eisdem imponendarum, penes nos et nostros remanere inteligantur, sic quod in impositione et alia quacumque aquisitione ipsarum censarum et pensionum laudes et vendas nos et nostri percipiamus, etiam super rebus super quibus ipse cense et pensiones imponentur, quotiens illas in futurum contingerit alienari, videlicet ad rationem solitam rei vel pensionis que sic alienabitur, juxta verum pretium quod datum fuerit particulariter de eadem.
5. Item similiter liceat eisdem Burgensibus, super ipsis feudis censatis et emphyteosibus ad echeutam ut supra non astrictis, imponere, aut alias justis et veris pretiis quascumque censas et pensiones aquirere et habere, usque ad aliam quartam partem valoris annui
rerum earumdem, deductis ut premittitur oneribus pro ipsis rebus annuatim debitis; que pensiones et cense similimodo, cum re super qua imponentur, a nobis et nostris moveantur, prout supra immediate de alia quarta parte expressum est. Hoc tamen addito et mediante, quod ipsa secunda pars hujusmodi censarum et pensionum perpetuo subjiciat reacheto, illo eodem vero pretio quo fuerunt vendite, una cum laudibus et vendis propter hoc pro concurrente quantitate solutis, illasque omni tempore reemere possint quicumque rerum super quibus debentur possessores, et illas sic revendendas illarum emptores efficaciter astringantur, et ita quod hujusmodi reachetorum perpetuorum concessione aut censarum et pensionum que eidem reacheto suberunt impositione, ipsi burgenses et sui sub colore cujuscumque contractus usurarii, tam in vita quam post mortem, per nos et nostros nequaquam valeant inquietari, dummodo pretium ipsarum censarum et pensionum vigenti pro uno non excedat, aut minori pretio quam sexdecim pro uno non reperiantur ipse cense et pensiones fuisse aquisite. Quoniam justis moti respectibus, pretia hujusmodi censarum et pensionum summam viginti florenorum pro uno excedere, aut minus ex sexdecem florenis etiam pro singulo inferiorare, et sic supra et infra, pro concurrente rata, per presentes prohibemus.
6. Item quod liceat eisdem Burgensibus modernis et posteris, super quibuscumque feudis censitis et talliabilibus a nobis moventibus, imponere, et justo pretio aquirere, habereque et percipere perpetue et sine reacheto quocumque, quascumque censas et pensiones annuas, medietatem tamen valoris annui rei super qua imponentur, deductis oneribus annualiter pro illa supportandis, non excedentes. Ita tamen quod, tam ipse res quam cense et pensiones a nobis et nostris sub eisdem conditione censita et talliabili, moveri censeantur, sic quod in ipsis rebus quotiescumque casus contingerit manum mortuam accipere consuevimus, sic quotiescumque ipsi Burgenses tales censas et pensiones annuas percipientes
sine liberis naturalibus et legitimis, et ex eorum propriis corporibus ex legitimo matrimonio procreatis moriantur, echeutam ipsarum censarum et pensionum percipiamus, adeo quod quoad hujus modi echeutam inter dictas res censitas et talliabiles ac predictas censas et pensiones que super eisdem feudis censitis et talliabilibus imponitur, nulla differentia habeatur.
7. Item ut ipsi burgenses et sui sub ditione nostra tranquilius vivere possint, ex nostra certa scientia et libera voluntate, omnes et singulas censas et pensiones annuas bladi, vini, pecunie et alterius rei cujuscumque, per eos a die date Laudimn generalis per prefatum illustrem Dominum et avum nostrum eisdem ut premititur concessi, usque in diem presentem, quomodolibet acquisitas super quibuscumque nostris feudis nobilibus, franchis, censitis, emphyteotecariis, censatisque et talliabilibus, etiam feuda tam nobilia quam francha, si qua per eos a dicto tempore citra fuerint acquisita, sive per sigilliferum Faucigniaci nostrum laudati fuerint, vel non, eisdem Burgensibus et suis, presentium serie litterarum, quantum nostra interest, laudamus et approbamus. Ita tamen quod ipsi Burgenses et sui ipsa feuda nobilia et francha, dictasque censas et pensiones annuales omnes et singulas, a nobis et nostris teneant, et tenere etiam de cetero recognoscant, sub eisdem conditionibus, reachetis, modisque et formis supra particulariter declaratis, singula singulis debite referendo, sic quodque ad omnes conditiones supra declaratas inter ipsa feuda censasque et pensiones jam acquisitas et in posterum acquirendas, nulla prorsus differentia habeatur. Ft insuper volentes ipsos Burgenses nostros gratia tractare uberiori, eisdem Burgensibus et cuilibet ipsorum, prout tangitur, liberaliter remittimus omnem commissionem et echeutam, si que super ipsis feudis, censis et pensionibus jam acquisitis, nobis qualitercumque spectare possent a toto tempore preterito usque ad diem presentem.
Que premissa omnia, sic cum eisdem Burgensibus egimus pro et mediantibus quatercentum florenis parvi
ponderis, per nos propterea ab eisdem habitis, manibus dilecti fidelis Michaelis de Ferro, thesaurarii nostri Sabaudie generalis, qui de eis nobis legitime tenebitur computare, et ulterius mediantibus centum scutis auri in quibus per nostras patentes eisdem mutui causa tenebamur, quas literas nobis reddiderunt cancelatas.
Mandantes...….
Datum Thononii, die decima quarta februarii, anno Domini millesimo quatercentesimo trigesimo secundo, per Dominum, presentibus illustri primo ejus genito Ludovico de Sabaudia, comite Gebennensi, nec non Dominis P. preposito montis Jovis, P. de Belloforti canonico montis majoris, marescale Joanne Domino Chautagnie, Henrico de Columberio, Claudio de Saxo presidente computorum, Joanne de Compesio et Domino Coudree, Urbano Ceriserii, Francisco de Thomatis, Antonio de Draconibus, P. de Montevuagnardo magistro hospitii, et Petro de Menthone Ballivo Gebenesii (1).
CTMOYOTVREE
(1: Les Chartes qui précèdent ont été publiées par la Société d'Histoire et d'Archéolorie de Genève, tome XII, p. 126-248. Nous avons pu rectifier la lecture en plus d'un endroit. ;
Nous avons signalé, dans le cours de l'ouvrage, les confirmations subséquentes. Elles ne presentent pas un intérét historique assez grand pour que nous les reproduisions ici im cxfenso.
Approbation. ...... RU M Ma cad US :
Plan de la ville de Cluses....... ...... ............... Corrections et additions .......... ....... RE
PFOACÉ SEL iris que ne ES CT
