CHAPITRE PREMIER

Cy commence la seconde partie de ce présent livre ^ laquelle parle du sens et prudence du mareschal de Boucicautj et des vaillans et principaux biens faicts que ilfeit depuis le temps que il f eut gouverneur de Gennes jusques au retour de Syrie. Premièrement parle de l'ancienne coustume qui court en Italie des Guelphes et des Guibelins,

Vjomme il est notoire et assez sceu par toutes les contrées comment au pays et en la terre d'Italie court d'ancienneté la diabolique ancienne coustume semée entre eulx par l'ennemy d'enfer, comme mesmement plusieurs d'eulx tiennent, laquelle chose, comme les vengeances de Dieu soyent merveilleuses, peut-estre que telle persécution leur consent nostre Seigneur pour cause des horribles péchez qui peuvent estre en

aucuns d'eulx, et en certaines contrées. Car comme tesmoigne la Saincte Escripture, aulcunes fois pour le mesfaict d'un seul sont plusieurs punis. Geste perverse coustume, de laquelle nul ne sçait proprement la nais sance et droict commencement, ne par quelle achoison veint la semence, quoy que plusieurs en dient, est jusques à ceste heure par tout le dict pays tant enracinée et accreiie, que toutes les villes et généralement la terre en est empoisonnée et corrompue.

Geste playe et maudisson (0 est une générale destruction par effusion de sang, laquelle est entre eulx, et l'ont continuée depuis si long temps que du contraire n'est mémoire. Et est telle celle pestilence que es citez principalement, dont mainte en y a de moult notables, riches et belles, aultant que en pays du monde, si en paix feussent, les hommes y sont diviser et ennemis mortels les uns contre les autres par lignaiges, et s'appellent les uns Guelphes, et les autres Guibelins, lesquels sans chalenge (2) de terre, d'acquérir seigneurie ne autre chose, ains seulement par dire « Tu es du lignaige Guelphe, et je suis du Guice belin : nos devanciers se hayrent , aussi ferons nous. » Et pour celle cause seulement , et sans sçavoir autre raison s'entreoccient et meshaignent (3) chascun jour comme chiens, les fils comme feirent leurs pères, et ainsi d'hoir en hoir continue la meschanceté, ne il n'est justice qui remédier y puisse. Car eulx mesmes qui soustiennent celle coustume ne souffriroient mie que pour celle cause justice y feust faicte pour icelle mortelle haine.

(0 Maudisson : malédiction. — {*) Chalenge : dispute- — (3) Mesliaignent : estropient, blessent.

Si comme les uns gaignent sur les autres, font es citez souvent seigneuries nouvelles. Et de ce sont venus les tyrans d'iceluy pays, esleus à voix de peuple, à volonté , et sans raison ne loy de droict. Car telle coustuuie ont communément, que quand une des parties gaigne sur l'autre, et est la plus forte, adonc crient ceuix qui se voyent au dessus, « Vive tel, vive tel, et « meure tel. » Et lors eslisent l'un d'entre eulx, et occient s'il ne s'enfuit cil qui estoit devant. Et quand il advient que l'autre partie regaigne, et a à sa fois l'advantaige, autant leur en font, et à fureur de peuple, dont Dieu nous garde, tout est taillé en pièces.

Et par ceste manière se destruisent entre eulx cité contre cité, chastel contre autre, tout en un pays, et voisins contre voisins. Par ceste voye se deffbnt à présent aultant ou plus que oncques mais feirent.Et est dommaige d'iceluy pays et grand pitié, qui est un des meilleurs , plus gras et plus riches qui au monde soit, si paix y estoit. Dont il advient souventesfois et est advenu que quand l'une des parties se sent si au bas, que elle veoid bien que venger ou soustenir contre l'autre ne se pourroit, ils quierent et demandent seigneuries estrangeres, et les procurent, et à icelles se donnent, en espoir que ils soyent soustenus et portez. Mais qu'en advient-il? Icelles gens inconstans et variables en tels propos, pour bien petit d'achoison, ou quand ils s'ennuyent d'icelle seigneurie, leur face ores cil qui sera seigneur tant que il sçaura de bien , ou ceulx qui seront commis de par luy , si ne les tiendra-il ja en paix, ainçois se rebelleront et occiront luy et ses députez s'ils peuvent, et recrieront et esliront un autre de nouvel.

4 LIVRE DES FAICÏS

Pour laquelle chose, veiïe ceste générale coustume du pa)^s, sans faillir me semble trop grand folie à celuy ou à ceulx qui prennent d'eulx la seigneurie , quoy qu'ils s'y donnent ou baillent, tant sçaichent promettre d'estre bons et loyaux, d'en entreprendre le gouvernement, quelques grands seigneurs ou puissans qu'ils soyent, si tousjours entre eulx ne se tiennent les plus forts, tant de gens d'armes comme de bastons. Car soyent certains que ils se rebelleront quand ils pourront, et ne s'y fie nul, et qui aultrement le faict, en vain se travaille et deceu s'en trouve. Mais à traire à nostre propos, ainsi par la division d'entre eulx , comme devant est dict , souvent advient que iceulx malheureux sont contraincts d'appeller dominations estrangeres pour les gouverner et seigneurier. Or notez vous qui ce oyez quelle maudisson , et si oncques jadis eut en Egypte plus diverse playe.