CHAPITRE IL

Cy dit de la cité de Gennes , et de la tribulation oh elle estait avant que le mareschal en feust gouverneur.

Pour descendre au propos pour lequel j'ay faict ceste narration , et à quoy principalement veux tendre, est à sçavoir que comme entre les autres citez d'Italie soit la riche, noble et ancienne cité de Gennes, fondée jadis par Janus, descendu des haultes lignées troyennes, icelle entre les flammes et feu maudict et maling dessus

DU MAHESGHÀL DE BOUGICAUT. 5

dict, ardoit comme les autres citez d'icelle pestilence > et tellement estoit ja consume'e que en la ville n'y avait plus bon homme, personne d'estat , ne qui aimast vie honnorable. Car n'est mie à entendre, quoy que je die de ceste douloureuse coustume qui court entre les Italiens , qu'il n'y ait de tres-vaillans gentilshommes, et de bons et honnestes preud'hommes qui ne voudroient fors bien , et qui dolens sont de ceste persécution. Car sans faillir si a maint et grand foison, et qui volontiers y remedieroient s'ils pouvoient : mais l'arrogance et l'orgueil que là a pris le commun peuple, en qui communément n'a grand raison, ne laisse aux bons et saiges user de leurs vertus. Si n'avoit mais en ladicte cité demeuré fors robeurs, mauvaises gens,, et sans honneur. Et adonc estoit la puissance de Gennes. toute anéantie.

Mais comme Dieu pourveoit estrangement aux choses quand il luy plaist , par le regard de pitié, paradvanture pour le bien faict d'aucun de leurs prédécesseurs, ou peult-estre à la prière ou pour le mérite de quelque bonne personne du pays qui dévotement en pria , ou peult-estre pource que ne voulut pas Dieu pour le bien de Chrestienté que telle noble cité feust destruicte, ou en luy rendant le mérite de ce que plusieurs fois les ennemis de la foy ont esté par elle guerroyez , l'a voulut Dieu relever et traire hors de l'arsure des sus dictes périlleuses flammes, et luy administrer remède et restauration de mort à vie.