CHAPITRE XIX

Comment les Vénitiens avoient faict sçavoir par les terres des Sarrasins que le mareschal alloit sur euloc^ ; et comment le dict mareschal alla devant Tripoli.

Or nous convient retourner à la narration que cy devant ay dicte et représentée de la haine couverte d'entre les Vénitiens et les Genevois. Pour laquelle, comme devant est dict, par l'envie que avoient les dicts Vénitiens contre les Genevois, moult se voulurent peiner s'ils eussent peu de desadvancer leur prospérité : mais que si cautement feust que on ne l'apperceust. Et par trouver voye de leur tollir leur bon gouverneur, par le sens et valeur duquel montoit leur gloire de mieulxen mieulx, leur sembloit bien que plus grand meschef et desadvancement ne leur pouvoient faire. Mais toutesfois de leur courir sus ouvertement n'osoient, encores que ils feussent trop plus de gens. Et pour attaindre à leur intention , avoient cerché une aultre tres-faulse voye, et par ce n'y cuidoient mie faillir.

Mais ce que Dieu garde est bien gardé. Car ils avoient envoyé leurs messaigers par toutes les terres des Sarrasins sur la marine de là environ, tant en Egypte, comme en Syrie , et par tout aultre part , pour annoncer et faire sçavoir la venue du mareschal, et dire que ils feussent sur leur garde : car il alloit sur eulx à grand ost. Et qu'il soit vray que la venue du mares- 7- 4

5o LIVUE DES FAICTS

clial feirent sçavoir les Vénitiens aux Sarrasins , feut certainement sceu, comme il sera cy après dict, et comment ce fut. Si en paroissoient bien les enseignes là endroict, et autre part, que advisez en avoient esté, et de longue main. Car tout le port et le rivaige de Tripoli estoit couvert de Sarrasins, qui tous armez là Fattendoient à recevoir aux pointes des lances. Laquelle chose ne peult estre que là ettst telle assemblée, si avant le coup n'en eussent esté advisez. Car ils estoyent en moult bel arroy de combatre, par grands batailles à cheval et à pied. Et y avoit des gens du Tamburlan bien environ six cent chevaulx, armez et couverts tant richement de fin veloux et drap d'or, et de tous habillemens riches, que oncques homme ne veid en bataille ne en faict d'armes plus belle chose, et ceulx qui dessus estoyent , estoyent armez de beaux paremens , et monstroient semblant d'estre gens de grand vigueur, et avoir désir de combatre , et sembloient estre personnes de grand honneur et de grand estât.

Quand le preux et vaillant mareschal veid celle assemblée, laquelle chose en pièce n'eust pensé, feut moult esmerveillé : mais non mie pourtant esbahy ne espouvanté. Ains dict à visaige hardy que pourtant ne lairroit à descendre , à l'ayde de Dieu , nonobstant que son conseil luy feist la chose moult doubteuse, pource que peu de gens estoyent contre tant de Sarrasins : mais il dict que pourtant ne lairroient. Adonc le ma* reschal envoya Montjoye le herault par les galées dire à tous qu'ils s'appareillassent de descendre à terre par belle ordonnance, comme il leur avoit ordonné. Apres ce tantost et vistement feit le dict mareschal ferir des proues à terre. Si preindrent haultement trom-

DU MARESCHAL DE B0UCICAUT. 5l

pettes à sonner, et les arbalestriers qui tous feurent rangez sur les gale'es , preindrent druëment à tirer pour faire retirer les Sarrasins, en sorte que nos gens peussent arriver. Et semblabiement tiroient vers les nostres leurs archers : mais leur trait ne feut mie pareil, ne de telle force. O Dieu, comme on pourroit là veoir bonne gent à l'espreuve, et comment l'efFect de leurs hardis couraiges comme de lyons se demonstroif . Et vrayement dict l'on bien vray, « Selon seigneur « maisgnéeduite('). » Car leur bon conduiseur par ses biensfaicts leur accroissoit le cœur, leur donnoit hardiesse, et leur ostoit toute peur.

Adonc veissiez commencer dur estrif contre ceulx qui les premiers descendoient, et contre eulx venoient les Sarrasins pour défendre le port, et les repousser à pointes de lances. Mais là veid-on hardiment saillir ces gens d'armes en l'eaiie, et entrer jusques au col pour aider à leurs compaignons. Ha Dieu que on dcibt bien priser, aimer et honnorer si noble gent, qui leurs corps et leurs vies exposent pour le bien de la Chrestienté, et bien doibt-on prier Dieu pour eulx et pour leurs semblables. Car quand ils sont bons, et font leur debvoir , c'est le sauvement d'un pays contre tous ennemis. Et certes on ne peult trop honnorer ne faire de bien à un vaillant homme d'armes; car moult en est le mestier périlleux. Et de tant que plus y a de peine et de difficulté, de tant en est -il plus digne de grand honneur et de grande rémunération. Ainsi comme vous voyez fut là grand estrif : caries Sarrasins fort se deffendoient, et les Chrestiens par grand vigueur les assail-

(O Selon seigneur maisgnée duite : proverbe qui signifie : le sort d'une armée dépend du chef qui la commande.

loient. Si vous asseure que là peust-on veoir faire maintes belles armes, main à main, et maint tour de bataille. Et là veid-on qui feut hardy, et qui bien s'y esprouva, et qui pris d'armes deust avoir. Car n'y convenoit mie petite force au port gaigner contre telle défense , où estoyent bien six Sarrasins contre un Chrestien. Si y souffrirent moult nos gens, et moult en y eut de morts<et de blessez. Et non pourtant la bonne fiance que ils avoient en Dieu , et Nostre Dame, et la vaillantise et prouesse de leur bon conduiseur qui là n'estoit mie oiseux, ains estoit fiché es plus drus coups, et là faisoit tant d'armes comme homme plus faire peut, leur donnoit force et couraige. Pour laquelle chose , à l'ayde de Dieu, tant s'y peinèrent, et tant y ferirent et travaillèrent, que malgré tous les Sarrasins preindrent terre, et gaignerent le port et la force du trait des arbalestriers , et des canons qu'ils leur lançoient de dedans les galées , feit les Sarrasins retirer. Si se reculèrent assez loing du port, et allèrent prendre place pour donner la bataille à nos gens.