CHAPITRE XX

La belle ordonnance du mareschal en ses batailles , et comment il desconfit les Sarrasins.

Àdonc les Sarrasins arrengerent leurs gens en belle bataille, et en très-belle ordonnance. Les gens de cheval, comme j'ay dict dessus , se meirent deçà et delà es deux aislesde la bataille de pied : etlà se teindrent de pied coy. Le vaillant mareschal de France feit un petit prendre

DU MAUESCHAL DE EOUCICAUT. 53

haleine à ses gens ; car moult avoient souffert de peine à gaigner le port. Si les feit boire un coup et eulx refraischir : car grand chauid faisoit, et puis les admonesta que ils feussent bonnes gens : car ilavoit espérance en Dieu , et en la vierge Marie y que ils auroient bonne journée. Si se meit en ordonnance, et en belle bataille. Et ainsi le petit pas tous joints, et serrez- ensemble, les lances; sur Les cols, allèrent vers les Sarrasins qui au champ les attendoient. Quand ils feurent approchez, trompettes preindrent à faire grand bruit, adonc commencea le trait grand et fier d'un costé et d'autre. Mais nos gens pour leur trait ne laissèrent que ils ne leur allassent courir sus fièrement, et de hardy couraige, par telle vertu que tous les Sarrasins espouventerent. Ha qu'est-ce que de vaillante gent? Un en vault mille, et mille faillis n'en vaillent un bon. Et vrayement est -il bien vray ce que dict Valere en parlant du faict des Romains, que cinq cent bons hommes peuvent et suffisent, telle fois advient, contre dix mille. Et que petite quantité' de bonne gent puisse forçoyer aulcunesfois contre grand foison , appert par ces vaillantes gens icy, par ce que il s'en ensuivit. Car dés l'assembler monstrerent-ils leur fierté, quand oncques ne s'esbahirent pour la quantité d'ennemis qu'iL voyoient contre eulx qui si peu de gens estoyent.

Si coururent sus aux Sarrasins par grand vertu , et leur bon Duc et conduiseur estoit entre sa gent qui leur donnoit exemple de ce que faire debvoient, et ks ennemis d'aultre part ne s y faignoient (0. Si fut* dure et aspre la bataille, où maints perdirent la vie

(0 JYe. s'y faignoient: ne s y uaéuugeoient pas.

de chascun costé. Mais trop avoient Sarrasins du pire. Car la hardiesse et force de nos gens, et le grand trait des arbalestriers les abatoit morts druè'ment, et ainsi dura grand pièce. Mais que vous dirois-je des armes que chascun feist, ne des coups que donna un chascun. Trop ma matière en eslongneroye. Mais pour ramentevoir en bref, sans faillir tant bien et tant vaillamment le feist le preux mareschal, que mieux ne peust. Aussi feit le grand maistre de Rhodes, nomme' messire Philebert de Nouillac, messire Remond de Lesture , prieur de Thoulouze, messire Pierre de JBoffremont, chevalier de Rhodes, et toute la compaignée du dict grand maistre. Si feit Chasteaumorant au cœur vaillant et fier, l'hermite de la Faye, qui de voyager ne feut onc recréant (0, messire Louys de Culan , maieschal de l'ost, et maints autres bons et vaillans chevaliers, dont pour cause de briefveté je tais les noms. Des escuyers Tercelet de Cheles , Jean de Nenny, Richard Monteille, Guillaume de Tollegny, etHiguenin son frère, Guillemin de Labesse, le bastard de Rebergues, Jean Dony, Regnauld de Camberonne, le Barois, et plusieurs autres vaillans escuyers, tous tant y feirent à la force de leurs bras, et à la vigueur de leurs couraiges, que à ton-jours mais eulx et tous ceulx qui là de leur compaignée se trouvèrent, en doibvent à tousjours estre honnorez. Et à bricf parler, l'effect de leur louange appert à l'œuvre. Car ceulx qui n'estoient pas plus d'environ deux mille combatans , se trouvèrent en ceste bataille tenir pied et estail à plus de quinze

C1) Ne feut onc recréant : ne se lassa jamais.

mille Sarrasins. Voire par telle vertu, que nonobstant leurs beaux chevaulx richement parez, et ceulx qui dessus estoyent bien armez, qui estoyent en nombre bien sept cent, qui de toute leur force mie ne s'y faignirent de rompre nos gens, et leur bataille, si ne peurent-ils souffrir le fais tant du traict des arbalestriers, comme des coups des bons Chrestiens ; ains leur conveint despîacer et se retirer, tant que petit à petit prirent à eulx départir et laisser la bataille. Mais ce ne fut mie sans leur très-grand dommaige, car moult en y eut de morts et d'affolez. Et ainsi se départirent les Sarrasins, qui partir peut. Et nos gens moult ne les suivirent, ains se teindrent là tout coys. Et les ennemis* tant par force comme par cautele s'esloignerent de fa marine : car ils cuiderent que les Chrestiens les suivissent, et pensèrent que quand ils seroient loing de leur navire, ils se mettroient entre eulx et le navire. Et ainsi les enclorroient.

Mais le saige mareschal, à qui rien d'armes ne convenoit apprendre, fut tout advisé de leur cautele, pour ce ne les voulut suivie. Mais ores oyez grande hardiesse de chevalier, et courageuse volonté de vaillant chevetaine. Quand les Sarrasins feurent eslongnez, il meit derechef ses batailles en ordonnance, et défendit sur peine de perdre la vie que nul ne feust tant hardjr de retourner en gale'e, ne de déguerpir la place. Sifeit son navire tirer arrière, et dit, que sans faillir il combatroit derechef les Sarrasins. De ce propos ne peut estre desmeu, nonobstant que plusieurs luy conseillassent que plus n'en feist. Car assez y avoit acquis honneur, ce leur sembloit. Mais à ce ne voulut-il entendre.

Si feut ordonnée son avant-garde, puis sa grosse bataille, et après Tarriere-garde, et aux clievetains bien commeit ce qu'ils debvoient faire, si les pria et enhorta de eulx y bien porter. Quand les Sarrasins veirent le saige appareil, et la grande hardiesse du vaillant chevetaine et de sa gent , ils doubterent , et grand semblant en feirent. Car ils se partirent de là où ils estoyent, et allèrent prendre place coste les jardins de Tripoli, qui moult sont drus et espais, afin que si besoing eussent de fuir se fichassent dedans. Là ordonnèrent en leur bataille les gens à pied, et es deux aisles les gens de cheval. Le mareschal envoya l'avant-garde premièrement assembler, et la conduisit messire Louys de Culan son mareschal, et il la suivoit de près à tout sa bataille. Quand ils feurent approchez des Sarrasins, de beau traict les saluèrent, et au réciproque les Sarrasins eulx, et puis vistement les allèrent assaillir, et iceulx fort se défendirent : mais nos gens de près les requirent, et si fort les pressèrent que ils prirent à chanceler» Quand ceulx de cheval veirent les leurs qui se prenoient à reculer, ils se départirent, et cuiderent venir enclorre la bataille du mareschal, mais ceulx de l'arriere-garde par tel randon (0 les prirent à servir de bon traict, que oncques enfoncer ne les peurent. Adonc leur courut sus le fier mareschal à tout sa bataille, et main à main prirent à combatre. Et là y eut assez d'hommes et chevaulx abatus , qui depuis ne relevèrent. Si feurent toutes les batailles assemble'es où il y eut fiere meslée , et des morts et des navrez largement de tous costez. Mais à quoy plus long compte vous en ferois-

(*) Randon : promptitude, impétuosité.

je? A tant alla la chose, que plus n'eurent pouvoir les Sarrasins de tenir estail, ne de souffrir, et fuir les conveint pour garentir leurs vies. Si leur feirent les jardins bon mestier, esquels desconfits se fichèrent ceulx qui eschapper peurent. Si guerpirent la place, et fuit qui peut : mais maint en y eut qui si près feu-' rent pris, qu'espace n'eurent de fuir : ains y laissèrent les vies, et ainsi se cachèrent là les fuitifs de la bataille et le demeurant des morts.

Le mareschal qui ainsi les voyoit là fuir à garant, à peu qu'il n'enrageoit dont iceulx luy eschappoient, et tant estoit sur eulx acharné qu'après eulx es jardins ficher se vouloit. Mais ceulx qui l'aimoient le prièrent pour Dieu que il ne le feist : car trop y sont les lieux divers et destournez, parquoy s'ils y fichoient jamais pied, n'en retourneroit. Si s'arresta là, et se teint au champ grand pièce pour attendre et veoir si de nulle part Sarrasins fâuldi oient pour le combatre, et si ceulx qui fuis estoient se rassembleroient : mais de ce n'avoient-ils garde, car nul n'en avoit vouloir. Et quand assez eut attendu, et que chascun luy disoit qu'il s'en retournast en son navire, et qu'il avoit eu belle journée, s'en reveint en belle ordonnance l'avant-garde devant, et la bataille après, et puis l'arriere-garde. Et en tel arroy, et en louant Dieu se bouta en son navire.