LIVRE DES FAICTS DE BOUCICAUT

autres des vostres que vouldrez semblablement à ce commettre , afin que les dictes galées soyent semblables, et que icelles galées chascun puisse armer à sa volonté, en tel nombre et quantité de gens comme bon luy semblera. A la charge que tous ceulx d'icelle vostre galée soyent Vénitiens, et ceulx de la mienne François et Genevois, pour les causes dessus dictes. Et que en certain lieu par nous accordé nous trouvions à toutes nos dictes deux galées, pour combatre jusques à tant que l'une d'icelles par l'autre soit outrée et vaincue. Toutcsfois avant que la dicte bataille se face, je vouldrois avoir bonne seureté, que en nulle manière par vous, ne par vostre pourcbas, occultement, ne paloisement, fors seulement par la galée qui seule à moy se debvroit combatre, et par les gens qui dessus icelle seroyent, ne me soit faict offense, et semblablement je le vous veulx faire.

« Et si l'une de ces. trois offres vous est agréable, je vouldroye que l'effet d'icelle que mieulx vouldriez feust brief. Pource que tout faict de guerre et de bataille se doibt plus mener par œuvres que par paroles. Et eue vostre responce, à l'ayde de Dieu, de IVostre Dame, et de monseigneur sainct George, en bref je seray prest de l'accomplir. Et pour monstrer que ceste chose vient de ma certaine science et pure volonté, et que j'ay entier vouloir et parfaict désir de l'accomplir à mon loyal pouvoir, j'ai seellé ces lettres du seel de mes armes; faictes et escriptes au palais royal à Gennes, le sixiesme jour de juin iZfO/J.. »