CHAPITRE PREMIER

Çj commence la troisiesme partie de ce livre > laquelle parle des faicts que le mareschal feit depuis le temps que il feut retourné du voyage de Syrie jusques à ores. Premièrement parle des seigneurs italiens qui desiroient avoir Vaccointance du mareschal, pour les grands biens que ils oyoient dire de luy.

Apres que ces choses feurent toutes appaisées , et que le mareschal estoit à séjour à Germes, comme la renommée feust ja grande en toutes parts de ses vertus et biensfaicts, et toute Italie en feust plaine, feurent aulcuns seigneurs du dict pays, qui moult l'aimèrent, et désirèrent son accointance. Entre lesquels feut le seigneur de Padoiie, qui moult estoit de grande bonté, vaillant aux armes, et bien morigéné ; et pour ce air

10^ LIVRE DES FÀÏCT3

moit-il le mareschal. Car comme dict le proverbe commun , chascun aime son semblable. Et pour le grand amour, qu'il luy portoit, et le désir qu'il avoit de le voir, veint vers luy à Gennes, après ce que par plusieurs fois luy eust escript. Si le receut le mareschal à grant honneur, et moult grand chère luy feit. Laquelle il eut tant agréable, et tant le prisa et aima, que tous les François prit à aimer pour l'amour de luy. Et adonc le bon loyal mareschal, qui tousjours taschoit à accroistre l'honneur et le bien de son souverain seigneur le roy de France, ne musa mie : ains tant saigement se gouverna avec le dict seigneur de Padoiie, que par ses bons admonestemens feit tant qu'il deveint homme du Roy, et recongneut de luy la seigneurie de Padoiie et de Vérone, qui sont deux. grosses citez, et de tout son pays, et en feit hommaige au Roy en la personne du mareschal, lequel le receut joyeusement.

Semblablement comme avoit faict le seigneur de Padoiie, se tira devers le mareschal, pour la renommée de sa grande bonté', la comtesse de Pise, et son fils messire Gabriel Marie, et de leur volonté et propre mouvement feirent hommaige au Roy en la personne du mareschal, de la seigneurie de Pise et de tout le comté. Et moult se offrirent à luy faire tout le service que faire luy pourroient, si besoing en avoit. Et il les en remercia grandement, et moult les honnora et festoya tant que avec luy feurent. Si cloibt bien avoir cher tout roy ou prince tel serviteur, et loyal lieutenant et chevetaine, qui tousjours est en soin d'accroistre, augmenter et multiplier le preu et l'honneur de son seigneur.

DU MARESCHÀL DE BOUCICÀUT. Io5

^"Tyvi VML/V VVÛ/^ VVVW VMlAi/ VMVV LAV^/^