CHAPITRE XL

Comment le mareschal envoya par escript au roy de France, a nosseigneurs > et au conseil , V accord qu'il avoit faict avec les Florentins du faict de Pise ; lequel le Roy et nosseigneurs agréèrent par leurs lettres. Et comment depuis par feintise les Pisains se voulurent donner au duc de Bourgongne.

Le dict accord faict et passé, tantost le mareschal Fescrivit au Roy, à son conseil, et à nosseigneurs les ducs, et manda par escript toutes les clauses et la manière des convenances, en suppliant au Roy, que au cas que par son conseil seroit veu que le dict accord luy feust bon, profictable et honnorable , et que nos dicts seigneurs l'eussent agréable , que il luy pleust le ratifier et confirmer par ses lettres, seellées et passées par son conseil , presens ses dicts oncles , desquels il requeroit aussi avoir les certifications et verifiement parleurs seaulx autentiques. A celle fin que la chose feust stable et ferme à tousjours, et sans que jamais nulle des parties repentir se peust, ne desdire le dict accord.

Quand ces nouvelles feurent venues au Roy, fut en conseil regardée la chose. Si fut par le Roy, par

nos dicts seigneurs et tous les saiges moult loué le mareschal , de sa prudence et de son sçavoir , qui si saige manière avoit tenue que il avoit amené au Roy deux seigneuries pour une , qui moult pouvoit estre chose valable a ce royaulme, grand honneur et grand bien pour l'Eglise, et profict pour la seigneurie de Gennes„ Et pour toutes ces choses , et les autres biens que le dict mareschal avoit achevez et achevoit chascun jour par son grand sçavoir, moult le louèrent, et grand gré luy en sceurent, et ainsi l'agréèrent. Si confirma le Roy la chose par ses lettres patentes , tout en la manière que le mareschal l'avoit accordé, et nosseigneurs pareillement, qui tous jurèrent de n'aller jamais à rencontre, et ainsi le certifièrent par leurs seellez. Et feurent les dictes lectres de certification envoyées au mareschal , qui tantost les bailla aux Florentins, qui grand joye en eurent, et pour contents s'en teindrent. Toutes ces choses faictes, tantost et sans delay les Florentins envoyèrent le vidimus des lettres de leur achapt aux Pisains, et leur mandèrent que ils obéissent à leur seigneurie, comme faire le debvoient, comme apparoir leur pouvoit, ou ils leur meneroient guerre, et par force les conquerroient. Si leur seroient de tant plus durs,, comme plus rebelles les auroient trouvez.

Les Pisains de tout ce ne feirent compte, ains respondirent que rien n'en feroient, et que qui guerre leur feroit, bien et bel se defendroient, et qu'ils ne crai>gnoient ame. Adonc fort et ferme les Florentins les assaillirent et coururent sus, «et en peu de jours moult les endommaigerent. Et de faict assiégèrent Pise ; et les Pisains moult bien se défendirent, si que n'estoit

l36 LIVRE DES FAICTS

mie légère chose à les conquérir. Quand la guerre eut duré ja plus d'un an, les Pisains qui bien voyoient que au dernier tenir ne se pourroient contre la force des Florentins, et de leurs aydes , voulurent pour avoir secours user de cauteles et malices que autresfois avoient faict. Si envoyèrent leurs messaigers à Lancelot (0, qui se dict roy de Naples, et luy mandèrent qu'ils se donneroient à luy, mais que il les veint secourir à grande arme'e, et lever le siège qui les tenoit enclos. Il respondit que si feroit-il sans faulte. Et par l'espérance que il leur donna se teindrent plus forts. Mais ce fut en vain : car autre occupation le destourna ; si qu'il n'y peut venir ny envoyer. Et tousjours alloit affaiblissant la force des Pisains, et estoit merveilles comment tenir se pouvoient; car plus de deux ans avoient ja souffert celle pestilence , où. on leur livroit souvent de durs assaults. Si preindrent moult à diminuer : car la famine de dedans fort les destraignoit, et la guerre de dehors mal les menoit. Si ne sçavoicnt quel tour prendre : car ils disoient que plustost se donneroient aux Sarrasins si faire le pouvoient, ou que tous plustost mourroient que ils se rendissent aux Florentins. Si voulurent derechef user de leurs cauteles, en espérance de saillir par celle voye hors du meschef qui les contraignoit.

x4.donc envoyèrent leurs ambassadeurs en France garnis de belles paroles , et mandèrent au duc de Bourgongne que ils se donnoient à luy entièrement : mais que il les voulust secourir contre les Florentins, et faire tant que lesiegefeust levé. Leducn'acceptapas tost ceste chose, veu l'accord devant dict que il avoit

{') Lancelot : Ladislas.

DU MARESCHAL DE BOUCICÀUT. iS^

agréé , et ne debvoit aller à l'encontre. Parquoy les dicts ambassadeurs qui assez sçavoient le tour de leur baston, se retirèrent devers anlcuns des conseillers du duc d'Orléans frère du Roy, et largement leur promeuvent, si tant pouvoient faire que aulcun remède feust mis en ceste chose. Dont il s'ensuivit que par i'enhortement d'iceulx conseillers, le dict duc d'Orléans et le duc de Bourgongne cousins germains , se tirèrent devers le Roy, et le prièrent que il leur voulust donner licence d'accepter icelle donation , et leur transporter tel droict qu'il y pouvoit avoir. A bref parler tant l'en timonnerent, que luy qui envis rien n'eust refusé à son frère , et aussi conseillé par aulcuns de ce faire , le va octroyer. Parquoy tantost et sans delay ils escripvirent à ceulx de Florence que ils se départissent du siège, et se déportassent de plus guerroyer les Pisains. Pareillement ils escripvirent au mareschal que plus ne donnast confort ne ayde aux Florentins, ains aydast de toute sa puissance à ceulx de Pise qui à eulx s'estoyent donnez, et feist tant par force qu'il levast le siège.

Quand le mareschal entendit ceste chose il feut moult esmerveillé, veu l'accord qu'ils avoyent agréé, et que luy mesme avoit juré et promis de non aller à l'encontre. A laquelle chose, comme preud'homme qu'il est , pour mourir ne se voulut parjurer , ne aller contre son scellé. Si respondit que ce ne pouvoit-il pas faire sauf son honneur. Si n'estoit pas légère chose de forçoyer contre si grand puissance comme estoit celle des Florentins. Car moult y conviendroit grand foison de gens d'armes, dont mal estoit garny pour l'heure, et grande finance d'argent pour telle chose

l38 LIVRE BES FAICT3

entreprendre. Si conviendroit que par especial à ces deux chosespourveussent, s'ils vouloient la choseencommencer, pour en venir à leur intention. De leurs lettres les Florentins ne teindrent compte , ny ne se déportèrent de la guerre, ains procédèrent de plus en plus, nonobstant que plusieurs capitaines et François se départissent du siège , et de l'ayde des Florentins, pour non encourir le maltalent de nos dicts seigneurs. Et à brief parler tant continuèrent la guerre, que plus ne se pouvoient les Pisains tenir, qui souvent envoy oient en France requérir secours : mais c'estoit parce que plus n'en pouvoient, et on les secouroit de lettres envoyer aux Florentins que ils se déportassent, ou ils encoureroientleur ire. Mais tout ce rien n'y valoit, ains s'en mocquoient, et disoient que c'estoit jeu d'enfant d'octroyer et puis vouloir retollir, et que ainsi n'iroit mie. Et n'estoit pas grand honneur à la maison de France telle variation , comme d'aller contre ce qui estoit promis et seellé.

Ainsi arguant, tant continuèrent la guerre les Florentins, que ils veinrent à chef de leur emprise, et par force preindrent la cité de Pise, et entrèrent dedans malgré les Pisains , nonobstant que le Roy à l'instigation de nos dicts seigneurs les eust envoyez défier pour celle cause. Si pouvons dire et penser qu'il en est aux Florentins de tenir ou non les convenances du susdict traicté ; puis que le Roy avoit revocqué l'accord faict avec eulx, et depuis sont venus à leur intention. Ainsi et par ceste manière que j'ay racomptée au vray, qui que aultrement le vouldroit dire, fut commencé et terminé le faict de Pise subjuguée par les Florentins.

DU MARESCHAL DE BOUCICÀUT. l3y