CHAPITRE X

1/ accord qui fut faict entre le mareschal et les Florentins dufaict de Pise.

Adonc voulut parfaire messire Gabriel son traicté avec les Florentins : mais le mareschal s'y opposa, et dict que il ne consentiroit point que autres eussent la seigneurie de l'heritaige dont une fois avoit este faict hommaige au Roy, et que plnstost il feroit bonne guerre aux Pisains ; et les conquerroit par force. Quand messire Gabriel veid ce, il se conseilla avec les Florentins. Si conclurent un tel appointement ensemble, que afin qu'il s'y consentist les dicts Florentins deviendroient hommes et feaulx du Roy de la seigneurie de Pise, tout en la manière que l'estoit messire Gabriel. Et quand ainsi l'eurent appointe', ils le veindrent dire au mareschal, lequel leur respondit, que quelque chose que il accordast, ils feussent seurs que jour de sa vie ne consentiroit que le chastel de Ligourne issist hors de ses mains, ne allast en seigneurie estrangere. Car ce seroit au préjudice des Genevois, desquels il debvoit garder et accroistre les juris-

l32 LIVRE DES FAICTS

diction et puissance. Mais au surplus il y penseroit, et le lendemain retournassent.

Adonc va dire messire Gabriel qui là estoit, que deslors desja vouloit et se consentoit, et belles lettres luy en feroit, que quelque marché que il feist avec les Florentins, ou à aultre, que le dict chastel de Ligourne feust nuëment et absolument au mareschal. Car tant avoit pour luy travaillé et faict de bien, que assez l'a voit desservy. Et iceulx respondirent que pour celle cause il n'y auroit débat entre eulx. Celle nuict pensa le mareschal à ceste chose, et advisa que au fort par celle manière que ils luy avoient offert le Roy n'y perdoit rien ; ains y gaigneroit. Car il auroit pour une puissance et seigneurie deux, c'est à sçavoir Pise, voulsissent les Pisains ou non, et les Florentins avec, qui moult est grande puissance, qui seroyent par cest accord hommes du Roy. Si délibéra que il s'y accorderoit, mais que ils voulussent encores luy concéder et octroyer aulcunes choses que il leur requerroit. Esquelles requestes le bon chrestien n'oublioit point sa mère Saincte Eglise, de laquelle tousjours et sans cesser en avoit à cœur la paix et union, comme dict est devant.

Le lendemain quand ils feurent retournez vers luy, il leur dict que à ce dequoy ils luy avoyent parlé s'accorderoit assez, c'est à sçavoir que les Florentins teinssent Pise, la citadele, et toutes les appartenances du comté, excepté le dict chastel de Ligourne, et que ils en feissent hommaige au Roy, et deveinssent ses hommes liges : mais que ils voulussent accorder, promettre, jurer, et eulx obliger, que à tousjours et à jamais ne feroient marchandise sur mer, fors sur les

naves et vaisseaux de Gennes, et des Genevois. Item, que un mois après que ils auroient gaigné la seigneurie par force, ou autrement, ils se declareroient pour nostre sainct père le Pape, et feurent chargez d'y faire obéir les dicts Pisains. Item> que six mois après la dicte conqueste, si l'esleu de Piome estoit encores en son erreur, et y voulust persévérer, que ils feussent obligez de luy faire guerre avec les François et Genevois, si mestier estoit, et si on les en requeroit et manifestement se monstrassent ses ennemis. Item ; que posé que ils luy accordassent toutes ces choses, que il vouioit que la manière de leur accord et traicté feust envoyée en France au R.oy et au conseil, sans lequel assentement il ne vouioit point passer la chose, ne que ce feust du tout à sa charge, et que ce debvoient-ils bien vouloir. Car si la chose estoit passée par le Roy et par son conseil, plus grande seureté à tousjours seroit pour eulx. Et que s'ils se vouloient tenir à cest accord, que il se faisoit fort de leur en faire avoir lettres passées et seellées du Roy et de son conseil, et de nosseigneurs de France.

Quand le mareschal eust tout dict, les ambassadeurs de Florence dirent que ils iroient sçavoir la volonté sur ces choses de leur seigneurie, et puis retourneroient luy dire la responce. A brief parler ils retournèrent à tout lettres de puissance de pouvoir passer le dict accord que ils agreoient entièrement* Si fut là messire Gabriel , et bien cent des plus suffisans gentils -hommes et citadins de Gennes, que le mareschal y avoit faict venir. Car il vouioit que ils feussent presens, et que la chose feust faicte par leur accord et bon vouloir. Si fut adonc la chose du tout

l34 LIVRE DES FAICTS

accordée, jurée et promise a tenir entre eulx, sans jamais aller à rencontre , et belles lettres passées , seellées et certifiées au gré des parties.