CHAPITRE XIII

Cj devise par exemples comment les bons sont communément enviez.

A ce propos racompte Valere de Scipion l'Afriquain le premier, lequel tant augmenta et accreut le bien public des Romains, queilfeitRomedamedeCarthage et du pays d'Afrique, qui par long temps avoit guerroyé les Romains, et leur avoit porté tant de dommaige que quasi les avoit tous destruicts : mais par la vaillance et prouesse du dict Scipion la fortune retourna tellement sur les Carthaginois , que ils feurent subjuguez et destruicts par les dicts Romains. Mais la grande abondance de vertus qui estoyent en celuy vaillant homme, embrasa tellement les envieux contre luy , que ils feirent tant que les Romains ingrats et non recongnoissans récompensèrent au dernier ses dignes oeuvres d'injures et de vilainies. Car ils adjousterent plus grande foy aux mesdisans envieux, qui faulsement l'accusoient de choses controuvées, que ils ne regardèrent aux grands biens que il leur avoit faicts. Si l'envoyèrent en exil en une pauvre cité entre palus et déserts que on appelloit Linterne, et là usa ce noble homme sa vie qui moult avoit esté honnorable, et tout fut par envie. Car il n'est chose qui soit plus griefve à l'envieux mauvais que de veoir devant soy ou de oiïir louer le bon et vertueux.

Mais à revenir au propos du mareschal, sont au-

cuns qui client aujourd'huy que la plus grand partie des Genevois n'aiment mie le mareschal , et bien luy ont cuidé monstrer, par ce que plusieurs fois l'ont les aucuns d'eulx voulu trahir et emprisonner, et que au dernier le bouteront hors, et par cesie raison concluent les dicts mesdisans que ce n'est mie signe qu'il soit bon ne droicturier, et que si convenablement les gouvernoit, tous l'aimeroient. Mais cest argument n'est mie bon ne vray. Car qu'il ne soit aimé de la plus grand partie ce peult bien estre ; car communément en une communauté de gens, plus en y a de mauvais que de bons. Et il n'est rien que les mauvais et les larrons bayent tant comme justice , et ceulx qui la tiennent et font. Mais sans faillir tous les bons de Gennes l'aiment comme leur ame. Et pourquoy ne feroient-ils? Car il les a gardez d'estre péris par les mains des mauvais. Et posons que il feust ores de tous hay, si ne s'ensuit-il pas pourtant qu'il soit vitieux ne défaillant, comme on peult prouver par exemples. Ne dict pas Valere et racompte du bon Lycurgus roy de Lacedemone, lequel feut si vaillant homme, que les saiges dirent de luy que il avoit mieulx nature divine que humaine , et par son grand sçavoir feit loix et establissemens moult droicturiers, lesquels il bailla aux Lacedemoniens , qui paravant nulles n'en avoient, et vivoient comme bestes , et les garda et défendit de maints grands inconveniens, et augmenta et accreut moult la seigneurie du pays. Mais nonobstant tous ses biensfaicts et bonnes vertus , et l'amour qu'il avoit eue et avoit au pays , et ses belles loix tant subtilement trouvées ne le peurent garantir qu'il ne trouvas t ses citoyens si haineux et mal-veuillans à luy, que à la pre-

DU MAÎIESCHAL DE BOUCICAUT. tfâ

miere fois le chassèrent du palais , et l'autre fois le boutèrent hors de la ville comme tous forcenez, et finalement le chassèrent du pays. Pour lesquelles choses Valere dict, « Et qui aura doncques fiance aux com- « munautez des autres citez et pays, quand la cité de « Lacedemone qui s'attribue la souveraine louange « d'attrempance (0 et recongnoissance, fut si ingrate « envers celuy qui tant de biens luy avoit faicts? »

Et à ce propos encores de l'ingratitude des communautez des villes, donnons-en derechef exemple, afin que nul ne s'y fie , ne croye que leurs jugemens soyent droicturiers, et que à juste cause bayent et exilent les hommes. Parle encores Valere de l'ingratitude des Athéniens contre Aristides le tres-sainct et juste homme, duquel il est parlé en toute l'histoire des Grecs pour sa très-grande bonté, mais le mérite que il eut pour ses biensfaicts feut que ils le boutèrent hors du pays, pource qu'il estoit trop juste. Dont Valere dict ces paroles, « Aristides qui meit à la mesure de « justice tout le pays de Grèce, et qui feut le mirouer « de continence et de vertu , feut bouté hors d'A- « thenes , avec lequel s'en alla toute droiture. »