CHAPITRE XIV

Cy preuve par exemples que on ne doibt mie lousjours croire ?ie adjouter foy en paroles et opinions de peuple.

Je baille ces exemples pour preuve que les jugemens de communauté de peuple ne sont mie tousjours à ap-

(0 Attrempance : modération.

l44 LIVRE DES FAICTS

prouver : mais sont souventesfois à reprouver comme desraisonnables. Ce qui est toutesfois contre un proverbe que aucuns client, qui dict «Voix de peuple, voix « de Dieu. » Mais je dis que souventesfois est voix de diable. Comme apparut quand le peuple ingrat de Hierusalem cria contre nostre Seigneur Jésus Christ, « Cruci- « fiez-le, crucifiez-le. » Et qu'il soit vray que raison n'y ait au jugement du peuple, Valere le tesmoingne, lequel entre les autres exemples que il donne à ce propos, dit que un solemnel musicien que on nommoit Antigenidas avoit une fois moult bien introduit un sien disciple en la dicte science de musique, si joùoit par très-grand art d'un instrument de bouche. Le maistre feit venir son disciple jouer devant le peuple ; afin que son sçavoir feust congneu et apperceu : mais le rude peuple vilain et mal enseigné, qui en telle maistrise ne se congnoissoit, et qui telle mélodie n'avoit appris à oiiir, n'en feit compte, ains despriserent son sçavoir. Quand le dict maistre veid ce, il dit à son disciple « Tourne toy « vers ma face , et chante à moy et aux sciences. » Comme s'il eust voulu dire, « Ces gens cy sont bes- « tiaux, ils ne sont pas dignes d'oiiir telles choses. » Et à vray dire, tout ainsi advient-il souventesfois que maints vaillans gens, et bons en prouesse ou en sçavoir , sont et se trouvent en maintes places où leurs faicts et leurs dicts ne sont point congneus ne reputez selon qu'ils ont mérité, mais semble que on n'en tienne compte. Mais non pourtant les bons et les saiges qui les voyent bien faire et bien dire, et qui se congnoissent en tels œuvres, ne les prisent pas moins, ains les honnorent et louent grandement, comme il appartient. Car vertu et vaillance, ou parfaicte science, tant

DU MARESCIIAL DE BOUCICÀUT. 1^.5

soit-elle foulée , ne laisse pas pourtant d'avoir d'aucuns la louange que elle doibt avoir , et que en soy mesme la personne qui bien faict ne juge que l'œuvre soit bon.