CHAPITRE XXII
Cy devise comment messire Gabriel Marie , bastard du duc de Milan, cuida usurper au roj la seigneurie de Gennes > et comment il eut la teste couppée.
Dict vous ay cy devant comment messire Gabriel Marie, bastard du premier duc de Milan, vendit la cité de Pise aux Florentins, et comment le mareschal à toutes ses besongnes lui avoit esté amy, voire si amy luy avoit esté , que par maintes fois luy avoit sauvé la vie , et gardé de faim , et de maints autres encombriers. C'est chose vraye. Mais iceluy Gabriel mauvais et desloyal, comme il y parut, luy en cuida
1^6 1IVÏIE DES FAlC:tS
rendre si petit guerdon(0, comme de se parforcer de usurper au Roy et soustraire la seigneurie de Gennes, comme par moy vous sera devisé.
Il est vray que quand iceluy messire Gabriel eust faicte la dicte vendition de Pise, il alla demeurer avec le jeune duc de Milan et le comte de Pavie ses frères, qui benignement le receurent. Et à brief dire, quoy que ils le ti dictassent amiablement comme frère , il se porta si mal vers eulx , que il attira tant de gens vers soy , par ses tromperies , que il osa faire guerre à ses dicts frères. Et de faict se bouta en une forte place de Milan , que on dit la citadelle, et la teint par force, en cuidant pouvoir forçoyer contre eulx. Mais sa présomption le deceut) car il conveint au dernier que par nécessité de vivres et par force de famine il se rendist. Laquelle chose feut saufve sa vie. Et le duc de Milan pour celuy meffaict le bannit à certain terme, et le confina à aller demeurer en la cité d'Ast, qui est au duc d'Orléans. Laquelle chose jura et promeit. Mais de ce serment Se parjura , et feit tout le contraire. Car il s'en alla au pays de Lombardie devers Facin Kan , qui est un grand tyran , et meneur de compaignée de gens d'armes, ennemy de Dieu, et de nature humaine. Car tous maulx , occisions et dommaiges sont et ont esté par long temps par luy faicts et exécutez. Ce Facin Kan est ennemy du roy de France, et très-grand adversaire du dict duc de Milan , et du comte de Pavie son frère. Et se teint le dict Gabriel en une cité que Facin avoit usurpée , laquelle se nomme Alexandrie de la paille , l'espace d'un an , en portant de tout son pouvoir mal et dommaige à ses dicts frères.
(') Gaerdon : récompense.
DU MARESCHAL DE BOTTCICAUT. inn
En ces entrefaictes ne luy suffit pas eeste seule mauvaistié, ains luy et son desloyal compaignon le dict Facin Kan vont machiner grande mauvaistie' , si à chef l'eussent peu mectre. Mais Dieu de sa grâce ne le voulut consentir. Ce feut que ils proposèrent d'oster au Roy la seigneurie de Gennes, y occire tous les François , et l'attribuer à eulx , ou au moins , si tout ce faire ne pouvoient , mettre la vdle à sac, qui est à dire la courir et piller, et eulx en aller à tout la proye. Ceste chose délibérée entre eulx, feirent tant que aucuns Guibelins feurent de leur accord. Si estoit telle leur intention , que le dict Gabriel , qui tousjours avoit trouvé amitié et courtoisie au mareschal , viendroit à Gennes devers luy, et demanderait marque sur les Florentins pour aulcun reste de deniers que encores luy debvoient à cause de la vendition de Pise, et par celle voye, tandis que à Gennes seroit, pourvoit adviser la manière de mettre à fin ceste entreprise. Ceste chose délibérée, manda au m-u eschal que il luy pleust que devers luy veinst ; laquelle chose il octroya volontiers. Mais non pourtant Gabriel , avant qu'il y veinst envoya demander au dict mareschal un saufconduict , pource qu'il avoit demeuré avec Facin Kan , ennemy du Roy et des Genevois. Et il luy donna , mais non pourtant pour faire dommaige en nulle manière à luy ou à la dicte seigneurie de Gennes.
Et ainsi y veint messire Gabriel, et le mareschal luy donna la marque que il demandoit, et le traictoit aussi amiablement pour l'amour de son feu père, comme si ce feust son frère. Et à ses despens y feut environ six mois , en monstrant signe de poursuivre la dicte 7, 12
marque, mais à autre chose pensoit. Car c'estoitpour tousjours aclviser son point, pour à son pouvoir parfournir sa trahison. Mais la saige prévoyance du mareschal ne luy soufïroit avoir opportunité , ny espace. Toutesfois pour entrer en son faict, avoit ja demandé au dict mareschal congé de passer huict cent chevaux par la ville et rivaige de Gennes , lesquels il vouloit mener de Toscane en Lombardie , pour certain sien affaire, comme il disoit. Lequel congé il luy avoit donné. Mais Dieu qui ja par tant de fois a gardé de mal et d'encombrier son servant le mareschal , ne voulut que plus feust ceste mauvaistié celée , laquelle feut par estrange manière , descouverte en telle manière.
En celuy temps le mareschal faisoit tenir le siège devant un chastel que on nomme Cromolin , que te noit contre le Roy et la seigneurie de Gennes un mauvais rebelle nommé Thomas Maie pine, qui estoit de l'entreprise de Gabriel et de Facin Kan. Adveint une fois entre les autres, comme Dieu le voulut, que un autre Genevois qui estoit dehors au siège, prist fort à debatre avec celuy Thomas qui sur le mur du chastel estoit. En disant, que mal luy viendroit d'estre ainsi rebelle au Roy et à sa seigneurie, et que mieulxferoit de se rendre, et donner obéissance, comme raison estoit. À brief dire, grosses paroles eurent entre eulx, et s'entredirent de grandes vilenies, tant que le dict Genevois dit à celuy Thomas que il luy verroit coupper la teste sur la place de Gennes. Adonc l'ire extresme et le despit que le dict Thomas eust , le feit eslargir de paroles, selon la vanité de son couraige. Si respondit, « Et je te promets que avant que il
totJ MARESCHAL DE EOUCICÂUT. IHQ
«t soit gueres de jours tu me verras aller par entre les « changes (0 de Gennes. »
La parole que cestuy dict feut moult pesée des oyans , qui tantost pensèrent que jamais cestuy-cy n'auroit la hardiesse de se tant tenir, s'il n'avoit port et espérance d'aucun. Si feut tantost tenu suspect le dict Gabriel, à cause de Facin Kan. Mais pour en sçavoir la certaineté , feut par secret conseil ordonné une certaine quantité de bons hommes d'armes , loyaux au Roy et à la seigneurie, qui feurent envoyez sur les montaignes environ Gennes , pour prendre garde si nul messaige ne pourroit aller ne venir de Gabriel à Facin Kan. Don" il adveintun jour, comme ils estoyent là en espie, que ils veirent venir un cornpaignon à cheval. Tantost coururent sur luy à tout dagues et espées niies, disans « Traistre tu es mort. « Car nous voyons bien à la devise que tu portes que « tu es à ce faulx traistre Gabriel, qui est amy du « mareschal que nous hayons sur tous. Car par luy « sommes bannis de Gennes, si compareras le malce talent que nous avons à luy. »
Adonc celuy qui cuida que ilsdeissent vray, et que ils feussent des bannis de la ville, haineux du mareschal , leur dict que pour Dieu ne le tuassent pas , et que puis que ennemis du dict mareschal estoyent, telle chose leur annonceroit, que s'ils en vouloient estre participans, ils seroient tous riches. Adonc iceulx faisans semblant que bien leur pleust ceste chose, luy tirèrent de bouche toute l'entreprise , et comment il portoit lettres à Facin Kan de par Gabriel, que il avoit entre les semelles de ses souliers. Lors iceulx
(*) Les changes : la banque.
l8o LIVRE DES FAICTS DE BOUGICÀUT.
faisans accroire que ils le meneroient sauvement avec eulx, le menèrent à Gennes. Dont il se trouva esbahy, et secrètement fut examine , et tantost recongneut toute la chose.
Si feut pris messire Gabriel, qui garde ne s'en donnoit, au palais de la ville, auquel habite le mareschal, où s'estoit allé esbatre , pour adviser le lieu , afin de mieulx parfournir sa trahison. Et à tant feut mené, que de sa propre bouche recongneut tout le faict. Et comment à certain jour Facin Kan debvoit venir à tout deux mille chevaux et trois mille hommes de pied devant les portes de Gennes, et crier « Vive partie « Gibeline. » Que adonc quand les gens du mareschal et les Genevois sortiroient dehors contre luy, messire Gabriel à tout ses huict cent chevaulx debvoit faire semblant de saillir en leur ayde, et avec eulx contre le dict Facin. Mais il -tien-droit la porte ouverte, pour donner lieu au dict Facin d'entrer dedans. Et que au cas que les Gibelins de Gennes se feussent voulu rebeller , ils eussent esté avec eulx si forts que tous les gens du Roy eussent tué. Et au cas qu'ils ne se rebellassent, que au moins courroient-ils la ville et la pilleroient, puis s'en iroient. Si eut après ceste confession messire Gabriel la teste trenchée, comme il l'avoit bien desservy.
