CHAPITRE XXI
Cj devise comment le mareschal en venant par mer de Gennes en Provence , combatit quatre galées de Mores s oîi grande foison en y eut d'occis.
Le bon champion de Jésus Christ , c'est à sçavoir le mareschal , qui est de cœur , de volonté et de faict le vray persécuteur des mescreans, eut volonté d'aller en Provence veoir sa belle et bonne femme , et visiter sa terre. Si se partit de Gennes le vingtiesme jour de septembre, en l'an i/fo8, et monta sur la galée de la garde de Gennes. Et ainsi comme il alloit par mer, oûit nouvelles que quatre galées de Mores estoyent en son chemin. De ceste chose demanda advis aux vaillans hommes qui avec luy estoyent, et que il leur sembloit qu'estoit bon à faire. Et ils respondirent que il estoit presques nuict , et que ils conseilloient que il demeurast ceste nuict à Porto Morice, et que il envoyas!
DU MARÏSGHÀL DE BÔUCICA.UT. 1^5
tout coyement sçavoir où ils estoyent, et que le lendemain feist ce que bon luy sembleroit : mais que ils le prioient que sa personne descendist à terre, pour éviter tous périls. Car trop grand meschef adviendroit s'il avoit mal ne encombrier, dont Dieu deflfendre le voulust.
De tout ce que dict avoyent les creut le dict mareschai, excepté de descendre , et de ce ne les voulut escouter. De là ne se bougea. Si eut environ minuict nouvelles que iceulx Sarrasins estoyent en son chemin ancrez au plus près d'un chastel nommé Rocquebrune , ne semblant faisoient de s'en aller. Oiiyes ces nouvelles, quoy que chascun feist la chose moult périlleuse et doubteuse, pour ce que grand foison estoyent , le mareschal dit que pour ces Mores ne laisseroit son chemin : et se tourna vers ses gens, et comme en sousriant leur dit , « or y apperra de ce « que vous sçaurez faire, voicy bien à besongner. « Mais es fortes besongnes acquiert-on le grand hon- « neur. » Adonc pour leur aller courir sus prist à faire ses ordonnances.
Cinquante arbalestriers prist sur sa galée , et ordonna par la dicte galée les lieux où il vouloit que ses gens combatissent. Premièrement coste luy pour combatre en pouppe, feurent les principaux ceulx de qui les noms icy s'ensuivent , messire Choleton , le seigneur de Montpesat, Guillaume de Tholoigny , Pierre Castagne, messire Thomas Pansan , Genevois , et plusieurs autres gentils-hommes. Et pour combatre en proue feit mettre Jean de Ony, Macé de Rochebaron, le bastard de Varanes , le bastard d'Auberons , et plusieurs autres. Et au long de la galée ordonna Louys de Milly , accompaigné de plusieurs autres. Le matin
se meit en son chemin au nom de Dieu le mareschal , et droict sur l'heure de vespres arriva au lieu où les dicts Mores avoient reposé, mais partis s'en estoyent, et allez ancrer devant le port de Villefranque. Si teint vers là son chemin au plus tost que il peut, tant que trouver les veint, comme une heure devant soleil couchant. Et adonc par grand signe de hardiesse, faisant toute monstre de fier assault, courut à eulx , qui attendre ne l'osèrent. Et tant feurent effroyez , que ils coupperent à grand haste les cables, et laissèrent les autres. Et de tout leur pouvoir se meirent à fuir. Là feurent huez, en criant après, après, et tant feurent poursuivis que on les attaignit devant la ville de Nice après soleil couchant. Si furent durement envahis. Et là feut faict de moult belles armes , et moult s'y esprouva bien chascnn en droict soy.
Mais pource que long seroit à dire les faicts que chascun y feit, vous dis que l'œuvre loiie le maistre. Car de tel randon y feurent heurtez les dicts Sarrasins, qu'en la propre place où acconsuivis feurent mourut de eulx de quatre vingt à cent, que la mer jecta le lendemain à terre. Et iceulx taschoient de fuir, mais de si près estoyent requis qu'espace n'en avoient, et non pourtant se mettoient à deffence par grand vigueur, et aux nostres fort lançoient. Et ainsi toute nuict dura entre eulx l'escarmouche, où le traict fut si grand, que de la galée du mareschal feurent tirées sept grosses casses de viretons. Et le lendemain, ainsi tousjours escarmouchant allèrent jusques devant le chastelde Briganson, auquel lieu le mareschal veid la nuict. Et les Sarrasins se retirèrent en une isle qui est devant le dict chastel, et à la minuict se partirent secrètement, et teindrent leur chemin en Bar-
DU MÀRESCHÀL DE BOUCICAUT. ];h5
barie. Mais des leurs y perdirent plus de quatre cent hommes que morts que affolez , comme rapportèrent les Chrestiens qu'ils avoient pris , lesquels leur estoyent eschappez en la dicte isle. Et des gens du mareschal que morts que blessez y en eut dixneuf : mais moult estoyent lassez , et à bon droict , car cessé n'avoient de combatre ou escarmoucher une nuict et un jour.
Si teint son chemin le mareschal , et veint trouver le roy Louys à Toulon , qui moult grand chère et honneur luy feit, louant Dieu de la belle advanture qui advenue luy estoit. Et quand assez eurent esté ensemble , et devisé de leurs affaires et advantui es , le mareschal prit congé, et vers sa femme alla, qui à la plus grande liesse que son cœur pouvoit avoir le receut au chastel de Marargues, en plorant de joye.
