CHAPITRE IL

Cy dict de la dévotion que le mareschal a vers Dieu en œuvres de charité.

Al parler des mœurs et conditions du mareschal, après que nous avons racompté ses faicts. Tout premièrement dirons de la dévotion qu'il a vers Dieu, et commencerons à la vertu de charité : pource qu'elle est mère et souveraine des vertus, comme le tesmoingne sainct Paul. Il a telle dévotion à faire bien aux pauvres, et telle pitié a de eulx, que il faict enquérir diligemment où il y ait pauvres mesnaigers, vieulx et impotens, ou chargez d'enfans, ou pauvres pucelles à marier, ou femmes gisans , ou veufves , ou orphelins , et là secrètement très -largement envoyé de ses biens. Et ainsi par luy sont soustenus maints pauvres.

Et encores ne luy suffisent les aumosnes que il faict au pays où il est, ains pource qu'il sçait que à Paris y a maintes secrètes grandes pauvretez , y envoyé souvent très - grand argent pour employer en tels usaiges à gens qu'il commect à ce faire. Et est chose vraye, comme plusieurs gens le sçavent , que maints pauvres mesnaiges et maints pauvres impotens en ont esté reconfortez, et maintes filles mariées. Moult volontiers aussi ayde à secourir convens et églises , et faict réparations de chappelles et lieux d'oraisons. Si comme il appert en maints lieux , et mesmement à Sainct Innocent à Paris , auquel lieu par l'argent qu'il

l84 LIVRE DES FAICTS

a donne sont faicts les beaux charniers qui sont autour du cimetière vers ta drapperie, et aussi à Sainct Maximin en Provence , où. est le chef de la Magdelaine, a donné mille escus comptant pour faire une voulte sui lachappelleoùest lebenoist chef, et refaire la dicte ehappelle toute neufve : laquelle est faicte moult belle.

Volons i ers donne à pauvres prebstres, à pauvres religieux, et à tous ceulx qui sont au service de Dieu. Et à tout dire, jamais nefault à nul qui luy demande pour l'amour de Dieu. Et quand il chevauche dehors, volontiers donne l'aumosne de sa main , non mie un petit denier à la fois, mais très-largement. Si est seeourable et très-grand aumosnier par tout où il peut sçavoir qu'il y ait pitié, et par especial des bons. Car il aime chèrement tous ceulx qu'il peut sçavoir qui sont de bonne vie, et qui aiment et servent nostre Seigneur. Car comme dict le proverbe commun, «Chas- « cun aime son semblable. »

Mais pource que je sçay qu'en son noble sens , condition, et nature, n'a nul default, je me veulx excuser à luy si le cas advenoit que jamais ceste présente escriture veint en ses mains, pai quoy il feust aucunement troublé, si comme sont communément les bons quand ils oyent faire mention des biens que ils font pour Dieu, que de ce que j'en dis la vérité luy plaise n'y vouloir avoir aulcun desplaisir, ne m'en avoir aulcun mauvais gré. Car je ne le fais mie pour luy en donner vaine gloire, ains le fais en intention de donner bon exemple à tous ceulx qui en oiront parler, et qui ce présent livre liront et oiront. Car comme lés saiges théologiens le tesmoingnent , l'aumosne et le bien faict n'est conseillé à faire secrète-

DU MARESCHAL DE BOUCICAUT. ï85

ment , fors pource sans plus à ce que l'homme qui le faict n'y prenne aulcune vaine gloire, en monstrant sa bonté devant les gens. Mais quand l'homme est si parfaict, que pour bien, aulmosne, ou oraison qu'il face, soit en secret ou en public, point ne s'y glorifie, ains le faict simplement pour l'amour de Dieu, mieulx est qu'il le face devant les %rens , que en secret. La cause est , pour ce que il donne exemple à ceulx qui le voyent de faire bonnes œuvres.