CHAPITRE III

La reigle que le mares chai tient au service de Dieu.

Avec ce que le mareschal est très - charitable , il aime Dieu, et le redoubte sur tout, et est tres-devot. Car chascun jour, sans nul faillir, dict ses heures et maintes oraisons et suffrages de saincts. Et quelque besoing ou haste que il ait, il oit chacun jour deux messes très -dévotement, les genouils à terre. Ne nul n'oseroit parler à luy tandis qu'il est à ses messes , et qu'il dit son service, et moult dévotement prie Dieu. Et à brief dire, tant donne bon exemple de dévotion à ceulx qui le voyent, que grands et petits s'y mirent. Tant que tous les varlets de son hostel servent Dieu en jeusnes et dévotions, et se contiennent à l'église aussi devotieusement que feroient religieux. Et de tels y a qui ne souloient sçavoir mot de lettre, qui ont appris leurs heures, et soigneusement les disent. Et avec ce, comme tres-saige, et pourveu du bien de son ame,

(ainsi que tout bon Chrestien doibt vivre ainsi qu'il vouldroit mourir ,) il a fait son testament, et l'accomplit luy mesme par chascun jour. Et quand le mareschal faict son oraison , il fait tousjoui s sa pétition et demande à Dieu, soubs condition si c'est pour le mieulx, et que toutesfois quoy que il requière, comme homme fragile est désireux, que sa saincte volonté soit faicte. O qui Ta ainsi appris à prier ? Ce n'est mie venu de sapience humaine, ny de la chair, qui tousjours tire à sensualité : mais du Sainct Esprit, qui ainsi l'inspire.

Et de ceste manière avoir de Dieu prier ensuit bien la manière de Socrates, qui tant feut saige philosophe, que les anciens l'appelloient Oracle divin. Celuy disoit que on ne debvoit rien demander à Dieu immortel particulièrement : mais sans plus requérir son ayde généralement en ce que il sçait que le meilleur est. « Car, « ce disoit-il, Dieu sçait mieulx ce qui est profitable à « chascun, que nous ne pouvons sçavoir. Et souvent « nous demandons chose qui à avoir nous seroitdom- « mageable. Caria pensée des mortels, se disoit-il, est « enveloppée de très -espaisses ténèbres ; par quoy il « advient que elle eslargit ses demandes à ce que son « appétit désire *, pource que elle ne sçait congnoistre « son mieulx. Tu desires, dict-il, richesses, qui ont « esté cause de la perdition de plusieurs. Tu convoites « honneurs, qui sont cause de mortelle envie, et peu « durent. Tu imagines et desires royaumes , et sei- « gneuries , desquelles les yssuës sont et ont esté soute vent misérables. Tu desires et requiers nobles « mariages, et tesurhaulser en lignée : mais c'est sou- « vent destruction de famille et dévie seure par divers

« cas. Car qui plus se fiche auvent de fortune, plus est « dejetté. Ne t'amuse donc, dit-il, à telles prières, « mais te recommande simplement à l'acteur de toutes « choses, qui sçait mieulx ce qu'il te fault que toy mesme « ne fais, et mects toutes tes causes et faicts à son « arbitraige et volonté. » Si sont moult belles paroles venues d'un Payen , qui ne sçavoit rien de la loy de Dieu , et toutesfois par raison naturelle il confessoit une deité. Et avec luy bien s'accorde Juvenal au cornmencement de son quatriesme livre.

A propos des Payens, lesquels sans loy escripte eurent par raison naturelle congnoissance de Dieu, et des choses divines, est escript de Thaïes, qui fut l'un des sept saiges,que il respondit moult notablement quand on luy demanda, si Dieu sçavoit les faicts des hommes : « Oiiy, dit-il, et non pas les faicts seulement, mais « les pensées. De sorte que nous ne debvons pas seu- « lement vouloir avoir les mains pures , mais aussi a pures pensées, quand nous croyons la deité céleste « estre présente à nos secrètes cogitations. » Doncques si les Payens sans loy eurent congnoissance de bien faire pour l'amour d'un Dieu, que debvons nous faire entre nous Chrestiens qui avons vraye congnoissance de la loy par tant de sainctes Escritures, et qui sommes du collège de Jésus Christ, qui fut et est Dieu et homme? Si debvrions plus que autres estre punis si nous mesprenons. Et comme dit Boece en la fin de son livre de la Consolation, il nous est nécessaire d'estre bons, quand nous faisons tout devant le juge qui veoid et congnoist toutes nos œuvres , et qui nous payera selon les dessertes.

Aussi le mareschal a le jour du vendredy en grande

l88 LIVRE DES FAICTS

révérence. Il n'y mange chose qui prenne mort, ne vest couleur fors noire, en l'honneur de la passion de nostre Seigneur. Le sabmedy jeusne de droicte coustume , et tous les jeusnes commandez de l'Eglise , et pour rien nul n'en briseroit. Davantaige jamais ne jure nostre Seigneur, ny la mort, ne la chair, ne le sang, ne autre détestable serment,, ny le soufFriroit jurer à nul de son hostel. Et n'est pas besoing à ses gens que ils renient et maugréent , comme plusieurs font en France : car mal leur adviendroit, s'il venoit à sa congnoissance, et n'y a si grand qu'il n'en punist. Et mesmement en la ville de Gennes , et en toutes ses terres a mis ordonnance sur ccste chose, soubs peine de grande punition. Si qu'il n'y a si hardy qui de nostre Seigneur osast parler non deiïement, ne ouitrageusement jurer. Si y auroit bon mestier d'un tel gouverneur k Paris.

Outre cela il va tres-volontiers en pelerinaige es lieux dévots tout à pied en grand dévotion, et prend grand plaisir de visiter les sainctes places, et les bons preudes hommes qui servent Dieu. Si comme il afaict maintesfois la montaigne et la saincte place en Provence , où Marie Magdelaine feit sa pénitence, en laquelle a grande dévotion. Et en celuy lieu tout à une fois donna cinq cent francs comptant, pour avoir licts, et autres choses pour l'hospital aux pauvres, et pour héberger les pèlerins. Il aime moult chèrement toutes gens dont il est informé qu'ils meinent bonne et saincte vie, et volontiers les visite et hante.

Et quand il voyage aulcune part en armes, il faict défendre expressément , sur peine de la hart, que nul ne sort si hardy de grever église, ne monstier, ne

DU MAKESCHÀL DE BOUCICAUT. l8()

prebstre , ne religieux , mesmes en terre d'ennemis. Et ne souffre assaillir église forte, quelque bien ou quelque richesse que le pays eust dedans retirée, quelque famine ou nécessité qu'il ait. Et en ce demonstre bien tant sa dévotion comme sa non convoitise. Et de ce faict tout ainsi le pouvons recommander, comme faict Valere en son livre Scipion l'Afriquain ,dont ja plusieurs fois ay parlé en ce livre, que il loue moult pour ce que semblablement le faisoit. Dont il dit , que quand le dict Scipion eut pris Carthaige, il manda par toutes les citez de Sicile que chascun veint recongnoistre les ornemens de ses temples, lesquels Hannibal, qui avoit esté empereur d'Afrique et de Carthaige, quand il eut conquis Sicile, avoit là portez, si les rapportassent en leurs lieux. De laquelle chose , ce dict Valere , il demonstra tant son religieux couraige , comme sa non convoitise. Car il y en avoit de moult riches.