CHAPITRE VIL
Cj dit comment le mareschal parla sainement aux Genevois au conseil.
Le lendemain sans plus de demeure feurent tous les plus notables et principaux hommes de Gennes assemblez avec le mareschal à conseil. Et adonc parla à eulx par saige maintien, et en discrètes et rassises paroles leur dit comment le Roy son souverain seigneur l'avoit Jà envoyé à leur requeste , dont il les remercioit de la bonne opinion et fiance que ils avoient en luy , et que pour secourir à la désolation, en quoy ils estoient pour cause de ceux de mauvaise volonté qui estoient entre eulx, lesquels persecutoient les bons, estoit là envoyé afin de punir les mauvais, et les bons tenir en paix, et faire justice à tout homme. Pour laquelle chose accomplir vouloit forces avoir, et toute sa puissance sans nulle espargne y employer, à l'honneur du Roy et de luy , et au profit d'eulx. Et pource les requeroit et prioit que vrais et loyaux subjects voulussent estre tousjours au roy de France comme ils avoient promis, et que si ainsi le faisoient ils feussent seurs et certains que il les defendroit de
toute sa puissance , à l'aide de Dien > contre tous ennemis , maintiendroit justice, et en paix et équité les tiendroit, et à son pouvoir accrois troit le bien et utilité' publique. Mais au cas que il pourroit sentir , sçavoir ou appercevoir le contraire en eulx ou en aulcun d'eulx , et quelque machination d'aucune trahison ou forfaicture contre la royale majesté ou contre luy, que ils sceussent de vray et tous seurs se teinssent que il n'y auroit si grand que il n'en feit telle punition que les aultres y prendroient exemple , mais si preud'hommes et loyaulx subjects vouloient estre > que ils ne doubtassent point de luy. Et nonobstant que il feust estably leur gouverneur et chef, ne pensassent que il voulust envers eulx user d'arrogance ne maistrise rigoureuse , par voye de faict et à sa volonté. Car ce n'estoit mie son intention , ains vouloit estre avec eulx paisible comme citoyen et amy de Gennes, et user de leur loyal conseil, sans lequel rien ne pensoit d'establir ne faire chose quelconque touchant la police et gouvernement du pays.
Telles paroles et assez d'autres belles et bonnes leur dit le saige gouverneur, pour lesquelles, et pour son bel et honnorable maintien, reputerent et prisèrent moult son sçavoir, et tres-contents en feurent. Si le remercièrent moult, et offrirent corps et biens, et feauté et loyale obéissance, comme bons subjects du roy de France leur seigneur, et à luy son vicaire et lieutenant leur gouverneur. Apres ces paroles parlèrent de plusieurs choses. Et là luy feurent accusez les principaux conspirateurs et machinateurs de trahisons, et qui tousjours avoient esté cause de rébellion , et mesmes de tels y avoit qui luy estoient allez au
DU MAïlESCHAL DE BOUCICAUT. in
devant et faict la révérence de's Milan. Et par especial un nommé messire Baptiste Boucanegra , qui avoit traicté de faire occire tous ceulx qui estoyent à Gennes de par le Roy, et s'estait voulu attribuer la seigneurie de Gennes.
Iceluy Boucanegra et aucuns des autres ses complices des principaulx ordonna le gouverneur prendre. Lequel commandement feut tost exécute', dont celuy feut moult esbaby quand il veid mettre la main à soy de par le Roy et de par le gouverneur. Car pour la grande authorité dont il se reputoit ne pensoit que nul osast s'adresser à luy : mais tout ce rien ne luy valut. Mais le saige Gouverneur qui bien sçavoit que par delà les lignaiges s'entrehayent, et ont envie les uns sur les autres, ne voulut pas pour quelque accusation que on feist d'eulx leur garder rigueur de justice sans suffisante information de leurs faicts, laquelle fut faicte tres-diligemment, et bien feit examiner les dicts prisonniers. Lesquels après le rapport de la suffisante enqueste, et la confession de leur propre bou* cbe, feurent trouvez coulpables.
Pour laquelle ebose iceluy Baptiste, tant feust-il do grande auctorité, afin que les aultres exemples y preinssent, et deux aultres avec ]uy feurent décapitez en la place publique. Dont ceulx de la ville qui jamais ne l'eussent cuidé, pour le lignaige et authorité dont il estoit, feurent tous espouventez; et tant que chascun eut depuis peur de mesprendre : et mesmement les propres gens du gouverneur. Et moult redoubterent la rigueur de sa justice, parce que ils veirent et apperceurent que son intention estoit de ui'espargner nul malfaicteur quel qu'il feust. Car à
l8 LIVRE DES FATCTS
un de ses chevaliers propres feist-il trancher la teste pour cause que un de ces dicts prisonniers qu'il luy avoit commis à garder luy estoit eschappé.
Sicommencea à faire raison et justice à toute gent, et punition des mauvais selon ce que ils avoient desservy, sans espargner grand ne petit, ne quelconque homme de quelconque estât qu'il feust. A ceulx qui avoyent esté traistres et rebelles du roy de France et à sa seigneurie , faisoit publiquement trancher les testes , pendre les larrons et meurtriers, brusler les bougres, coupper membres selon les meflaicts, bannir les séditieux et mauvais, les uns à temps, les autres à perpétuité, selon que le cas le donnoit. Et aussi faisoit miséricorde et pardonnoit aux humbles et aux ignorans, quand leur cas estoit digne de pitié. Si faisoit comme le bon pasteur qui trie et sépare les bestes rongneuses d'entre les saines, afin que la maladie ne se prenne par tout, et ainsi que faict le bon médecin qui tranche la mauvaise chair de peur que elle empire la bonne. Si n'estoit favorable à nul par corruption, ne par quelconque familiarité tenir part ne bande. Et vrayement cestuy noble gouverneur ensuivant la voye de droicture et justice que il tenoit, sembloit que il feust appris à l'eschole de chevalerie que tenoient jadis les Romains, comme racompte Valere, qui dict que tant estroictement gardoient les règles de clroict, lesquelles règles Valere appelle discipline de chevalerie, que ils n'espargnoient point leurs affins (0 et parens, ne leurs plus prochains de les punir quand ils mesprenoient contre les dictes règles. La saincte Escriture compare le droicturier justicier à la vertu
C1) affins : parens , alliés.
DU MARESCHAL DE BOUCICAUT. ig
divine, et dict Salomon, « celuy qui n'espargnera juste tice sera donneur de paix et de tranquillité », c'est à dire que là où justice est bien gardée, là est paix et joye. Si feut depuis le saige et droicturier gouverneur si craint pour la grande justice que il tenoit, sans espargner le privé non plus que Testranger, ny le grand non plus que le petit, que chascun eut peur de cheoir en faulte. Àdonc commencèrent à venir de toutes parts les bons anciens et les nobles hommes qui paravant n'osoient venir ny habiter en la ville, et que les populaires et les robeurs et mauvaises gens qui ne vivoient fors que de pillerie et d'occisions les uns sur les autres avoient chassez. Si se retirèrent devers le gouverneur, faisans feste de son joyeulx advenement, et il les receut tres-benignement, et les mauvais qui coulpables se sentoient prirent à fuir et à eulx absenter et musser par destours. Mais par sus montaignes et par bois, comme on faict aux loups, et en leurs tasnieres et repaires feit chasser à eulx le prudent gouverneur, tant que ores par force et puis par cautele preint les principaulx chefs, et d'iceulx pour les autres espouventer feit justice.
