CHAPITRE VI

Cj ait comment le mareschal alla à Gennes , et v comment il y fut reccu.

Le mareschal qui eut par le Roy la commission et gouvernement de Gennes, comme dict est, appresta son erre (0 au plus tost qu'il peut. Et luy qui en toutes choses sçait estre pourveu , saigement considéra que avec le bon sens et advis qu'il convient avoir à bien gouverner les gens de delà , estoit aussi nécessaire pour reparer la ruine et descliéement du lieu , de s'ayder de force et de puissance contre les diverses volontez et contraires opinions qui par la division d'entre eulx communément y sont. Et pour ce par la volonté' du Roy se pourveut de bonnes gens d'armes,, en telle quantité comme par bon conseil eut advis que il luy convenoit. Quand tout son erre eust appreste, adonc preint congé du Roy et des seigneurs,

(0 Erre : chemin , voyage.

DU MA11ESCHAL DE BOUCICAUT. l3

Si se partit à belle corn pa ignée , adressant sa voye droict à Gennes, en allant par la cite' de Milan, laquelle dicte cité sied comme à deux journées de Gennes. Là arresta aucuns jours, tant que vers luy feurent arrivez belle compaignée de gens d'armes qu'il attendoit. Et en ce lieu luy veindrent au devant des principaux et des greigneurs de la cité de Gennes, qui humblement luy feirent la révérence, et grand semblant de joye feirent de sa venue. Les aucuns d'eulx par adventure le faisoient feintement, pource que ils veoient que la maistrise n'estoit mie leur : et les autres de bonne volonté estoyent de luy joyeux, et le desiroient, en espoir qu'il les meist et teint en paix, et reparast la ruine de leur cité : et le mareschal les receut tous tres-benignement.

Si se voulut informer, et ja avoit faict couvertement de plus longue main , lesquels d'entre eulx il pouvoit reputer pour preud'hommes, et en qui il se peust fier, et quels contents se tenoient de la seigneurie du roy de France, et quels estoyent amateurs de paix et d'équité. Et aussi se voulut-il informer quels estoyent séditieux et mettans discorde entre eulx, et rebelles à la seigneurie du Roy. Si fut de tout ce bien et suffisamment informé, par quoy il luy veint à congnoissance comment aucuns des plus grands et des plus notables de tous s'estoient voulu attribuer la seigneurie, et estoyent machinateurs de trahisons et de discorde, et par especial l'un d'eulx, si comme cy après sera dict. Quand il sceut des bons et des mauvais toute la vérité ne l'oublia mie , et bien leur sçaura monstrer en temps et en lieu.

De Milan se partit pour venir à Gennes, et au feur

l4 LIVRE DES PAICTS

qu'il alloît luy venoient nobles hommes citoyens et gens du peuple de toutes parts au devant, faisans feste quelque courage que les aucuns d'eulx eussent, et tous luy venoient faire la révérence, tant que tous bons et mauvais saillirent hors de la cité. Et ainsi entra dedans Gennes la veille de la feste de la Toussaincts, Fan de grâce mille quatre cent et un, où à grand joye feut receu. Si fut mené et convoyé à belle compaignée tant de gens d'armes comme des gens de la ville et du pays au palais, qui moult est bel et notable, et qu'ils avoient bien et bel et richement faict pour son estât ordonner , et pourveoir de toutes choses convenables. Si croy bien qu'il y en eut de tels que quand ils veirent son redoutable maintien , et la manière de sa venue , et comment il estoit accompaigné , que quelque chère que ils feissent n'estoient pas bien à seur ; car coulpables se sentoient. Mais les bons de rien ne s'en effrayèrent, ainçois plus asseurez feurent que devant. Car lors estoit venu celuy qui les defendroit contre les mauvais et contre tous ennuis.

Tantost qu'il fut arrivé feit faire commandement par toute la ville que tout homme de quelque estât qu'il feust rendist les armes, et les portast au palais, sans nulle retenir, soubs peine de la teste, et que nul ne feust si hardy de point en avoir, ne tenir en sa maison , ne porter couteau , fors à couper pain. Si leur conveint à ce obéir, quoy que il leur pesast. Or peurent à ceste fois congnoistre les Genevois que main de maistre les gouvernoit. Si veissiez incontinent porter au palais à grans presses harnois de toutes parts, dont moult en y avoit et grand foison de beaux et de

riches. Et le saige gouverneur les feit bien et bel mettre en sauveté , et les bien garder. Et aussi leur feit deffence sur la dicte peine que nul ne feust si hardy de tenir couteau, ne eulx assembler en parlement , en église , ne aultre part.